السلام عليكم صبايا...
احكيلكم قصة ولادتي على السريع 💪🏻..
اول حاجه اخر دوره معي كانت ٢٢/٧ ميلادي
كان عندي آلام بسيطه جدا تجيني كل ليلة وانا نايمه ..في تاريخ ٦ قبل يومين يعني ..بدأت معي آلام الساعة ٣ الفجر كل ما غمضت عيني إجاني طلق..طنشت الموضوع قلت اكيد هذا مثل كل مره ..
رحت الحمام اكرمكم الله صار معي اسهال ومغص قوي..طنشت مره ثانيه قلت يمكن من العشا اللي أكلته ..الالم كان ما يتوقف ..وصلت الساعة ٦ بعدها ٧ رحت اغسل ملابس وافطر وارتب وأنظف لاني بعد قلت اكيد انا ما بولد اليوم
رحت الحمام مره ثانيه الا أشوف دم نزل مني 😰..السداده نزلت..هنا بدأ الخوف ..تجهزت ورحت المستشفى فحصوني الممرضات حصلوا الرحم فاتح ٨ 😳..ما شاء الله..انصدمت أقولهم معقولة؟؟! وهم يضحكوا علي 😂😫..المهم بطلوا ماء البيبي عشان تزيد الطلوق..بعد اقول يمه سااخن الماي بحيره نزلت ..وجلست أسولف وافرفش واضحك..وأقرأ قران واذكر ربي واكل تمر ..الساعة ١٠ و ٤٠ دقيقة حسيت كأني اريد اروح الحمام الله يكرمكم..ناديت عليهم فحصتني قالت راس البيبي تحت 😢😭..وبدا الرعب رغم محاولتي لتهدأة نفسي،،بدأت بالدفع ولما ارتاح الممرضة تمزح معي وتضحك وانا اضحك وقت الولادة 😂 رغم قوة الالم،،والحمدلله بين كل طلقة اكثر دعاء وأذكار هذا اللي ساعدني..
الساعة ١١ خرجت بنتي حبيبتي على الدنيا وحضنتها ..بس بعدها بدأت المرحلة الاصعب اللي هي الخياطة 😫😭😭..مهما أُوصِّف وجعها ما اوفي حقها..صار معي جرحين واحد هم قطعوه والثاني تمزق لوحده..خذت الخياطه مدة سااااعة كاامل 😢💔..اخر شي بكيت ما استحملت..والحين اعاني من الحركه ما اقدر أتحرك كثير..والحمدلله على كل حال...ربي يسهل على البقية يااا رب وتكون ولادتكم ميسره❤️
العضوة: 24328 , 9 years ago
الف مبروك والحمدلله ع سلامتكالعضوة: 22324 , 9 years ago
ماشاء الله ﻻ قوة اﻻ بالله الحمدلله على سﻻمتك وسﻻمة البيبي 😍😍العضوة: 27893 , 9 years ago
ماشاء الله الحمدلله عسلامتك وسلامة البيبي يتربى بعزكن 🌸 🌹 وسلامتك الله يخفف عنكالعضوة: 64583 , 9 years ago
ألف مبروك والحمدلله ع سلامتكالعضوة: 68835 , 9 years ago
الحمد لله على سلامتك و مبروك ما جاك. ليش ما حطو مخدر وقت الخياطة؟العضوة: 80458 , 9 years ago
الحمدلله على سلامتك ومبروك ماجاك سلامتك ماتشوفين شررر 😢 ياجماعة الي تولد طبيعي لازم فيه خياطه يعني؟ 😢😫