6 years ago
  • ما قبل الحمل
ﺍﻟﻘﺼﻪ ﺣﻘﻴﻘﻪ .. ﻟﻜﻦ ﻻ ﺍﺳﺘﻄﻴﻊ ﺗﺤﺪﻳﺪ ﺍﻟﻤﻜﺎﻥ ﺍﻭ ﺍﻟﻤﺤﺎﻓﻀﻪ .. ﻃﻠﺒﺎ ﻣﻦ ﺻﺎﺣﺒﺔ ﺍﻟﻘﺼﻪ ﺣﻔﺎﻇﺎ ﻋﻠﻰ ﺍﻟﺨﺼﻮﺻﻴﻪ .. ﺍﻟﻘﻠﻢ ️✍ ﺍﻟﺞ ﺣﺒﻲ .. ﻣﺮﺣﺒﺎ ﺍﺳﻤﻲ ﻣﻬﺎ ﻋﻤﺮﻱ ﺣﺎﻟﻴﺎ 20 ﺳﻨﻪ .. ﻛﻨﺖ ﻃﺎﻟﺒﻪ ﺳﺎﺩﺱ ﺍﻋﺪﺍﺩﻱ .. ﻃﺒﻌﺎ ﻗﺒﻞ ﻛﻮﻟﺸﻲ ﺧﻠﻮﻧﻲ ﺍﻋﺮﻓﻜﻢ ﻋﻦ ﻋﺎﺋﻠﺘﻲ ﺍﺑﻮﻳﻪ ﻋﻨﺪﻩ ﻣﺤﻞ ﻣﺎﻝ ﺣﻠﻮﻳﺎﺕ ﻭﻣﻮﺍﺩ ﻏﺬﺍﺋﻴﻪ ﺑﺴﻴﻄﻪ ﻣﻄﻠﻊ ﻣﺤﻞ ﻣﻦ ﺍﻟﺒﻴﺖ .. ﻭﺍﻣﻲ ﺭﺑﺔ ﺑﻴﺖ .. ﻳﻌﻨﻲ ﻧﺎﺱ ﻉ ﮔﺪ ﺣﺎﻟﻬﻢ .. ﻋﻨﺪﻱ ﺍﺥ ﻭﺍﺣﺪ ﻭﺍﺣﻨﻪ ﺳﺒﻊ ﺑﻨﺎﺕ .. ﺍﻣﻲ ﺳﻮﺗﻨﺎ ﻭﺍﺣﺪ ﻓﻮﮒ ﺍﻻﺥ ﻋﺒﺎﻟﻬﻪ ﻳﺠﻴﻬﺎ ﻭﻟﺪ ﻭﺗﺎﻟﻲ ﺳﻄﺮﺗﻨﺎ ﺳﺒﻌﻪ ﺍﻧﻲ ﺍﻟﻮﺳﻄﺎﻧﻴﻪ ﺑﺄﺧﻮﺍﺗﻲ .. ﺍﺧﻮﻳﻪ ﺭﺿﺎ ﻣﺘﺰﻭﺝ ﻭﻋﻨﺪﻩ ﺍﺛﻨﻴﻦ ﺑﻨﺎﺕ ﻭﺍﺧﻮﺍﺗﻲ ﺛﻼﺛﻪ ﻗﺒﻠﻲ ﻫﻢ ﻣﺘﺰﻭﺟﺎﺕ ﻭﻋﻨﺪﻱ ﺛﻼﺛﻪ ﺍﺻﻐﺮ ﻣﻨﻲ .. ﺑﻴﺘﻨﺎ ﺻﻐﻴﺮ ﻭﻣﻦ ﺗﺰﻭﺝ ﺍﺧﻮﻳﻪ .. ﺍﺧﺬ ﻏﺮﻓﻪ ﻭﺑﻘﻴﻨﺎ ﻛﻮﻟﻨﺎ ﺑﻐﺮﻓﻪ .. # ﺷﻤﺲ ﻣﺎﺍﻭﺻﻠﻔﻜﻢ ﺍﻻﺯﺩﺣﺎﻡ ﺍﻟﻲ ﺑﺎﻟﺒﻴﺖ .. ﻟﻬﺬﺍ ﺍﻫﻠﻲ ﻋﺒﺎﻟﻚ ﺑﺲ ﻳﺮﺩﻭﻥ ﻳﺨﻠﺼﻮﻥ ﻣﻨﺎ .. ﻛﻞ ﻭﺣﺪﻩ ﺗﺠﻴﻬﺎ ﻗﺴﻤﻪ ﻳﻨﻄﻮﻫﺎ .. ﺣﺘﻰ ﻣﻦ ﻏﻴﺮ ﻣﻴﺴﺌﻠﻮﻥ ﻋﻦ ﺍﺻﻠﻪ ﻭﻓﺼﻠﻪ .. ﺗﺰﻭﺟﺖ ﺍﺧﺘﻲ ﺍﻟﻜﺒﻴﺮﻩ ﻧﺴﺮﻳﻦ ﺍﻟﻮﺍﺣﺪ ﺍﻛﺒﺮ ﻣﻨﻬﺎ ﺑﻌﺸﺮ ﺳﻨﻮﺍﺕ .. ﻭﺍﺧﺘﻲ ﺷﻴﺮﻳﻦ ﺍﻟﻮﺍﺣﺪ ﻣﻄﻠﻖ ﻭﻋﻨﺪﻩ ﺍﻭﻻﺩ .. ﻭﺻﺎﺑﺮﻳﻦ ﺍﻟﻲ ﻫﻲ ﺻﺪﻳﻘﺘﻲ ﻣﻮ ﺑﺲ ﺍﺧﺘﻲ ﻻﻥ ﻣﺎﻛﻮ ﻓﺮﻕ ﺑﻴﻨﺎ ﻫﻮﺍﻳﻪ ﺍﺷﻬﺮ ﺍﻛﺜﺮ ﻭﺣﺪﻩ ﺗﺄﺛﺮﺕ ﻋﻠﻴﻬﺎ ﻣﻦ ﺗﺰﻭﺟﺖ .. ﺍﺧﺬﺕ ﻭﺍﺣﺪ ﺯﻳﻦ ﻭﻳﺤﺒﻬﺎ ﺑﺲ ﺍﻣﻪ ﺷﻮﻳﻪ ﻣﺄﺫﻳﺘﻬﺎ .. ﻭﺍﻧﻲ ﺍﻟﻮﺳﻄﺎﻧﻴﻪ ﺍﺧﻮﺍﺗﻲ ﺍﻟﺒﻘﻴﻪ ﺍﺻﻐﺮ ﻣﻨﻲ ﺑﻬﻮﺍﻱ ﻻﻥ ﺍﻣﻲ ﻗﻄﻌﺖ ﻓﺘﺮﻩ ﻭﺑﻌﺪﻳﻦ ﺭﺟﻌﺖ .. ﻉ ﻧﻔﺲ ﺍﻟﻤﻨﻮﺍﻝ .. ﺍﻧﻲ ﻣﻮﺍﺻﻔﺎﺗﻲ ﺷﻮﻳﻪ ﻣﺮﺑﺮﺑﻪ ﺑﺲ ﺟﺴﻤﻲ ﻣﺘﻨﺎﺳﻖ ﺣﻠﻮ ﻭﺑﻴﻀﻪ .. ﻃﻮﻟﻲ ﻣﺘﻮﺳﻂ .. ﻛﻨﺖ ﻣﻦ ﺍﻃﻠﻊ ﻟﻠﻤﺪﺭﺳﻪ ﻭﺍﻧﻲ ﺑﺎﻻﻋﺪﺍﺩﻳﻪ .. ﺍﻧﻲ ﺍﻭﻝ ﻭﺣﺪﻩ ﺍﻭﺻﻞ ﺍﻟﻬﻴﺞ ﻣﺮﺣﻠﻪ .. ﻛﺎﻥ ﺍﺑﻦ ﺟﻴﺮﺍﻧﻪ ﺍﺷﻮﻓﻪ ﺑﺎﻟﺒﺎﺏ ﻋﻨﺪﻫﻢ ﺣﺪﻳﻘﻪ ﺧﺎﺭﺟﻴﻪ .. ﻣﻦ ﺍﻣﺮ ﻣﻦ ﻳﻢ ﺑﺎﺑﻬﻢ ﻋﻴﻮﻧﻪ ﻣﺘﻔﺎﺭﻗﻨﻲ ﺍﺣﺲ ﺑﻨﻀﺮﺍﺗﻪ ﺍﺗﺠﺎﻫﻲ ﺑﺲ ﺍﻧﻲ ﻣﺎﺍﺗﺒﺎﻭﻉ .. ﺍﺧﺠﻞ .. # ﺷﻤﺲ ﺗﻜﺮﺭﺕ ﻫﺬﻱ ﺍﻟﺤﺎﻟﻪ ﺍﻟﺼﺮﺍﺣﻪ ﻫﻮ ﺍﻧﺴﺎﻥ ﺣﻠﻮ ﻭﺣﻨﻄﺎﻭﻱ ﻭﻭﺳﻴﻢ ﻭﻋﻨﺪﻩ ﺷﻮﺍﺭﺏ ﻭﻟﺤﻴﻪ .. ﺍﻭﻭﻭﻭﻭﻑ ﻳﺨﺒﻞ ﺍﺳﻤﻪ ﺭﺍﺋﺪ .. ﻛﻠﻤﺎ ﺍﻃﻠﻊ ﻟﻠﻤﺪﺭﺳﻪ ﺍﺷﻮﻓﻪ ﻭﻣﻦ ﺍﺭﺟﻊ ﻫﻢ ﻋﺒﺎﻟﻚ ﻳﻌﺮﻑ ﻭﻗﺘﻲ .. ﺍﻟﻲ ﺍﻃﻠﻊ ﺑﻲ .. ﺍﻧﻲ ﺗﻜﻮﻧﺖ ﻋﻨﺪﻱ ﺍﺗﺠﺎﻫﻪ ﻣﺸﺎﻋﺮ .. ﻉ ﺭﻏﻢ ﻣﺤﺎﺟﻴﻦ ﻣﻊ ﺑﻌﺾ .. ﻳﻌﻨﻲ ﺑﺲ ﻧﻀﺮﺍﺕ ﻭﺍﻧﻲ ﺍﻭﻝ ﻣﺮﻩ ﺍﺣﺪ ﻳﺘﺒﺎﻭﻋﻠﻲ ﻫﻴﺞ .. ﺣﺴﻴﺖ ﺍﻫﺘﻤﺎﻣﻪ ﺍﻟﻲ ﺑﻨﻀﺮﺍﺗﻪ .. ﺍﻻﻫﺘﻤﺎﻡ ﺍﻟﻲ ﺍﻓﺘﻘﺪﺗﻪ ﻣﻦ ﺍﻫﻠﻲ ﺑﺎﻟﺒﻴﺖ .. ﺑﺪﻳﺖ ﺍﺭﺗﺐ ﺑﻨﻔﺴﻲ ﻭﺍﻋﺪﻝ ﻣﻊ ﺍﻧﻪ ﻣﺎﻋﻨﺪﻱ ﻣﻼﺑﺲ ﻫﻮﺍﻳﻪ .. ﻻﻥ ﺣﺎﻟﺘﻨﺎ ﺿﻌﻴﻔﻪ .. ﺑﺲ ﻛﻨﺖ ﻧﻀﻴﻔﻪ ﺣﻴﻞ .. ﻭﻣﺮﻩ ﻋﺜﺮﺕ ﮔﺒﺎﻝ ﺑﺎﺑﺎﻫﻢ .. ﮔﺎﻝ ﺍﺳﻢ ﺍﻟﻠﻪ ﻭﻃﻔﺮ ﻣﻦ ﻣﻜﺎﻧﻪ ﻭﻋﻴﻮﻧﻪ ﺧﺎﻳﻔﻪ ﻋﻠﻴﻪ .. ﮔﺎﻝ ﺧﻮ ﻣﺎﺗﺄﺫﻳﺘﻲ .. ﮔﻠﺘﻠﻪ ﻻ ﺗﺴﻠﻢ .. ﻭﺗﺮﻛﺘﻪ ﻭﻣﺸﻴﺖ ﻭﻟﺴﺎ ﻣﻼﻣﺢ ﻭﺟﻬﻪ ﻭﺷﻠﻮﻥ ﺧﺎﻳﻒ ﻋﻠﻴﻪ ﺑﺒﺎﻟﻲ ﻭﺍﻧﻲ ﺍﺫﺍ ﺍﻋﺜﺮ ﺑﺒﻴﺘﻨﺎ ﻳﮕﻠﻮﻟﻲ ﻭﻋﻤﻰ ﻫﻬﻬﻬﻬﻪ . ﺍﺳﺘﻤﺮﻳﻨﺎ ﺷﻬﺮ ﻉ ﻫﺬﻱ ﺍﻟﺤﺎﻟﻪ .. # ﺷﻤﺲ ﻭﺗﺎﻟﻲ ﺍﺧﺘﻔﻪ ﺭﺍﺋﺪ ﺑﻌﺪ ﻣﺎﺷﻔﺘﻪ .. ﺿﺠﺖ ﺣﻴﻞ ﺣﺴﻴﺖ ﺍﻛﻮ ﺷﻲ ﺑﺤﻴﺎﺗﻲ ﻣﺨﺘﻔﻲ .. ﻣﻌﻘﻮﻟﻪ ﻛﻤﻴﻪ ﺍﻟﻤﺸﺎﻋﺮ ﻫﺬﻱ ﺍﺗﺠﺎﻫﻪ ﻭﺍﻧﻲ ﺣﺘﻰ ﻣﺤﺎﺟﻴﻪ ﻭﻳﺎﻩ .. ﻛﻞ ﻳﻮﻡ ﺍﻃﻠﻊ ﻭﻋﻴﻨﻲ ﺍﻟﺒﺎﺏ ﻭﻣﻦ ﺗﺠﻲ ﻛﺬﻟﻚ .. ﺍﻭﻭﻭﻭﻑ ﻭﻳﻦ ﺭﺍﺡ ﻭﻟﻴﺶ ﺍﺧﺘﻔﻰ ﻓﺠﺄﺓ .. ﻭﻳﻨﻚ ﺭﺍﺋﺪ ﻋﺮﻓﻬﻢ ﻉ ﻧﻔﺴﻚ ﻭﻋﻮﺩ ﺭﻭﺡ ﺍﺧﺘﻔﻲ .. ﻫﻬﻬﻪ ﻣﺮﺣﺒﺎ ﺣﺒﺎﻳﺐ ﺍﻧﻲ ﺍﺳﻤﻲ ﺭﺍﺋﺪ ﻃﺎﻟﺐ ﺑﻜﻠﻴﻪ ﺍﻟﻀﺒﺎﻁ .. ﺟﺴﻤﻲ ﺿﺨﻢ ﻭﺭﻳﺎﺿﻲ ﻭﻋﻨﺪﻱ ﺷﻮﺍﺭﺏ ﻭﻟﺤﻴﻪ ﺧﻔﻴﻔﻪ .. ﻭﻣﺮﺍﺕ ﺍﺣﻠﻘﻬﺎ ﺑﺤﻜﻢ . ﻋﻤﻠﻲ .. ﺍﻧﻲ ﻛﺎﻥ ﻃﻤﻮﺣﻲ ﻭﺍﻣﻨﺘﻲ ﺍﺩﺧﻞ ﻛﻠﻴﻪ ﺿﺒﺎﻁ .. ﺍﺑﻮﻳﻪ ﻣﺴﺘﺸﻬﺪ ﻭﻋﻨﺪﻱ ﺍﺧﻮﺍﺕ ﺍﺛﻨﻴﻦ ﻭﺣﺪﻫﺎ ﺍﺳﻤﻬﺎ ﺍﻳﻤﺎﻥ ﻣﺘﺰﻭﺟﻪ ﻭﺍﻟﺜﺎﻧﻴﻪ ﺇﺳﻼﻡ ﺑﻌﺪﻫﻲ ﺗﺪﺭﺱ .. # ﺷﻤﺲ ﻣﻦ ﺍﺟﻲ ﺑﺄﺟﺎﺯﻩ ﺍﻟﺘﻬﻲ ﺑﺤﺪﻳﻘﺘﻨﺎ ﺍﻟﺨﺎﺭﺟﻴﻪ ﺍﺭﺗﺒﻬﺎ ﻭﺍﺳﻘﻴﻬﺎ .. ﻭﻻﺣﻈﺖ ﺑﻨﻴﻪ ﺗﻤﺮ ﻣﻦ ﻳﻢ ﺑﺎﺑﻨﺎ ﺍﻟﺼﺮﺍﺣﻪ ﻣﺸﺎﻳﻔﻬﻪ ﻗﺒﻞ ﺍﻭ ﻣﻤﻼﺣﻈﻬﺎ ﺣﻠﻮﻩ ﻭﻣﺮﺑﺮﺑﻪ ﻭﺑﻴﻀﻪ ﻭﻣﺤﺠﺒﻪ .. ﺗﺠﻲ ﻣﻦ ﺍﻟﺸﺎﺭﻉ ﺍﻟﻲ ﻭﺭﺍﻧﺎ .. ﺍﺣﻨﺎ ﺟﺪﺩ ﺑﺎﻟﻤﻨﻄﻘﻪ ﻓﻤﺎﺍﻋﺮﻓﻬﻢ .. ﺑﻘﻴﺖ ﺍﺭﺍﻗﺒﻬﺎ ﻭﻋﻴﻮﻧﻲ ﻋﻠﻴﻬﺎ .. ﻭﻳﻦ ﻣﺘﺮﻭﺡ .. ﺻﺮﺍﺣﻪ ﺑﻨﻴﻪ ﻣﺆﺩﺑﻪ ﻭﺣﺒﺎﺑﻪ .. ﺑﻘﺖ ﺑﺲ ﻋﻴﻮﻧﻪ ﺗﺤﺠﻲ ﺳﺄﻟﺖ ﻋﻠﻴﻬﺎ ﻋﺮﻓﺖ ﺍﺳﻤﻬﺎ ﻣﻬﺎ .. ﻭﺑﻴﻮﻡ ﻋﺜﺮﺕ ﻭﻭﮔﻌﺖ ﺍﺧﺬﺕ ﮔﻠﺒﻲ ﺑﻮﮔﻌﺘﻬﺎ ﻋﺮﻓﺖ ﮔﻠﺒﻲ ﺑﺪﺍ ﻳﻨﺒﺾ ﺍﻟﻬﺎ .. # ﺷﻤﺲ ﻋﺠﺒﺘﻨﻲ ﺣﻴﻞ ﺣﺘﻰ ﺣﺠﻴﺖ ﺍﻻﻣﻲ ﻋﻠﻴﻬﺎ ﻭﺍﻻﺳﻼﻡ .. ﻭﮔﺎﻟﺖ ﺍﺳﻼﻡ ﺍﻧﻲ ﺍﺳﺄﻟﻚ ﻋﻠﻴﻬﺎ ﻫﻲ ﺑﻤﺪﺭﺳﺘﻨﺎ .. ﺑﺲ ﻫﻲ ﺳﺎﺑﻘﻪ ﺍﺳﻼﻡ ﺑﻤﺮﺣﻠﻪ ﺍﻋﺘﻘﺪ ﺑﺎﻟﺴﺎﺩﺱ ﻻﻥ ﺍﺳﻼﻡ ﺑﺎﻟﺨﺎﻣﺲ .. ﺻﺎﺭ ﻭﻗﺖ ﺍﻟﺘﺤﺎﻗﻲ ﻭﺩﺍﻭﻣﺖ .. ﺑﻘﻰ ﺑﺎﻟﻲ ﻳﻤﻬﺎ ﻭﻛﻞ ﻳﻮﻡ ﺍﺗﺼﻞ ﺑﺎﺳﻼﻡ ﺗﺠﻴﺒﻠﻲ ﺍﺧﺒﺎﺭﻫﺎ .. ﻭﺣﻤﺪﺕ ﺑﻴﻬﺎ ﺗﮕﻮﻝ ﺧﻮﺵ ﺑﻨﻴﻪ ﻭﺣﺒﺎﺑﻪ ﻭﻣﻦ ﻧﺎﺱ ﻉ ﮔﺪ ﺣﺎﻟﻬﻢ ﻭﻓﻘﻴﺮﻩ .. ﺍﻧﻲ ﻣﺎﺍﻫﺘﻤﻴﺖ ﺍﻟﺤﺎﻟﺘﻬﻢ .. ﺍﻻﻫﻢ ﻋﻨﺪﻱ ﺍﻻﺧﻼﻕ ﻭﻗﺮﺭﺕ ﻣﻦ ﺍﺭﺟﻊ ﺍﺣﺠﻲ ﻭﻳﺎﻫﻪ ﻭﺍﺫﺍ ﺗﺒﺎﺩﻟﻨﻲ ﻧﻔﺲ ﺍﻟﻤﺸﺎﻋﺮ ﺍﺧﻄﺒﻬﺎ .. # ﺷﻤﺲ ﻣﻬﺎ .. ﺍﻓﺘﻘﺪﺗﻪ ﻫﻮﺍﻳﻪ ﻭﻛﻞ ﻳﻮﻡ ﻋﻴﻨﻲ ﻉ ﺑﺎﺑﻬﻢ ﻭﺣﺒﻴﺖ ﺣﺪﻳﻘﺘﻬﻢ ﻫﻮﺍﻳﻪ .. ﻻﻥ ﻫﻮ ﺍﻟﻲ ﻳﻌﺘﻨﻲ ﺑﻴﻬﺎ . ﺍﺭﺟﻊ ﻟﻠﺒﻴﺖ ﻫﻮﺳﻪ ﻭﻳﺒﺪﻱ ﺍﻟﻜﺮﺍﺏ ﻭﻛﻞ ﺳﺎﻋﻪ ﻳﺮﺩﻭﻥ ﻳﺒﻄﻠﻮﻧﻲ ﻭﺍﻧﻲ ﻣﺘﺤﻤﻠﻪ ﺍﻟﺸﻐﻞ ﻭﺍﻟﻜﺮﺍﺏ ﺣﺘﻰ ﻳﺨﻠﻮﻧﻲ ﺍﻛﻤﻞ .. ﻭﻛﻠﻤﺎ ﺍﺷﻜﻲ ﺍﻻﻣﻲ .. ﺗﮕﻠﻲ ﺷﺒﻴﺪﻱ ﻋﻠﻴﺞ .. ﻣﺮﻩ ﻓﻘﻴﺮﻩ ﻭﻣﺎﺗﮕﺪﺭ ﺗﺤﺠﻲ .. ﺍﺧﻮﻳﻪ ﺍﺧﻮ ﻣﺮﺗﻪ ﻃﺒﻌﺎ ﻳﺒﺎﻭﻉ ﺍﻟﺤﻠﮕﻬﺎ ﻟﻴﻞ ﻭﻧﻬﺎﺭ ﺑﻐﺮﻓﺘﻬﺎ ﺍﺧﻮﺍﺗﻲ ﺻﻐﺎﺭ ﻭﻣﺪﺭﺳﻪ ﻋﺪﻫﻦ ﻭﺑﺲ ﺍﻧﻲ ﻭﺍﻣﻲ .. # ﺷﻤﺲ ﺑﻴﻮﻡ ﺭﺟﻌﺖ ﻣﻦ ﺍﻟﻤﺪﺭﺳﻪ ﮔﺎﻟﺖ ﺍﻣﻲ ﺍﺭﻳﺪﺝ ﺍﻟﻌﺼﺮ ﺗﻨﺰﻟﻴﻦ ﻭﻳﺎﻱ ﻟﻠﺴﻮﮒ ﺍﻧﻲ ﻣﺎﺍﮔﺪﺭ ﺍﺗﺴﻮﮒ ﻭﺣﺪﻱ ﻭﺍﺷﻴﻞ ﺍﻟﻤﺴﻮﺍﮒ ﻗﺒﻠﺖ ﻣﻊ ﺍﻧﻪ ﺍﻇﻮﺝ ﺍﺭﻭﺡ ﻟﺴﻮﮒ ﺍﻟﻤﺨﻈﺮ ﻣﻦ ﻭﺭﻯ ﺫﻭﻟﻲ ﺍﻟﻲ ﻳﺒﻴﻌﻮﻥ ﺍﻟﻤﺨﻈﺮ .. ﻋﻴﻮﻧﻬﻢ ﺯﺍﻳﻐﻪ ﻭﻏﻴﺮ ﺍﻟﺤﺠﻲ ﺍﻟﻲ ﻳﺤﺠﻮﻩ ﻣﻴﺴﺘﻮﺣﻮﻥ .. ﺍﻟﻤﻬﻢ ﺭﺟﻌﻨﺎ .. ﻭﺷﺎﻳﻠﻴﻦ ﻣﺴﻮﺍﮒ .. ﻭﺍﻣﻲ ﺗﻌﺒﺖ ﻭﺻﺎﺭ ﺍﻟﻤﻐﺮﺏ .. ﮔﺎﻟﺖ ﺍﻣﻲ ﺧﻠﻴﻨﺎ ﻧﺎﺧﺬ ﺗﻜﺴﻲ .. ﺍﺟﺮﺕ ﺍﻣﻲ ﺗﻜﺴﻲ .. ﻭﺻﻌﺪﻧﺎ ﺍﻟﻮﻟﺪ ﻣﺸﺎﻝ ﻋﻴﻨﻪ ﻣﻦ ﺍﻟﻤﺮﺍﻳﻪ ﻛﻞ ﺳﺎﻋﻪ ﻳﺒﺎﻭﻉ .. ﻳﺎﺍﺍﺍ ﮔﺒﺮ ﻫﺬﺍ ﺷﺒﻲ .. ﻧﻀﺮﺍﺗﻪ ﻏﺮﻳﺒﻪ .. # ﺷﻤﺲ ﺭﺩﻧﺎ ﻧﻨﺰﻝ ﺑﺮﺍﺱ ﺍﻟﻔﺮﻉ ﻣﺎﻗﺒﻞ ﮔﺎﻝ ﻻ ﺍﻭﺻﻠﻜﻢ ﻟﻠﺒﺎﺏ .. ﺍﻣﻲ ﻉ ﻧﻴﺎﺗﻬﻪ .. ﺍﻟﻠﻪ ﻳﻨﻄﻴﻚ ﺧﺎﻟﻪ ﻭﻳﻜﺜﺮ ﻣﻦ ﺍﻣﺜﺎﻟﻚ .. ﻣﻦ ﻧﺰﻟﻨﺎ ﺍﺷﻮ ﻫﺬﺍ ﻣﻴﺴﺘﺤﻲ ﻋﻴﻮﻧﻪ ﻉ ﺟﺴﻤﻲ ﻳﺒﺎﻭﻉ ﻣﻊ ﺍﻧﻪ ﻣﻼﺑﺴﻪ ﺷﻲ ﻣﻐﺮﻱ ﻭﻣﻼﺑﺴﻲ ﻣﺤﺘﺸﻤﻪ ﺑﺲ ﻣﺒﻴﻦ ﻋﻴﻨﻪ ﺯﺍﻳﻐﻪ .. ﻣﺎﺍﻫﺘﻤﻴﺖ ﻭﺩﺧﻠﻨﺎ ﻟﻠﺒﻴﺖ . ﺑﺪﻟﺖ ﻣﻼﺑﺴﻲ ﻭﺑﺴﺮﻋﻪ ﺳﻮﻳﺖ ﺍﻟﻌﺸﺎ .. ﺍﺑﻮﻳﻪ ﺩﺧﻞ ﻣﻦ ﺍﻟﻤﺤﻞ .. ﺻﻠﻰ ﻭﺧﻠﻴﺘﻠﻬﻢ ﺍﻟﻌﺸﺎ ﻭﻏﺴﻠﺖ ﺍﻟﻤﻮﺍﻋﻴﻦ .. ﻭﺭﺣﺖ ﺑﺴﺮﻋﻪ ﺣﺘﻰ ﺍﻟﺤﮓ ﺍﻗﺮﺃ .. ﺧﻠﺼﺖ ﻧﻤﺖ .. ﺛﺎﻧﻲ ﻳﻮﻡ ﺑﺪﻟﺖ ﻛﺎﻟﻌﺎﺩﻩ .. ﻭﺭﺣﺖ ﺍﻟﻤﺪﺭﺳﻪ ﻭﻋﻴﻨﻲ ﻉ ﺑﺎﺏ ﺭﺍﺋﺪ .. ﻟﻴﺶ ﻫﻴﺞ ﻳﺎﺭﺑﻲ ﺑﻌﺪ ﻣﺎﺩﮒ ﮔﻠﺒﻲ ﺍﻟﻪ ﻫﻴﺞ ﻳﺨﺘﻔﻲ .. ﺍﻟﻤﻦ ﺍﺳﺄﻝ ﻋﻠﻴﻪ ﻫﺴﺎ .. ﺧﻠﺺ ﺍﻟﻴﻮﻡ ﺑﻴﻦ ﺍﻟﺪﺭﻭﺱ ﻭﺍﻟﺘﻔﻜﻴﺮ ﻭﺭﺟﻌﺖ ﻟﻠﺒﻴﺖ ﻧﻔﺲ ﺍﻟﺮﻭﺗﻴﻦ ﻛﻞ ﻳﻮﻡ .. ﺗﻌﺒﺎﻧﻪ ﺍﺗﻐﺪﻳﺖ ﻭﻏﺴﻠﺖ ﺍﻟﻤﻮﺍﻋﻴﻦ ﻭﻧﻤﺖ ﻟﻠﻌﺼﺮ ﺍﺟﺖ ﻣﺮﺕ ﺭﺿﺎ ﺍﮔﻌﺪﻱ ﻣﻬﺎ ﺍﺟﻦ ﻧﺴﻮﺍﻥ ﻋﻠﻴﺞ ﺑﺴﺮﻋﻪ .. # ﺷﻤﺲ ﮔﻌﺪﺕ ﺷﻨﻮ ﻧﺴﻮﺍﻥ .. ﮔﺎﻟﺖ ﻣﺎﺍﺩﺭﻱ ﺍﺣﺘﻤﺎﻝ ﺧﻄﺎﺑﻪ ﻭﻣﺒﻴﻨﻪ ﺣﺎﻟﺘﻬﻢ ﺯﻳﻨﻪ ﻣﺘﺮﻭﺳﺎﺕ ﺫﻫﺐ ﺗﮕﻮﻝ ﻋﻤﺘﻲ ﺧﻠﻲ ﺗﻐﺴﻞ ﻭﺗﻠﺒﺲ ﺛﻮﺏ ﺣﻠﻮ ﻭﺗﺠﻲ .. ﺍﻱ ﻳﻌﻤﻲ ﺑﻌﺪ ﺷﺘﺮﺩﻳﻦ ﻟﻮ ﻫﻴﺞ ﺍﻟﻘﺴﻤﻪ ﻟﻮ ﻣﺎﻛﻮ .. ﺍﻧﻲ ﺍﺗﻌﺠﺒﺖ ﻭﺻﺎﺭ ﮔﺒﺎﻟﻲ ﺭﺍﺋﺪ ﺑﺴﺮﻋﻪ .. ﺍﺑﺘﺴﻤﺖ ﻣﻌﻘﻮﻟﻪ ﺭﺍﺋﺪ ﺩﺯ ﺍﻫﻠﻪ ﺣﺘﻰ ﻳﺨﻄﺒﻨﻲ ﻓﺮﺣﺖ .. ﺑﺪﻟﺖ ﻋﻨﺪﻱ ﻓﺴﺘﺎﻥ ﺧﻴﻄﺘﻪ ﺍﺧﺘﻲ ﻧﺴﺮﻳﻦ ﺍﻟﻲ ﺑﻌﺮﺱ ﺻﺎﺑﺮﻳﻦ ﻣﺨﺼﺮ ﻭﺣﻠﻮ ﻳﺒﺮﺯ ﺟﺴﻤﻲ ﻭﺳﺮﺣﺖ ﺷﻌﺮﻱ ﻭﺧﻠﻴﺖ ﻃﻮﻕ ﺑﻠﻮﻥ ﺍﻟﺜﻮﺏ ﻭﻃﻠﻌﺖ .. # ﺑﻘﻠﻤﻲ _ ﺷﻤﺲ ﻳﺘﺒﻊ ... . ️

81 تعليقات

العضوة: 522131 , 6 years ago

ﺳﻮﻳﺖ ﻣﺜﻞ ﻣﮕﻠﻲ ﻣﺤﻤﺪ ﻭﺧﻠﻴﺖ ﺍﻟﻤﻮﺑﺎﻳﻞ ﺑﻤﻼﺑﺴﻲ ﺑﻌﺪ ﻣﺨﻠﻴﺘﻪ ﺻﺎﻣﺖ ﺧﺎﻑ ﻳﺪﻭﮒ .. # ﺷﻤﺲ ﻃﻠﻌﻮﺍ ﺻﺎﺑﺮﻳﻦ ﻭﻣﺤﻤﺪ ﻭﺭﻯ ﺷﻮﻳﻪ ﺍﺟﻪ ﻋﻼﺀ .. ﮔﺎﻝ ﺍﻟﺪﻛﺘﻮﺭﻩ ﺧﺮﺟﺘﺞ ﻟﻠﺒﻴﺖ ﻭﻫﺬﺍ ﻋﻼﺟﺞ ﺍﻟﺘﺰﻣﻲ ﺑﻲ .. ﻫﺰﻳﺖ ﺑﺮﺍﺳﻲ .. ﻭﮔﻤﺖ ﻉ ﻛﻴﻔﻲ .. ﺭﺍﺩ ﻳﺴﺎﻋﺪﻧﻲ ﻣﻘﺒﻠﺖ .. ﻣﺎﺍﺭﻳﺪﻩ ﻳﻠﻤﺴﻨﻲ ﺗﺸﻤﺄﺯ ﻧﻔﺴﻲ ﻣﻨﻪ .. ﺩﺧﻠﺖ ﺍﻟﺒﻴﺖ ﺍﻣﻪ ﻭﺍﺧﻮﺍﺗﻪ ﻳﺒﺎﻭﻋﻠﻲ ﺑﻐﻀﺐ .. ﺍﻧﻲ ﻣﺎﺍﻫﺘﻤﻴﺖ ﺻﻌﺪﺕ ﻟﻠﻐﺮﻓﻪ .. ﺍﻣﻪ ﮔﺎﻣﺖ ﺗﻌﻴﻂ .. ﻭﺗﮕﻮﻟﻲ ﺍﻻ ﺍﻛﺴﺮ ﺧﺸﻤﺞ ﻫﺬﺍ .. ﻣﺴﻮﻳﻪ ﻧﻔﺴﺞ ﺷﺮﻳﻔﻪ ﻋﻠﻴﻨﺎ .. ﺍﻧﻲ ﺍﻻﻟﻢ ﻭﺍﻟﺤﺰﻥ ﺍﻟﻲ ﺑﻴﻪ ﻣﻴﺨﻠﻴﻨﻲ ﺍﺣﺠﻲ ﺻﻌﺪﺕ ﻭﻗﻔﻠﺖ ﺍﻟﺒﺎﺏ .. # ﺷﻤﺲ ﻃﻠﻌﺖ ﺍﻟﻤﻮﺑﺎﻳﻞ ﻟﮕﻴﺖ ﻣﺤﻤﺪ ﺯﻭﺝ ﺻﺎﺑﺮﻳﻦ ﻣﺘﺼﻞ ﻋﻠﻴﻪ ﻛﻢ ﻣﺮﻩ .. ﺭﺟﻌﺖ ﺍﺗﺼﻠﺖ ﺭﻓﻀﻪ ﻭﺭﺟﻊ . ﺍﺗﺼﻞ ﺑﻴﻪ ﻫﻮ .. ﺩﺧﻠﺖ ﻟﻠﺤﻤﺎﻡ ﺣﺘﻰ ﻣﺤﺪ ﻳﺴﻤﻌﻨﻲ .. ﺍﻟﻮ ﻣﺤﻤﺪ .. ﺍﻟﻮ .. ﻣﻬﺎﻭﻱ ﻟﻴﺶ ﻣﺘﺮﺩﻳﻦ ﻗﻠﻘﺘﻴﻨﺎ ﻋﻠﻴﺞ ﻭﻫﺎﻱ ﺻﺎﺑﺮﻳﻦ ﻳﻤﻲ ﺗﺮﻳﺪ ﺗﺴﻤﻊ ﺻﻮﺗﺞ .. ﺣﺠﺖ ﻭﻳﺎﻱ ﺻﺎﺑﺮﻳﻦ ﻭﻫﻲ ﺗﺒﺠﻲ .. ﻣﻬﺎﻭﻱ ﺷﻠﻮﻧﺞ ﻫﺴﺎ ﺍﻟﺘﺰﻣﻲ ﺑﻌﻼﺟﺞ ﻭﻫﺴﺎ ﻣﺤﻤﺪ ﺭﺍﻳﺢ ﻟﻠﻮﻟﺪ ﺻﺪﻳﻘﻪ ﻭﺣﻴﺸﻮﻑ ﺷﻴﺴﻮﻭﻥ ﻭﻳﺘﺼﻠﻮﻥ ﻋﻠﻴﺞ ﻣﺒﻘﻰ ﺷﻲ ﺍﺗﺤﻤﻠﻲ ﺣﺒﻴﺒﺘﻲ .. ﻣﻬﺎ .. ﺍﻧﻲ ﻣﺎﻋﻨﺪﻱ ﺷﻲ ﺍﮔﻮﻟﻪ ﮔﻮﻟﺘﻠﻬﻢ ﺍﻥ ﺷﺎﺀ ﺍﻟﻠﻪ ﻭﺧﻠﺺ .. ﻻﻥ ﺗﻌﺒﺖ ﻭﺣﺴﻴﺖ ﻧﻔﺴﻲ ﺿﺎﻳﻌﻪ ﻭﺭﺍﻳﺤﻪ ﻟﻠﻬﺎﻭﻳﻪ .. # ﺷﻤﺲ ﺍﻛﻴﺪ ﺑﻌﺪ ﺍﻟﻲ ﺳﻮﻳﺘﻪ ﻣﻴﺮﺣﻤﻮﻧﻲ .. ﻭﻣﺤﻤﺪ ﺑﻘﻰ ﺍﻟﺤﻞ ﺍﻻﺧﻴﺮ ﺍﻟﻲ .. ﻭﺍﺫﺍ ﻣﺴﻮﻩ ﺷﻲ ﺍﻧﻲ ﺍﻧﺘﺤﺮ ﻭﺍﺧﻠﺺ .. ﻣﺮ ﻳﻮﻣﻴﻦ ﻭﻣﺤﻤﺪ ﻣﺮﺩﻟﻲ ﺧﺒﺮ .. ﻭﺍﻧﻲ ﺣﺎﻟﺘﻲ ﺑﺎﻟﻮﻳﻞ .. ﺍﺟﺖ ﺍﻡ ﻋﻼﺀ .. ﻳﻠﻪ ﮔﻮﻣﻲ ﻛﺎﻓﻲ ﮔﻌﺪﻩ .. ﺍﻟﺒﻴﺖ ﺧﺎﻳﺲ ﺻﺎﺭﻟﻪ ﻛﻢ ﻳﻮﻡ ..

العضوة: 522131 , 6 years ago

ﻭﺻﺪﻭﮒ ﮔﻤﺖ ﻧﻀﻔﺖ ﻭﻃﺒﺨﺖ ﻭﺍﻧﻲ ﻣﺮﻳﻀﻪ .. ﻭﻣﺎﺍﻛﻞ ﻭﻻ ﺍﺷﺮﺏ ﺑﺲ ﺍﺧﺬ ﺩﻭﺍ ﺍﺣﺲ ﻣﻌﺪﺗﻲ ﻣﺘﺘﺤﻤﻞ ﺑﻌﺪ .. ﺑﺤﻴﺚ ﻣﻦ ﺍﺑﺎﻭﻉ ﺍﻟﻨﻔﺴﻲ ﺑﺎﻟﻤﺮﺍﻳﻪ ﺍﺑﺠﻲ .. ﺷﻜﻠﻲ ﻣﺘﻐﻴﻴﺮ ﺿﻌﻔﺎﻧﻪ ﻭﻛﺄﻧﻪ ﻛﺒﺮﺕ ﻋﺸﺮﻳﻦ ﺳﻨﻪ .. ﻫﻮ ﻫﺬﺍ ﺍﻟﺰﻭﺍﺝ ﺍﻟﻲ ﻛﻞ ﺍﻟﺒﻨﺎﺕ ﺗﺘﻤﻨﺎﻩ .. # ﺷﻤﺲ ﺻﻌﺪﺕ ﺍﻟﻐﺮﻓﺘﻲ .. ﻃﻠﻌﺖ ﺍﻟﻤﻮﺑﺎﻳﻞ .. ﻟﮕﻴﺖ ﻣﺤﻤﺪ ﻣﺘﺼﻞ ﺍﺗﺼﻠﺖ ﻭﻛﺎﻟﻌﺎﺩﻩ ﺭﻓﻀﻪ ﻭﺍﺗﺼﻞ ﻫﻮ .. ﺍﻟﻮ ﻣﺤﻤﺪ ﻟﻴﺶ ﻫﻴﺞ ﺍﺗﺄﺧﺮﺕ ﻋﻠﻴﻪ .. ﻣﺤﻤﺪ . ﺍﻋﺬﺭﻳﻨﻲ ﺧﻮﻳﻪ ﺻﺪﻳﻘﻲ ﺍﻟﻴﻮﻡ ﻳﻠﻪ ﺭﺟﻊ ﺟﺎﻥ ﻋﻨﺪﻩ ﺩﻭﺭﻩ .. ﻭﺣﺠﻴﺖ ﻭﻳﺎﻩ ﻭﻓﻬﻤﺘﻪ ﻉ ﺍﻟﻮﺿﻊ .. ﻭﮔﻠﻲ ﻻﺯﻡ .. ﻧﻌﺮﻑ ﺍﻻﻭﻗﺎﺕ ﺍﻟﻲ ﻳﺪﺧﻠﻮﻥ ﺑﻴﻬﻪ ﻧﺎﺱ ﻟﻠﺒﻴﺖ ﺣﺘﻰ ﺑﺤﺠﻪ ﺍﺟﺎﻧﻪ ﺑﻼﻍ ﻭﻧﺪﺧﻞ ﻉ ﺍﻟﺒﻴﺖ ﻭﻧﻠﮕﻴﻬﻢ ﺑﻮﺿﻊ ﺍﻟﺘﻠﺒﺲ .. # ﺷﻤﺲ ﻣﻬﺎ .. ﻫﻢ ﺍﻛﺜﺮ ﺷﻲ ﻭﻱ ﺍﺫﺍﻥ ﺍﻟﻔﺠﺮ ﻟﻮ ﺑﺎﻟﻠﻴﻞ ﻛﻮﻟﺶ ﻭﻣﺮﺍﺕ ﺑﺎﻟﻨﻬﺎﺭ .. ﻣﺤﻤﺪ .. ﺍﻭﻙ ﻟﻌﺪ ﺑﺲ ﺗﺤﺴﻴﻦ ﺑﺤﺮﻛﻪ ﺍﻭﺗﺸﻮﻓﻴﻬﻢ ﺍﺗﺼﻠﻲ ﻋﻠﻴﻪ .. ﻣﻬﺎ .. ﺍﻭﻙ . ﺑﻘﻴﺖ ﻣﺮﺍﻗﺒﺘﻬﻢ ﻟﻴﻞ ﻧﻬﺎﺭ .. ﺍﻟﻰ ﺍﻥ ﺍﺟﻪ ﻋﻼﺀ .. ﻭﮔﻠﻲ ﺣﻈﺮﻱ ﻧﻔﺴﺞ ﺍﻧﺘﻲ ﺻﺮﺗﻲ ﺯﻳﻨﻪ ﺍﻛﻮ ﺷﺨﺺ ﻋﺰﻳﺰ ﻋﻠﻴﻪ .. ﻃﻠﺒﺞ ﻣﻨﻲ ﻭﺍﻧﻲ ﻭﺍﻓﻘﺖ . ﺍﻧﻲ ﺗﺨﺒﻠﺖ .. ﻟﻚ ﺣﻴﻮﺍﻥ ﺗﺒﻴﻌﻨﻲ .. ﻣﺴﺘﺤﻴﻞ ﺍﺧﻠﻲ ﺍﺣﺪ ﻳﻠﻤﺴﻨﻲ ﺍﻗﺘﻞ ﻧﻔﺴﻲ ﻭﻻ ﺍﻧﻄﻴﻚ ﻫﺎﻱ ﺍﻟﻔﺮﺻﻪ .. ﺿﺮﺑﻨﻲ ﻋﻼﺀ ﻭﺣﺒﺴﻨﻲ ﺑﺎﻟﻐﺮﻓﻪ ﻭﻗﻔﻞ ﺍﻟﺒﺎﺏ ﻋﻠﻴﻪ .. ﺑﺠﻴﺖ ﻭﺧﻠﻴﺖ ﺳﺠﺎﺩﺗﻲ ﻭﺷﻜﻴﺖ ﺍﻟﺮﺑﻲ ﺣﺎﻟﻲ .. ﻣﻌﻘﻮﻟﻪ ﻳﺎﺭﺑﻲ ﻣﺘﺸﻮﻑ ﺣﺎﻟﺘﻲ . ﺍﻧﻘﺬﻧﻲ ﻣﻨﻬﻢ ﻣﺎﻟﻲ ﻏﻴﺮﻙ .. ﺧﻠﺼﺖ ﻭﺍﺗﺼﻠﺖ ﻉ ﻣﺤﻤﺪ ﮔﺘﻠﻪ ﻣﺤﻤﺪ ﺍﺳﺘﻌﺠﻞ ﺣﺒﺎﺏ .. ﻻﻥ ﻋﻼﺀ ﻳﺮﻳﺪ ﻳﻨﻄﻴﻨﻲ ﺍﻟﻮﺍﺣﺪ ﺻﺪﻳﻘﻪ ﻭﺍﻧﻲ ﺍﺫﺍ ﻣﻠﺤﮕﺘﻮﺍ ﻋﻠﻴﻪ ﺍﻣﻮﺗﻬﺎ ﺍﻟﻨﻔﺴﻲ ﻭﺍﺑﺠﻲ ﻭﺍﻋﻴﻂ .. # ﺷﻤﺲ ﻣﺤﻤﺪ ﺧﻠﺺ ﻣﻨﺎ ﺍﻟﺒﺎﺟﺮ ﺭﺍﻗﺒﻴﻠﻨﺎ ﺍﻟﻮﺿﻊ .. ﻭﺍﺗﺼﻠﻲ ﺩﻗﺎﻳﻖ ﺗﻠﮕﻴﻨﻪ ﻳﻤﺞ ﺍﻧﻲ ﺭﺍﺡ ﺍﺗﺼﻞ ﺑﺼﺪﻳﻘﻲ ﻭﻧﺘﻔﻖ ..

العضوة: 522131 , 6 years ago

ﻓﻌﻼ .. ﺻﺎﺭ ﺍﻟﻠﻴﻞ ﻭﺑﺪﺕ ﺍﻟﺤﺮﻛﻪ ﺍﺗﺒﺎﻭﻋﺖ ﻣﻦ ﺍﻟﻔﺘﺤﻪ ﻣﺎﻝ ﺑﺎﺏ ﺷﻔﺘﻬﻢ ﻳﺠﻬﺰﻭﻥ ﺑﺎﻟﻐﺮﻓﻪ ﺍﻟﻔﻮﮒ ﻣﻌﻨﺎﻫﻪ ﺍﻛﻮ ﺍﺣﺪ ﺟﺎﻱ ﺍﻟﻴﻮﻡ .. ﺧﺒﺮﺕ ﻣﺤﻤﺪ .. ﮔﺎﻝ ﺑﺲ ﻳﺪﺧﻠﻮﻥ ﺍﺗﺼﻠﻲ ﻋﻠﻴﻪ .. ﺑﻘﻴﺖ ﺍﻧﺘﻈﺮ .. ﻭﺗﺎﻟﻲ ﺷﻔﺖ ﺍﺟﻮ ﺷﺒﺎﺏ ﻭﻋﻼﺀ ﻭﺑﻨﻴﻪ ﻳﻤﻜﻦ ﻣﺎﺍﻧﺘﺒﻬﺖ ﺩﺧﻠﻮﺍ ﻟﻠﻐﺮﻓﻪ ﺍﻟﻔﻮﮒ .. ﺑﺴﺮﻋﻪ ﺍﺗﺼﻠﺖ ﻉ ﻣﺤﻤﺪ .. ﻭﮔﺘﻠﻪ ﺩﺧﻠﻮﺍ ﻟﻠﻐﺮﻓﻪ .. ﮔﺎﻝ ﺣﻈﺮﻱ ﻧﻔﺴﺞ ﻭﺍﻟﺒﺴﻲ ﺷﺎﻟﺞ .. ﻭﻭﺍﺗﺨﺒﻲ ﺑﻤﻜﺎﻥ ﺧﺎﻑ ﻳﺼﻴﺮ ﺍﺷﺘﺒﺎﻙ ﺍﻭ ﺍﻱ ﺷﻲ .. ﻟﺸﻮﻳﻪ ﻭﺳﻤﻌﺖ ﺻﻮﺕ ﻭﺍﻋﻴﺎﻁ .. ﻭﻋﺮﻙ ﺍﻧﻲ ﻣﻦ ﺍﻟﺨﻮﻑ ﺭﻛﻀﺖ ﻟﻠﺤﻤﺎﻡ .. ﻭﺳﺪﻳﺖ ﺍﻟﺒﺎﺏ ﻭﺍﺑﺠﻲ ﻭﺍﺩﻋﻲ ﺭﺑﻲ ﻳﻨﺠﻴﻨﻲ .. # ﺷﻤﺲ ﻟﺸﻮﻳﻪ ﺻﺎﺭ ﻫﺪﻭﺀ .. ﻭﺑﻌﺪﻳﻦ ﺳﻤﻌﺖ ﺍﻟﺒﺎﺏ ﻣﺎﻝ ﺍﻟﻐﺮﻓﻪ ﺍﻧﻀﺮﺑﺖ ﻋﺒﺎﻟﻚ ﺍﻛﻮ ﺷﺨﺺ ﻳﻀﺮﺏ ﺑﻴﻬﺎ ﻭﻳﺤﺎﻭﻝ ﻳﻔﺘﺤﻬﺎ ﺧﻔﺖ ﻛﻮﻟﺶ ﺗﺎﻟﻲ ﺻﺪﻭﮒ ﺍﺧﺮ ﺿﺮﺑﻪ ﺃﻧﻔﺘﺤﺖ .. ﺍﻧﻲ ﺑﺴﺮﻋﻪ ﻗﻔﻠﺖ ﺑﺎﺏ ﺍﻟﻐﺮﻓﻪ ﻭﻛﺎﺗﻤﻪ ﺻﻮﺗﻲ ﻭﺍﺑﺠﻲ .. ﺗﺎﻟﻲ ﺍﻧﺪﮒ ﺑﺎﺏ ﺍﻟﺤﻤﺎﻡ .. ﺍﺧﺘﻲ ﺍﻓﺘﺤﻲ ﺍﻟﺒﺎﺏ .. ﺍﻧﻲ ﺻﺪﻳﻖ ﻣﺤﻤﺪ ﻫﻮ ﺍﻟﻲ ﺩﺯﺍﻧﻲ .. ﺍﻧﺘﻲ ﺑﺄﻣﺎﻥ ﻟﺘﺨﺎﻓﻴﻦ .. ﻓﺘﺤﺖ ﺍﻟﺒﺎﺏ ﻭﺍﻧﻲ ﺧﺎﻳﻔﻪ .. ﺗﺎﻟﻲ ﺷﻔﺖ ﺷﺨﺺ ﻣﺎﺍﺗﻮﻗﻌﺖ ﺑﺤﻴﺎﺗﻲ ﺍﺷﻮﻓﻪ ﻭﻻﺍﺗﻮﻗﻌﺖ ﺍﻟﺼﺪﻓﻪ ﺗﺠﻤﻌﻨﻲ ﺑﻲ ﻭﺑﻬﻴﺞ ﻣﻨﻈﺮ ﻭﻣﻮﻗﻒ ﻳﺸﻮﻓﻨﻲ .. ﺍﻧﺼﺪﻣﺖ ﻭﻋﻴﻮﻧﻲ ﮔﺎﻣﺖ ﺗﻐﻮﺵ ﻻﻥ ﻣﻤﺎﻛﻠﻪ ﻭﺍﻟﺨﻮﻑ ﻭﺍﻟﻘﻠﻖ ﻭﺍﻟﺼﺪﻣﻪ ﺍﻟﻲ ﺷﻔﺘﻬﺎ ﺧﻠﺘﻨﻲ ﺍﻭﮔﻊ .. ﮔﻌﺪﺕ ﻭﺍﻧﻲ ﺑﺎﻟﻤﺴﺘﺸﻔﻰ .. ﮔﺎﻟﻮﺍ ﻋﻨﺪﻱ ﻫﺒﻮﻁ ﺣﺎﺩ ﻭﻓﻘﺮ ﺩﻡ .. ﻭﻟﮕﻴﺖ ﺻﺎﺑﺮﻳﻦ ﻭﻣﺤﻤﺪ ﻳﻤﻲ ﺣﻈﻨﺘﻬﻢ ﻭﺍﺑﺠﻲ .. ﻭﺍﮔﻮﻟﻬﻪ ﺻﺎﺑﺮﻳﻦ ﻣﻌﻘﻮﻟﻪ ﺧﻠﺼﺖ ﻣﻨﻬﻢ ﻣﻤﺼﺪﮔﻪ .. ﻭﻳﻦ ﺍﺧﺬﻭﻫﻢ .. ﻣﺤﻤﺪ .. ﻟﮕﻮﻫﻢ ﻣﺎﺷﺎﺀ ﺍﻟﻠﻪ .. ﻛﻮﻟﻬﻢ ﻣﺘﻠﺒﺴﻴﻦ ﺣﺘﻰ ﺍﻻﻡ .. ﻭﺍﺧﺬﻭﻫﻢ ﻟﻠﺴﺠﻦ . ﺩﺍ ﻳﺤﻘﻘﻮﻥ ﻭﻳﺎﻫﻢ .. ﺑﺲ ﺍﺣﺘﻤﺎﻝ ﻳﻄﻠﺒﻮﻥ ﺷﻬﺎﺩﺗﺞ .. ﻟﺘﺨﺎﻓﻴﻦ ﻣﺎﻛﻮ ﺷﻲ ﺑﻌﺪ ﺻﺎﺑﺮﻳﻦ .. ﺣﺒﻴﺒﻲ ﺻﺪﮔﻲ ﺍﻧﺘﻲ ﺧﻠﺼﺘﻲ ﻭﺍﻟﻠﻪ ﻧﺠﺎﺝ ﻣﻨﻬﻢ .. ﻣﺤﻤﺪ .. ﻣﻬﺎﻭﻱ ﺍﻧﺘﻲ ﺣﺘﺮﻭﺣﻴﻦ ﻭﻳﺎﻧﺎ ﻟﻠﺒﻴﺖ ﻭﺣﺴﺒﻴﻨﻲ ﻣﺜﻞ

العضوة: 522131 , 6 years ago

ﺍﺧﻮﺝ .. ﻭﺍﻫﻠﺞ ﺑﻌﺪ ﻣﺘﺮﺣﻴﻠﻬﻢ ﺍﻧﻲ ﺍﺗﻜﻔﻞ ﺑﻴﺞ ﻟﺘﺨﺎﻓﻴﻦ .. ﻣﻬﺎ .. ﺍﻧﻲ ﺍﻟﻲ ﻣﺎﺍﺭﻳﺪ ﺍﺷﻮﻓﻬﻢ ﺑﻌﺪ ﺍﻟﻲ ﺳﻮﻭﻩ ﺑﻴﻪ ﻛﻮﻟﻪ .. ﺩﻣﺮﻭﺍ ﺣﻴﺎﺗﻲ ﺑﺲ ﺍﺭﻳﺪ ﺍﺭﻭﺡ ﺍﻭﺍﺟﻬﻬﻢ ﻭﺍﻋﺮﻓﻬﻢ ﺍﻧﻪ ﺍﻧﻲ ﺷﺮﻳﻔﻪ ﻭﺍﻟﺪﻟﻴﻞ ﻛﻮﻟﻬﻢ ﺑﺎﻟﺴﺠﻦ ﺍﺭﻳﺪ ﺍﻋﺮﻑ ﻟﻴﺶ ﺻﺪﮔﻮﻩ ﻭﻣﺼﺪﮔﻮﻧﻲ .. # ﺷﻤﺲ ﻭﻓﻌﻼ .. ﺭﺣﺖ ﺍﻻﻫﻠﻲ ﻭﮔﻔﺖ ﺑﻮﺟﻬﻢ ﻭﻣﺤﻤﺪ ﺭﺯﻟﻬﻢ .. ﻭﮔﻠﻠﻬﻢ ﺍﻧﺘﻮ ﺷﻨﻮ ﻣﻦ ﺍﻫﻞ .. ﺗﺒﻴﻌﻮﻥ ﺑﻨﺘﻜﻢ ﺍﻟﺒﻴﺖ ﺩﻋﺎﺭﻩ ﻭﺣﺘﻰ ﻣﺴﺌﻠﺘﻮﺍ ﻋﻠﻴﻬﻢ .. ﺍﻣﻲ ﺑﺲ ﺗﺒﺠﻲ .. ﻭﺭﺿﺎ ﺑﻌﻴﻦ ﻭﻛﺤﻪ ﮔﻠﻲ ﻣﺘﻄﻠﻌﻴﻦ ﺍﺑﻘﻲ ﻫﻨﺎ .. ﺿﺤﻜﺖ ﺑﻮﺟﻬﻪ ﻭﺗﻔﻠﺖ ﻋﻠﻴﻪ ﺭﺍﺩ ﻳﻀﺮﺑﻨﻲ ﻟﺰﻣﻪ ﻣﺤﻤﺪ .. ﻭﮔﺘﻠﻪ ﺍﻧﺘﻮ ﺑﻌﺪ ﻣﺎﻟﻜﻢ ﺣﻖ ﻋﻠﻴﻪ ﻭﻻ ﺍﻧﺘﻮﺍ ﺍﻫﻠﻲ ﻭﻻﺍﻋﺮﻓﻜﻢ .. ﻻﻥ ﺛﻘﺘﻮﺍ ﺑﻮﺍﺣﺪ .... ﻭﻛﺬﺑﺘﻮﻧﻲ .. ﺑﻌﺪ ﻻ ﺍﻧﺘﻮﺍ ﺍﻫﻠﻲ ﻭﻻ ﺍﻋﺮﻓﻜﻢ .. ﺑﻮﺳﺖ ﺭﺍﺱ ﺍﻣﻲ ﻭﻋﻔﺘﻬﻢ ﻭﻃﻠﻌﺖ ﻭﻱ ﻣﺤﻤﺪ .. # ﺷﻤﺲ ﻳﺘﺒﻊ ... 

العضوة: 522131 , 6 years ago

ﻣﺎ ﺍﻏﺮﺑﻪ ﻣﻦ ﺇﺣﺴﺎﺱ ﺣﻴﻦ ﺗﻠﺘﻘﻲ ﺑﺸﺨﺺ ﺑﻌﺪﺗﻪ ﻋﻨﻚ ﺍﻟﻈﺮﻭﻑ ﻭﺍﻟﻤﺴﺎﻓﺔ ﻭﺗﻠﺘﻘﻲ ﺑﻪ ﻣﺠﺪﺩﺍً ﺑﻌﺪ ﻏﻴﺎﺏ ﻳﻄﻮﻝ ﻭﻟﻘﺎﺀ ﻳﺠﻤﻌﻨﺎ ﺑﻀﺮﻭﻑ ﺍﻏﺮﺏ .. ﻛﻨﺖ ﺍﺷﻌﺮ ﺑﺄﻧﻚ ﻟﻲ .. ﻭﺍﻥ ﺍﻟﻨﺼﻴﺐ ﺳﻴﺠﻤﻌﻨﻲ ﺑﻚ ﻛﻨﺖ ﺍﺷﻌﺮ ﺑﺄﻥ ﺣﺒﻲ ﻟﻴﺲ ﺳﺮﺍﺏ .. ﻭﺍﻧﻚ ﻋﺸﻘﻲ ﺍﻟﻮﺣﻴﺪ .. ﺍﺟﻞ ﻓﺄﻧﺘﻲ ﺍﻣﺮﺃﺗﻲ ﺍﻧﺎ .. ﻭﺳﺘﻜﻮﻧﻴﻦ ﻟﻲ ﻋﻦ ﻗﺮﻳﺐ .. # ﺑﻘﻠﻤﻲ _ ﺷﻤﺲ ﺭﺍﺋﺪ .. ﻣﺤﻤﺪ ﺻﺪﻳﻘﻲ ﻣﻦ ﺍﻳﺎﻡ ﺍﻟﺸﻐﻞ .. ﺷﺮﻳﻚ ﻭﻳﺎﻩ ﺑﻤﺤﻞ ﻻﻥ ﻛﻨﺖ ﺍﺷﺘﻐﻞ ﻭﺍﺩﺭﺱ .. ﮔﻠﻲ ﺍﺧﺖ ﺯﻭﺟﺘﻪ .. ﺻﻐﻴﺮﻩ ﻭﺯﻭﺟﻮﻫﻪ ﻏﺼﺐ .. ﻭﺍﻟﻌﺎﺋﻠﻪ ﻣﻮ ﺯﻳﻨﻪ ﻭﻣﻦ ﺗﺰﻭﺟﺖ ﺍﻛﺘﺸﻔﺖ ﺍﻟﺒﻴﺖ .. ﺑﻴﺖ ﻣﺸﺒﻮﻩ ﻭﺍﺭﻳﺪﻙ ﺗﺴﺎﻋﺪﻧﻲ ﻻﻥ ﺍﻟﺒﻨﻴﻪ ﺧﺎﻳﻔﻪ ﻭﻉ ﺳﺎﻋﻪ ﺗﻨﺘﺤﺮ .. ﻭﻣﺎﻟﻬﻪ ﺍﺣﺪ ﺑﺲ ﺍﻟﻠﻪ ﻭﺍﺣﻨﻪ .. ﺻﺪﻭﮒ ﻗﻬﺮﻧﻲ .. ﻳﻌﻨﻲ ﻣﺎﻛﻮ ﻫﻴﺞ ﺍﻫﻞ ﻳﺒﻴﻌﻮﻥ ﺑﻴﺘﻬﻢ ﺍﻟﻬﻴﺞ ﺑﻴﺖ .. ﺍﻧﻲ ﻃﺒﻌﺎ ﺍﺗﺨﺮﺟﺖ ﻭﺻﺮﺕ ﺿﺎﺑﻂ .. ﻭﻣﺎﺍﺗﻮﻗﻌﺖ ﺍﻭﻝ ﻣﻬﻤﻪ ﺍﻟﻲ ﺭﺍﺡ ﺗﻜﻮﻥ .. ﻧﻬﺠﻢ ﻉ ﺑﻴﺖ ﻣﺸﺒﻮﻩ .. ﻭﻓﻌﻼ .. ﺍﺟﺎﻧﻲ ﺧﺒﺮ ﻣﻦ ﻣﺤﻤﺪ ﻻ ﺍﻟﺒﻨﻴﻪ ﮔﺎﻟﺘﻠﻪ ﺑﻮﻗﺘﻬﻢ .. ﻭﻫﺠﻤﻨﺎ ﻉ ﺍﻟﺒﻴﺖ ﻭﺻﺪﻭﮒ ﻟﮕﻴﻨﺎﻫﻢ ﺑﻮﺿﻊ ﻭﺍﻟﻌﻴﺎﺫ ﺑﺎﻟﻠﻪ .. ﻧﺰﻻﻧﺎﻫﻢ ﻟﻠﺴﻴﺎﺭﺍﺕ ﻭﺑﻘﻴﺖ ﺍﺩﻭﺭ ﻉ ﺍﺧﺖ ﺯﻭﺟﺘﻪ ﻟﻤﺤﻤﺪ .. ﺗﺎﻟﻲ ﻟﮕﻴﺖ ﺑﺎﺑﺎ ﻣﻘﻔﻮﻝ ﻓﻮﮒ .. ﺩﻓﻌﺘﻪ ﻣﺎﻛﻮ ﺑﻘﻴﺖ ﺍﺩﻓﺮ ﺑﻲ ﺍﻟﻰ ﺍﻥ ﺍﻧﻔﺘﺢ .. ﺩﺧﻠﺖ ﺍﻟﻐﺮﻓﻪ ﻓﺎﺭﻏﻪ .. ﻋﺮﻓﺘﻬﺎ ﺑﺎﻟﺤﻤﺎﻡ ﮔﻮﻟﺘﻠﻬﺎ ﺧﻮﻳﻪ ﺍﻧﻲ ﺻﺪﻳﻖ ﻣﺤﻤﺪ ﻟﺘﺨﺎﻓﻴﻦ ﺍﻃﻠﻌﻲ .. ﻓﺘﺤﺖ ﺍﻟﺒﺎﺏ ﺍﻟﺒﻨﻴﻪ .. ﻭﺍﻧﻲ 😲 ﻣﻌﻘﻮﻟﻪ ﻫﺎﻱ ﺣﺒﻴﺒﺘﻲ ﻣﻬﺎﻭﻱ .. ﻭﺷﻠﻮﻥ ﺻﺎﻳﺮﻩ ﻫﺰﻳﻠﻪ ﻭﺗﻌﺒﺎﻧﻪ ﻣﻮ ﺫﻳﺞ ﺍﻻﻧﺴﺎﻧﻪ ﺍﻟﻲ ﺣﺒﻴﺘﻬﺎ ﻭﺍﻟﻲ ﻛﻮﻟﻬﺎ ﻃﺎﻗﻪ . ﻫﻲ ﺷﺎﻓﺘﻨﻲ ﺍﻧﺬﻫﻠﺖ ﺑﺲ ﻣﺒﻴﻦ ﻋﻠﻴﻬﺎ ﺍﻟﺘﻌﺐ ﻣﺘﺤﻤﻠﺖ .. ﻭﮔﻌﺖ ﺷﻠﺘﻬﺎ ﻭﺍﺑﺠﻲ .. ﺍﻟﻠﻪ ﻟﻴﻨﻄﻲ ﺍﻟﻲ ﺑﻌﺪﻧﻲ ﻋﻨﺞ ﻭﻭﺻﻠﺞ ﺍﻟﻬﺎﻱ ﺍﻟﺤﺎﻟﻪ . ﺧﻠﻴﺘﻬﺎ ﺑﺎﻟﺴﻴﺎﺭﻩ ﻭﺍﺗﺼﻠﺖ ﺑﻤﺤﻤﺪ ﻳﻠﺤﮕﻨﻲ ﻟﻠﻤﺴﺘﺸﻔﻰ .. ﻭﻋﻔﺘﻬﻢ ﻭﻃﻠﻌﺖ ﻟﻠﻤﺮﻛﺰ ﺍﻧﻜﻤﻞ ﺗﺤﻘﻴﻖ ..

العضوة: 522131 , 6 years ago

ﻭﺍﻭﻝ ﻣﺎﻭﺻﻠﺖ .. ﻟﺰﻣﺖ ﺯﻭﺟﻬﻪ ﺍﻟﻨﺎﻗﺺ .. ﻭﺷﺒﻌﺘﻪ ﻛﺘﻞ .. ﻻﻥ ﺍﺧﺬﻫﺎ ﺑﺎﻻﻭﻝ ﻣﻨﻲ ﻭﻻﻥ ﺩﻣﺮ ﺣﻴﺎﺗﻬﻪ ﻭﻻﻥ ﺭﺍﺩ ﻳﺠﺒﺮﻫﺎ ﻉ ﺷﻲ ﻫﻲ ﻣﺘﺮﻳﺪﻩ . ﻛﺴﺮﺗﻪ ﺗﻜﺴﺮ ﻣﺎﺧﻠﻴﺖ ﻗﻄﻌﻪ ﺻﺎﺣﻴﻪ ﺑﻲ ﺑﺎﻟﮕﻮﻩ ﺟﺮﻭﻩ ﻣﻨﻲ ﺍﻟﺸﺮﻃﻪ .. ﺭﺟﻌﺖ ﺍﻻﻣﻲ ﻭﺳﻮﻟﻔﺘﻠﻬﺎ ﺣﺎﻟﻪ ﻣﻬﺎ ﻭﺍﻫﻠﻬﺎ ﺷﺴﻮﻭ ﺑﻴﻪ . ﺍﻧﻜﺴﺮ ﮔﻠﺒﻬﺎ ﻋﻠﻴﻬﺎ .. ﻭﮔﺎﻟﺖ .. ﻳﻤﻪ ﺍﻟﺒﻨﻴﻪ ﺍﻟﻲ ﺗﺤﺎﻓﻆ ﻉ ﻧﻔﺴﻬﺎ ﻭﺷﺮﻓﻬﺎ ﺑﻮﺳﻂ ﻫﻴﺞ ﺑﻴﺖ ﻣﺸﺒﻮﻩ .. ﻓﻬﻲ ﺗﺎﺝ ﻉ ﺍﻟﺮﺍﺱ ﻭﺍﻫﻠﻬﺎ ﺍﻟﻠﻪ ﻳﺤﺎﺳﺒﻬﻢ .. ﺑﺲ ﺍﻧﺖ ﻻﺗﻔﻮﺗﻬﺎ ﻣﻦ ﺍﻳﺪﻙ ﻭﻣﺎﻳﻬﻤﻚ ﺍﻟﺤﺠﻲ .. ﻭﺍﻧﻲ ﺍﻋﺘﺒﺮﻫﺎ ﺣﺎﻟﻬﺎ ﺣﺎﻝ ﺑﻨﺎﺗﻲ .. ﺭﺍﺋﺪ .. ﻓﻌﻼ ﺍﻧﻲ ﻧﺎﻭﻱ ﻫﻴﺞ ﺍﺳﻮﻱ ﺿﻴﻌﺘﻬﺎ ﻣﺮﻩ ﻣﻦ ﺍﻳﺪﻱ ﻭﻣﺴﺘﺤﻴﻞ ﺍﺿﻴﻌﻬﺎ ﻣﺮﻩ ﻟﺦ .. ﺍﺗﺼﻠﺖ ﻉ ﻣﺤﻤﺪ ﻭﮔﻠﺘﻠﻪ ﺍﻧﻲ ﺍﺭﻳﺪ ﺍﺣﺠﻲ ﻭﻳﺎﻙ .. ﻭﺧﺒﺮﺗﻪ ﺑﻜﻞ ﺍﻟﻲ ﺻﺎﺭ ﻭﺷﻠﻮﻥ ﺑﺎﻟﺒﺪﺍﻳﻪ ﻛﻨﺖ ﺣﺎﻁ ﻋﻴﻨﻲ ﻋﻠﻴﻬﺎ ﻭﺗﺰﻭﺟﺖ .. ﻭﻫﺴﺎ ﻣﻦ ﺷﻔﺘﻬﺎ ﺗﻤﺴﻜﺖ ﺑﻴﻬﺎ ﺍﻛﺜﺮ ﻭﺧﺎﺻﻪ ﺑﻌﺪ ﺍﻟﻲ ﺳﻮﺗﻪ .. ﻣﻬﺎ ﻫﻲ ﺍﻟﻲ ﺍﻧﺎﻡ ﻉ ﻣﺨﺪﺗﻲ ﻭﺍﻧﻲ ﻣﻄﻤﺄﻥ ﻉ ﻣﺎﻟﻲ ﻭﺷﺮﻓﻲ ﻭﻳﺎﻫﻪ .. ﻣﺤﻤﺪ . ﻣﺪﺍﻡ ﻫﻴﺞ ﺧﻮﻳﻪ ﺧﻠﻴﻨﻲ ﺍﺣﺠﻲ ﻭﻱ ﺍﻟﺒﻨﻴﻪ ﻭﺍﺭﺟﻌﻠﻚ ﺧﺒﺮ .. ﻭﻓﻌﻼ ﺭﺣﺖ ﺍﻟﻤﻬﺎ .. ﻭﮔﻮﻟﺘﻠﻬﺎ ﻉ ﺭﺍﺋﺪ .. ﻣﻬﺎ .. ﻳﻌﻨﻲ ﺭﺍﺋﺪ ﻫﺬﺍ ﻓﻌﻼ .. ﻣﺤﻤﺪ .. ﺍﻱ ﻟﻴﺶ ﺗﻌﺮﻓﻴﻪ .. ﻣﻬﺎ .. ﺑﻠﻲ ﻫﺬﺍ ﺭﺍﺋﺪ ﻛﻨﺖ ﺍﺷﻮﻓﻪ ﻣﻌﺠﺐ ﺑﻴﻪ ﻭﻧﻀﺮﺍﺗﻪ ﻋﻠﻴﻪ ﻣﻦ ﻛﻨﺖ ﺍﺭﻭﺡ ﻟﻠﻤﺪﺭﺳﻪ ﺑﺲ ﻭﻻﻳﻮﻡ ﺍﺗﺠﺮﺃ ﻭﺣﺠﻰ ﻭﻳﺎﻱ .. ﻭﻣﻦ ﺷﻔﺘﻪ ﺑﺎﻟﻐﺮﻓﻪ ﺑﻴﻮﻡ ﺍﻟﻲ ﻧﻘﺬﻧﻲ ﻋﺒﺎﻟﻲ ﺣﻠﻢ ﻻﻥ ﻣﺎﺣﺴﻴﺖ ﻉ ﺭﻭﺣﻲ ﻭﻭﮔﻌﺖ .. ﻣﺤﻤﺪ .. ﻳﻌﻨﻲ ﻫﺴﺎ ﺷﺄﻛﻮﻟﻪ .. ﻳﺠﻲ ﻫﻮ ﻭﺍﻣﻪ ﻟﻮ ﻻ .. ﻣﻬﺎ .. ﻣﺤﻤﺪ .. ﺍﻧﻲ ﺣﺎﻟﺘﻲ ﺗﻌﺒﺎﻧﻪ ﻭﻓﻜﺮﺕ ﺍﻟﺰﻭﺍﺝ ﺧﺎﻳﻔﻪ ﻣﻨﻬﺎ ﻭﺧﺎﺻﻪ ﻣﺼﺎﺭﻟﻲ ﻫﻮﺍﻳﻪ ﻣﻦ ﺗﻄﻠﮕﺖ ﻭﻻﺯﻡ ﻓﺘﺮﻩ ﻳﻠﻪ ﺧﻠﻲ ﻧﻔﺴﻴﺘﻲ ﺗﺮﺗﺎﺡ ﻭﺍﻟﻠﻪ ﻛﺮﻳﻢ .. ﻣﻬﺎ .. ﻋﺸﺖ ﺑﺒﻴﺖ ﺍﻫﻞ ﻣﺤﻤﺪ ﺑﺮﺍﺣﻪ ﺣﺘﻰ ﺍﻣﻪ ﺭﻏﻢ ﻣﺎﻛﺎﻧﺖ ﻗﺎﺳﻴﻪ ﻉ ﺻﺎﺑﺮﻳﻦ ﻭﺗﺴﻤﻌﻬﺎ ﻛﻼﻡ ﺑﺲ ﻛﺎﻧﺖ ﺯﻳﻨﻪ ﻭﻳﺎﻱ

العضوة: 522131 , 6 years ago

ﻭﻣﺘﻌﺎﻃﻔﻪ .. ﺍﻣﺎ ﻗﺎﺋﺪ ﻓﻌﻨﺪﻱ ﻋﺘﺐ ﻭﻳﺎﻩ ﻛﺒﻴﺮ .. ﻣﺮ ﺷﻬﺮ ﻭﺭﺍﺋﺪ ﻛﻞ ﻳﻮﻡ ﻳﺘﺼﻞ ﻉ ﻣﺤﻤﺪ .. ﺍﺧﺮ ﺷﻲ ﻭﺍﻓﻘﺖ ﻳﺠﻮﻥ .. ﺍﺟﻪ ﻫﻮ ﻭﺍﻣﻪ ﻭﺍﺳﻼﻡ ﺍﺧﺘﻪ . ﻭﻃﻠﺐ ﻧﮕﻌﺪ ﻭﺣﺪﻧﺎ .. ﺑﻘﺖ ﻋﻴﻮﻧﻪ ﺗﺤﺠﻲ .. ﺩﻣﻌﺖ ﻋﻴﻮﻧﻲ ﻣﻦ ﺷﻔﺘﻪ .. ﻭﮔﺘﻠﻪ ﻟﻴﺶ ﺭﺍﺋﺪ .. ﺍﺗﺮﺟﺎﺝ ﻻﺗﻨﻀﺮﻳﻠﻲ ﻫﺎﻱ ﺍﻟﻨﻈﺮﻩ ﺗﺪﻣﺮﻳﻨﻲ .. ﻣﻬﺎ .. ﻟﻮ ﺣﺎﺟﻲ ﻛﻠﻤﻪ ﻭﺣﺪﻩ ﻛﺎﻥ ﻣﺼﺎﺭ ﺍﻟﻲ ﺻﺎﺭ . ﺭﺍﺋﺪ .. ﺳﺎﻣﺤﻴﻨﻲ ﻣﺎﺍﺗﻮﻗﻌﺖ ﻫﻴﺞ ﺭﺍﺡ ﻳﺼﻴﺮ .. ﻭﺑﻴﻮﻡ ﺍﻟﻲ ﺗﺰﻭﺟﺘﻲ ﺗﺪﻣﺮﺕ ﺍﻧﻲ ﺍﻛﺜﺮ .. ﺑﺲ ﻭﻋﺪ ﻭﻣﺴﺢ ﺩﻣﻮﻋﻲ ﻣﺎﺍﺧﻠﻲ ﺩﻣﻌﻪ ﺗﻨﺰﻝ ﻣﻨﺞ .. ﻭﺍﺭﻳﺪﺝ ﺗﺮﺟﻌﻴﻦ ﻋﺎﻓﻴﺘﺞ ﻭﺗﺮﺟﻊ ﻣﻬﺎﻭﻱ ﺍﻟﻤﺮﺑﺮﺑﻪ .. ﻣﻬﺎ .. ﻫﻬﻬﻬﻬﻬﻪ ﺭﺍﺋﺪ .. ﻓﺪﻳﺖ ﻫﺎﻟﻀﺤﻜﻪ .. ﺍﻭﻭﻭﻭﻑ ﻭﺍﺧﻴﺮﺍ . ﺭﺍﺡ ﺗﺼﻴﺮﻳﻦ ﺣﻼﻟﻲ .. ﻭﻫﺬﺍ ﺍﻟﻜﻠﺐ ﻋﻼﺀ ﻛﺴﺮﺗﻪ ﺍﻟﺞ ﺗﻜﺴﺮ ﻣﻬﺎ . ﻋﻔﻴﻪ ﻟﺘﺠﻴﺐ ﺍﺳﻤﻪ ﻣﺎﺍﺭﻳﺪ ﺍﻋﺮﻑ ﺷﻲ ﻋﻨﻪ .. ﺍﺭﻳﺪ ﺍﻧﺴﻰ ﻛﻞ ﺍﻟﻲ ﺻﺎﺭ ﻭﻳﺎﻱ .. ﻭﺍﻧﺖ ﻫﻢ ﺭﺍﺋﺪ ﺍﻧﻄﻴﻨﻲ ﻓﺘﺮﻩ ﺍﺳﺘﻌﻴﺪ ﻧﻔﺴﻲ ﺑﻴﻬﺎ .. ﺭﺍﺋﺪ .. ﻭﻟﻮ ﻣﺮﺍﺡ ﺍﺗﺤﻤﻞ ﺑﺲ ﻫﺎﻫﻲ ﺍﻫﻢ ﺷﻲ ﺭﺍﺣﺘﺞ .. ﺧﻠﺼﺖ ﺍﻟﻌﺪﻩ ﻣﺎﻟﺘﻲ .. ﻭﺍﺳﺘﻌﺎﺩﻳﺖ ﻧﻔﺴﻲ .. ﻭﺍﺟﻪ ﻣﺤﻤﺪ ﺧﻄﺒﻨﻲ ﻭﻣﺎﻋﺰﻣﺖ ﺍﺣﺪ ﻣﻦ ﺍﻫﻠﻲ ﻭﻫﻮ ﻫﻢ ﻳﻌﺮﻑ ﻭﺿﻌﻲ ﻭﻋﻘﺪﻧﺎ .. ﺻﺎﺭ ﻣﺤﻤﺪ ﻫﻮ ﻭﻟﻲ ﺍﻣﺮﻱ ﻻﻥ ﺍﺣﺴﻦ ﻣﻦ ﺍﺧﻮﻳﻪ ﻭﺍﺑﻮﻳﻪ ﺍﻟﻲ ﺑﺎﻋﻮﻧﻲ .. ﻭﺍﻡ ﺭﺍﺋﺪ .. ﺍﻧﺴﺎﻧﻪ ﻃﻴﺒﻪ ﻭﺗﺤﺒﻨﻲ .. ﺍﺑﺪ ﻣﺤﺴﺴﻮﻧﻲ ﺑﺸﻲ ﻭﺑﻠﻲ ﻋﺸﺘﻪ . ﻧﺴﻮﻧﻲ ﻛﻮﻟﺸﻲ ﻭﺭﺍﺋﺪ ﻳﺤﺒﻨﻲ ﻭﻳﻤﻮﺕ ﻋﻠﻴﻪ ﻭﻳﺨﺎﻑ ﻋﻠﻴﻪ ﻣﻦ ﺍﻟﻬﻮﻯ ﻭﻗﺒﻞ ﺍﻛﻤﻞ ﺩﺭﺍﺳﺘﻲ ﻭﻱ ﺍﺳﻼﻡ ﺍﺧﺘﻪ ﻫﻢ ﻧﺠﺤﺖ ﻟﻠﺴﺎﺩﺱ .. ﺍﻟﻠﻪ ﻋﻮﺿﻨﻲ ﺑﻌﺪ ﺗﻌﺒﻲ ﻭﺻﺒﺮﻱ ﻭﻛﻞ ﻳﻮﻡ 

العضوة: 522131 , 6 years ago

ﺍﺳﺠﺪ ﻟﻠﻪ .. ﻭﻧﺼﺮﻧﻲ .. ‏( ﺿﺎﻗﺖ .. ﻭﻟﻤﺎ ﺍﺳﺘﺤﻜﻤﺖ ﺣﻠﻘﺎﺗﻬﺎ .. ﻓﺮﺟﺖ .. ﻭﻛﻨﺖ ﺍﻇﻨﻬﺎ ﻻﺗﻔﺮﺝ ‏) .. ﺍﻟﺤﻤﺪ ﻟﻠﻪ .. ﻫﺎﻱ ﻧﻬﺎﻳﻪ ﻗﺼﺘﻲ ﺍﻟﻲ ﻣﺎﺍﺗﻤﻨﻰ ﺍﻻﻱ ﺑﻨﻴﻪ ﺗﻌﻴﺶ ﺍﻟﻲ ﻋﺸﺘﻪ .. ﻭﻟﻮ ﻛﺎﻥ ﺍﻳﻤﺎﻧﻲ ﺑﺎﻟﻠﻪ ﻗﻮﻱ ﺍﻧﻪ ﺣﻴﻨﺼﺮﻧﻲ . . ﻭﺍﻟﺪﻟﻴﻞ ﻣﻦ ﺑﻴﻦ ﺍﻟﻨﺎﺱ ﻛﻮﻟﻬﺎ .. ﺧﻠﻰ ﺭﺍﺋﺪ ﺑﻄﺮﻳﻘﻲ ﺣﺘﻰ ﻳﻨﻘﺬﻧﻲ ﻭﻳﺠﻤﻌﻨﻲ ﺑﻲ .. ﺍﻟﺼﺪﻓﻪ ﺍﻟﻲ ﻋﻤﺮﻱ ﻣﺎﺗﻮﻗﻌﺖ ﺗﺼﻴﺮ ﺑﺲ ﻣﻮ ﺑﻌﻴﺪﻩ ﻉ ﺭﺑﻲ ﺍﻟﻌﺎﻟﻤﻴﻦ .. ﻭﺍﺗﻤﻨﻰ ﻟﻜﻞ ﺍﻻﻫﺎﻟﻲ ﺍﻧﻪ ﻣﻦ ﺗﻨﺨﻄﺐ ﺑﻨﺘﻬﻢ ﻳﺴﺌﻠﻮﻥ ﺯﻳﻦ ﻉ ﺍﻟﻮﻟﺪ ﻭﺍﻫﻠﻪ ﻭﻣﺎﻳﻐﺮﻫﻢ ﺍﻟﻤﻬﺮ ﻭﺍﻟﻔﻠﻮﺱ ﻻﻥ ﻫﻲ ﻣﻮ ﺑﻀﺎﻋﻪ ﻭﻳﺎﻫﻮ ﺍﻟﻲ ﻳﺪﻓﻊ ﺍﻛﺜﺮ .. ﺍﺗﻤﻨﻰ ﻳﻔﻜﺮﻭﻥ ﺑﺴﻌﺎﺩﻩ ﺍﻭﻻﺩﻫﻢ ﻗﺒﻞ ﺍﻟﻤﺎﺩﻩ ﻭﺍﻻﻣﻮﺭ ﺍﻟﺘﺎﻓﻬﻪ .. ﻫﺬﻱ ﻧﻬﺎﻳﻪ ﺍﻟﻘﺼﻪ ﻭﺍﺗﻤﻨﻰ ﻋﺠﺒﺘﻜﻢ ﺣﺒﺎﻳﺐ # 

العضوة: 724645 , 6 years ago

القصة نهايتا كتير حلوة ومؤثرة كتير بالاخص ع المعاناة اللي عاشتها مها مع علاء ....بس بالنهاية دائما ينتصر الحق

العضوة: 670400 , 6 years ago

الصراحه معرف شنو احجي بس القصه اكثر من روعه والله حته دموعي هلن😢

العضوة: 522131 , 6 years ago

@user-670400 ياعمري صدك والله اني البارحه قريته كله وتالمت عليه

العضوة: 522131 , 6 years ago

@user-724645 الله ماينساله بشر

العضوة: 670400 , 6 years ago

@user-522131 اي والله😥😥❤️

العضوة: 724645 , 6 years ago

معك حق ...ع فكرة انا كتير بحب القصص اللي بتنزليا لما بشوف اشعار قصة لالك دغري بروح اقرأها ...يسلموا ايديكي بس امانة لما تنزلي قصة نزليها كاملة ولا تطولي علينا بتنزيل القصص....موفقة ان شاء الله

العضوة: 522131 , 6 years ago

@user-724645 هاذ من ذوقج الحلو ياعمري نشالله والله جاي اسوي كل الي عليه بس مارت النت يفصل عندي 💔