9 years ago
  • المرحلة الثالثة (الأشهر 9,8,7)
السلام عليكم 🙋💜 كيفكم جميعا وكيف الحمل معاكم 😳 زي ماشيفين العنوان حابه نتجمع حنا ي بنات مكه ونفيد ونستفيد😇 * اللي عندها استفسار تسدحه ومابنقصر👏 *واللي حابه تحكينا قصه ولادتها كلنا اذان صاغيه😻 *واللي حامل تحكيلنا ب اي شهر ووين مقرره تولد 👼 نسلي بعض لحد م نولد على خير ويكون مرجع لنا 👌💙💙 "الله يقوم الحوامل بالسلامه ويفرحهم بشوفة كتاكيتهم بصحه وعافيه والله يرزق كل من تمنى الضنى وتأخر عليه ولايحرم احد من زينه الدنيا يارب ياكريم" 🙌🙇

32 تعليقات

العضوة: 28210 , 9 years ago

انا من مكه 😊 بأخر اسبوع بالسادس 💕 ان شاءالله مقرره بمكه الطبي بولد 🙂 ودي اعرف كيف ابدا اجهز للبيبي يعني ايش الاشياء الاساسيه اللي اشتريها ؟ وايش احط بشنطة الولاده ؟ وكمان كيف اجهز لأستقبال فتره النفاس من زينه وهدايا من وين اجيبها وايش الافكار الجديده 😅👌🏻؟

العضوة: 54609 , 9 years ago

انا ع اخر اسبوع بالثامن الله يسهل الباقي 😪 الله يعين ع الثقل ويكتب الاجر وبالنسبه للولاده افكر في حراءومكه الطبي ولسى ماقررت في اللي يمدح واللي يذم😳 والله يختار الطيب للجميع 💞🙌

العضوة: 45174 , 9 years ago

انا ساكنه بمكه بش زوجي خلاني اروح لاهلي في الجنوب اولد عندهم بس كنت اشوف حريم يجون يولدون بحراء مافي اهتمام بس للامانه ماجربت انا اخر التاسع الحين ياااارب يقووومنا بالسلامه

العضوة: 54609 , 9 years ago

@user-28210 الله يقومك بالسلامه ويتمم لك على خير 🙇 والتجهيزات نصيحه لاتدخلين الثامن الا وانتي مخلصه كلشي من شغلات البيبي وشغلاتك والاستقبال لان الثامن بتحسين بالثقل ومعد لك حيل تسوين شي 😳

العضوة: 54609 , 9 years ago

@user-45174 يله هانت الله يقومك بالسلامه يارب ويفرحك بشوفة نونوك بصحه وعافيه 😻

العضوة: 25597 , 9 years ago

انا من مكه بس تزوجت وسكنت بجده و دخلت التاسع و نفسي اولد في مكه بس مافي مستشفى يفتح النفس .. مكه الطبي قالولي مانقبل تأمينك لانه كلاس سي وهم يقبلوا بس اي و بي .. رغم ان تأميني يغطي ل ١٥ الف وعندهم الطبيعي من ٦-٨ الاف .. مدري كيف نظامهم .. الزبده بولد في جده في الالماني ان شاء الله .. وحراء امي رافضه الحكومي تقول روحي خاص احسنلك رغم ان حراء جنب بيت اهلي بس الله يعين

العضوة: 466 , 9 years ago

وانا من مكه لكن تزوجت وسكنت بجده لسا ماني عارفه فين اولد بجده ولا مكه اذا بمكه افكر بعلوي تونسي ولو بجده بالاطباء اللي لها تجارب مع علوي تونسي تقولي الله يعافيكم

العضوة: 23315 , 9 years ago

بنات فين هو مكه الطبي هذا وهو خاص كم ولادته وكيف العنايه بالله تفاصيل هو جديد صح !!

العضوة: 54609 , 9 years ago

@user-23315 ايوا خاص في التنعيم قريب من مستشفى حراء يمدحونه مره واسعار الولاده لسى ماعندي معلومات اكيده عنها وان شاء الله البنات يفيدونا😢💞

العضوة: 28210 , 9 years ago

@user-54609ع حسب معوماتي القيصري ب 12 اما الطبيعي ماتتعدا الخمسه اتوقع

العضوة: 23315 , 9 years ago

@user-54609 الله يسعدك طيب ويابنات جميعا كيف حراء .. ورعايتهم انا حامل بتوأم ما شا الله وخايفه ع البيبيات ابغى مستشفى يهتمون مو يستغلون علشان الفلوس ساعدوني افكر في جده بس لو جاتني ولاده قبل اروح جده فين اروح

العضوة: 28210 , 9 years ago

@user-23315مكه الطبي مره يمدحونه وانا كمان مقرره ان شاءالله اولد فيه

العضوة: 28210 , 9 years ago

@user-23315 مكه الطبي *

العضوة: 23315 , 9 years ago

@user-28210 هو قبل كان اسمه بخش صح !!

العضوة: 54609 , 9 years ago

@user-23315 ايوه يقولون 🚶