كل عام وانتم بخير صبايا 🌹🌹
بليز صبايا الي عندها خبرة تفيدني ..
انا والدة طبيعي الي اسبوع بالزبط ..وفكو كل القطب الخارجية وعند التغسيل اجلكم الله صرت احس انها مفتوحة واحس كمان بالغرز الداخلية!😢
هل هاد الوضع طبيعي ورح يرجع يسكر الجرح لحالو ولا لازم اتتقطب كمان مرة ؟!؟
والله كتير خايفة ونفسيتي زفت من هاد الموضوع بليز افيدوني صبايا 😓😢😢
العضوة: 99716 , 8 years ago
رفعالعضوة: 68998 , 8 years ago
لاتخافي.. انا كنت أتخيل هيك برضو بس الحمد لله كان الجرح تمام.. ممكن تروحي تطمني اكتر.. المهم حافظي على نضافه الجرح حتى ما يلتهب.. سلامتكالعضوة: 85752 , 8 years ago
@user-68998 شكرا الك ام الجوري 🌸 بس ممكن تفيدني اكتر ..يعني رح يلتئم الجرح من غير غرز رح تسكر منيح ويمسك اللحم مع بعض كمان مرة !؟؟ وشو ممكن استخدم عشان ما يلتهب الجرح علي ؟؟ اسفة على الاطالة ..بس انا بكرية على الولادة الطبيعية ولادتي الاولى كانت عمليةالعضوة: 68998 , 8 years ago
@user-85752 انت متأكدة انو الغرز فكت.. يعني كيف شفتيها؟ امسحي الجرح بالبولودين المطهر وبلاش مغاطس لانها بتخلي الجرح يطول لما يلتأم.. ولما تحسيه شاد عليك ويوجعك حطي كريم مضاد حيوي اسألي الصيدلية عنه بخفف الألم.. وبرضو لو تروحي عالمستشفى أو دكتوره بتطمني اكتر.. سلامتكالعضوة: 85752 , 8 years ago
@user-68998 الله يسلمك يا رب انا متاكدة للاسف انهم فكو لانه في البداية ما كنت احس انها مفتوحة بس من مبارح صارت توخزني اكتر حسيتها مفتوحة ونازل الخيط منها ..العضوة: 43234 , 8 years ago
@user-85752 سلامتك حبيبتي بس بدي اسالك.. كيف شفتي الفرق بين العملية والطبيعي مين اسهل.. احكيلي، كل اشي بالتفصيل لو سمحتي. كللللل اشيالعضوة: 85752 , 8 years ago
@user-43234 الله يسلمك حبيبتي ويقومك بالسلامة يا رب.. مشان الفرق بينهم صدقيني كلو متعب ومجهد بس العملية انو ما بتعاني خلال الولادة بس الوجع ببلش بعد الولادة بسبب الجراحة لحتى يلتئم والبنج كتير مقرف بضلي فترة مو قادرة تبلعي وما بتستطعمي بالاكل وممكن ضلك شهر لحتى تقدري تقومي بحالك .. اما الطبيعي رح تعاني خلال الولادة هي متعبة بس بترتاحي بعدها ..ويامكانك تاخدي ابرة الضهر لحتى تخففي من الم الولادة الطبيعية انا ما جربتها بس بسمع انها كتير بتريح وما بتحسي بوجع كتير .. انا نصيحتي الك انو تتوكلي على الله واتركيها لظروف ولادتك ازا الله كاتبلك طبيعي لا تقصري ..اما ازا حالتك ما بتسمح واضطريتي لعمية فتوكلي على الله ..اما في المقام الاول خلي الطبيعي اولى .. وبالنهاية كلو متعب بس رحمة ربنا الي بتخلصنا من هاد الوجع.. وبالنسبة الي عملت عملية في البداية لانها نزلت مية الراس قبل موعدها بكمن يوم اعطوني طلق صناعي وعانيت 24 ساعة لحتى يصير توسع ما صار فاضطرو لعملة لانهم خافو عالبيبي يعني انا اكلت الوجعين في الولادة الاولى 😢والحمد لله انتي ان شاء الله بتقومي بالسلامة يا رب ولا تفكري كتير خليها للظروف 🌹🌹العضوة: 43234 , 8 years ago
@user-85752 الله يسعدك حبيبتي لنا الي، 28 يوم والدة ولدت قيصري والسبب انه ما صار توسع عندي اعطوني طلق صناعي واكتر اشي توسع 3 الحمدلله الله كتبلي عملية وبس طلعوا بنتي لقوا الحبل السري لافف مرتينالعضوة: 85752 , 8 years ago
@user-43234 حمد الله عسلامتك يا قلبي وسلامة البيبي 😓🌹🌹 ان شاء الله صحة بنتك منيحة طيب وما صار عليها شي ..طمنيني وشو سميتيها ؟؟ انا هلا مشكلتي فتحو معي الغرز وبدي اراجع دكتورة وكتير خايفة ..ما صدقت وانا اطلع من المستشفى واخلص من هاد الهم 😭😢 يا رب فرجك 🌹🌹العضوة: 43234 , 8 years ago
@user-85752 الله يسلمك صحتها منيحة الحمدلله سميتها جوانا💗 انا عملولي العملية كبس سلامتك ليش فكت الخيوط؟؟العضوة: 85752 , 8 years ago
@user-43234 الله يخليلك ياها ويحفظها يا رب 💝 والله ما بعرف ليش فكو الغرز ..!!بس يمكن ما كانو ماكنات منيح او على الطرف ..هيك اتوقع ..!! الله المستعان😢😢العضوة: 43234 , 8 years ago
@user-85752 سلامات