سلمكم الله انا من حوامل مايو ٢٤.. عندي بنت عمرها ٣ سنوات ولادتها طبيعي بابرة ظهر صحيح جلست بالولادة ٣ ايام وبالنهاية شفط بس ذكريات ولادتها جميييلة لاني ماحسيت بالتعب كثير بسبب الابرة كانت مرييييحة جدا.. نجي لقصة ولادتي الثانية.. يوم الاثنين الصباح الساعة ٧ كنت نايمة مع بنتي بأمان الله .. بس كنت وانا نايمة احس بثقل مووو طبيعي من تحت ما اقدر اتقلب.. فجأة حسيت اني ابي ابول الله يكرمكم.. وقفت الا الشي اللي نزل مني فكرته بول واستحييييت .. جنبي فوطتي كنت متروشة الليلة اللي قبلها والحمدلله معلقتها قريب مني سحبتها ومسحت نفسي وحطيتها بين رجولي ماكنت ابي اوسخ فرشة الغرفة لاننا نصلي فيها.. رحت دورة المياه الا اكتشفت ان اللي نزل موية البيبي ومعاها افرازات السدادة وشوييية دم.. عرفت الموية لانها برضو نزلت علي في بنتي.. رحت اتصلت بزوجي يرجع من الدوام مشواره ساعة وربع تقريبا.. وبهالوقت جمعت باقي اغراضي اللي احتاجها كنت مجهزة الشنطة من اول بس شوية اضافات.. طبعا لبست فوط صحية لان الماء حتى لو وقف يرجع ينزل بدفعات.. وبهالوقت سشورت شعري بالسيراميك عشان يكون شكلي مرتب.. وحطيت بنتي عند الشغالة ووصيتها ماتقول لاحد اني رايحة ولادة.. جا زوجي ورحت المستشفى وكان بادي طلق خفيييف.. وصلت ع ٩ الصباح.. على طول الاسعاف قلت لهم نزلت الموية طلعوني للولادة بدون كشف.. جات الدكتورة كشفت قالت فاتح واحد ونص بس الطلق بااارد نحط لك تحميلة طلق صناعي لان الرحم سمييييك جدا نسبة الليونة ٢٠٪.. خذت الطلق الصناعي وبدا يحمى الطلق اكثر الى الساعة ٥ المغرب كشفت قالت لسه متوسع ٢ سم.. وقاسي.. ننتظر عليك .. الى الساعة ١٠ بالليل مافتح الا ٣ .. قالت خلاص طلق صناعي بالوريد لان مفعول التحميلة راح ورجع الطلق بااارد.. وبعد مايحمى الطلق وينتظم لمدة ساعة راح نحط لك ابرة الظهر لانها ماتنحط الا بعد انتظام الطلق.. فعلا اخذت الطلق الصناعي على ١٠ الساعة ١١ طلبت ابرة الظهر قالوا باقي ننتظر.. والطلق حاااامي بس عنق الرحم لسه قاسي بنسبة ٦٠٪ .. والتوسع ٣ مازاد.. وانا طول الوقت اكرر الاية.. ( أمن يجيب المضطر اذا دعاه) .. على الساعة ١ ونص بالليل جاء دكتور التخدير يحط لي الابرة وانا أمني نفسي بالراحة بعدها.. ركب لي الابرة وانا مبسووووطة بس المفاجأة حسيت تخدر بالجهه اليمنى بس الجهه اليسرى الالم نفس ما هو ماتخدرت..!!! ناديت الدكتور وقلت له زاد نسبة التخدير وقالي نامي ع اليسار ربع ساعة واذا ماتخدر هذا اقصى شي اقدر اسويه لك..!! سويت مثل ماقال وأبد الالم نفس ماهو.. واجلس بالطلق حاااامي كل طلقة ١٢٠+ .. وبينهم دقيقتين تقريبا.. والالم شدييييد.. احاول ما اصرخ بس اجباري تطلع الصرخة.. ومع الطلق اسوي تمارين التنفس فادتني كثيييير.. وتجي تقيس التوسع بطيييء .. الى خمسة الصباح فتح ٥ سم يارب لك الحمد.. وبدا الطفل يدفع نفسه مع الطلق وهم يقولون لاتدفعين بس انا اجباري ادفع لانه هو يدفع نفسه.. والقابلة تقول كذا يضعف النبض.. ساعات صعبة .. من ٥ سم الى ١٠سم تقريبا ساعة بسرعة فتح.. وكان عنق الرحم لين من الطلق الصناعي بالوريد .. وراح مفعول ابرة الظهر كنت احس بكل شي.. بس ان شاء الله على اجر.. الساعة ٦ الصباح كانوا يقولون ادفعي مع كل طلقة.. لان راس البيبي صحيح متوجه تحت بس انه مرتفع فوق عن الحوض يبغونه يكون قريب .. ومع تمارين التنفس والدفع كان ينزل شوووي شووووي.. نيموني على جنب عشان ينزل بسرعة.. واستمر التعب والشد والدفع الى الساعة ٨ الا ربع كان الطفل خلاص قريب وانا انهكت بس ادفع عشان حبيبي يطلع بسرعة والكل يشجعني .. والحمدلله تيسرت وولدت ع خير.. وبعده الخياطة لانهم وسعوني بشق العجان وزن البيبي كبير بسم الله عليه ٣٨٠٠ جرام.. بعدين شالوا ابرة الظهر اللي ما استفدت منها للاسف.. واستمريت بالقسطرة ٦ ساعات.. بعد ساعتين من الولادة طلعوني ع غرفتي وارتحت الحمدلله .. صحيح ليلة صعبببة بس الحمدلله عدت ع خير والحين طيبة والبيببي بخير هذا اهم شي وكل شي بأجره.،
نصيحتي لكل وحدة تعلمي تمارين التنفس وقت الطلق ووقت الدفع تلقينها باليوتيوب رولا قطامي.. اكثر شي فادني بالولادة التنفس.. حاولي تاخذين كمام او ابرة الورك.. مفعولهم اضمن بالتخدير.. ابرة الظهر ممتازة لو جابت مفعولها صح مثل ولادتي الاولى .. لكن بالثانية ماكان شاطر الدكتور فيها لكن ماضرتني الحمدلله .. وقت الدفع وخروج البيبي لاتصرخين لانه هذا اللي يتعبك ويصعب ولادتك .. خذي نفس عمييق واكتمي النفس وادفعي على تحت بأقوى ماتقدرين مرررة ممتاز ويسهل عليك ..
طولت عليكم ويمكن سببت رعب للبعض بس الحمدلله السهالة من ربي وبالاخير دام الكل بخير يهووون.. الله يسهل لكم جميعا..
العضوة: 24534 , 9 years ago
الحمدلله عالسلامة يا عمري كفارة ان شاء الله بس شو سبب سمك عنق الرحم عندك ما دام ولادتك ببنتك كانت سهله ...معقول لانك باعدتي بين الحملين ..وهل كنتي مستعمله لولب @user-21582العضوة: 52845 , 9 years ago
مبروووك ماجاك والحمد لله على سلامتك فعلا تمارين التنفس جميله جدا وتولدك بسرعهالعضوة: 21582 , 9 years ago
@user-24534 ولادتي ببنتي نفس الشي الرحم سميك بس ابرة الظهر ريحتني وكان يتوسع بالراحة بدون ألم.. لو ماكنت ماخذة الابرة كان عانيت.. ما استخدمت لولب لأني احمل بالمنشطات..العضوة: 53499 , 9 years ago
حبيباتي ابغى اسأل أي مستشفيات جده يسوو ابره الظهر للولاده الطبيعي سألت بكذا مستشفى ماوافقوالعضوة: 53497 , 9 years ago
الحمد لله ع سلامتك انا خلصت التاسع وعندي تقلصات من اسبوع قوويه رحت مستشفى الولاده قالو 3 ونص فاتح بس روحي بيت اذا زاد تعالي انتي ولاده قريب يوم يومين بس .. ودكتورتي رحت لها قالت لا بس 2 ونص مفتوح من قال 3 ونص لو كلامهم صحيح مايطلعونك كان ع طول ولاده .. تعبت نفسيا مدري من اصدق وتعباانه يارب هون علي وسهل ولادتيالعضوة: 53497 , 9 years ago
هذا ثاني طفل بنتي عمرها 4 سنوات وكانت ولادتها بالاسبوع 41 بس جددددا سهله سبحان الله مع ان اول وحدهالعضوة: 21582 , 9 years ago
@user-53499ما ادري والله ياريري.. عندنا بالشرقية كل المستشفيات الخاصة تسويها للطبيعي..العضوة: 21582 , 9 years ago
@user-53497 اتوقع كلام دكتورتك الصحيح فعلا لو ثلاثة ونص على طول بيدخلونك ولادة.. الله يسهل عليك ما اتوقع تطولين كثير