السلام عليكم صبايا...
احكيلكم قصة ولادتي على السريع 💪🏻..
اول حاجه اخر دوره معي كانت ٢٢/٧ ميلادي
كان عندي آلام بسيطه جدا تجيني كل ليلة وانا نايمه ..في تاريخ ٦ قبل يومين يعني ..بدأت معي آلام الساعة ٣ الفجر كل ما غمضت عيني إجاني طلق..طنشت الموضوع قلت اكيد هذا مثل كل مره ..
رحت الحمام اكرمكم الله صار معي اسهال ومغص قوي..طنشت مره ثانيه قلت يمكن من العشا اللي أكلته ..الالم كان ما يتوقف ..وصلت الساعة ٦ بعدها ٧ رحت اغسل ملابس وافطر وارتب وأنظف لاني بعد قلت اكيد انا ما بولد اليوم
رحت الحمام مره ثانيه الا أشوف دم نزل مني 😰..السداده نزلت..هنا بدأ الخوف ..تجهزت ورحت المستشفى فحصوني الممرضات حصلوا الرحم فاتح ٨ 😳..ما شاء الله..انصدمت أقولهم معقولة؟؟! وهم يضحكوا علي 😂😫..المهم بطلوا ماء البيبي عشان تزيد الطلوق..بعد اقول يمه سااخن الماي بحيره نزلت ..وجلست أسولف وافرفش واضحك..وأقرأ قران واذكر ربي واكل تمر ..الساعة ١٠ و ٤٠ دقيقة حسيت كأني اريد اروح الحمام الله يكرمكم..ناديت عليهم فحصتني قالت راس البيبي تحت 😢😭..وبدا الرعب رغم محاولتي لتهدأة نفسي،،بدأت بالدفع ولما ارتاح الممرضة تمزح معي وتضحك وانا اضحك وقت الولادة 😂 رغم قوة الالم،،والحمدلله بين كل طلقة اكثر دعاء وأذكار هذا اللي ساعدني..
الساعة ١١ خرجت بنتي حبيبتي على الدنيا وحضنتها ..بس بعدها بدأت المرحلة الاصعب اللي هي الخياطة 😫😭😭..مهما أُوصِّف وجعها ما اوفي حقها..صار معي جرحين واحد هم قطعوه والثاني تمزق لوحده..خذت الخياطه مدة سااااعة كاامل 😢💔..اخر شي بكيت ما استحملت..والحين اعاني من الحركه ما اقدر أتحرك كثير..والحمدلله على كل حال...ربي يسهل على البقية يااا رب وتكون ولادتكم ميسره❤️
العضوة: 14285 , 9 years ago
@user-33853 الله يسلمكم حبيباتي ايه حبيبتي كنت في منتصف الاسبوع ٣٧العضوة: 14285 , 9 years ago
@user-53687 بنجو بس ولا كأنه فيه بنج 😢العضوة: 14285 , 9 years ago
@user-41762 ما عملت شي حبيبتي هي جات من الله 😅 بس كنت اعمل تمارين القرفصاء وطالعه نازله الدرج بس هذا كان قبل لا يجيني الطلق اول ما دخلت التاسع اعمل تمارينالعضوة: 14285 , 9 years ago
@user-37908 احنا مستعجلين😂😂العضوة: 35716 , 9 years ago
ماشاء الله ﻻ قوة اﻻ بالله الحمدلله على سﻻمتك وسﻻمة البيبي وجعلها الله لكم من الصالحات ورزقكم الله برها يارب العالمينالعضوة: 14285 , 9 years ago
@user-50397 الله يسلمك قلبي صار عندي تمزقات عميقة عملولي بنج وكمام بس ولا كأنه ما ادري ليش😭 ايه استخدم الحين مرهم ميبوالعضوة: 14285 , 9 years ago
@user-47023 فيه حبيبتي بنج بس انا لانه عندي تمزقات عميقة جدا مو بس الشق اللي عملوه عشان كذا كان وضعي صعب اما الولادة كانت احلى شي بصراحهالعضوة: 14285 , 9 years ago
@user-22587 حبيبتي اعملي تمارين استرخاء بترتاحي الله يسهل عليك قلبي حاسه فيك 😢العضوة: 14285 , 9 years ago
@user-35716 الله يسلمك حبيبتي مشكوورة ❤️😘العضوة: 16097 , 9 years ago
@user-14285 الحمدلله على سلامتك وتربى بعزكم وتقومين بسلامة موعد دورتك بلهجري كم ؟العضوة: 55828 , 9 years ago
الحمد لله على سلامتك عقبالنا نقوم بالسلامةالعضوة: 14285 , 9 years ago
@user-16097 ما اعرف احسب بالهجري 🤦🏻♀️..بس تقريبا كان نهاية شوالالعضوة: 57564 , 9 years ago
الحمدلله على سلامتك ياقلبي ومبروك ماجاك طبيعي الفتره ذي تحسي بالم الخياطه ولا تقدري تتحركي الجرح راح يلتمالعضوة: 57564 , 9 years ago
انا ولدني البرنامج وانا باقي صامده بس اليوم بروح المستشفى اشوف دعواتكمالعضوة: 57564 , 9 years ago
حطي مرهم ميبو على الخياطه واجلسي في ماء دافي وملح واهم شي التجفيف بعد الحمام وخليك دايم لامه رجولك على بعض وبين فتره وفتره امشي عشان ماتنشد الخياطه