مرحبا يا أمهات ياجميلات ،
أول شيء أنا بكريه ولدت قبل إسبوع ٢٢ ربيع الثاني .. و ولدت بالأسبوع ٣٩
طبعاً قبل بيوم كان يوم الخميس وكنت طالعه عند أمي مع الأهل وماكان فيني أي بوادر ولاده ، ورجعت البيت ع الساعه ١ الصبح تقريبا و دخلت أنام ، حاولت أنام واتقلب مافيني اي نوم و ع الساعه ٤ تقريباً حسيت بصوت شي ينفك بداخلي رفعت نفسي الا اشوف الماي ينزل لتحت توترت شوي وحاولت أهدأ نفسي (كان الماي مرا قليل وبدون اي ألم ) دخلت الحمام وغيرت ملابسي وصحيت زوجي يوديني المستشفى وكلمت أمي قالت روحي تطمني .. رحت المستشفى وكشفت علي قالت فاتح ٢ سم وتقول لسه هذي بداية طلق ورجعت البيت كنت خلاص ماعندي طاقه فيني النوم وبدأ عندي ألم خفيف قررت أنام بس ماقدرت وبعدها بساعه زوجي طلع دوامه وبدأ الألم يزيد وضليت فيني الطلق بإنتظام للساعه ٢ الظهر قلت أخاف اروح يكون مو فاتح وارجع .. ع الساعه ٢ زاد الألم كلمت بنت خالتي وجتني ع طول ورحت المستشفى ودخلت و كشفت قالت ٦ سم خلاص ولاده وطلعتني فوق لقسم الولاده كان كل شي جديد علي وأنا من النوع اللي مايسأل كثير بس ماخليت شئ إلا وسألت عنه 😹 والقسم كان بارد كثير لدرجة أرتجف ، عطتني إبره شرجيه ودخلت الحمام وركبت المغذي وقالت لي إذا حسيتي بشي يدفع او تبي تروحي الحمام قولي لي و دقايق قليله وأحس بشي يدفع بس ماعرفت وش هو قلت للمرضه قالت لي اللحين جايه الدكتوره وجاني مرا ثانيه بشكل اقوى وجت الدكتوره وكشفت قالت خلاص بس تحسي بالدفع أدفعي وقوموني ع غرفة الولاده .. و كان كلما تجيني الطلقه أدفع بس الدكتوره تقولي دفعك مو اوكي ادفعي اكثر ع تحت وعانيت مو قادره أدفع لأن الطلق كان بارد حطولي إبره وصار يزيد شوي وصرت أقدر أدفع يمكن دفعت والمره الثالثه طلعت بنوتتي وإسمعت صوت صياحها وحطوها بحضني 😻 شعور ماينوصف الله يرزق كل محروم يارب و يحفظ ضنانا يارب 🙏💖
وسميت بنوتتي جود الله يحفظها لنا يارب ويسهل ع الباقي ..
العضوة: 46619 , 9 years ago
ماشاءالله تبارك الله الحمدلله على سلامتك ربي يخليها لك ويسهل على كل الحوامل ولادتهم❤️❤️العضوة: 20198 , 9 years ago
مبارك م جاك ي قلبيالعضوة: 22882 , 9 years ago
الف الحمدلله على سلامتك ♡العضوة: 31092 , 9 years ago
ماشاءالله تبارك الله الف الحمدلله ع سلامتك والف مبروووك ،، عاشت الاسامي تتربى ف عزكم ياربالعضوة: 33051 , 9 years ago
الحمد لله على سﻻمتك وسﻻمة البنوتة تتربى بعزكم ويرزقكم برهاالعضوة: 20881 , 9 years ago
الحمد لله على سلامتك اختي الله يرزقنا ولادة سهلة ادعيلنا، ما شاء الله عليك و على بنتكالعضوة: 47272 , 9 years ago
مبارك ما اجاكي وتتربى بعزكم ودلالكم يا ربالعضوة: 23674 , 9 years ago
ما شاء الله ربي يحفظها ان شاء اللهالعضوة: 31660 , 9 years ago
الف مبروك والحمدلله على سلامتك وسلامة جود😘😘 تتربى بعزكم يارب ويرزقكم برها ويجعلها من مواليد السعادة يارب🌹العضوة: 7479 , 9 years ago
ماشاء الله الف مبرووك والحمدلله على سلامتكم وعقبالنا تكون ولادتنا سهله وميسرهالعضوة: 46879 , 9 years ago
حمدلله على السلامه والف مبروك ماشاءالله تبارك الله عقبالي ي رب دعواتكم لي مخلصه شهري من 8ايام 😫😥انتظر ساعة الفرج من رب العالمين الله يحفظ لي جنيني ويجي بخير وسلامه 😥العضوة: 22066 , 9 years ago
الحمد لله على سلامتك اسم جود حلو كثير تتربى فعزك انت و أبوها انشاء اللهالعضوة: 32940 , 9 years ago
الف مبروك ياعمري يتربا بعزك ودلالك الحمدلله علا سلامتك 😙😙😙العضوة: 32940 , 9 years ago
السلام عليكم أخواتي بلله انا حاطه موضوع أتمنى تدخلو أو ماتبخلوالعضوة: 40957 , 9 years ago
الف الحمدلله على سلامتك ♡