العضوة: 728145 , 4 years ago

يسعد مساكم انا باخر الثامن والحمد لله في حملي الأول خلفت بأول التاسع طبعا تبخيره المرميه عظيمه عظيمه عظيمه اتبخري وين ما حسيتي الرحم فاتح وبدي أوصيكم حوامل بس تطلعي من الولاده وترتاحي اشربي علبه لبن رايب كثير كويسه وكمان اشربي حلبه انا بس اطلعت من الولاده لقيت جوزي واختو جايبين الي لبن والحلبه والله كل ما بذكر الحلبه وكيف سخونتها فاتت ع جسمي بدعي لاخت زوجي الله يوفقها

العضوة: 730087 , 4 years ago

رفع

العضوة: 153637 , 4 years ago

انا قصتي بولادتي الاولى ما اخذت التاسع كله تقريباً بس اسبوعين منه اذكر ذاك اليوم مشيت بدون ما اوقف ورجعت البيت العشا وتعشيت عادي واحس بالام دوره خفيفه جداً وكنت اكلم اختي وقتها واقولها شرايك اروح المستشفى😹قالت اذا على ابسط شي بتروحين عز الله لعبو فيك قلت خلص اجل ونمت ولا على بالي صحيت على ٤ الفجر رحت الحمام ورجعت بنام اول مارفعت رجلي بطلع السرير الا وتنزل المويا وانا اكلم نفسي وقتها معقوله سويتها على نفسي ؟؟ واروح للحمام مره ثانيه وكمان مستمره تنزل المهم جاني شعور غريب بس كانت الفرحه اكثر من الخوف بصراحه وصحيت امي وعطتني حليب مع عسل وقالتلي امشي وظليت امشي بالحوش وقالتلي لو رحنا الحين ماراح نلاقي احد خلينا لين الساعه ٨ وظلي امشي وتحركي ومشيت وجت الساعه ٨ الصباح ورحنا للمستشفى الطوارئ وقاست لي وقالتلي ٤ سانتي خلاص ولاده وانا مصدومه معقوله ؟😢😹وحطو لي التخطيط وعلى ماخلصت اوراقي واموري صارت الساعه ١٢ الظهر وطلعوني للتنويم وقعدت فيه وانتظر دوري والناس قاعده تولد وانا مافي اي شي جديد بوضعي قالولي لو ماجاك طلق طبيعي اليوم بنخليك لمدة ٢٤ ساعه بعدها نعطيك طلق صناعي ومرت ال ٢٤ وجاني الدكتور الصباح الساعه ٧ وقاسو لي ونفسه ماتغير ٤ سانتي وعطوني الطلق الصناعي عالساعه ١٠ تقريباً وبدا الالم معاي 😭وعالساعه ١٢ الظهر يوم الجمعه ولدت الحمدالله يارررب والحين انا على وجه ولاده ومادري ليش خايفه بس ان شاءالله ربي معاي ومثل ماتسهلت الاولى بتتسهل لي الثانيه باذن الله ودعواتكم اولد اليوم او بالكثير بكره😢تعبت

العضوة: 153637 , 4 years ago

المهم اللي بنصح فيه نفسي قبل لا انصح غيري خليك طبيعي وادعي والله الخوف والتوتر مايسوي شي ادري انه غصباً عن الوحده تخاف وترتبك بس الله معاك ادعي كثير واستغفري وحاولي ماتصرخي وساعدي الدكتوره عشان تساعدك بعد الله وان شاءالله انها تساهيل يابنات انا كل ما اخاف افكر بلحظة اللي بعد الولاده لما بشوف البيبي ولما ببشر اهلي واللي احبهم بهالخبر ويكفي السعاده اللي بعدها تحسينها وان شاءالله ربي معانا كلنا وتعدي مثل لمح البصر

العضوة: 123632 , 4 years ago

انا قصص ولادتي طويله وما افضل اني اكتبها بتملون لكن نصيحه للحوامل رددي لاحول ولا قوة الا بالله وياصمد وخليكي هاديه قد ماتقدري وربي يكتب لكم ساعه سهله جميعا

العضوة: 801782 , 4 years ago

الحمد لله على السلامة اهم شي في من يساندك وقتها

العضوة: 801782 , 4 years ago

الحمد لله على السلامة انا الان خامس حمل لي اثنين توفو في بطني وعندي اثنين بس حاليا خايفه رغم انه خضعت لعمليات تنظيف وكانت مستعصيه والجنين يكون لازق بجدار الرحم ويسو لي نحت واتعب بس الولاده عندي اهون من موت الجنين والعمليه

العضوة: 801782 , 4 years ago

كلامك ميه ميه صح عليك انا جلست قبل ست سنوات في المستشفى في بنتي ٣٨ يوم والحمد لله جت نورت على دنيا كانت حالتي جدا صعبه حتى على مسؤليتي ممنوع اطلع بس توكلت على رب العاملين والحمد لله تسهلت

العضوة: 801782 , 4 years ago

انا اكشن ههههه انا يمكن لو يدرون عني موسوعة سجلوني انا تنومت ٣٨يوم وحضرت فوق ٨٠ولاده كل يوم يجيبون اربع خمس يولدون وانا اطالع ويروحون وكل يوم يجون جدد وانا معمره بالمستشفى لين دخلت التاسع ولدوني. ههههه

العضوة: 194170 , 4 years ago

بسم الله عليك ليش نوموك كل عالمدة ؟ والله صبرتي الله يكتب لك الاجر حتى مو تنويم عادي بغرفة الولادة متنومة ياعمري عليك🥺

العضوة: 801782 , 4 years ago

كان عندي صديد بالبول ودم وصل نسبته ميه وطلق فاتح 5سم وانا بالثامن ولو ولدت هالوقت الطفله بتجي عميه ودخلوني وعلاجو مشاكل وعطوني ابرة الرئه وكل يوم أبر علاجات وقفو الطلق وضليت هالمده كلها لين راح الالتهاب والصديد وخلوني اخد اسبوعين من التاسع ولدوني

العضوة: 351969 , 4 years ago

@user-153637 حبيبتي هم سوولك شق عجان لو لا

العضوة: 153637 , 4 years ago

@user-351969 الا صار شق عجان وخيطوني