السلام عليكم صبايا . انا مبارح نزلت بوست انو عندي سكري حمل ولازم اول على الاسبوع ال38 عشان بنتي ماتضرر . الحمد لله رب العالمين وبتوفيق من الله عز وجل ولدت بتشكر كل وحدة دعتلي حتى لو بقلبها .❤ بس انا مصرة اني انزل البوست هاد مع اني والله تعبااااااانة كتير عشان افيد الصبايا الي عندهم سكري حمل متلي ووضعهم مابتحمل لبعد الاسبوع ال38 عشان انصحهم لوجه الله تعالى. . اليوم دخلت طبعا ماعندي اي بوادر ولاده حطولي تحرض ولادة طلق اصطناعي تحميلة الدكتورة حرام حكتلي 7 احتمالات انو ممكن نعمل عملية واحتمال انو الولادة تكون طبيعة لاانو وزن البيبي ماتعدى ال3 و وممكن اولد طبيعي انا لاانو بكرية وعمري 27 حابة اجيب خلفة ورى بعض حكيت لابدي اجرب الطبيعي. وحطولي طلق اصناعي وحكيت يامسهل يارب . صح انو الطبيعي ارحم من العملية بس انا مارعيت انو مقابل احتمال واحد اولد طبيعي في 7 احتمالات اولد قيصري . . بعد 4 ساعات من الطلق الاصطناعي والطلق كان شغال 100% وجع الله وحدة اعلم في نبض البيبي نزل ومع كل هالوجع ماصار عندي توسع غير 1سم اصبع وانا داخلة عليهم بس فحصتني عندي 4 سم اول مانزل نبض البيبي على طول ماستنو وطقو مية الراس . وحكولي عمليات بسررررعة . دخلا العملية الحمد لله وولدت بنج كامل صح انا هلا تعبانة من العملية وتعبانة كتير بس ندمانة انو ما دخلت عمليت من الاول واختصرت على حالي وجع تحريض الولادة لاانو لهلا ضهري بوجع من الطلق اكلت ولادتين بولادة طبيعي وبلااخر عملية الحمد لله . الي بدي احكي صبايا ازا الدكتورة اعطتك احتمالات او حكتلك الافضل عملية لاتنحي متلي ووكلي امورك لرب العباد هو بصير خبير فيكي صح للعملية متعبة بس تاخدي وجع عملية لحالها ولايصير فيكي متلي تجربي الولادتين بولادة وتهلكي انت وضري طفلك لاسمح الله . اسفة على الاطالة بس حبيت انصحكم لوجه الله تعالى .