ﺍﻟﻘﺼﻪ ﺣﻘﻴﻘﻪ ..
ﻟﻜﻦ ﻻ ﺍﺳﺘﻄﻴﻊ ﺗﺤﺪﻳﺪ ﺍﻟﻤﻜﺎﻥ ﺍﻭ ﺍﻟﻤﺤﺎﻓﻀﻪ .. ﻃﻠﺒﺎ ﻣﻦ ﺻﺎﺣﺒﺔ ﺍﻟﻘﺼﻪ ﺣﻔﺎﻇﺎ ﻋﻠﻰ ﺍﻟﺨﺼﻮﺻﻴﻪ ..
ﺍﻟﻘﻠﻢ ️✍ ﺍﻟﺞ ﺣﺒﻲ ..
ﻣﺮﺣﺒﺎ ﺍﺳﻤﻲ ﻣﻬﺎ ﻋﻤﺮﻱ ﺣﺎﻟﻴﺎ 20 ﺳﻨﻪ .. ﻛﻨﺖ ﻃﺎﻟﺒﻪ ﺳﺎﺩﺱ ﺍﻋﺪﺍﺩﻱ .. ﻃﺒﻌﺎ ﻗﺒﻞ ﻛﻮﻟﺸﻲ ﺧﻠﻮﻧﻲ ﺍﻋﺮﻓﻜﻢ ﻋﻦ ﻋﺎﺋﻠﺘﻲ
ﺍﺑﻮﻳﻪ ﻋﻨﺪﻩ ﻣﺤﻞ ﻣﺎﻝ ﺣﻠﻮﻳﺎﺕ ﻭﻣﻮﺍﺩ ﻏﺬﺍﺋﻴﻪ ﺑﺴﻴﻄﻪ ﻣﻄﻠﻊ ﻣﺤﻞ ﻣﻦ ﺍﻟﺒﻴﺖ .. ﻭﺍﻣﻲ ﺭﺑﺔ ﺑﻴﺖ .. ﻳﻌﻨﻲ ﻧﺎﺱ ﻉ ﮔﺪ ﺣﺎﻟﻬﻢ ..
ﻋﻨﺪﻱ ﺍﺥ ﻭﺍﺣﺪ ﻭﺍﺣﻨﻪ ﺳﺒﻊ ﺑﻨﺎﺕ .. ﺍﻣﻲ ﺳﻮﺗﻨﺎ ﻭﺍﺣﺪ ﻓﻮﮒ ﺍﻻﺥ ﻋﺒﺎﻟﻬﻪ ﻳﺠﻴﻬﺎ ﻭﻟﺪ ﻭﺗﺎﻟﻲ ﺳﻄﺮﺗﻨﺎ ﺳﺒﻌﻪ ﺍﻧﻲ ﺍﻟﻮﺳﻄﺎﻧﻴﻪ ﺑﺄﺧﻮﺍﺗﻲ .. ﺍﺧﻮﻳﻪ ﺭﺿﺎ ﻣﺘﺰﻭﺝ ﻭﻋﻨﺪﻩ ﺍﺛﻨﻴﻦ ﺑﻨﺎﺕ ﻭﺍﺧﻮﺍﺗﻲ ﺛﻼﺛﻪ ﻗﺒﻠﻲ ﻫﻢ ﻣﺘﺰﻭﺟﺎﺕ ﻭﻋﻨﺪﻱ ﺛﻼﺛﻪ ﺍﺻﻐﺮ ﻣﻨﻲ .. ﺑﻴﺘﻨﺎ ﺻﻐﻴﺮ ﻭﻣﻦ ﺗﺰﻭﺝ ﺍﺧﻮﻳﻪ .. ﺍﺧﺬ ﻏﺮﻓﻪ ﻭﺑﻘﻴﻨﺎ ﻛﻮﻟﻨﺎ ﺑﻐﺮﻓﻪ .. # ﺷﻤﺲ
ﻣﺎﺍﻭﺻﻠﻔﻜﻢ ﺍﻻﺯﺩﺣﺎﻡ ﺍﻟﻲ ﺑﺎﻟﺒﻴﺖ .. ﻟﻬﺬﺍ ﺍﻫﻠﻲ ﻋﺒﺎﻟﻚ ﺑﺲ ﻳﺮﺩﻭﻥ ﻳﺨﻠﺼﻮﻥ ﻣﻨﺎ .. ﻛﻞ ﻭﺣﺪﻩ ﺗﺠﻴﻬﺎ ﻗﺴﻤﻪ ﻳﻨﻄﻮﻫﺎ .. ﺣﺘﻰ ﻣﻦ ﻏﻴﺮ ﻣﻴﺴﺌﻠﻮﻥ ﻋﻦ ﺍﺻﻠﻪ ﻭﻓﺼﻠﻪ .. ﺗﺰﻭﺟﺖ ﺍﺧﺘﻲ ﺍﻟﻜﺒﻴﺮﻩ ﻧﺴﺮﻳﻦ ﺍﻟﻮﺍﺣﺪ ﺍﻛﺒﺮ ﻣﻨﻬﺎ ﺑﻌﺸﺮ ﺳﻨﻮﺍﺕ ..
ﻭﺍﺧﺘﻲ ﺷﻴﺮﻳﻦ ﺍﻟﻮﺍﺣﺪ ﻣﻄﻠﻖ ﻭﻋﻨﺪﻩ ﺍﻭﻻﺩ .. ﻭﺻﺎﺑﺮﻳﻦ ﺍﻟﻲ ﻫﻲ ﺻﺪﻳﻘﺘﻲ ﻣﻮ ﺑﺲ ﺍﺧﺘﻲ ﻻﻥ ﻣﺎﻛﻮ ﻓﺮﻕ ﺑﻴﻨﺎ ﻫﻮﺍﻳﻪ ﺍﺷﻬﺮ ﺍﻛﺜﺮ ﻭﺣﺪﻩ ﺗﺄﺛﺮﺕ ﻋﻠﻴﻬﺎ ﻣﻦ ﺗﺰﻭﺟﺖ ..
ﺍﺧﺬﺕ ﻭﺍﺣﺪ ﺯﻳﻦ ﻭﻳﺤﺒﻬﺎ ﺑﺲ ﺍﻣﻪ ﺷﻮﻳﻪ ﻣﺄﺫﻳﺘﻬﺎ .. ﻭﺍﻧﻲ ﺍﻟﻮﺳﻄﺎﻧﻴﻪ ﺍﺧﻮﺍﺗﻲ ﺍﻟﺒﻘﻴﻪ ﺍﺻﻐﺮ ﻣﻨﻲ ﺑﻬﻮﺍﻱ ﻻﻥ ﺍﻣﻲ ﻗﻄﻌﺖ ﻓﺘﺮﻩ ﻭﺑﻌﺪﻳﻦ ﺭﺟﻌﺖ .. ﻉ ﻧﻔﺲ ﺍﻟﻤﻨﻮﺍﻝ ..
ﺍﻧﻲ ﻣﻮﺍﺻﻔﺎﺗﻲ ﺷﻮﻳﻪ ﻣﺮﺑﺮﺑﻪ ﺑﺲ ﺟﺴﻤﻲ ﻣﺘﻨﺎﺳﻖ ﺣﻠﻮ ﻭﺑﻴﻀﻪ .. ﻃﻮﻟﻲ ﻣﺘﻮﺳﻂ ..
ﻛﻨﺖ ﻣﻦ ﺍﻃﻠﻊ ﻟﻠﻤﺪﺭﺳﻪ ﻭﺍﻧﻲ ﺑﺎﻻﻋﺪﺍﺩﻳﻪ .. ﺍﻧﻲ ﺍﻭﻝ ﻭﺣﺪﻩ ﺍﻭﺻﻞ ﺍﻟﻬﻴﺞ ﻣﺮﺣﻠﻪ ..
ﻛﺎﻥ ﺍﺑﻦ ﺟﻴﺮﺍﻧﻪ ﺍﺷﻮﻓﻪ ﺑﺎﻟﺒﺎﺏ ﻋﻨﺪﻫﻢ ﺣﺪﻳﻘﻪ ﺧﺎﺭﺟﻴﻪ .. ﻣﻦ ﺍﻣﺮ ﻣﻦ ﻳﻢ ﺑﺎﺑﻬﻢ ﻋﻴﻮﻧﻪ ﻣﺘﻔﺎﺭﻗﻨﻲ ﺍﺣﺲ ﺑﻨﻀﺮﺍﺗﻪ ﺍﺗﺠﺎﻫﻲ ﺑﺲ ﺍﻧﻲ ﻣﺎﺍﺗﺒﺎﻭﻉ .. ﺍﺧﺠﻞ .. # ﺷﻤﺲ
ﺗﻜﺮﺭﺕ ﻫﺬﻱ ﺍﻟﺤﺎﻟﻪ ﺍﻟﺼﺮﺍﺣﻪ ﻫﻮ ﺍﻧﺴﺎﻥ ﺣﻠﻮ ﻭﺣﻨﻄﺎﻭﻱ ﻭﻭﺳﻴﻢ ﻭﻋﻨﺪﻩ ﺷﻮﺍﺭﺏ ﻭﻟﺤﻴﻪ .. ﺍﻭﻭﻭﻭﻭﻑ ﻳﺨﺒﻞ ﺍﺳﻤﻪ ﺭﺍﺋﺪ ..
ﻛﻠﻤﺎ ﺍﻃﻠﻊ ﻟﻠﻤﺪﺭﺳﻪ ﺍﺷﻮﻓﻪ ﻭﻣﻦ ﺍﺭﺟﻊ ﻫﻢ ﻋﺒﺎﻟﻚ ﻳﻌﺮﻑ ﻭﻗﺘﻲ .. ﺍﻟﻲ ﺍﻃﻠﻊ ﺑﻲ ..
ﺍﻧﻲ ﺗﻜﻮﻧﺖ ﻋﻨﺪﻱ ﺍﺗﺠﺎﻫﻪ ﻣﺸﺎﻋﺮ .. ﻉ ﺭﻏﻢ ﻣﺤﺎﺟﻴﻦ ﻣﻊ ﺑﻌﺾ .. ﻳﻌﻨﻲ ﺑﺲ ﻧﻀﺮﺍﺕ ﻭﺍﻧﻲ ﺍﻭﻝ ﻣﺮﻩ ﺍﺣﺪ ﻳﺘﺒﺎﻭﻋﻠﻲ ﻫﻴﺞ .. ﺣﺴﻴﺖ ﺍﻫﺘﻤﺎﻣﻪ ﺍﻟﻲ ﺑﻨﻀﺮﺍﺗﻪ .. ﺍﻻﻫﺘﻤﺎﻡ ﺍﻟﻲ ﺍﻓﺘﻘﺪﺗﻪ ﻣﻦ ﺍﻫﻠﻲ ﺑﺎﻟﺒﻴﺖ .. ﺑﺪﻳﺖ ﺍﺭﺗﺐ ﺑﻨﻔﺴﻲ ﻭﺍﻋﺪﻝ ﻣﻊ ﺍﻧﻪ ﻣﺎﻋﻨﺪﻱ ﻣﻼﺑﺲ ﻫﻮﺍﻳﻪ ..
ﻻﻥ ﺣﺎﻟﺘﻨﺎ ﺿﻌﻴﻔﻪ .. ﺑﺲ ﻛﻨﺖ ﻧﻀﻴﻔﻪ ﺣﻴﻞ .. ﻭﻣﺮﻩ ﻋﺜﺮﺕ ﮔﺒﺎﻝ ﺑﺎﺑﺎﻫﻢ .. ﮔﺎﻝ ﺍﺳﻢ ﺍﻟﻠﻪ ﻭﻃﻔﺮ ﻣﻦ ﻣﻜﺎﻧﻪ ﻭﻋﻴﻮﻧﻪ ﺧﺎﻳﻔﻪ ﻋﻠﻴﻪ .. ﮔﺎﻝ ﺧﻮ ﻣﺎﺗﺄﺫﻳﺘﻲ .. ﮔﻠﺘﻠﻪ ﻻ ﺗﺴﻠﻢ ..
ﻭﺗﺮﻛﺘﻪ ﻭﻣﺸﻴﺖ ﻭﻟﺴﺎ ﻣﻼﻣﺢ ﻭﺟﻬﻪ ﻭﺷﻠﻮﻥ ﺧﺎﻳﻒ ﻋﻠﻴﻪ ﺑﺒﺎﻟﻲ ﻭﺍﻧﻲ ﺍﺫﺍ ﺍﻋﺜﺮ ﺑﺒﻴﺘﻨﺎ ﻳﮕﻠﻮﻟﻲ ﻭﻋﻤﻰ ﻫﻬﻬﻬﻬﻪ .
ﺍﺳﺘﻤﺮﻳﻨﺎ ﺷﻬﺮ ﻉ ﻫﺬﻱ ﺍﻟﺤﺎﻟﻪ .. # ﺷﻤﺲ
ﻭﺗﺎﻟﻲ ﺍﺧﺘﻔﻪ ﺭﺍﺋﺪ ﺑﻌﺪ ﻣﺎﺷﻔﺘﻪ .. ﺿﺠﺖ ﺣﻴﻞ ﺣﺴﻴﺖ ﺍﻛﻮ ﺷﻲ ﺑﺤﻴﺎﺗﻲ ﻣﺨﺘﻔﻲ ..
ﻣﻌﻘﻮﻟﻪ ﻛﻤﻴﻪ ﺍﻟﻤﺸﺎﻋﺮ ﻫﺬﻱ ﺍﺗﺠﺎﻫﻪ ﻭﺍﻧﻲ ﺣﺘﻰ ﻣﺤﺎﺟﻴﻪ ﻭﻳﺎﻩ ..
ﻛﻞ ﻳﻮﻡ ﺍﻃﻠﻊ ﻭﻋﻴﻨﻲ ﺍﻟﺒﺎﺏ ﻭﻣﻦ ﺗﺠﻲ ﻛﺬﻟﻚ ..
ﺍﻭﻭﻭﻭﻑ ﻭﻳﻦ ﺭﺍﺡ ﻭﻟﻴﺶ ﺍﺧﺘﻔﻰ ﻓﺠﺄﺓ ..
ﻭﻳﻨﻚ ﺭﺍﺋﺪ ﻋﺮﻓﻬﻢ ﻉ ﻧﻔﺴﻚ ﻭﻋﻮﺩ ﺭﻭﺡ ﺍﺧﺘﻔﻲ ..
ﻫﻬﻬﻪ ﻣﺮﺣﺒﺎ ﺣﺒﺎﻳﺐ ﺍﻧﻲ ﺍﺳﻤﻲ ﺭﺍﺋﺪ ﻃﺎﻟﺐ ﺑﻜﻠﻴﻪ ﺍﻟﻀﺒﺎﻁ .. ﺟﺴﻤﻲ ﺿﺨﻢ ﻭﺭﻳﺎﺿﻲ ﻭﻋﻨﺪﻱ ﺷﻮﺍﺭﺏ ﻭﻟﺤﻴﻪ ﺧﻔﻴﻔﻪ ..
ﻭﻣﺮﺍﺕ ﺍﺣﻠﻘﻬﺎ ﺑﺤﻜﻢ . ﻋﻤﻠﻲ ..
ﺍﻧﻲ ﻛﺎﻥ ﻃﻤﻮﺣﻲ ﻭﺍﻣﻨﺘﻲ ﺍﺩﺧﻞ ﻛﻠﻴﻪ ﺿﺒﺎﻁ .. ﺍﺑﻮﻳﻪ ﻣﺴﺘﺸﻬﺪ ﻭﻋﻨﺪﻱ ﺍﺧﻮﺍﺕ ﺍﺛﻨﻴﻦ ﻭﺣﺪﻫﺎ ﺍﺳﻤﻬﺎ ﺍﻳﻤﺎﻥ ﻣﺘﺰﻭﺟﻪ ﻭﺍﻟﺜﺎﻧﻴﻪ ﺇﺳﻼﻡ ﺑﻌﺪﻫﻲ ﺗﺪﺭﺱ .. # ﺷﻤﺲ
ﻣﻦ ﺍﺟﻲ ﺑﺄﺟﺎﺯﻩ ﺍﻟﺘﻬﻲ ﺑﺤﺪﻳﻘﺘﻨﺎ ﺍﻟﺨﺎﺭﺟﻴﻪ ﺍﺭﺗﺒﻬﺎ ﻭﺍﺳﻘﻴﻬﺎ .. ﻭﻻﺣﻈﺖ ﺑﻨﻴﻪ ﺗﻤﺮ ﻣﻦ ﻳﻢ ﺑﺎﺑﻨﺎ ﺍﻟﺼﺮﺍﺣﻪ ﻣﺸﺎﻳﻔﻬﻪ ﻗﺒﻞ ﺍﻭ ﻣﻤﻼﺣﻈﻬﺎ ﺣﻠﻮﻩ ﻭﻣﺮﺑﺮﺑﻪ ﻭﺑﻴﻀﻪ ﻭﻣﺤﺠﺒﻪ .. ﺗﺠﻲ ﻣﻦ ﺍﻟﺸﺎﺭﻉ ﺍﻟﻲ ﻭﺭﺍﻧﺎ .. ﺍﺣﻨﺎ ﺟﺪﺩ ﺑﺎﻟﻤﻨﻄﻘﻪ ﻓﻤﺎﺍﻋﺮﻓﻬﻢ ..
ﺑﻘﻴﺖ ﺍﺭﺍﻗﺒﻬﺎ ﻭﻋﻴﻮﻧﻲ ﻋﻠﻴﻬﺎ .. ﻭﻳﻦ ﻣﺘﺮﻭﺡ .. ﺻﺮﺍﺣﻪ ﺑﻨﻴﻪ ﻣﺆﺩﺑﻪ ﻭﺣﺒﺎﺑﻪ .. ﺑﻘﺖ ﺑﺲ ﻋﻴﻮﻧﻪ ﺗﺤﺠﻲ ﺳﺄﻟﺖ ﻋﻠﻴﻬﺎ ﻋﺮﻓﺖ ﺍﺳﻤﻬﺎ ﻣﻬﺎ .. ﻭﺑﻴﻮﻡ ﻋﺜﺮﺕ ﻭﻭﮔﻌﺖ ﺍﺧﺬﺕ ﮔﻠﺒﻲ ﺑﻮﮔﻌﺘﻬﺎ ﻋﺮﻓﺖ ﮔﻠﺒﻲ ﺑﺪﺍ ﻳﻨﺒﺾ ﺍﻟﻬﺎ .. # ﺷﻤﺲ
ﻋﺠﺒﺘﻨﻲ ﺣﻴﻞ ﺣﺘﻰ ﺣﺠﻴﺖ ﺍﻻﻣﻲ ﻋﻠﻴﻬﺎ ﻭﺍﻻﺳﻼﻡ .. ﻭﮔﺎﻟﺖ ﺍﺳﻼﻡ ﺍﻧﻲ ﺍﺳﺄﻟﻚ ﻋﻠﻴﻬﺎ ﻫﻲ ﺑﻤﺪﺭﺳﺘﻨﺎ .. ﺑﺲ ﻫﻲ ﺳﺎﺑﻘﻪ ﺍﺳﻼﻡ ﺑﻤﺮﺣﻠﻪ ﺍﻋﺘﻘﺪ ﺑﺎﻟﺴﺎﺩﺱ ﻻﻥ ﺍﺳﻼﻡ ﺑﺎﻟﺨﺎﻣﺲ ..
ﺻﺎﺭ ﻭﻗﺖ ﺍﻟﺘﺤﺎﻗﻲ ﻭﺩﺍﻭﻣﺖ .. ﺑﻘﻰ ﺑﺎﻟﻲ ﻳﻤﻬﺎ ﻭﻛﻞ ﻳﻮﻡ ﺍﺗﺼﻞ ﺑﺎﺳﻼﻡ ﺗﺠﻴﺒﻠﻲ ﺍﺧﺒﺎﺭﻫﺎ ..
ﻭﺣﻤﺪﺕ ﺑﻴﻬﺎ ﺗﮕﻮﻝ ﺧﻮﺵ ﺑﻨﻴﻪ ﻭﺣﺒﺎﺑﻪ ﻭﻣﻦ ﻧﺎﺱ ﻉ ﮔﺪ ﺣﺎﻟﻬﻢ ﻭﻓﻘﻴﺮﻩ ..
ﺍﻧﻲ ﻣﺎﺍﻫﺘﻤﻴﺖ ﺍﻟﺤﺎﻟﺘﻬﻢ .. ﺍﻻﻫﻢ ﻋﻨﺪﻱ ﺍﻻﺧﻼﻕ ﻭﻗﺮﺭﺕ ﻣﻦ ﺍﺭﺟﻊ ﺍﺣﺠﻲ ﻭﻳﺎﻫﻪ ﻭﺍﺫﺍ ﺗﺒﺎﺩﻟﻨﻲ ﻧﻔﺲ ﺍﻟﻤﺸﺎﻋﺮ ﺍﺧﻄﺒﻬﺎ .. # ﺷﻤﺲ
ﻣﻬﺎ .. ﺍﻓﺘﻘﺪﺗﻪ ﻫﻮﺍﻳﻪ ﻭﻛﻞ ﻳﻮﻡ ﻋﻴﻨﻲ ﻉ ﺑﺎﺑﻬﻢ ﻭﺣﺒﻴﺖ ﺣﺪﻳﻘﺘﻬﻢ ﻫﻮﺍﻳﻪ .. ﻻﻥ ﻫﻮ ﺍﻟﻲ ﻳﻌﺘﻨﻲ ﺑﻴﻬﺎ .
ﺍﺭﺟﻊ ﻟﻠﺒﻴﺖ ﻫﻮﺳﻪ ﻭﻳﺒﺪﻱ ﺍﻟﻜﺮﺍﺏ ﻭﻛﻞ ﺳﺎﻋﻪ ﻳﺮﺩﻭﻥ ﻳﺒﻄﻠﻮﻧﻲ ﻭﺍﻧﻲ ﻣﺘﺤﻤﻠﻪ ﺍﻟﺸﻐﻞ ﻭﺍﻟﻜﺮﺍﺏ ﺣﺘﻰ ﻳﺨﻠﻮﻧﻲ ﺍﻛﻤﻞ .. ﻭﻛﻠﻤﺎ ﺍﺷﻜﻲ ﺍﻻﻣﻲ .. ﺗﮕﻠﻲ ﺷﺒﻴﺪﻱ ﻋﻠﻴﺞ ..
ﻣﺮﻩ ﻓﻘﻴﺮﻩ ﻭﻣﺎﺗﮕﺪﺭ ﺗﺤﺠﻲ ..
ﺍﺧﻮﻳﻪ ﺍﺧﻮ ﻣﺮﺗﻪ ﻃﺒﻌﺎ ﻳﺒﺎﻭﻉ ﺍﻟﺤﻠﮕﻬﺎ ﻟﻴﻞ ﻭﻧﻬﺎﺭ ﺑﻐﺮﻓﺘﻬﺎ ﺍﺧﻮﺍﺗﻲ ﺻﻐﺎﺭ ﻭﻣﺪﺭﺳﻪ ﻋﺪﻫﻦ ﻭﺑﺲ ﺍﻧﻲ ﻭﺍﻣﻲ .. # ﺷﻤﺲ
ﺑﻴﻮﻡ ﺭﺟﻌﺖ ﻣﻦ ﺍﻟﻤﺪﺭﺳﻪ ﮔﺎﻟﺖ ﺍﻣﻲ ﺍﺭﻳﺪﺝ ﺍﻟﻌﺼﺮ ﺗﻨﺰﻟﻴﻦ ﻭﻳﺎﻱ ﻟﻠﺴﻮﮒ ﺍﻧﻲ ﻣﺎﺍﮔﺪﺭ ﺍﺗﺴﻮﮒ ﻭﺣﺪﻱ ﻭﺍﺷﻴﻞ ﺍﻟﻤﺴﻮﺍﮒ
ﻗﺒﻠﺖ ﻣﻊ ﺍﻧﻪ ﺍﻇﻮﺝ ﺍﺭﻭﺡ ﻟﺴﻮﮒ ﺍﻟﻤﺨﻈﺮ ﻣﻦ ﻭﺭﻯ ﺫﻭﻟﻲ ﺍﻟﻲ ﻳﺒﻴﻌﻮﻥ ﺍﻟﻤﺨﻈﺮ .. ﻋﻴﻮﻧﻬﻢ ﺯﺍﻳﻐﻪ ﻭﻏﻴﺮ ﺍﻟﺤﺠﻲ ﺍﻟﻲ ﻳﺤﺠﻮﻩ ﻣﻴﺴﺘﻮﺣﻮﻥ ..
ﺍﻟﻤﻬﻢ ﺭﺟﻌﻨﺎ .. ﻭﺷﺎﻳﻠﻴﻦ ﻣﺴﻮﺍﮒ .. ﻭﺍﻣﻲ ﺗﻌﺒﺖ ﻭﺻﺎﺭ ﺍﻟﻤﻐﺮﺏ .. ﮔﺎﻟﺖ ﺍﻣﻲ ﺧﻠﻴﻨﺎ ﻧﺎﺧﺬ ﺗﻜﺴﻲ ..
ﺍﺟﺮﺕ ﺍﻣﻲ ﺗﻜﺴﻲ .. ﻭﺻﻌﺪﻧﺎ ﺍﻟﻮﻟﺪ ﻣﺸﺎﻝ ﻋﻴﻨﻪ ﻣﻦ ﺍﻟﻤﺮﺍﻳﻪ ﻛﻞ ﺳﺎﻋﻪ ﻳﺒﺎﻭﻉ .. ﻳﺎﺍﺍﺍ ﮔﺒﺮ ﻫﺬﺍ ﺷﺒﻲ ..
ﻧﻀﺮﺍﺗﻪ ﻏﺮﻳﺒﻪ .. # ﺷﻤﺲ
ﺭﺩﻧﺎ ﻧﻨﺰﻝ ﺑﺮﺍﺱ ﺍﻟﻔﺮﻉ ﻣﺎﻗﺒﻞ ﮔﺎﻝ ﻻ ﺍﻭﺻﻠﻜﻢ ﻟﻠﺒﺎﺏ ..
ﺍﻣﻲ ﻉ ﻧﻴﺎﺗﻬﻪ .. ﺍﻟﻠﻪ ﻳﻨﻄﻴﻚ ﺧﺎﻟﻪ ﻭﻳﻜﺜﺮ ﻣﻦ ﺍﻣﺜﺎﻟﻚ ..
ﻣﻦ ﻧﺰﻟﻨﺎ ﺍﺷﻮ ﻫﺬﺍ ﻣﻴﺴﺘﺤﻲ ﻋﻴﻮﻧﻪ ﻉ ﺟﺴﻤﻲ ﻳﺒﺎﻭﻉ ﻣﻊ ﺍﻧﻪ ﻣﻼﺑﺴﻪ ﺷﻲ ﻣﻐﺮﻱ ﻭﻣﻼﺑﺴﻲ ﻣﺤﺘﺸﻤﻪ ﺑﺲ ﻣﺒﻴﻦ ﻋﻴﻨﻪ ﺯﺍﻳﻐﻪ ..
ﻣﺎﺍﻫﺘﻤﻴﺖ ﻭﺩﺧﻠﻨﺎ ﻟﻠﺒﻴﺖ .
ﺑﺪﻟﺖ ﻣﻼﺑﺴﻲ ﻭﺑﺴﺮﻋﻪ ﺳﻮﻳﺖ ﺍﻟﻌﺸﺎ .. ﺍﺑﻮﻳﻪ ﺩﺧﻞ ﻣﻦ ﺍﻟﻤﺤﻞ .. ﺻﻠﻰ ﻭﺧﻠﻴﺘﻠﻬﻢ ﺍﻟﻌﺸﺎ ﻭﻏﺴﻠﺖ ﺍﻟﻤﻮﺍﻋﻴﻦ ..
ﻭﺭﺣﺖ ﺑﺴﺮﻋﻪ ﺣﺘﻰ ﺍﻟﺤﮓ ﺍﻗﺮﺃ ..
ﺧﻠﺼﺖ ﻧﻤﺖ .. ﺛﺎﻧﻲ ﻳﻮﻡ ﺑﺪﻟﺖ ﻛﺎﻟﻌﺎﺩﻩ .. ﻭﺭﺣﺖ ﺍﻟﻤﺪﺭﺳﻪ ﻭﻋﻴﻨﻲ ﻉ ﺑﺎﺏ ﺭﺍﺋﺪ ..
ﻟﻴﺶ ﻫﻴﺞ ﻳﺎﺭﺑﻲ ﺑﻌﺪ ﻣﺎﺩﮒ ﮔﻠﺒﻲ ﺍﻟﻪ ﻫﻴﺞ ﻳﺨﺘﻔﻲ ..
ﺍﻟﻤﻦ ﺍﺳﺄﻝ ﻋﻠﻴﻪ ﻫﺴﺎ ..
ﺧﻠﺺ ﺍﻟﻴﻮﻡ ﺑﻴﻦ ﺍﻟﺪﺭﻭﺱ ﻭﺍﻟﺘﻔﻜﻴﺮ ﻭﺭﺟﻌﺖ ﻟﻠﺒﻴﺖ ﻧﻔﺲ ﺍﻟﺮﻭﺗﻴﻦ ﻛﻞ ﻳﻮﻡ ..
ﺗﻌﺒﺎﻧﻪ ﺍﺗﻐﺪﻳﺖ ﻭﻏﺴﻠﺖ ﺍﻟﻤﻮﺍﻋﻴﻦ ﻭﻧﻤﺖ ﻟﻠﻌﺼﺮ ﺍﺟﺖ ﻣﺮﺕ ﺭﺿﺎ ﺍﮔﻌﺪﻱ ﻣﻬﺎ ﺍﺟﻦ ﻧﺴﻮﺍﻥ ﻋﻠﻴﺞ ﺑﺴﺮﻋﻪ .. # ﺷﻤﺲ
ﮔﻌﺪﺕ ﺷﻨﻮ ﻧﺴﻮﺍﻥ .. ﮔﺎﻟﺖ ﻣﺎﺍﺩﺭﻱ ﺍﺣﺘﻤﺎﻝ ﺧﻄﺎﺑﻪ ﻭﻣﺒﻴﻨﻪ ﺣﺎﻟﺘﻬﻢ ﺯﻳﻨﻪ ﻣﺘﺮﻭﺳﺎﺕ ﺫﻫﺐ ﺗﮕﻮﻝ ﻋﻤﺘﻲ ﺧﻠﻲ ﺗﻐﺴﻞ ﻭﺗﻠﺒﺲ ﺛﻮﺏ ﺣﻠﻮ ﻭﺗﺠﻲ ..
ﺍﻱ ﻳﻌﻤﻲ ﺑﻌﺪ ﺷﺘﺮﺩﻳﻦ ﻟﻮ ﻫﻴﺞ ﺍﻟﻘﺴﻤﻪ ﻟﻮ ﻣﺎﻛﻮ ..
ﺍﻧﻲ ﺍﺗﻌﺠﺒﺖ ﻭﺻﺎﺭ ﮔﺒﺎﻟﻲ ﺭﺍﺋﺪ ﺑﺴﺮﻋﻪ .. ﺍﺑﺘﺴﻤﺖ ﻣﻌﻘﻮﻟﻪ ﺭﺍﺋﺪ ﺩﺯ ﺍﻫﻠﻪ ﺣﺘﻰ ﻳﺨﻄﺒﻨﻲ ﻓﺮﺣﺖ ..
ﺑﺪﻟﺖ ﻋﻨﺪﻱ ﻓﺴﺘﺎﻥ ﺧﻴﻄﺘﻪ ﺍﺧﺘﻲ ﻧﺴﺮﻳﻦ ﺍﻟﻲ ﺑﻌﺮﺱ ﺻﺎﺑﺮﻳﻦ ﻣﺨﺼﺮ ﻭﺣﻠﻮ ﻳﺒﺮﺯ ﺟﺴﻤﻲ ﻭﺳﺮﺣﺖ ﺷﻌﺮﻱ ﻭﺧﻠﻴﺖ ﻃﻮﻕ ﺑﻠﻮﻥ ﺍﻟﺜﻮﺏ ﻭﻃﻠﻌﺖ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ ... .
️
العضوة: 522131 , 6 years ago
ﺩﺧﻠﺖ ﻟﻼﺳﺘﻘﺒﺎﻝ .. ﻟﮕﻴﺖ ﻣﺮﻩ ﻛﺒﻴﺮﻩ ﺑﺲ ﻣﻮ ﻛﻠﺶ ﺯﻳﻨﻪ ﻭﻫﻲ ﻣﻌﺘﻨﻴﻪ ﺑﻨﻔﺴﻬﺎ ﻭﺑﻨﺎﺕ ﺍﺛﻨﻴﻦ ﻭﻳﺎﻫﻪ ﺑﻌﺪﻳﻦ ﻋﺮﻓﺖ ﺑﻨﺎﺗﻬﻪ .. ﻣﻦ ﺷﺎﻓﻨﻲ ﺑﻘﻦ ﻳﺘﻔﺤﺼﻨﻲ .. ﻋﺒﺎﻟﻚ ﺳﻴﺎﺭﻩ ﻳﺸﺘﺮﻥ ﻣﻮ ﺑﻨﻴﻪ .. # ﺷﻤﺲ ﻣﺒﻴﻦ ﻋﺠﺒﺘﻬﻦ ﻻﻥ ﮔﺎﻣﻦ ﻳﺴﻮﻭﻥ ﻣﺰﺍﺩ ﻋﻠﻴﻪ .. ﺑﺎﻟﻤﻬﺮ ﺧﻠﻦ ﻣﺎﻣﺎ ﻭﻣﺮﺕ ﺭﺿﺎ 😮😮 ﻫﻴﺞ .. ﺍﻧﻲ ﺿﺠﺖ ﻣﻦ ﻋﺮﻓﺖ ﺍﺳﻢ ﺍﺑﻨﻬﺎ ﻋﻼﺀ .. ﻋﺒﺎﻟﻲ ﺭﺍﺋﺪ ﻭﻋﺒﺴﺖ ﺑﻮﺟﻬﻦ .. ﻣﺎﻣﺎ ﮔﻠﺘﻠﻬﻦ ﻧﺸﻮﻑ ﺍﺑﻮﻫﺎ ﻭﻧﺮﺟﻌﻠﻜﻢ ﺧﺒﺮ .. ﻭﺍﺧﺬﺕ ﺭﻗﻢ ﻣﻮﺑﺎﻳﻠﻬﻦ .. ﺍﻧﻲ ﺭﻓﻀﺖ ﻭﮔﻠﺘﻠﻬﺎ ﺍﺭﻳﺪ ﺍﻛﻤﻞ .. ﺑﺲ ﺍﺑﻮﻳﻪ ﻭﺭﺿﺎ ﻣﻦ ﺳﻤﻌﻮﺍ ﺍﻟﻨﺎﺱ ﺍﻏﻨﻴﺎﺀ ﻭﻋﻨﺪﻫﻢ ﻓﻠﻮﺱ .. ﻭﻣﺴﺘﻌﺪﻳﻦ ﻛﻮﻟﺸﻲ ﻳﺪﻓﻌﻮﻥ ﻭﺍﻓﻘﻮﺍ ﻭﮔﻠﻮﻟﻲ ﻣﺎﻛﻮ ﺩﺭﺍﺳﻪ ﻋﻮﺩ ﺍﺫﺍ ﻳﻘﺒﻞ ﺯﻭﺟﺞ ﻳﺨﻠﻴﺞ ﺗﺪﺭﺳﻴﻦ .. # ﺷﻤﺲ ﻭﻳﻦ ﺗﻠﮕﻴﻦ ﻫﻴﺞ ﻗﺴﻤﻪ .. ﺍﺗﺼﻠﻮﺍ ﻋﻠﻴﻬﻢ ﺛﺎﻧﻲ ﻳﻮﻡ ﻭﺭﺟﻌﻮﻟﻬﻢ ﺧﺒﺮ .. ﻣﻮﺍﻓﻘﻴﻦ . ﻣﻦ ﻏﻴﺮ ﻣﻴﻬﺘﻤﻮﻥ ﺍﻟﻤﺸﺎﻋﺮﻱ .. ﻭﺍﻓﻘﻮﺍ ﺣﺘﻰ ﻣﻦ ﻏﻴﺮ ﻣﻴﺴﺌﻠﻮﻥ ﻋﻨﻬﻢ ﺍﻭ ﺑﺎﻻﺣﺮﻯ ﺑﺎﻋﻮﻧﻲ .. ﺭﺣﺖ ﺍﻟﻤﺎﻣﺎ ﻭﺑﺴﺘﻬﺎ ﻭﺍﺗﻮﺳﻠﺖ ﺑﻴﻬﺎ ﺗﻘﻨﻊ ﺑﺎﺑﺎ .. ﻣﺎﻗﺒﻠﺖ ﮔﺎﻟﺖ ﻋﻴﺐ ﺑﻌﺪ ﺭﺟﻌﻼﻧﻬﻢ ﺧﺒﺮ .. ﺍﺗﺼﻠﺖ ﻉ ﺍﺧﻮﺍﺗﻲ ﻭﺍﺑﺠﻲ .. ﻭﺣﺎﻭﻟﺖ ﺑﻠﻜﻲ ﻳﻘﻨﻌﻦ ﺑﺎﺑﺎ .. ﺻﺎﺑﺮﻳﻦ ﺻﺎﺭﺕ ﻭﻳﺎﻱ ﺑﺲ ﻧﺴﺮﻳﻦ ﻭﺷﻴﺮﻳﻦ ﻻ ﮔﻠﻠﻲ .. ﻭﻳﻦ ﺗﺤﺼﻠﻴﻦ ﻫﻴﺞ ﻗﺴﻤﻪ .. ﻣﺎﻝ ﻭﺍﻟﻮﻟﺪ ﺍﻛﺒﺮ ﻣﻨﺞ ﺑﻜﻢ ﺳﻨﻪ .. ﻭﻧﺎﺱ ﻭﺍﺻﻠﻴﻦ ﺣﺴﺐ ﻣﺎﺳﻤﻌﻨﺎ ﻣﻦ ﻣﺎﻣﺎ .. # ﺷﻤﺲ ﺍﻭﻭﻭﻭﻑ ﺫﻭﻟﻲ ﺷﻴﻔﻬﻤﻬﻢ ﺍﻧﻲ ﻣﺘﻬﻤﻨﻲ ﺍﻟﻔﻠﻮﺱ .. ﺍﻟﻲ ﻳﻬﻤﻨﻲ ﺳﻌﺎﺩﺗﻲ ﻭﺍﺗﺰﻭﺝ ﺍﻟﺸﺨﺺ ﺍﻟﻲ ﺍﺣﺒﻪ ﻭﺍﺭﻳﺪﻩ .. ﺑﺲ ﺑﺎﺋﺖ ﻣﺤﺎﻭﻻﺗﻲ ﻛﻮﻟﻬﺎ ﺑﺎﻟﻔﺸﻞ .. ﺍﻭﻝ ﺧﻄﻮﻩ ﺳﻮﺍﻫﻪ ﺭﺿﺎ ﺍﺧﻮﻳﻪ ﺍﻟﻜﺒﻴﺮ ﻭﺍﻟﻤﻔﺮﻭﺽ ﻳﻜﻮﻥ ﺳﻨﺪﻱ ﺑﺎﻟﺤﻴﺎﺓ .. ﺑﻄﻠﻨﻲ ﻣﻦ ﺍﻟﻤﺪﺭﺳﻪ ﻭﺍﻧﻲ ﻭﺍﺻﻠﻪ ﺍﻟﻤﺮﺣﻠﻪ ﺍﻟﻜﻞ ﻳﺘﻤﻨﺎﻫﻪ ﻳﻮﻣﻴﻦ ﻭﺍﻧﻲ ﺍﻓﻜﺮ ﺑﺮﺍﺋﺪ .. ﻭﺣﻠﻤﻲ ﻭﺩﺭﺍﺳﺘﻲ ﺍﻟﻲ ﺭﺍﺣﻮﺍ .. ﺛﺎﻧﻲ ﻳﻮﻡ ﺍﺗﺼﻠﺖ ﺍﻡ ﺍﻟﻮﻟﺪ ﻉ ﻣﺎﻣﺎ .. ﻭﮔﻠﺘﻠﻬﻪ ﻧﺮﻳﺪ ﻧﺠﻲ . ﻣﺎﻣﺎ ﺭﺣﺒﺖ ﺑﻴﻬﻢ ..العضوة: 522131 , 6 years ago
ﻭﺻﺪﻭﮒ ﻟﻠﻌﺼﺮ ﺍﺟﻦ .. ﺍﻧﻲ ﻟﺒﺴﺖ ﺛﻮﺑﻲ ﻧﻔﺴﻪ ﺍﺗﻌﻤﺪﺕ .. ﻭﻟﻔﻴﺘﻪ ﺍﻟﺸﻌﺮﻱ . ﻣﺎﻣﺎ ﮔﺎﻡ ﺗﺤﺠﻲ ﻋﻠﻴﻪ .. ﺑﺲ ﻣﺎﺍﻫﺘﻤﻴﺖ ﺧﻠﻲ ﻳﺸﻮﻓﻨﻲ ﻫﻴﺞ ﺑﻠﻜﻲ ﻳﺒﻄﻠﻦ .. ﻣﺮﺕ ﺭﺿﺎ ﺣﻈﺮﺕ ﺍﻟﻜﻴﻚ ﻭﺍﻟﻌﺼﻴﺮ .. ﻭﻓﺮﺣﺎﻧﻪ ﺍﻛﺜﺮ ﻣﻨﻲ ﻭﻫﺎﻟﻤﺮﻩ ﺍﺟﻦ ﺍﺧﻮﺍﺗﻲ .. ﻭﺍﻧﻲ ﺣﻈﻨﺖ ﺻﺎﺑﺮﻳﻦ ﻭﺍﺑﺠﻲ .. ﻭﻣﺎﻣﺎ ﮔﺎﻡ ﺗﺤﺠﻲ ﻉ ﺻﺎﺑﺮﻳﻦ ﮔﺎﻟﺘﻠﻬﺎ ﻋﻘﻠﻴﻬﺎ ﻣﻮ ﺗﺨﺒﻠﻴﻬﺎ .. ﻉ ﺍﻻﻗﻞ ﺍﺣﺴﻦ ﻣﻦ ﻗﺴﻤﺘﺠﻦ .. ﻣﺎﺍﻋﺮﻑ ﻟﻴﺶ ﮔﻠﺒﻲ ﻣﻤﺮﺗﺎﺡ ﻟﻬﺬﻱ ﺍﻟﻘﺴﻤﻪ .. ﺍﻟﻜﻞ ﻓﺮﺣﺎﻥ ﺍﻻ ﺍﻧﻲ .. ﺍﻛﻮ ﺑﻨﺎﺕ ﻳﻔﺮﺣﻦ ﻭﻳﺮﮔﺼﻦ ﺍﻻ ﺍﻧﻲ ﻋﺒﺎﻟﻚ ﺣﻤﻮﺕ ﻣﻮ ﺍﺗﺰﻭﺝ .. # ﺷﻤﺲ ﻟﻠﻌﺼﺮ ﺍﺟﻦ ﺍﻟﻨﺴﻮﺍﻥ .. ﻭﻣﺤﻤﻼﺕ ﻫﻮﺍﻳﻪ ﺍﺷﻴﺎﺀ .. ﺩﺧﻠﺖ ﺳﻠﻤﺖ .. ﻭﮔﻌﺪﺕ ﺑﺲ ﻣﻨﺼﻴﻪ ﺭﺍﺳﻲ .. ﺍﻣﻪ .. ﺷﻮﻓﻲ ﻋﻴﻨﻲ ﺍﻡ ﺭﺿﺎ ﺍﺣﻨﻪ ﺍﺟﻴﻨﺎ ﻗﺒﻞ ﻣﺸﻴﺔ ﺍﻟﺰﻟﻢ ﺣﺘﻰ ﻧﺸﻮﻑ ﺍﺣﺘﻴﺎﺟﺎﺗﻜﻢ .. ﻣﺎﻣﺎ .. ﻭﺍﻟﻠﻪ ﻳﺎ ﺍﻡ ﻋﻼﺀ ﻫﻲ ﺍﻟﺒﻨﻴﻪ ﺑﻨﺘﻜﻢ ﻭﺷﻨﻮ ﺗﺠﻴﺒﻮﻥ ﻫﻮ ﺍﻟﻜﻢ .. ﺍﻣﻪ .. ﻭﺍﻟﻨﻌﻢ ﻣﻨﻜﻢ ﻋﻴﻨﻲ .. ﻟﻬﺬﺍ ﺣﺘﻰ ﻧﺮﻓﻊ ﺭﺍﺳﻨﺎ .. ﻫﺎﻱ ﻫﺪﺍﻳﻪ ﺟﺒﻨﺎﻟﻬﻪ . ﻭﻧﻄﻮﻧﻲ ﺍﻟﻌﻼﻟﻴﮓ .. ﻭﻫﺎﻱ ﻣﻠﻴﻮﻧﻴﻦ ﺗﺠﻬﺰ ﻧﻔﺴﻬﺎ ﺑﻴﻬﻦ .. ﻭﺍﻟﺬﻫﺐ ﺍﺣﻨﻪ ﻧﺠﻴﺒﻪ ﻣﻦ ﻧﮕﻄﻊ ﻣﻬﺮ .. ﺍﺧﻮﺍﺗﻲ ﻭﻣﺎﻣﺎ ﻓﺮﺣﺎﻧﺎﺕ .. ﻻﻥ ﻣﺤﺪ ﺟﺎﺑﻠﻬﻦ ﻫﻴﺞ ﺍﺧﻮﺍﺗﻲ ﻛﻠﻬﻦ ﻧﻄﻮﻫﻦ ﻣﻠﻴﻮﻥ ﻫﻮ ﺫﻫﺐ ﻫﻮ ﻣﻼﺑﺲ .. ﺣﺪﺩﻥ ﻳﻮﻡ ﺍﻟﻤﺸﻴﻪ ﻭﻳﻮﻡ ﺍﻟﺨﻄﻮﺑﻪ .. ﻭﻃﻠﻌﻦ .. ﺍﺧﻮﺍﺗﻲ ﻭﻣﺮﺕ ﺭﺿﺎ ﻋﺒﺎﻟﻚ ﻣﺸﺎﻳﻔﺎﺕ .. ﻓﺘﺤﻦ ﺍﻟﻌﻼﻟﻴﮓ ﻛﻮﻟﻬﺎ .. ﺟﺎﻳﺒﺎﺕ ﻓﺴﺎﺗﻴﻦ ﻭﮔﻠﺒﻴﺎﺕ ﻭﻣﻮﺑﺎﻳﻞ .. ﻣﺎﺍﺭﺗﺎﺣﻴﺖ ﻟﻠﺸﻐﻠﻪ ﻣﻤﻌﻘﻮﻟﻪ ﺍﻛﻮ ﻫﻴﺞ ﻧﺎﺱ ﺗﺠﻴﺐ ﻭﺷﻨﻮ ﺍﻟﻲ ﺧﻼﻫﻢ ﻳﺼﺮﻭﻥ ﻋﻠﻴﻪ .. ﻭﻳﺮﺩﻭﻧﻲ ﻭﺍﻏﺮﻭﺍ ﺍﻫﻠﻲ ﺑﺎﻟﻔﻠﻮﺱ ﺑﻬﺬﻳﺰﺍﻟﻄﺮﻳﻘﻪ .. # ﺷﻤﺲ ﺍﻭﻝ ﻣﻄﻠﻌﻦ ﺩﺧﻞ ﺍﺑﻮﻳﻪ ﻣﻦ ﺍﻟﻤﺤﻞ .. ﻓﺮﺡ ﻣﻦ . ﺷﺎﻑ ﺍﻟﻐﺮﺍﺽ ﻭﻣﺎﻣﺎ ﺭﺍﻭﺗﻪ ﺍﻟﻤﻠﻴﻮﻧﻴﻦ .. ﺗﺨﺒﻞ ﺑﻌﺪ ﻣﻴﺸﻮﻑ ﺑﻌﻴﻮﻧﻪ .. ﻳﮕﻮﻝ ﻟﻮ ﻫﻴﺞ ﺍﻟﻘﺴﻤﻪ ﻟﻮ ﻣﺎﻛﻮ .. ﻭﻳﻠﻮﻡ ﺑﻴﻪ .. ﻭﻣﺎﺭﺩﺗﻲ ﺗﻮﺍﻓﻘﻴﻦ ﻣﻬﺎﻭﻱ .. ﻫﺎﻱ ﺍﺟﺘﺞ ﻣﻦ ﺍﻟﺴﻤﺎ ﻭﺍﺧﻴﺮﺍ ﺣﺘﺨﻠﺼﻴﻦ ﻣﻦ ﻫﺬﺍ ﺍﻟﻈﻴﻢ ﻭﺍﻟﻔﮕﺮ .. ﻭﺭﺍﺡ ﺗﺸﺒﻌﻴﻦ ﻓﻠﻮﺱ ﻋﻮﺩ ﻣﻮ ﺗﻨﺴﻴﻨﺎ ﻭﻳﺎﺝ ﻫﻬﻬﻬﻬﻪ .. ﺳﻮﺍﻫﻪ ﺑﻀﺤﻚ ﺑﺲ ﺍﻧﻲ ﺍﻋﺮﻓﻪ ﻳﻘﺼﺪﻫﺎ ﻭﺍﻟﺪﻟﻴﻞ ﺍﺧﺬ ﻣﻠﻴﻮﻥ ﻣﻦ ﺍﻟﻔﻠﻮﺱ ﮔﺎﻝ ﺍﺳﺪﺩ ﺩﻳﻮﻧﻲ ﺑﻲ ﻭﺍﻟﻤﻠﻴﻮﻥ ﺍﻟﺜﺎﻧﻲ ﻛﺎﻓﻲ ﻋﻠﻴﺞ .. ﺍﻧﻲ ﻫﻢ ﻣﺎﺣﺠﻴﺖ .. ﺳﻜﺘﺖ ️☹ # ﺷﻤﺲ ﺍﺟﺖ ﺍﻟﻤﺸﻴﻪ ﻭﮔﻀﺖ .. ﻭﻃﻠﻌﻨﺎ ﺍﻧﻲ ﻭﻣﺎﻣﺎ ﻧﺸﺘﺮﻱ ﻭﻧﺠﻬﺰ ﺍﺷﺘﺮﻳﺖ ﻓﺴﺘﺎﻥ ﺣﻠﻮ ﻟﻠﺨﻄﻮﺑﻪ .. ﻭﺻﺮﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﮔﻠﺖ ﺑﻌﺪ ﻣﺎﺑﻴﻬﺎ ﻣﺠﺎﻝ ﺧﻠﻲ ﺍﺷﻮﻑالعضوة: 522131 , 6 years ago
ﺣﻴﺎﺗﻲ ﻭﺟﺎﺋﺰ ﺻﺪﻭﮒ ﻳﻄﻠﻊ ﺍﻟﻮﻟﺪ ﺣﺒﺎﺏ ﻭﻳﻌﻴﺸﻨﻲ ﺑﺴﻌﺎﺩﻩ .. ﺍﻟﺸﻐﻠﻪ ﺍﻟﻮﺣﻴﺪﻩ ﺍﻟﻲ ﺿﺠﺖ ﻋﻠﻴﻬﺎ ﻫﻲ ﺩﺭﺍﺳﺘﻲ ﻭﮔﻠﺖ ﺑﻠﻜﻲ ﺑﻌﺪ ﺍﻟﻤﻬﺮ ﺍﮔﺪﺭ ﺍﻗﻨﻌﻪ ﻭﻳﻘﺒﻞ ﺍﺭﺟﻊ .. ﺑﻘﻴﻨﻪ ﺛﻼﺙ ﺍﻳﺎﻡ ﻛﻞ ﻳﻮﻡ ﻧﻨﺰﻝ ﻟﻠﺴﻮﮒ ﻧﺘﺴﻮﮒ .. ﺍﻟﻰ ﺍﻥ ﺻﺎﺭ ﻳﻮﻡ ﺍﻟﺨﻄﻮﺑﻪ .. ﺭﺣﺖ ﻟﻠﺼﺎﻟﻮﻥ ﺍﻧﻲ ﻭﺻﺎﺑﺮﻳﻦ .. ﻭﻟﺒﺴﺖ ﺍﻟﻔﺴﺘﺎﻥ ﺍﻟﻲ ﺟﺒﺘﻪ ﻛﻮﻟﻪ ﻛﻴﺒﻮﺭ ﻟﻮﻧﻪ ﺑﻴﺞ ﻭﺣﻠﻮ .. ﻭﺳﻮﻳﺖ ﺷﻌﺮﻱ ﻭﻣﻜﻴﺎﺝ ﺧﻔﻴﻒ ﻭﺍﻧﻲ ﻭﺟﻬﻲ ﺩﺍﺋﺮﻱ ﻃﻠﻌﺖ ﻛﻮﻟﺶ ﺣﻠﻮﻩ .. ﻣﺎﻣﺎ ﻋﺰﻣﺖ ﺍﻗﺮﺑﺎﺋﻨﺎ ﻛﻮﻟﻬﻢ ﺗﺮﻳﺪ ﺗﺘﺒﺎﻫﻪ .. ﺑﺲ ﺍﻫﻞ ﺍﻟﻌﺮﻳﺲ ﻣﻌﺎﺯﻣﻴﻦ ﻗﻠﻴﻠﻴﻦ ﺍﻟﻲ ﺟﺎﻳﻴﻦ .. ﻋﻘﺪ ﺍﻟﻨﺎ ﺍﻟﺴﻴﺪ ﻭﺧﻠﺺ .. ﺩﺧﻞ ﻋﻼﺀ .. ﻳﻠﺒﺴﻨﻲ ﺍﻟﺬﻫﺐ .. ﻣﻦ ﺷﺎﻓﻨﻲ ﺗﻌﺠﺐ .. ﻫﻮ ﺣﻠﻮ ﻭﺍﺳﻤﺮ ﺑﺲ ﻣﺎﺍﻋﺮﻑ ﻭﻳﻦ ﺷﺎﻳﻔﺘﻪ .. ﺍﺗﺬﻛﺮ ﺷﺎﻳﻔﺘﻪ ﺑﻤﻜﺎﻥ ﺑﺲ ﻭﻳﻦ ﻣﺎﺍﺩﺭﻱ .. ﻫﻮ ﻣﺎﺻﺪﮒ ﺑﻘﻰ ﻳﺤﻈﻦ ﻭﻳﺒﻮﺱ ﻭﻳﺘﻠﻤﺲ ﺟﺴﻤﻲ ﻭﺯﻧﻮﺩﻱ ﻋﺼﺮﻫﻦ ﻋﺼﺮ .. ﻋﺒﺎﻟﻚ ﻣﺸﺎﻳﻒ .. ﻟﺒﺴﻨﻲ ﺍﻟﺬﻫﺐ ﻛﺎﻥ ﺗﺨﻢ ﻭﻭﻳﺎﻩ ﺍﺳﻮﺍﺭﺍﺕ .. ﺑﮕﻠﺒﻲ ﺍﮔﻮﻝ ﺧﺎﻑ ﻫﺬﺍ ﺫﻫﺐ ﺑﺮﺍﺯﻳﻠﻲ .. ﺍﺑﺎﻭﻉ ﺍﻟﻤﺎﻣﺎ ﻭﺍﺧﻮﺍﺗﻲ ﻓﺮﺣﺎﻧﻴﻦ ﻭﻣﺮﺕ ﺭﺿﺎ ﻣﺒﻴﻦ ﻋﻠﻴﻬﺎ ﺍﻟﻐﻴﺮﻩ .. ﻭﺍﻟﻨﺴﻮﺍﻥ ﻛﻠﻬﻦ ﻳﺘﻬﺎﻣﺴﻦ .. ﺍﻛﻴﺪ ﻳﮕﻮﻟﻦ ﻫﻨﻴﺎﻟﻪ .. ﺑﺲ ﻟﻴﺶ ﺍﻧﻲ ﻣﺪﺍ ﺍﺣﺲ ﺑﺎﻟﻔﺮﺣﻪ ﻣﺜﻠﻬﻦ .. # ﺷﻤﺲ ﺧﻠﺼﺖ ﺍﻟﺤﻔﻠﻪ ﻭﻃﻠﻌﻮﺍ .. ﻭﻛﺎﻟﻌﺎﺩﻩ ﺑﺎﺑﺎ ﺑﻘﻰ ﻳﮕﻠﺐ ﺑﺎﻟﺬﻫﺐ ﻭﻣﻤﺼﺪﮒ .. ﻭﻣﺮﺕ ﺭﺿﺎ ﺗﺴﻤﻌﻨﻲ ﺣﺠﻲ .. ﺍﻱ ﺣﻈﻮﻅ ﻭﻣﺴﻮﻳﻪ ﻧﻔﺴﻬﺎ ﻣﻘﺎﺑﻠﻪ ﺍﻱ ﻭﻳﻦ ﺗﻠﮕﻴﻦ ﻫﻴﺞ ﻧﺎﺱ ﺷﺎﻟﻮﺝ ﻣﻦ ﺍﻟﻔﮕﺮ .. ﻟﻠﻴﻞ ﺧﻠﺺ ﻣﻮﺍﻋﻴﻦ ﺍﻟﻌﺸﺎ ﺩﮒ ﺍﻟﻤﻮﺑﺎﻳﻞ ﻫﺎﻱ ﺍﻭﻝ ﻣﺮﻩ ﻳﺪﻭﮒ ﻻﻥ ﻗﺒﻞ ﺷﻮﻳﻪ ﻋﻼﺀ ﻓﺘﺤﻪ ﻭﺩﺧﻞ ﺭﻗﻤﻪ ﺑﻲ .. ﺟﺎﺑﺘﻪ ﻧﻮﻧﻪ ﺍﺧﺘﻲ ﺍﻟﺼﻐﻴﺮﻩ ﻭﺍﺟﺖ ﺗﺮﻛﺾ .. ﻣﻬﺎﻭﻱ ﻣﻮﺑﺎﻳﻠﺞ ﻳﺪﻭﮒ .. ﺍﺗﺒﺎﻭﻋﺖ ﻣﺴﺠﻞ ﻉ ﺍﻟﺮﻗﻢ ﺣﺒﻴﺒﻲ .. ﻳﺎ ﻫﺎﻱ ﺍﻛﻴﺪ ﻫﻮ ﻣﺴﺠﻠﻪ ﻫﻴﺞ .. ﺭﻓﻌﺘﻪ .. ﺍﻟﻮ .. ﻋﻼﺀ .. ﻫﻠﻮ ﺣﺒﻲ ﺍﺷﻮ ﻟﺴﺎ ﻣﺎﺍﺗﺼﻠﺘﻲ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
... ﻣﻬﺎ .. ﻫﺎﻣﺎﺍﺩﺭﻱ .. ﻋﻼﺀ .. ﻫﻬﻬﻬﻬﻪ ﺷﻨﻮ ﻣﺎﺍﺩﺭﻱ .. ﻏﻴﺮ ﺍﻧﻲ ﺻﺮﺕ ﺧﻄﻴﺒﺞ ﻭﺯﻭﺟﺞ .. ﻣﻬﺎ .. ﺍﻋﺬﺭﻧﻲ ﻻﻥ ﻟﺴﺎ ﻣﻤﺘﻌﻮﺩﻩ .. ﻋﻼﺀ .. ﻣﻬﺎﻭﻱ ﺍﻧﻲ ﺍﺣﺐ ﺍﻟﺒﻨﻴﻪ ﻓﺮﻱ ﺍﻟﻲ ﺗﺪﻟﻌﻨﻲ ﻭﺗﺤﺒﻨﻲ .. ﻳﻌﻨﻲ ﺍﺭﻳﺪﺝ ﺭﻭﻣﺎﻧﺴﻴﻪ ﻭﻣﻮ ﺑﺎﺭﺩﻩ ﺍﻧﻲ ﺍﻭﻝ ﻣﺸﻔﺘﺞ ﺑﺎﻟﺴﻴﺎﺭﻩ ﺳﺤﺮﺗﻴﻨﻲ ﺑﻌﻴﻮﻧﺞ ﻭﺟﺴﻤﺞ .. ﻣﻬﺎ .. 😮😮 ﻭﻳﻦ ﺷﻔﺘﻨﻲ .. # ﺷﻤﺲ ﻋﻼﺀ .. ﻫﻬﻬﻬﻬﻪ ﻣﻌﻘﻮﻟﻪ ﺑﺎﻟﻌﺠﻞ ﻧﺴﻴﺘﻴﻨﻲ ﻣﺼﺎﺭ ﻛﻢ ﻳﻮﻡ ﻣﻦ ﻭﺻﻠﺘﺞ ﺍﻧﺘﻲ ﻭﺍﻟﻮﺍﻟﺪﻩ ﻣﻦ ﺍﻟﺴﻮﮒ .. ﻣﻬﺎ .. ﺍﺗﺬﻛﺮﺕ ﺍﻟﻮﻟﺪ ﺍﻟﻲ ﻭﺻﻠﻨﺎ .. ﻭﻋﻴﻮﻧﻪ ﺯﺍﻳﻐﻪ ﻣﺸﺎﻟﻬﻪ ﻋﻨﻲ .. ﺑﺲ ﻣﻌﻘﻮﻟﻪ ﺍﻫﻠﻪ ﺧﻴﺮ ﻫﻴﺢ ﻭﻫﻮ ﻳﺸﺘﻐﻞ ﺗﻜﺴﻲ .. ﺑﻘﻴﺖ ﻣﺘﻌﺠﺒﻪ .. # ﺷﻤﺲ ﻋﻼﺀ .. ﻫﺎ ﻣﻬﺎﻭﻱ ﺗﺬﻛﺮﺗﻲ .. ﻣﻬﺎ .. ﺍﻱ ﺗﺬﻛﺮﺗﻚ ﺍﻧﺖ ﺍﻟﻲ ﻋﻴﻨﻚ ﻣﺸﻠﺘﻬﺎ ﻋﻨﻲ .. ﻣﻌﻨﺎﻫﻪ ﺍﻧﺖ ﻛﻞ ﺍﻟﻲ ﺗﺼﻌﺪ ﻭﻳﺎﻙ ﻫﻴﺞ ﺗﺒﺎﻭﻋﻠﻬﺎ .. ﻋﻼﺀ .. ﻫﻬﻬﻬﻪ ﻫﻮ ﺑﺎﻟﺤﻘﻴﻘﻪ ﺍﻧﻲ ﻣﺎﺍﺷﺘﻐﻞ ﺗﻜﺴﻲ .. ﺑﺲ ﺷﻔﺘﺞ ﻭﺍﻛﻔﻪ ﺍﻧﺘﻲ ﻭﺍﻣﺞ ﻭﺟﺬﺑﺘﻴﻨﻲ ﻭﺻﺎﻳﺮﻩ ﻃﻤﺎﻃﻪ ﺗﺨﺒﻠﻴﻦ .. ﻣﻦ ﺫﺍﻙ ﺍﻟﻮﻛﺖ ﻭﮔﻠﺖ ﻟﻮ ﺍﻧﺘﻲ ﻟﻮ ﻣﺎﺍﺭﻳﺪ .. ﻣﻬﺎ .. 😔 ﺑﺲ ﺍﻧﺖ ﺣﺮﻣﺘﻨﻲ ﻣﻦ ﺩﺭﺍﺳﺘﻲ .. ﻋﻼﺀ .. ﺍﻱ ﻳﺎﻋﻴﻨﻲ ﻻﺣﮕﻪ ﻉ ﺍﻟﺪﺭﺍﺳﻪ .. ﺍﻟﺴﻨﻪ ﺍﺧﻠﻴﺞ ﺗﻜﻤﻠﻴﻦ ﻭﻋﺪ .. ﺑﺲ ﺧﻠﻴﺞ ﻫﺎﻱ ﺍﻟﺴﻨﻪ ﺍﻟﻲ .. ﺍﺭﻳﺪ ﺍﺷﺒﻊ ﻣﻨﺞ .. ﻣﻬﺎ .. ﺻﺮﺍﺣﻪ ﻳﺨﺠﻠﻨﻲ ﺑﻜﻼﻣﻪ ﻣﺎﺍﺗﻮﻗﻌﺖ ﻳﻜﻮﻥ ﻫﻴﺞ ﺟﺮﻳﺊ ﻣﻦ ﺍﻭﻝ ﻣﻜﺎﻟﻤﻪ ﺍﻟﻨﻪ .. # ﺷﻤﺲ ﺑﻘﻴﻨﺎ ﻟﻨﺺ ﺍﻟﻠﻴﻞ ﻫﻮ ﺑﺲ ﻳﺤﺠﻲ ﻉ ﺍﻟﺰﻭﺍﺝ ﻭﻉ ﺍﻟﺤﺐ ﻭﺍﺭﻳﺪﺝ ﺗﺸﺘﺮﻳﻦ ﻣﻼﺑﺲ ﻛﻮﻟﻬﻪ ﻣﺸﻠﺤﻪ ﻣﺎﺍﺣﺐ ﺍﻟﻤﺨﻨﻮﻛﻪ ﻭﺍﻟﺪﺷﺎﺩﻳﺶ .. ﻭﺷﻮﻛﺖ ﻧﺘﺰﻭﺝ ﻭﺍﺣﻈﻨﺞ .. ﻭﻭﻭﻭﻭ ﻛﻼﻣﻪ ﻛﻮﻟﻪ ﻫﻴﺞ ﻭﺍﻧﻲ ﻣﺎﺍﻋﺮﻑ ﺷﻨﻮ ﺍﺣﺠﻲ ﺑﺲ ﺳﺎﻛﺘﻪ ﻣﻦ ﺍﻟﺨﺠﻞ ..العضوة: 522131 , 6 years ago
ﺑﻌﺪﻳﻦ ﮔﻠﺖ ﺍﺳﺄﻝ ﺻﺎﺑﺮﻳﻦ ﻟﻮ ﺍﺳﺘﺤﻲ ﻳﻌﻨﻲ ﻣﻌﻘﻮﻟﻪ ﻛﻞ ﺍﻟﻮﻟﺪ ﻫﻴﺞ ﻳﺤﺠﻮﻥ ﺑﻔﺘﺮﻩ ﺧﻄﻮﺑﺘﻬﻢ ﻭﻣﻴﺴﺘﺤﻮﻥ .. ﻏﻠﻘﺖ ﺍﻟﻤﻮﺑﺎﻳﻞ .. ﻭﻣﺎﺍﻋﺮﻑ ﻟﻴﺶ ﺍﺟﻪ ﺭﺍﺋﺪ ﮔﺒﺎﻟﻲ .. ﺗﻤﻨﻴﻨﻪ ﻫﻮ ﻳﻜﻮﻥ ﻣﻦ ﻧﺼﻴﺒﻲ .. ﻻﻥ ﺍﺣﺴﻪ ﻣﺜﻘﻒ ﻭﻭﺍﻋﻲ .. ﺗﻌﻮﺫﺕ ﻣﻦ ﺍﻟﺸﻴﻄﺎﻥ .. ﻣﻴﺼﻴﺮ ﺍﻓﻜﺮ ﺑﺸﺨﺺ ﻏﻴﺮ ﻋﻼﺀ ﻫﺴﺎ ﺍﻧﻲ ﺑﺄﻋﺘﺒﺎﺭ ﻣﺘﺰﻭﺟﻪ .. # ﺷﻤﺲ ﺭﺍﺋﺪ .. ﻣﺮﺕ ﺍﻳﺎﻡ ﻭﻛﻠﻤﺎ ﺍﺗﺼﻞ ﺑﺄﺧﺘﻲ ﺇﺳﻼﻡ ﺗﮕﻠﻲ ﻣﺎﺷﻔﺘﻬﺎ ﻟﻮ ﻣﺎﺗﺪﺍﻭﻡ .. ﺗﺨﺒﻠﺖ .. ﺁﺧﺮ ﺷﻲ ﮔﻮﻟﺘﻠﻬﺎ ﺗﺮﻭﺡ ﺗﺴﺄﻝ ﻋﻠﻴﻬﺎ ﺻﺪﻳﻘﺎﺗﻬﺎ .. ﻭﺻﺪﻭﮒ ﻟﻠﻀﻬﺮ ﺍﺗﺼﻠﺖ ﻋﻠﻴﻪ .. ﻭﻧﻄﺘﻨﻲ ﺍﺳﻮﺃ ﺧﺒﺮ ﮔﻠﺘﻠﻲ ﻣﻬﺎ ﺍﻧﺨﻄﺒﺖ ﻭﺑﻄﻠﻮﻫﺎ .. ﻋﺼﺒﺖ ﻭﺭﮔﻌﺖ ﺍﺩﻳﻪ ﺑﺎﻟﺤﺎﻳﻂ .. ﺍﻭﻭﻭﻭﻑ ﺭﺍﺋﺪ .. ﺿﺎﻋﺖ ﻣﻬﺎﻭﻱ ﻣﻦ ﺍﻳﺪﻳﻚ ﺑﺴﺒﺐ ﻏﺒﺎﺋﻚ .. ﻟﻴﺶ ﻫﻴﺞ ﻣﺘﻌﺮﻑ ﺗﺨﻄﺒﻬﺎ ﻭﺗﺤﺠﺰﻫﺎ .. ﺍﻟﺼﺮﺍﺣﻪ ﻣﺘﻮﻗﻌﺖ ﺗﻨﺨﻄﺐ ﻫﻴﺞ ﺑﺴﺮﻋﻪ ﻻﻥ ﻛﺎﻧﺖ ﺳﺎﺩﺱ ﻭﻣﺮﺣﻠﻪ ﺣﺴﺎﺳﻪ .. ﻓﮕﻠﺖ ﺍﻧﺘﻀﺮﻫﺎ ﺍﻟﻰ ﺍﻥ ﺗﺨﻠﺺ ﺳﺎﺩﺱ .. ﻭﺍﻧﻲ ﺍﺧﻠﺺ ﻛﻠﻴﻪ ﻭﺍﺩﺍﻭﻡ ﻭﺍﺳﺘﻘﺮ .. ﺑﺲ ﺷﻴﻔﻴﺪ ﺍﻟﻨﺪﻡ .. # ﺷﻤﺲ ﻛﺮﻫﺖ ﻧﻔﺴﻲ ﻭﺍﻧﺴﺪﺕ ﻋﻦ ﺍﻟﺰﻭﺍﺝ ﻭﻋﻦ ﻛﻞ ﺑﻨﻴﻪ ﺍﻟﻲ ﺭﺩﺗﻬﺎ ﺭﺍﺣﺖ ﻣﻨﻲ ﻫﺴﺎ ﻟﻮ ﻣﺼﺎﺭﺣﻬﻪ ﻛﺎﻥ ﻋﻨﺪﻱ ﺍﻣﻞ ﺗﺮﻓﺾ ﻭﺗﻨﺘﻀﺮﻧﻲ .. ﺍﻭﻭﻭﻭﻑ .. ﺑﻘﻰ ﺍﻟﻨﺪﻡ ﻳﺎﻛﻞ ﺑﮕﻠﺒﻲ .. ﻭﻣﻨﻮ ﻫﺬﺍ ﺍﻟﻲ ﺧﻄﺒﻬﺎ ﻭﺍﺧﺬﻫﺎ ﻣﻨﻲ ?? ﻣﻬﺎ .. ﻣﺮ ﻛﻢ ﻳﻮﻡ ﻉ ﺧﻄﻮﺑﺘﻨﺎ .. ﻭﺍﺟﻪ ﻋﻼﺀ ﺍﺧﺬﻧﻲ ﻧﺘﻌﺸﺎ ﻭﻧﻄﻠﻊ ﻭﻧﺘﻮﻧﺲ .. ﺗﻮﻗﻌﺖ ﻳﺎﺧﺬﻧﻲ ﺍﻟﺒﻴﺖ ﺍﻫﻠﻪ ﺑﺲ .. ﻣﻘﺒﻞ .. ﮔﻮﺗﻠﻪ ﺍﺣﺐ ﺍﺗﻌﺮﻑ ﻉ ﺍﻫﻠﻪ .. ﻫﻢ ﻣﻘﺒﻞ ﮔﺎﻝ ﻻ ﺍﺣﺐ ﻧﺒﻘﻰ ﻭﺣﺪﻧﺎ .. ﻣﻴﺤﺐ ﻳﺤﺠﻲ ﺷﻲ ﻋﻦ ﺣﻴﺎﺗﻪ ﻭﻋﻦ ﺍﻫﻠﻪ .. ﺍﺳﺘﻘﺒﻠﺖ ﺍﻻﻣﺮ ﺑﺼﻮﺭﻩ ﻋﺎﺩﻳﻪ .. # ﺷﻤﺲ ﺍﻛﻴﺪ ﺷﺎﺏ ﻭﻳﺤﺐ ﻳﻄﻠﻊ ﻫﻮ ﻭﺯﻭﺟﺘﻪ .. ﻛﺎﻥ ﻣﻐﺮﻛﻨﻲ ﺑﻜﻠﻤﺎﺕ ﺍﻟﺤﺐ ﻭﺍﻟﻐﺰﻝ ﻭﻃﻮﻝ ﺍﻟﻄﺮﻳﻖ ﻣﻄﻠﻊ ﺍﻏﺎﻧﻲ ﻭﻻﺯﻡ ﺍﻳﺪﻱ ﻭﻳﺒﻮﺱ ﺑﻴﻬﺎ ..العضوة: 522131 , 6 years ago
ﻛﺎﻥ ﻛﺮﻳﻢ ﻭﻳﺎﻱ ﺑﺸﻜﻞ .. ﻧﻨﺰﻝ ﻣﺠﻤﻌﺎﺕ ﺍﻭ ﻣﻮﻻﺕ .. ﻳﺸﺘﺮﻳﻠﻲ ﻛﻮﻟﺸﻲ ﻣﻦ . ﻏﻴﺮ ﻣﺎﺍﻃﻠﺐ ﺷﻲ .. ﺑﺲ ﺍﺗﺒﺎﻭﻉ ﻟﻠﺸﻐﻠﻪ ﺍﺷﻮ ﺭﺍﺡ ﺩﻓﻊ ﻓﻠﻮﺱ ﻭﺍﺷﺘﺮﺍﻫﻪ ﻭﻫﺬﺍ ﺍﻟﻲ ﻣﻀﻮﺟﻨﻲ ﻣﺒﺬﺭ ﺑﺸﻜﻞ .. ﺍﻭ ﻳﺤﺎﻭﻝ ﻳﺜﺒﺘﻠﻲ ﻫﺬﺍ ﺍﻟﺸﻲ ﻣﺎﺍﻋﺮﻑ ﺷﻨﻮ ﺍﻟﻲ ﻳﺤﺎﻭﻝ ﻳﻮﺻﻠﻪ .. ﻳﻌﻨﻲ ﻣﻌﻘﻮﻟﻪ ﺍﻛﻮ ﻫﻴﺞ ﺭﺟﺎﻝ ﻛﺎﻣﻞ .. ﻳﺤﺒﻨﻲ ﻭﻣﺪﺩﻟﻠﻨﻲ ﻭﻛﺮﻳﻢ .. ﻣﺎﺍﻋﺮﻑ ﻳﻤﻜﻦ ﺍﻟﻲ ﻋﺸﺘﻪ ﻣﺨﻼﻧﻲ ﺍﺻﺪﮒ ﺍﻧﻪ ﻫﺬﻱ ﺣﻘﻴﻘﻪ .. ﻳﻌﻨﻲ ﻭﺍﺧﻴﺮﺍ ﺍﻟﻠﻪ ﻛﺘﺒﻠﻲ ﻫﻴﺞ ﻗﺴﻤﻪ ﺣﻠﻮﻩ ﻣﺮﺿﻴﻪ .. ﻛﻞ ﻳﻮﻡ ﺍﺣﻤﺪ ﺭﺑﻲ ﻭﺍﺷﻜﺮﻩ .. ﻭﺣﺘﻰ ﺣﺒﻴﺖ ﺍﻫﻠﻲ ﻻﻥ ﻛﺎﻧﻮﺍ ﺍﻋﺮﻑ ﺑﻤﺼﻠﺤﺘﻲ ﻭﺍﻧﻲ ﺿﻠﻤﺘﻬﻢ .. # ﺷﻤﺲ ﺑﺲ ﻛﺎﻧﺖ ﺷﻐﻠﻪ ﻣﺤﻠﻮﻩ ﺑﻲ .. ﻭﻫﻲ ﺍﻟﻐﺰﻝ ﺍﻟﻤﻔﺮﻁ ﻳﻌﻨﻲ ﻳﺘﻌﻤﻖ ﺑﺄﺷﻴﺎﺀ ﻣﻮ ﻭﻛﺘﻬﺎ ﻭﺗﺨﺠﻠﻨﻲ .. ﻛﺎﻥ ﻓﺮﻱ ﻭﺳﺒﻮﺭ ﺑﺸﻜﻞ .. ﻣﻨﻔﺘﺢ .. ﻭﻳﺰﻋﻞ ﺍﺫﺍ ﻣﺎﺍﺑﺎﺩﻟﻪ ﺍﻟﺤﺪﻳﺚ ﺑﻬﻴﺞ ﺍﻣﻮﺭ .. ﻫﺎﻱ ﺍﻟﺸﻐﻠﻪ ﻣﻀﻮﺟﺘﻨﻲ ﺣﻴﻞ .. ﺍﻟﻰ ﺍﻥ ﺍﺟﺎﻧﻲ ﺑﻴﻮﻭﻡ .. ﻭﮔﻠﻲ ﺍﻧﻲ ﺑﻌﺪ ﻣﺎﺍﺗﺤﻤﻞ ﻛﻤﻠﻲ ﺷﻐﻠﺞ ﺑﺴﺮﻋﻪ ﺣﺘﻰ ﻧﺘﺰﻭﺝ .. ﺍﻧﻲ ﻣﻜﻤﻞ ﻛﻮﻟﺸﻲ ﻭﺍﻟﻐﺮﻓﻪ ﻛﻤﻠﺖ ﺍﻟﺞ ﺍﺳﺒﻮﻉ ﺗﻜﻤﻠﻴﻦ ﻭﻧﺘﺰﻭﺝ ﻻﻥ ﺑﻌﺪ ﻣﺎﺍﺗﺤﻤﻞ ﺍﺭﻳﺪﺝ ﻳﻤﻲ .. ﺍﺍﻧﻲ ﺍﺗﺼﻠﺖ ﻉ ﺍﺧﻮﺍﺗﻲ ﻭﻓﺮﺣﺎﻧﻪ .. ﺑﺪﻳﺖ ﺍﺣﺲ ﺑﺸﻲ ﺍﺗﺠﺎﻩ ﻋﻼﺀ .. ﻣﻮ ﺣﺐ ﻭﺍﻧﻤﺎ ﺍﮔﻮﻝ ﺭﺍﺡ ﻳﺼﻴﺮ ﺯﻭﺟﻲ ﻭﻻﺯﻡ ﺍﺣﺒﻪ ﻣﺜﻞ ﻣﻴﺤﻨﻲ ﺣﺘﻰ ﻧﻌﻴﺶ ﺑﺴﻌﺎﺩﺓ .. ﻻﻥ ﺍﻟﺼﺮﺍﺣﻪ ﻫﻮ ﻣﻤﻘﺼﺮ ﺑﺸﻲ ﻋﻨﻲ .. ﺳﻮﻳﺖ ﺍﻧﺬﺍﺭ ﺍﻻﻫﻠﻲ ﺧﻼﻝ ﻫﺬﺍ ﺍﻻﺳﺒﻮﻉ ﻭﺍﺧﻮﺍﺗﻲ ﻭﻳﺎﻱ ﻭﻃﻠﻌﻨﺎ ﻛﻤﻠﻨﺎ ﺍﺣﺘﻴﺎﺟﺎﺗﻲ .. ﻭﺍﺷﺘﺮﻳﺖ ﻣﻼﺑﺲ ﻧﻮﻡ ﻣﺜﻞ ﻣﻴﺮﻳﺪ ﻣﺸﻠﺤﻪ ..😂 # ﺷﻤﺲ ﻭﻋﺪﺕ ﻧﻔﺴﻲ ﺍﻋﺘﻨﻲ ﺑﺰﻭﺟﻲ ﻭﺍﺑﻨﻲ ﺣﻴﺎﺓ ﺳﻌﻴﺪﻩ ﺍﻟﻲ ﻣﺪﺍﻡ ﺍﻟﻠﻪ ﻣﻨﻄﻴﻪ ﻣﺎﺍﺭﻳﺪ ﺍﻋﻴﺶ ﺍﻟﺤﻴﺎﺓ ﺍﻟﻲ ﻋﺸﺘﻬﺎ ﻭﺍﻭﻻﺩ ﻫﻢ ﻣﺎﺍﺭﻳﺪ ﺣﺎﻟﻴﺎ ﻻﻥ ﻻﺯﻡ ﺍﻋﻴﺶ ﻛﻞ ﻟﺤﻈﻪ ﺍﻧﻲ ﻭﺯﻭﺟﻲ ﻭﻧﺘﻮﻧﺲ ﻳﻠﻪ ﻣﺎﺍﺭﻳﺪ ﻣﺜﻞ ﻣﺎﻣﺎ ﺳﻮﺗﻬﻢ ﺛﻤﺎﻧﻴﻪ ﻭﻫﻲ ﻣﺴﺎﻳﻔﻪ ﺷﻲ ﻣﻦ ﺣﻴﺎﺗﻬﺎ .. # ﺷﻤﺲ ﻭﻣﺎﻣﺎ ﻫﻢ ﮔﻌﺪﺕ ﺗﻮﺻﻲ ﺑﻴﻪ .. ﺯﻭﺟﺞ ﺩﻳﺮﻱ ﺑﺎﻟﺞ ﻋﻠﻴﻪ ﻭﻋﻴﺎﻟﺞ ﺍﻛﺴﺒﻴﻬﻢ ﻭﻭﻭ ﺗﻌﺮﻓﻮﻥ ﺍﻟﻮﺻﺎﻳﺎ ﻗﺒﻞ ﺍﻟﺰﻭﺍﺝ 😂 ﻛﻤﻠﺖ ﻛﻮﻟﺸﻲ .. ﻭﺭﺣﺖ ﻟﻠﺼﺎﻟﻮﻥ ﻭﻛﺎﻧﺖ ﺣﺎﻣﻞ ﺧﻄﻴﻪ .. ﺑﺲ ﺍﻧﻲ ﻣﺮﺩﺕ ﻏﻴﺮﻫﺎ ﻻﻥ ﺻﺪﻳﻘﺘﻲ ﻣﻮ ﺑﺲ ﺍﺧﺘﻲ .. ﺻﺒﻐﺖ ﺷﻌﺮﻱ ﻭﺣﻔﻴﺖ ﻭﺟﻬﻲ .. ﺑﻴﻮﻡ ﺍﻟﺤﻨﻪ ﻃﻠﻌﺖ ﻛﻴﻮﺕ .. ﺍﺟﺮﺕ ﺑﺪﻟﻪ ﻣﻨﻔﻮﺧﻪ ﻟﻮﻧﻬﺎ ﺑﺼﻠﻲ ﺣﻠﻮﻩ ﻭﺍﻧﻲ ﺑﻴﻀﻪ .. ﻃﻠﻌﺖ ﺍﺧﺒﻞ 😉 ﻋﺰﻣﺖ ﺻﺪﻳﻘﺎﺗﻲ .. ﻭﺍﻗﺮﺑﺎﺋﻨﺎ ﺗﻮﻧﺴﻨﺎ ﻭﺭﮔﺼﻨﺎ .. ﻭﺍﻣﻪ ﻭﺍﺧﻮﺍﺗﻪ ﻫﻢ ﺍﺟﻦ .. ﻭﮔﺎﻣﻦ ﻳﻮﺭﻗﻦ ﻟﻠﻤﻠﻪ .. ﻭﻃﺒﻌﺎ ﺍﻟﻜﻞ ﺻﺎﻓﻦ ﻋﻠﻴﻬﻦ ﺷﻴﺸﺘﻐﻠﻮﻥ ﺫﻭﻟﻲ ﻭﻫﻴﺢ ﻳﻠﻌﺒﻮﻥ ﺑﺎﻟﻔﻠﻮﺱ ﺍﻛﻴﺪ ﺗﺠﺎﺭ .. # ﺷﻤﺲ ﻳﺘﺒﻊالعضوة: 670400 , 6 years ago
كملي حب جاي اتابع😄😚😉😉العضوة: 522131 , 6 years ago
ﺧﻠﺼﺖ ﺍﻟﺤﻔﻠﻪ ﺗﻌﺒﺎﻧﻪ ﺳﺒﺤﺖ ﻭﺭﺣﺖ ﻟﻠﻐﺮﻓﻪ ﺍﺭﺗﺎﺡ .. ﺍﺗﺼﻞ ﻋﻼﺀ ﻭﺑﻘﻰ ﻳﺴﻮﻟﻒ ﻭﺍﻧﻲ ﻧﻌﺴﺎﻧﻪ ﺑﺲ ﻣﺮﺩﺕ ﺍﻛﺴﺮ ﺑﺨﺎﻃﺮﻩ .. ﻭﺑﻌﺪﻳﻦ ﺍﺟﻦ ﺍﺧﻮﺍﺗﻲ ﻭﺳﻬﺮﻧﺎ ﺷﻮﻳﻪ ﻧﺴﻮﻟﻒ ﻭﻧﻀﺤﻚ .. ﺗﺎﻟﻲ ﻣﺎﺣﺴﻴﺖ ﻉ ﺭﻭﺣﻲ ﻭﻏﻔﻴﺖ ﻣﻦ ﺍﻟﺘﻌﺐ .. # ﺷﻤﺲ ﺛﺎﻧﻲ ﻳﻮﻡ .. ﮔﻌﺪﺕ ﻣﻦ ﺍﻟﺼﺒﺢ ﺭﺗﺒﺖ ﻏﺮﺍﺿﻲ .. ﻭﺟﻬﺰﺕ ﻧﻔﺴﻲ ﻭﺳﺒﺤﺖ ﻭﺭﺣﻨﺎ ﻟﻠﺼﺎﻟﻮﻥ .. ﻛﻨﺖ ﻣﺄﺟﺮﻩ ﺑﺪﻟﻪ ﻛﻮﻟﺶ ﺣﻠﻮﻩ .. ﻭﺳﻮﺗﻠﻴﻪ ﺗﺴﺮﻳﺤﻪ ﻭﻣﻨﺰﻟﻪ ﺧﺼﻞ ﻣﻦ ﺷﻌﺮﻱ ﻭﺧﻠﺖ ﺍﻟﻐﺸﺎﻭﻩ .. ﻣﺼﺪﮔﺖ ﻧﻔﺴﻲ ﺑﺎﻟﻤﺮﺍﻳﻪ . ﻋﺒﺎﻟﻚ ﻭﺣﺪﻩ ﺛﺎﻧﻴﻪ ﻣﻮ ﺍﻧﻲ .. ﻫﺬﺍ ﺣﻠﻢ ﻛﻞ ﺑﻨﻴﻪ ﺑﺎﻟﺒﺪﻟﻪ ﺍﻟﺒﻴﻀﻪ .. ﺑﺴﺎﻋﺘﻬﺎ ﺣﺴﻴﺖ ﺍﺣﺴﺎﺱ ﺣﻠﻮ .. ﺑﺲ ﻫﻢ ﺍﻛﻮ ﻗﻠﻖ ﺑﺪﺍﺧﻠﻲ ﻻﻥ ﺣﺪﺧﻞ ﻉ ﻋﺎﺋﻠﻪ ﺟﺪﻳﺪﻩ ﻭﺣﻴﺎﺓ ﺟﺪﻳﺪﻩ .. ﻭﺯﻭﺍﺟﻨﺎ ﺻﺎﺭ ﺑﺴﺮﻋﻪ ﺑﺴﺮﻋﻪ ﻣﻠﺤﮕﺖ ﺍﺗﻌﺮﻑ ﻋﻠﻴﻬﻢ .. ﺣﺘﻰ ﻋﻼﺀ ﻣﻦ ﻳﻌﺰﻣﻨﻲ .. ﻣﻮ ﺑﻴﺘﻬﻢ .. ﺩﺍﻳﻤﺎ ﻳﻄﻠﻌﻨﻲ ﺑﺎﻟﻤﻄﻌﻢ ﺍﻭ ﺑﻤﻜﺎﻥ ﻋﺎﻡ .. ﺣﺘﻰ ﻣﺎﻋﻨﺪﻱ ﺍﺧﺘﻼﻁ ﺑﺎﺧﻮﺍﺗﻪ .. ﺭﺟﻌﻨﺎ ﻟﻠﺒﻴﺖ .. ﻭﺍﺧﻮﺍﺗﻲ ﻭﺍﻗﺮﺑﺎﺋﻨﺎ ﻛﻮﻟﻬﻪ ﺗﺮﮔﺺ ﻭﻓﺮﺣﺎﻧﻴﻦ .. ﺗﺎﻟﻲ ﮔﺎﻟﻮﺍ ﺍﺟﻮ .. ﺍﻧﻲ ﺭﺟﻠﻴﻪ ﺑﻌﺪ ﻣﺎﺍﺣﺲ ﺑﻴﻬﺎ .. ﺍﺣﺲ ﺭﺍﺡ ﻳﻐﻤﻰ ﻋﻠﻴﻪ ﻣﺎﺍﻋﺮﻑ ﻟﻴﺶ .. ﺩﺧﻞ ﻋﻼﺀ ﻻﺑﺲ ﻗﺎﻁ ﺣﻠﻮ ﻭﻫﻮ ﻣﺮﺗﺐ .. # ﺷﻤﺲ ﻭﮔﻒ ﻳﻤﻲ ﻭﺍﺧﺬﻧﺎ ﻛﻢ ﺻﻮﺭﻩ .. ﻭﻟﺒﺴﺖ ﻫﻴﺞ ﻣﺜﻞ ﺍﻟﻜﺒﻮﺱ ﻭﻃﻮﻳﻞ ﺣﺘﻰ ﻟﻴﻄﻠﻊ ﺷﻌﺮﻱ ﻭﺍﺩﻳﻪ .. ﻣﻊ ﺍﻧﻪ ﻋﻼﺀ ﻣﻄﻠﺐ ﻭﻻ ﺩﻗﻖ ﺑﻬﻴﺞ ﺷﻲ ﺑﺲ ﺍﻧﻲ ﺍﺳﺘﺤﻲ ﺑﻮﺳﺖ ﺍﺧﻮﺍﺗﻲ ﻭﻣﺎﻣﻞ .. ﻭﻃﻠﻌﻨﺎ ﺻﻌﺪﻧﻲ ﺑﺎﻟﺴﻴﺎﺭﻩ .. ﻭﻣﺸﺖ ﺍﻟﺰﻓﻪ ﻭﺳﻴﺎﺭﺍﺕ ﻗﻠﻴﻠﻪ ﺟﺎﻳﻪ ﻣﻮ ﻫﻮﺍﻳﻪ .. ﻭﺍﻧﻲ ﺑﺎﻟﺼﺪﻓﻪ ﺭﻓﻌﺖ ﻋﻴﻨﻲ ﻉ ﺍﻟﺸﺒﺎﻙ .. ﻭﺷﻔﺖ ﺭﺍﺋﺪ ﻳﺘﺒﺎﻭﻋﻠﻲ ﻭﺷﻜﻠﻪ ﺿﺎﻳﺞ .. ﺍﻧﺼﺪﻣﺖ ﻣﻦ ﺷﻔﺘﻪ ﻛﺄﻧﻪ ﺍﺗﻌﻤﺪ ﻳﻮﮔﻒ ﻫﻨﺎ ﺣﺘﻰ ﺍﺷﻮﻓﻪ .. ﻋﻴﻮﻧﻪ ﻛﻮﻟﻬﻪ ﻋﺘﺎﺏ ﻣﻌﻨﺎﻫﻪ ﻟﻴﺶ ﺗﺮﻛﺘﻴﻨﻲ ﻭﺗﺰﻭﺟﺘﻲ ﻏﻴﺮﻱ .. ﺍﺧﺘﻨﮕﺖ ﻛﻮﻟﺶ .. ﺑﺲ ﻫﻮ ﺍﻟﺴﺒﺐ ﺣﺘﻰ ﻣﺼﺎﺭﺣﻨﻲ ﺍﻭ ﻟﻤﺢ ﺍﻟﺸﻲ .. ﻭﺗﺮﻛﻨﻲالعضوة: 522131 , 6 years ago
ﻭﺍﺧﺘﻔﻰ .. ﻓﺎﺕ ﺍﻻﻭﺍﻥ ﻭﻫﺴﺎ ﺍﻧﻲ ﻣﺘﺰﻭﺟﻪ ﻭﻻﺯﻡ ﺍﻧﺴﺎﻩ .. # ﺷﻤﺲ ﺭﺍﺋﺪ .. ﺳﻤﻌﺖ ﺍﻟﻴﻮﻡ ﺯﻭﺍﺟﻬﻪ .. ﺗﺨﺒﻠﺖ ﻭﻗﺮﺭﺕ ﺍﺭﻭﺡ ﺍﺷﻮﻓﻬﺎ ﺣﺘﻰ ﺍﺫﺍ ﺍﺧﺮ ﻣﺮﻩ ﻻﻥ ﺍﺷﺘﺎﻗﻴﺖ ﻟﻌﻴﻮﻧﻬﻪ ﻭﻧﻀﺮﺍﺗﻬﺎ .. ﻭﺷﻔﺘﻬﺎ ﻭﻫﻲ ﺑﺴﻴﺎﺭﻩ ﺍﻟﺰﻓﻪ ﺑﺲ ﺍﻟﻌﺮﻳﺲ ﻣﻮ ﺍﻧﻲ ﻭﺍﺣﺪ ﻏﻴﺮﻱ ﺳﺒﻘﻨﻲ ﻭﺍﺧﺬﻫﺎ ﻣﻨﻲ .. ﻧﻀﺮﺍﺗﻬﺎ ﺗﻌﺎﺗﺒﻨﻲ ﻭﺗﮕﻠﻲ ﺍﻧﺖ ﺍﻟﻲ ﺗﺄﺧﺮﺕ ﻋﻨﻲ ﻭﻣﺎﺗﺰﻭﺟﺘﻨﻲ .. ﻧﻀﺮﺍﺗﻬﺎ ﺑﻴﻬﺎ ﺷﻲ ﻣﺎﮔﺪﺭﺕ ﺍﻓﻬﻤﻪ .. ﻣﻌﻘﻮﻟﻪ ﺟﺒﺮﻭﻫﺎ .. ﻭﺣﺘﻰ ﺍﺫﺍ ﺟﺒﺮﻭﻫﺎ ﺷﻴﻔﻴﺪ ﻭﺍﻧﻲ ﺍﻟﻲ ﺧﺴﺮﺗﻬﺎ ﺑﻌﺪ ﻭﺍﻟﻴﻮﻡ ﺗﺼﻴﺮ ﻣﺮﺕ ﻏﻴﺮﻱ .. ﺑﺴﺎﻋﺘﻬﺎ ﻣﻦ ﺍﺗﺒﺎﻭﻉ ﺑﻌﻴﻮﻧﻬﺎ .. ﺍﺟﻪ ﺑﺒﺎﻟﻲ ﺷﻌﺮ # ﻳﺎﻟﺠﺒﺮﻭﺝ # ﻳﺎﻟﻘﻨﻌﻮﺝ ﻭﻣﺎ ﻛﻤﻠﺘﻲ ﻋﺸﺮﻳﻨﺞ ... ﻏﺼﺐ ﺯﻓﻮﺝ ﻛﺮﻫﺖ ﺍﻟﺸﻴﺦ ﻣﻦ ﻛﻠﺞ ﻭﻟﺞ ﺗﺮﺿﻴﻦ ﻭﻗﺒﻠﺘﻲ !!! ﺟﺎ ﻛﻠﺘﻴﻠﺔ ﺍﺭﻳﺪ ﻭﻳﻪ # ﺍﻟﻮﻟﻒ ﺯﻓﺘﻲ ﻣﺎ ﺷﺎﻳﻞ ﺣﻘﺪ ﻝ ﺃﺑﻠﻴﺲ ﺑﺲ ﺷﺎﻳﻞ ﺣﻘﺪ ﻋﺎﻟﻨﺎﺱ ﺫﻭﻟﺔ ﺍﻟﺮﻛﺼﻮﺍ ﺑﻌﺮﺳﺞ .. # ﺷﻤﺲ ﺩﺧﻠﺖ ﻋﻠﻴﻪ ﺍﻣﻲ ﺷﺎﻓﺘﻨﻲ ﺿﺎﻳﺞ .. ﻳﻤﻪ ﻻﺗﻘﻬﺮ ﺭﻭﺣﻚ ﻛﻠﺸﻲ ﻗﺴﻤﻪ ﻭﻧﺼﻴﺐ .. ﻭﺍﻟﺼﻮﺝ ﻣﻨﻚ ﻳﺎﻳﻤﻪ ﺍﺫﺍ ﺗﺤﺒﻬﺎ ﻫﻴﺞ ﻟﻴﺲ ﻣﺎﺧﻄﺒﺘﻬﺎ ﺑﺴﺎﻋﺘﻚ .. ﺭﺍﺋﺪ .. ﻳﻤﻪ ﺧﻔﺖ ﻋﻠﻴﻬﺎ ﺣﺒﻴﺘﻬﺎ ﺑﻨﻀﺮﺍﺗﻲ ﻭﻧﻀﺮﺍﺗﻬﺎ ﻭﻣﺎﺭﺩﺕ ﺍﺳﻮﻱ ﻋﻼﻗﻪ ﻭﻳﺎﻫﻪ .. ﻭﺍﻟﻨﺎﺱ ﺗﺸﻮﻓﻨﺎ .. ﺧﻔﺖ ﻋﻠﻴﻬﺎ ﻣﺜﻞ ﺧﻮﻓﻲ ﻉ ﺧﻮﺍﺗﻲ ﻭﺗﺎﻟﻲ ﺿﺎﻋﺖ ﻣﻨﻲ .. # ﺷﻤﺲ ﻣﻬﺎ .. ﻣﺎﺭﺣﻨﺎ ﺍﻟﻔﻨﺪﻕ .. ﺯﻓﻮﻧﺎ ﺍﻟﺒﻴﺘﻬﻢ .. ﺍﻟﺒﻴﺖ ﻣﺎﺷﺎﺀ ﺍﻟﻠﻪ ﻳﺨﺒﻞ ﻭﻛﺒﻴﺮ .. ﻭﻏﺮﻓﺘﻨﺎ ﻓﻮﮒ .. ﺻﻌﺪﻧﺎ ﻟﻠﻐﺮﻓﻪ .. ﻭﻛﻨﺖ ﺧﺎﻳﻔﻪ ﺣﻴﻞ .. ﺑﺪﻟﻨﺎ ﻭﺟﺎﺑﻮﺍ ﺍﻟﻌﺸﺎ ﺑﺲ ﻣﺎﺍﻛﻠﺖ ﺍﺳﺘﺤﻴﺖ ﺑﺲ ﻋﻼﺀ ﺍﻛﻞ ﺷﻮﻳﻪ ﻭﺗﺎﻟﻲ ﮔﻤﻨﺎ ﻉ ﺍﻟﺴﺮﻳﺮ ﻭﻭﻭﻭﻭﻭ ﻭﺧﻠﺼﻨﺎ .. ﻟﻜﻦ ﺷﻤﺄﺯﻳﺖ ﻣﻦ ﻋﻼﺀ .. ﻳﺴﻮﻱ ﺗﺼﺮﻓﺎﺕ ﺿﻮﺟﺘﻨﻲ ﻛﺄﻧﻪ ﻣﻮ ﺍﻭﻝ ﻣﺮﻩ ﻣﺘﺰﻭﺝ .. ﻋﺒﺎﻟﻚ ﻣﻦ ﺯﻣﺎﻥ ﻭﻳﺘﺼﺮﻑ ﻣﻮ ﮔﺎﻧﻪ ﻣﺮﺗﻪ .. ﻋﺒﺎﻟﻚ ﻭﺣﺪﻩ ﻣﻦ ﺫﻭﻟﻲ …… # ﺷﻤﺲ ﻫﻮ ﺧﻠﺺ ﻭﻧﺎﻡ ﻭﺍﻧﻲ ﺩﺧﻠﺖ ﻟﻠﺤﻤﺎﻡ ﻓﺘﺤﺖ ﺍﻟﺒﺎﺏ ﻭﺍﺑﺠﻲ .. ﻣﻦ ﺍﻻﻟﻢ ﻭﻣﻦ ﺍﻟﺒﺸﺎﻋﻪ ﺍﻟﻲ ﺷﻔﺘﻬﺎ ﻣﻨﻪ ﻃﺮﻳﻘﺘﻪ ﺍﺑﺪ ﻣﻌﺠﺒﺘﻨﻲ .. ﺑﺪﻳﺖ ﺍﺩﻭﺭ ﺍﻟﻪ ﺗﺒﺮﻳﺮﺍﺕ .. ﻓﮕﻠﺖ ﺍﻛﻴﺪ ﻭﻟﺪ ﻭﻣﺘﻠﻬﻒ ﻟﻠﺰﻭﺍﺝ ﻭﻛﺬﺍ .. # ﺷﻤﺲ ﻭﺣﺎﻭﻟﺖ ﺍﻧﺴﻰ .. ﺳﺒﺤﺖ ﻭﻃﻠﻌﺖ ﻧﺸﻔﺖ ﺷﻌﺮﻱ ﻭﻧﻤﺖ .. ﺗﺎﻟﻲ ﺟﻌﺖ ﻟﮕﻴﺖ ﺍﻟﺼﻴﻨﻴﻪ ﺑﻴﻬﺎ ﻛﺒﺎﺏ ﻭﻣﺸﺎﻭﻱ ﻭﻣﻘﺒﻼﺕ .. ﺳﻮﻳﺖ ﻟﻔﻪ ﻭﺍﻛﻠﺖ ﻭﻧﻤﺖ .. ﻟﻠﺼﺒﺢ ﻧﺎﻳﻤﻪ ﻣﺎﺍﺣﺲ ﺍﻻ ﻋﻼﺀ ﻓﻮﮔﺎﻳﻪ .. ﺣﺘﻰ ﺫﺭﻩ ﻣﺸﺎﻋﺮ ﻭﺍﺣﺴﺎﺱ ﻣﺎﻋﻨﺪﻩ ﻳﻬﺠﻢ ﻋﻠﻴﻪ ﻳﺎﺧﺬ ﺣﺎﺟﺘﻪ ﻭﻳﮕﻮﻡ .. ﻭﻳﮕﻠﻲ ﻣﺎﻋﻨﺪﺝ ﻣﺸﺎﻋﺮ ﺑﺎﺭﺩﻩ .. ﻟﻴﺶ ﻣﺘﺴﻮﻳﻦ ﺍﻟﻲ ﺍﺭﻳﺪﻩ .. ﮔﻮﺗﻠﻪ .. ﺷﮕﻠﻮﻟﻚ ﻗﺎﺑﻞ ﻛﻞ ﻳﻮﻡ ﻣﺘﺰﻭﺟﻪ ﻫﺎﻱ ﺍﻭﻝ ﻣﺮﻩ ﻭﻣﺎﺍﻋﺮﻑ .. ﻭﺍﻧﺖ ﺍﻟﻲ ﻳﺸﻮﻓﻚ ﻋﺒﺎﻟﻚ ﻣﺘﺰﻭﺝ ﻛﻢ ﻣﺮﻩ ﻗﺒﻠﻲالعضوة: 522131 , 6 years ago
# ﺷﻤﺲ ﻋﻼﺀ .. ﻫﻬﻬﻬﻬﻪ ﺍﻋﺘﺒﺮ ﻫﺬﺍ ﺇﻃﺮﺍﺀ .. ﻳﻠﻪ ﺣﺒﻴﺒﻲ ﺭﺍﺡ ﺍﺳﺒﺢ ﻭﺍﻧﺰﻝ ﻭﺍﻧﺘﻲ ﻫﻢ ﺑﺲ ﺗﺨﻠﺼﻴﻦ ﻧﺰﻟﻲ ﻭﺭﺍﻳﻪ .. ﺻﻔﻨﺖ ﻉ ﻧﻔﺴﻲ ﺑﺎﻟﻤﺮﺍﻳﻪ .. ﻟﻮ ﺍﺩﺭﻱ ﻫﻴﺞ ﺍﻟﺰﻭﺍﺝ ﻣﺘﺰﻭﺟﺖ .. ﺍﻧﻲ ﻛﻨﺖ ﺍﺭﻳﺪ ﺍﻧﺴﺎﻥ ﻳﻬﺘﻢ ﺍﻟﻤﺸﺎﻋﺮﻱ ﻳﺤﺒﻨﻲ ﻳﻐﻤﺮﻧﻲ ﺑﺤﻨﺎﻧﻪ ﻭﺭﻭﻣﺎﻧﺴﻴﺘﻪ .. ﻣﻮ ﺑﻬﻤﺠﻴﺘﻪ ﻭﻳﺨﻀﻊ ﺑﺲ ﺍﻟﺮﻏﺒﺎﺗﻪ .. ﺑﺪﻭﻥ ﺍﻱ ﺍﻫﺘﻤﺎﻡ ﺍﻟﻤﺸﺎﻋﺮﻱ .. # ﺷﻤﺲ ﺳﺒﺤﺖ ﻭﻧﺰﻟﺖ .. ﻭﺍﺧﺬﺕ ﺷﺎﻝ ﻭﻳﺎﻱ ﮔﻠﺖ ﺧﺎﻑ ﺧﻄﺎﺭ ﻋﻨﺪﻫﻢ .. ﺳﻠﻤﺖ ﻉ ﺍﻣﻪ ﻭﺍﺧﻮﺍﺗﻪ ﻭﮔﻌﺪﺕ ﺑﺎﻟﺼﺎﻟﻪ .. ﺍﻧﻲ ﺍﻟﺒﺎﺭﺣﻪ ﻣﺎﺍﻧﺘﺒﻬﺖ ﺍﻟﺒﻴﺘﻬﻢ .. ﺑﺲ ﺷﻔﺖ ﺍﻛﻮ ﺛﻼﺙ ﻏﺮﻑ ﺟﻮﻩ .. ﻣﺆﺛﺜﻪ .. ﻳﻌﻨﻲ ﺑﻴﻬﺎ ﻏﺮﻑ ﺍﺧﺸﺎﺏ .. ﺍﺗﻌﺠﺒﺖ ﻭﺍﻧﻲ ﺍﻟﻲ ﺍﺩﺭﻱ ﺑﻲ ﻫﻮ ﺍﻟﻮﻟﺪ ﺍﻟﻮﺣﻴﺪ ﻋﻨﺪ ﺍﻫﻠﻪ .. # ﺷﻤﺲ ﺑﻌﺪﻳﻦ ﻋﺮﻓﺖ ﺍﺧﻮﺍﺗﻪ ﻋﺎﻳﺸﺎﺕ ﻭﻳﺎﻫﻢ ﻫﻦ ﻭﺍﻭﺍﻻﺩﻫﻦ ﻭﺍﺯﻭﺍﺟﻬﻦ .. ﻓﮕﻠﺖ ﻋﺎﺩﻱ ﻻﻥ ﻫﻲ ﺯﻭﺟﻬﻪ ﻣﺘﻮﻓﻲ ﻭﺍﻛﻴﺪ ﻣﺎﺗﺤﺐ ﺍﻭﻻﺩﻫﻪ ﻳﻔﺎﺭﮔﻮﻫﻪ ﻭﺍﻟﺒﻴﺖ ﻛﺒﻴﺮ .. ﻭﻋﺠﺒﻨﻲ ﺟﻮﻫﻢ ﺍﻟﻌﺎﺋﻠﻲ .. ﺗﺤﺴﻬﻢ ﻛﻮﻟﻬﻢ ﻋﺎﺋﻠﻪ ﻭﺣﺪﻩ .. ﺑﺲ ﺍﻟﻲ ﺿﺎﻳﻘﻨﻲ .. ﺍﻧﻪ ﺍﻧﻲ ﻣﺘﺰﻭﺟﻪ ﺟﺪﻳﺪ ﻭﻫﻢ ﺍﺭﻳﺪ ﺍﻟﺒﺲ ﻭﺍﻋﺪﻝ .. ﻭﺍﺯﻭﺍﺟﻬﻦ ﺑﺄﻋﺘﺒﺎﺭ ﻫﻢ ﺍﻏﺮﺍﺏ ﻋﻨﻲ .. ﻭﺍﻛﻴﺪ ﺭﺍﺡ ﺍﺗﻘﻴﺪ .. # ﺷﻤﺲ ﺧﻠﺼﻨﺎ ﺭﻳﻮﮒ .. ﻭﺻﻌﺪﺕ ﻟﻠﻐﺮﻓﻪ .. ﻓﻼﺣﻈﺖ ﺍﻛﻮ ﻏﺮﻓﻪ ﺑﺎﻟﻤﻤﺮ ﺍﻟﻲ ﻣﻘﺎﺑﻴﻞ ﻏﺮﻓﺘﻲ ﺍﻟﻔﻮﮒ ﻭﺑﺎﺑﻬﻪ ﻣﻔﺘﻮﺡ .. ﻣﺎﺍﻫﺘﻤﻴﺖ .. ﻓﺘﺤﺖ ﺑﺎﺏ ﻏﺮﻓﺘﻲ ﺭﺩﺕ ﺍﺩﺧﻞ .. ﺷﻔﺖ ﻋﻼﺀ ﻃﻠﻊ ﻣﻨﻬﺎ .. ﺑﻘﻴﺖ ﺻﺎﻓﻨﻪ .. ﻫﻮ ﻣﻦ ﺷﺎﻓﺘﻲ ﺍﻧﺨﻄﻒ ﻟﻮﻥ ﻭﺟﻬﻪ .. ﺩﺧﻞ ﻭﺭﺍﻳﻪ ﻟﻠﻐﺮﻓﻪ .. ﻣﺎﺣﺒﻴﺖ ﺍﺳﺄﻟﻪ ﺷﻨﻮ ﻫﺎﻱ ﺍﻟﻐﺮﻓﻪ ﺍﻭ ﺷﺘﺴﻮﻱ ﺑﻴﻬﺎ .. ﻋﺒﺎﻟﻲ ﻣﺨﺰﻥ ﺍﻭ ﻫﻴﺞ ﺷﻲ .. ﻟﻬﺬﺍ ﺳﻜﺘﺖ ﻭﻫﻮ ﻫﻢ ﺳﻜﺖ ﻭﻣﺤﺠﻪ .. ﻭﺍﺟﻪ ﻳﺤﻈﻦ ﻭﻳﺘﻐﺰﻝ ﻭﻣﺸﺘﺎﻗﻠﺞ .. ﻳﺤﺎﻭﻝ ﻳﻐﻄﻲ ﻉ ﺷﻲ ?? # ﺷﻤﺲ ﻳﺘﺒﻊالعضوة: 522131 , 6 years ago
ﺃﺷﻌﺮ ﺑﺄﻥ ﻫﻨﺎﻙ ﺻﻮﺕ ﺑﻌﻴﺪ .. ﻳﺨﺮﺝ ﺑﻴﻦ ﺟﻮﺍﻧﺢ ﺻﺪﺭﻱ .. ﻭﻳﺒﺘﻌﺚ ﻣﻦ ﺍﻭﺗﺎﺭ ﻭﻫﻤﻴﺔ ﻟﻴﺼﻨﻊ ﺻﻮﺗﺎً ﻣﻐﺎﻳﺮﺍ ﻛﺄﻧﻪ ﻻ ﻳﺸﺒﻬﻨﻲ ﻻ ﻳﻠﻤﺲ ﺭﻭﺣﻲ .. ﺍﻋﺘﻘﺪ ﺍﻥ ﻫﻨﺎﻙ ﻣﻦ ﻳﺘﻜﻠﻢ ﺑﺎﻟﻨﻴﺎﺑﺔ ﻋﻨﻲ ﻻ ﺍﻋﻠﻢ ﻣﺎ ﻫﻮ ﻟﻜﻨﻲ ﺍﻋﻠﻢ ﺟﻴﺪﺍ .. ﺑﺄﻧﻬﺎ ﻟﺴﺖ ﺍﻧﺎ ️☹ ﻣﺮ ﻛﻢ ﻳﻮﻡ ﻉ ﺯﻭﺍﺟﻲ .. ﻟﻜﻦ ﺍﻛﻮ ﺍﻣﻮﺭ ﺑﺪﺕ ﺗﺘﻜﻮﻥ ﺩﺍﺧﻠﻲ ﺍﻛﻮ ﺍﺷﻴﺎﺀ ﺍﺣﺲ ﺑﻴﻬﺎ ﺩﺗﺼﻴﺮ .. ﺑﺲ ﻣﺎﺍﻋﺮﻑ ﺷﻨﻮ .. ﻛﺜﺮﺕ ﺷﻜﻮﻛﻲ ﺑﻄﻠﺐ ﻣﻦ ﻋﻼﺀ .. ﻓﻲ ﻳﻮﻡ ﻣﻦ ﺍﻻﻳﺎﻡ .. ﻋﻼﺀ .. ﻫﻠﻮ ﺣﺒﻴﺒﻲ ﺷﺪﺍﺗﺴﻮﻳﻦ .. # ﺷﻤﺲ ﻣﻬﺎ .. ﺷﻨﻮ ﺍﺳﻮﻱ ﺩﺍ ﺍﻧﻈﻒ ﺑﻐﺮﻓﺘﻲ .. ﻻﻥ ﺍﻣﻚ ﻣﺘﻘﺒﻞ ﺍﻧﺰﻝ ﻟﺠﻮﻩ .. ﺗﮕﻮﻟﻲ ﺍﻧﺘﻲ ﻋﻠﻴﺞ ﺑﻐﺮﻓﺘﺞ ﻭﺯﻭﺟﺞ ﻭﺑﺲ .. ﻋﻼﺀ .. ﻫﺎﺍﺍﺍ .. ﻟﻴﺶ ﺍﻧﺘﻲ ﻧﺰﻟﺘﻲ ﺍﻟﻴﻮﻡ .. ﻣﻬﺎ .. ﻻ ﺑﺲ ﺭﺩﺕ ﺍﻧﺰﻝ ﻭﺷﻔﺖ ﺍﻣﻚ ﺧﺰﺭﺗﻨﻲ ﮔﻠﺘﻠﻲ ﺍﺩﺧﻠﻲ ﺑﻐﺮﻓﺘﺞ ﻻﻥ .. ﻋﺪﻧﺎ ﺧﻄﺎﺭ .. ﺩﺧﻠﺖ ﻭﻗﻔﻠﺖ ﺍﻟﺒﺎﺏ ﻭﺑﻌﺪﻳﻦ ﺳﻤﻌﺖ ﻫﻮﺳﻪ .. # ﺷﻤﺲ ﻋﻼﺀ ﻳﻌﻨﻲ ﻣﻌﻘﻮﻟﻪ ﺍﻣﻚ ﺗﺨﺠﻞ ﻣﻦ ﺗﻮﺍﺟﺪﻱ ﺑﻴﻨﺎﺗﻜﻢ .. ﺍﻋﺮﻑ ﺍﻧﺘﻮ ﻧﺎﺱ ﻭﺍﺻﻠﻴﻦ .. ﺑﺲ ﺍﻧﻲ ﻫﻢ ﻋﺮﻭﺱ ﻭﺍﺭﻳﺪ ﺍﺗﻌﺮﻑ ﻉ ﺍﻟﻨﺎﺱ .. ﺣﺘﻰ ﺍﺧﻮﺍﺗﻚ ﻣﻴﺨﺘﻠﻄﻦ ﺑﻴﻪ .. ﻋﻼﺀ .. ﻳﻮﻭﻭﻭﻭﻩ ﻣﻬﺎ ﻟﺘﺼﻴﺮﻳﻦ ﻣﻌﻘﺪﻩ ﻫﺴﺎ ﺍﻟﻲ ﻣﺜﻠﺞ ﺗﻔﺮﺡ ﻻﻥ ﻣﻴﺨﻠﻮﻫﻪ ﺗﻨﺰﻝ ﻭﺗﺸﺘﻐﻞ .. ﻭﺍﺣﻨﺎ ﺧﻄﺎﺭ ﻳﺠﻮﻧﺎ ﻫﻮﺍﻱ ﻭﻣﺘﻌﺮﻓﻴﻬﻢ ﻳﻌﻨﻲ ﻣﻴﺼﻴﺮ ﻛﻞ ﺍﻟﻲ ﺗﺸﻮﻓﻴﻪ ﻻﺯﻡ ﺗﻌﺮﻓﻴﻪ .. ﻭﺛﺎﻧﻲ ﺷﻲ ﺍﺭﻳﺪﺝ ﺗﺼﻴﺮﻳﻦ ﻋﻤﻴﻪ ﻭﺧﺮﺳﻪ ﻭﻃﺮﺷﻪ .. ﻛﻞ ﺍﻟﻲ ﺗﺸﻮﻓﻴﻪ ﺍﻭ ﺗﺴﻤﻌﻴﻪ ﺑﺒﻴﺖ ﺍﻫﻠﻲ ﻣﻴﻄﻠﻊ ﺍﻻﺣﺪ ﺣﺘﻰ ﺍﻟﻲ .. # ﺷﻤﺲ ﺑﻘﻴﺖ ﺻﺎﻓﻨﻪ ﺑﻮﺟﻬﻪ .. ﻋﻼﺀ .. ﻋﻼﺀ ﺍﻓﺘﻬﻤﺘﻲ 😡 ﻣﻬﺎ .. ﻧﺼﻴﺖ ﺑﺮﺍﺳﻲ ﻣﻌﻨﺎﻫﻪ ﺍﻱ .. ﻋﻼﺀ .. ﻋﻔﻴﻪ ﺑﺤﺒﻴﺒﺘﻲ ﻳﺎﻟﻪ ﺗﻌﺎﻟﻲ ﻻﻥ ﺍﺷﺘﺎﻗﻴﺘﻠﺞ .. ﻣﻬﺎ .. ﻟﻌﺒﺖ ﻧﻔﺴﻲ ﻭﺍﻧﻲ ﺍﺑﺪ ﻣﺘﻌﻮﺩﺕ ﻋﻠﻴﻪ ﻭﻋﻠﻴﻬﻢ ﺑﺎﻟﻌﻜﺲ ﻳﻮﻡ ﻋﻦ ﻳﻮﻡ ﺩﺍ ﺍﺧﺘﻨﻚ .. ﺍﻛﻮ ﺷﻲ ﻏﺎﻣﺾ ﻣﻤﺮﻳﺤﻨﻲ .. ﻟﻬﺬﺍ ﻗﺮﺭﺕ ﻣﺎﺍﺳﻮﻱ ﻃﻔﻞ ﺍﺑﺪ ﻭﺍﺧﺬ ﺍﺣﺘﻴﺎﻃﻲ .. ﻟﻠﻌﺼﺮ ﻃﻠﺒﺖ ﻣﻦ ﻋﻼﺀ ﺍﺭﻭﺡ ﺍﻻﻫﻠﻲ ﻭﻣﺎﺍﻋﺘﺮﺽ ﮔﺎﻝ ﺍﻭﻙ .. ﺑﺲ ﻣﺘﺠﻴﻦ ﺍﻟﻰ ﺍﻥ ﺍﺟﻴﺞ .. ﻭﺻﺪﻭﮒ ﺭﺣﺖ ﺍﻻﻫﻠﻲ .. ﻭﻋﻼﺀ ﻣﻨﺰﻝ ﻭﻳﺎﻱ .. ﻭﺻﻠﻨﻲ ﻭﺭﺍﺡ ﺍﺳﺘﻐﻠﻴﺘﻬﺎ ﻓﺮﺻﻪ ﺭﺣﺖ ﻉ ﺻﻴﺪﻟﻴﻪ ﻗﺮﻳﺒﻪ ﻭﺟﺒﺖ ﻣﺎﻧﻊ ﻛﻢ ﺷﺮﻳﻂ ﻳﻜﻔﻨﻲ ﻟﻜﻢ ﺷﻬﺮ .. # ﺷﻤﺲالعضوة: 522131 , 6 years ago
ﻭﺭﺟﻌﺖ ﻳﻢ ﺍﻫﻠﻲ .. ﻟﻠﻴﻞ ﺍﺗﺼﻠﺖ ﻉ ﻋﻼﺀ .. ﮔﻠﻲ ﺍﺑﻘﻲ ﻳﻢ ﺍﻫﻠﺞ ﻣﺎﺍﮔﺪﺭ ﺍﺟﻴﺞ .. ﺻﺎﺭﺕ ﻋﻨﺪﻱ ﺷﻐﻠﻪ .. ﺍﻧﻲ ﻫﻢ ﻓﺮﺣﺖ ﺑﻘﻴﺖ ﻳﻢ ﺍﺧﻮﺍﺗﻲ ﻭﺍﺗﺼﻠﺖ ﻉ ﺻﺎﺑﺮﻳﻦ ﺍﺟﺖ .. ﻭﺳﻮﻟﻔﺘﻠﻬﺎ ﺷﻜﻮﻛﻲ .. ﮔﺎﻟﺖ .. ﻋﺎﺩﻱ ﻻﻥ ﺑﻌﺪﺝ ﺟﺪﻳﺪﻩ ﺗﺤﺴﻴﻬﻢ ﻏﺮﻳﺒﻴﻦ ﻋﻠﻴﺞ .. ﻭﻓﻌﻼ ﺍﻧﻲ ﻣﺼﺎﺭﻟﻲ ﻋﺸﺮ ﺍﻳﺎﻡ .. ﻓﻤﺎ ﺍﻋﺮﻓﻬﻢ ﺯﻳﻦ ﻭﻟﻴﺶ ﺍﺣﻜﻢ ﻣﺴﺒﻘﺎ .. ﺑﻘﻴﻨﺎ ﺳﻬﺮﺍﻧﻴﻦ ﺳﻮﻳﻪ .. ﺍﻟﻰ ﻏﻔﻴﻨﺎ ﺗﻘﺮﻳﺒﺎ ﺏ 2 .. ﮔﻌﺪﺕ ﺍﻟﺼﺒﺢ ﺗﺮﻳﮕﻨﺎ ﻭﻧﻀﻔﺖ ﺑﻴﺖ ﺍﻫﻠﻲ ﻭﺳﻮﻳﺖ ﺍﻟﻐﺪﺍ ﺍﺷﺘﺎﻗﻴﺖ ﻟﻠﺸﻐﻞ ﻫﻨﺎﻙ ﻣﻴﺨﻠﻮﻧﻲ ﺍﺳﻮﻱ ﺷﻲ .. ﻛﻮﻟﻪ ﺑﺎﻟﻐﺮﻓﻪ ﺗﻌﺒﺖ .. # ﺷﻤﺲ ﺻﺎﺭﺕ ﺍﻝ 11 ﻭﻋﻼﺀ ﻣﺎﻛﻮ .. ﮔﻠﺖ ﺍﻛﻴﺪ ﻣﻔﺎﺭﻍ ﻟﻮ ﺑﺎﻟﺸﻐﻞ .. ﻃﻠﺒﺖ ﻣﻦ ﺭﺿﺎ ﻳﻮﺻﻠﻨﻲ .. ﮔﺎﻟﺖ ﺻﺎﺑﺮﻳﻦ ﻻ ﺧﻠﻴﻬﺎ ﻧﺘﻐﺪﺍ ﻭﺍﺣﻨﺎ ﻧﻮﺻﻠﺞ ﺑﻄﺮﻳﻘﻨﺎ ﻣﻦ ﻳﺠﻲ ﺯﻭﺟﻬﻪ ﻳﻮﺻﻠﻬﺎ .. ﮔﻮﻟﺘﻠﻬﺎ ﺍﻭﻙ .. ﺍﺗﻐﺪﻳﻨﺎ ﻭﺍﺟﻪ ﺯﻭﺟﻬﻪ ﺏ 1 ﺍﺧﺬﻧﺎ .. ﻧﺰﻟﻮﻧﻲ ﻳﻢ ﺑﻴﺖ ﻋﻴﺎﻟﻲ ﻭﻣﺸﻮﺍ .. ﻟﮕﻴﺖ ﺍﻟﺒﺎﺏ ﻣﻔﺘﻮﺡ ﺩﺧﻠﺖ .. ﺍﺧﻮﺍﺗﻪ ﻛﻞ ﻭﺣﺪﻩ ﻭﻱ ﺯﻭﺟﻬﻪ ﻭﺍﻭﻻﺩﻫﻢ ﺑﺎﻟﻐﺮﻓﻪ .. ﻭﺍﺳﻤﻊ ﺍﻟﻀﺤﻚ ﻭﺍﻟﺴﻮﺍﻟﻒ .. # ﺷﻤﺲ ﻓﮕﻠﺖ ﺷﻲ ﻃﺒﻴﻌﻲ .. ﺑﻐﺮﻓﻬﻢ ﻭﻳﻀﺤﻜﻮﻥ ﻭﻳﺴﻮﻟﻔﻮﻥ .. ﺻﻌﺪﺕ ﺍﻟﻐﺮﻓﺘﻲ .. ﺑﻬﺪﻭﺀ .. ﻭﺍﻧﻲ ﺍﺭﻳﺪ ﺍﻓﺘﺢ ﻏﺮﻓﺘﻲ ﺳﻤﻌﺖ ﺻﻮﺕ ﻣﻦ ﺍﻟﻐﺮﻓﻪ ﺍﻟﻲ ﻣﻘﺎﺑﻴﻞ ﻏﺮﻓﺘﻲ ﺑﺎﻟﻤﻤﺮ . ﻣﺎﺍﻫﺘﻤﻴﺖ ﺩﻭﺭ ﺯﺍﺩ ﺍﻟﺼﻮﺕ .. ﺍﺗﻘﺮﺑﺖ ﻭﺭﺟﻌﺖ .. ﺩﺧﻠﺖ ﻏﺮﻓﺘﻲ .. ﻭﺍﻧﻲ ﺍﻓﻜﺮ ﺑﺎﻟﺼﻮﺕ ﻣﻌﻘﻮﻟﻪ ﺣﺮﺍﻣﻲ .. ﻭﺷﻠﻮﻥ ﺍﻋﻴﻂ ﺍﺧﺎﻑ ﻳﻘﺘﻠﻨﻲ .. ﺍﻭ ﺍﻧﺰﻝ ﺍﮔﻮﻝ ﺍﻟﻌﻤﺘﻲ ﻟﻮ ﻟﻠﺒﻨﺎﺕ . ﺑﻘﻴﺖ ﺣﺎﻳﺮﻩ .. # ﺷﻤﺲ ﺗﺎﻟﻲ .. ﺗﺸﺠﻌﺖ ﺭﺩﺕ ﺍﻃﻠﻊ .. ﺳﻤﻌﺖ ﺭﺟﻠﻴﻦ ﺻﻌﺪﺕ .. ﺑﻘﻴﺖ ﺳﺎﻛﺘﻪ ﺍﺗﺒﺎﻭﻋﺖ ﻣﻦ ﻓﺘﺤﺘﻪ ﺍﻟﺒﺎﺏ ﺷﻔﺖ ﻋﻤﺘﻲ .. ﺻﻌﺪﺕ ﺩﮔﺖ ﺍﻟﺒﺎﺏ ﻭﺍﻧﻔﺘﺤﺖ ﻣﺪﺕ ﺍﻳﺪﻫﻪ ﺍﻧﻄﺖ ﻋﻼﮔﻪ ﺍﻟﺸﺨﺺ ﺟﻮﻩ ﺍﻟﻐﺮﻓﻪ ﻭﻧﺰﻟﺖ .. ﺯﺍﺩﺕ ﺣﻴﺮﺗﻲ ﺍﻛﺜﺮ .. ﻳﺎﺭﺑﻲ ﺷﺄﺳﻮﻱ ﻭﺷﻠﻮﻥ ﻛﺘﻠﻨﻲ ﺍﻟﻔﻀﻮﻝ ﻭﻻﺯﻡ ﺍﻋﺮﻑ ﺷﻨﻮ ﺍﻟﻲ ﻳﺼﻴﺮ .. # ﺷﻤﺲ ﻃﻠﻌﺖ ﻣﻦ ﻏﺮﻓﺘﻲ .. ﻭﺍﻣﺸﻲ ﻉ ﺍﻃﺮﺍﻑ ﺍﺻﺎﺑﻌﻲ .. ﺍﺗﻘﺮﺑﺖ ﺯﺍﺩ ﺍﻟﺼﻮﺕ ﺿﺤﻚ ﻭﺳﻮﺍﻟﻒ ﺍﺗﺒﺎﻭﻋﺖ ﻣﻦ ﻓﺘﺤﺘﻪ ﺍﻟﺒﺎﺏ ﺷﻔﺖ 😲😮 🔞 ﺭﺑﻲ ﺍﺳﺘﺮ ﻋﻠﻴﻪ .. ﻣﻨﻮ ﺫﻭﻟﻲ ﺣﺘﻰ ﻣﺎﺍﻧﺘﺒﻬﺖ ﺍﻟﺸﻜﻠﻬﻢ .. ﺭﺟﻌﺖ ﺭﻛﺾ ﺍﻟﻐﺮﻓﺘﻲ ﻭﮔﻠﺒﻲ ﻛﻮﻟﻪ ﻳﺪﻭﮒ ﻭﺩﻣﻮﻋﻲ ﺗﻨﺰﻝ ﻻ ﺍﺭﺍﺩﻳﺎ .. ﻣﻌﻘﻮﻟﻪ ﺍﻧﻲ ﻓﻬﻤﺖ ﻏﻠﻂ .. ﺑﻘﺖ ﺍﻻﻓﻜﺎﺭ ﺗﺎﺧﺬﻧﻲ ﻭﺗﻮﺩﻳﻨﻲ .. ﺳﻤﻌﺖ ﺻﻮﺕ ﺗﻘﺮﺏ ﻣﻦالعضوة: 522131 , 6 years ago
ﻏﺮﻓﺘﻲ ﺑﺴﺮﻋﻪ ﺩﺧﻠﺖ ﻟﻠﺤﻤﺎﻡ .. ﺍﻟﺤﻤﺎﻡ ﺑﻐﺮﻓﺘﻲ .. ﻭﻏﻠﻘﺘﻪ ﻭﻓﺘﺤﺖ ﻣﻲ ﻭﺳﻮﻳﺖ ﻧﻔﺴﻲ ﺍﺳﺒﺢ .. ﻋﻼﺀ .. ﻣﻨﻮ ﻫﻨﺎ .. ﺍﺣﺠﻲ ﻣﻨﻮ ﻣﻬﺎ .. ﺧﺎﻧﮕﻪ ﺩﻣﻌﺘﻲ ﺑﺎﻟﮕﻮﻩ .. ﻭﺧﺎﻳﻔﻪ .. ﺍﻧﻲ ﻋﻼﺀ ﺍﺳﻔﻪ ﻣﺎﺳﻤﻌﺘﻚ ﻻﻥ ﺍﻟﻤﻲ ﻣﻔﺘﻮﺡ .. # ﺷﻤﺲ ﻋﻼﺀ .. ﻭﺍﻧﺘﻲ ﺷﻌﻨﺪﺝ ﻫﻨﺎ ﻣﻮ ﮔﺘﻠﺞ ﻻﺗﺠﻴﻦ .. ﻣﻬﺎ .. ﺻﺎﺑﺮﻳﻦ ﺭﺟﻌﺖ ﻫﻲ ﻭﺯﻭﺟﻬﻪ . ﺭﺟﻌﺘﻨﻲ ﺑﻄﺮﻳﻘﻬﺎ .. ﻋﻼﺀ .. ﻭﺷﻠﻮﻥ ﺩﺧﻠﺘﻲ .. ﻣﻬﺎ .. ﻫﺎﻱ ﺷﺒﻴﻚ ﻋﻼﺀ . ﻟﮕﻴﺖ ﺍﻟﺒﺎﺏ ﻣﻔﺘﻮﺡ ﻭﻛﻮﻟﻬﻪ ﻧﺎﻳﻤﻪ ﻣﺎﺭﺩﺕ ﺍﺯﻋﺠﻬﻢ .. ﺩﺧﻠﺖ ﺍﺳﺒﺢ ﻭﺍﻟﻤﻲ ﺣﻠﻮ ﻧﺴﻴﺖ ﻧﻔﺴﻲ .. ﻟﻴﺶ ﺍﻛﻮ ﺷﻲ .. ﻋﻼﺀ .. ﻫﺎ 😡 ﻻ ﺣﺒﻴﺒﻲ ﺍﺑﻘﻲ ﻉ ﺭﺍﺣﺘﺞ ﻭﻟﺘﻄﻠﻌﻴﻦ ﻻﻥ ﺣﻴﺠﻴﻮﻥ ﻭﻟﺪ ﺍﺻﺪﻗﺎﺋﻲ ﻳﺴﻮﻭﻥ ﺍﻟﺴﺒﻠﺖ ﻣﺎﻝ ﻏﺮﻓﻪ ﺍﻣﻲ ﻣﺎﺍﻋﺮﻑ ﺷﺒﻲ ﻭﺧﺎﻑ ﻳﺼﻌﺪﻭﻥ ﻟﻔﻮﮒ .. ﻣﻬﺎ .. ﺍﻭﻙ .. ﺍﺻﻼ ﺍﻧﻲ ﺗﻌﺒﺎﻧﻪ .. ﻭﺍﺭﻳﺪ ﺍﻧﺎﻡ .. ﺧﻔﺖ ﻫﻮﺍﻳﻪ ﻭﺣﺴﻴﺖ ﻧﻔﺴﻲ ﺩﺍﺧﻠﻪ ﺑﻤﺴﺘﻨﻘﻊ ﻣﺎﻟﻪ ﻧﻬﺎﻳﻪ .. ﻭﺳﺎﻋﻪ ﺍﻛﺬﺏ ﻧﻔﺴﻲ ﻭﺍﮔﻮﻝ ﺍﻧﺘﻲ ﻏﻠﻄﺎﻧﻪ ﻣﻬﺎ .. ﺍﺧﺎﻑ ﻭﺣﺪﻩ ﻣﻦ ﺍﻟﺒﻨﺎﺕ ﻭﺯﻭﺟﻬﻪ ﺍﺳﺘﺨﺪﻣﻮﺍ ﺍﻟﻐﺮﻓﻪ ﺍﻟﻔﻮﮒ ﻻﻥ ﻋﻨﺪﻫﻢ ﺍﻭﻻﺩ ﻭﻣﻴﮕﺪﺭﻭﻥ ﻳﺎﺧﺬﻭﻥ ﺭﺍﺣﺘﻬﻢ .. # ﺷﻤﺲ ﺑﻘﺖ ﺍﻻﻓﻜﺎﺭ ﺗﺎﺧﺬﻧﻲ ﻭﺗﻮﺩﻳﻨﻲ .. ﺗﺎﻟﻲ ﺳﻤﻌﺖ ﺻﻮﺕ .. ﺭﻛﻀﺖ ﻉ ﻓﺘﺤﺔ ﺍﻟﺒﺎﺏ .. ﺷﻔﺖ ﺭﺟﺎﻝ ﺿﺨﻢ ﻭﻭﺣﺪﻩ ﻣﺒﻮﺷﺎﻳﻪ ﻭﻋﻼﺀ .. ﺛﻼﺛﺘﻬﻢ ﻧﺰﻟﻮﺍ ﺳﻮﻩ .. ﺑﺬﻳﺞ ﺍﻟﺴﺎﻋﻪ ﺷﻤﺄﺯﻳﺖ ﻣﻦ ﻧﻔﺴﻲ ﻭﻣﻦ ﻋﻼﺀ ﻭﻗﺮﺭﺕ ﺍﺭﺍﻗﺒﻬﻢ ﻟﻴﻞ ﻣﻊ ﻧﻬﺎﺭ ﻭﺍﺷﻮﻑ ﺳﺎﻟﻔﺘﻬﻢ ﺷﻨﻮ .. ﻭﺍﺣﺴﻦ ﻗﺮﺍﺭ ﺍﺗﺨﺬﺗﻪ ﺍﻧﻪ ﻣﺎﺍﺳﻮﻱ ﻃﻔﻞ ﻻﻥ ﻣﺎﺍﻋﺮﻑ ﺷﻨﻮ ﻧﺘﻴﺠﻪ ﺣﻴﺎﺗﻲ ﺍﻟﺠﺎﻳﻪ .. # ﺷﻤﺲ ﻳﺘﺒﻊ … . ️❤️❤️❤️❤️❤️❤ ﺍﺣﺒﺘﻲ ﻟﻠﺘﻨﻮﻳﻪ ﻣﺮﻩ ﻟﺦ .. ﺍﻟﻘﺼﻪ ﺣﻘﻴﻘﻴﻪ .. ﻭﺩﺍ ﺍﻛﺘﺒﻬﺎ ﻉ ﻛﻴﻔﻲ ﻻﻥ ﺍﻟﻘﻀﻴﻪ ﺣﺴﺎﺳﻪ ﺑﺎﻟﻨﺴﺒﻪ ﻟﺼﺎﺣﺒﺔ ﺍﻟﻘﺼﻪ .. ﻟﻬﺬﺍ ﺍﺭﺟﻮ ﻣﺮﺍﻋﺎﺗﻬﺎ ﺑﺎﻟﺘﻌﻠﻴﻘﺎﺕ .. ﻭﻋﺪﻡ ﺍﻻﻧﺘﻘﺎﺩ ﻻﻥ ﻋﺎﺷﺖ ﺿﺮﻭﻑ ﻣﺎﻳﻌﻠﻢ ﺑﻴﻬﺎ ﺍﻻ ﺍﻟﻠﻪ .. ﺗﺤﻴﺎﺗﻲ ﻟﻠﺠﻤﻴﻊالعضوة: 670400 , 6 years ago
متابعه كملي😘العضوة: 724645 , 6 years ago
كملي صار عندي فضول اعرف شو نهاية هالقصة