9 years ago
  • المرحلة الثالثة (الأشهر 9,8,7)
مين حصل معاها مشكله الحمل خارج الرحم وتحكيلنا ازاى حصل معاها وعرفت امتى والنتيجه كانت ايه

16 تعليقات

العضوة: 39420 , 9 years ago

بالنسبه ليا انا حصلي حمل خارج الرحم . من اول شهر جواز وكنت بستنى اعرف انى حامل .وافرح وافرح جوزى معايا. فضلت اربع شهور اروح للدكاترة بسبب التهابات عنق الرحم .لحد ما روحت لدكتور شاطر اوووى كتبلي لبوس مهبلي جميل اوى كنت اخد كل يوم لبوسه وانام اصحى اﻻقي هدومى مليانه ميه نازله منى لحد ما الحمد لله راحت الالتهابات والدكتور قالى الرحم كان مليان ميه من الالتهابات وده اللى كان مانع الحمل. وفعﻻ فى نفس الشهر حملت وكانت فرحتى متتوصفش يومها كنت عند امى وخرجت احلل تحليل دم وعرفت واتصلت بجوزى افرحه بقي مش مصدق وبعد اربع ايام روحت للدكتور يعمل سونار طمنى الوضع كويس وكله تمام

العضوة: 39420 , 9 years ago

تانى زياره للدكتور قالى الجنين صغير ومش بيكبر .اعملى تحليل حمل عددى (رقمى) وتقوليلي النتيجه ايه . الحمد لله النتيجه اتاخرت وابتديت اﻻحظ نقط دم تنزل منى خوفت جدا وحسيت ان فى حاجه غلط كنت مستنيه نتيجه التحليل بفارغ الصبر عشان اطمن..والمفروض النايه كانت تظهر يوم سبت اتاخرت ليوم الاحد وكنت يومها هبات عند امى ﻻن جوزى كان بيسافر اسبوع ويجي تﻻت ايام أما كان بيسافر كنت بروح ﻻمى تاخد بالها منى. يوم الاحد اتاخر النتيجه وساعتها ابتديت احس بالمغص بس استحملت وقولت يمكن جالى برد وتعبت وبرد المعدة بيبقي معاه مغص.

العضوة: 28053 , 9 years ago

والله التجربه ذي صعبه مره يارب محد يشوفها انا صارت من سنه تقريبا ويوم سويت تحليل منزلي وكان باقي ع موعد الدوره اسبوع بانت الخطين بشكل مو طبيعي كأنه من زمان حامل وكان تجيني نغزات ع المبيض زي النبض المهم بعد اسبوع ع موعد الدوره نزلت مسحات بنيه زي الدراق اللون رحت المستشفى قالت ممكن حمل خارج الرحم راح نسويلك كشف مهبلي انا خفت انه يصير اجهاض وماصدقتهم جلست يومين وقام ولدي عمره 4سنوات شرب حبوب الضغط والسكر حقت عمي طبعا هو جا قالي بس انا مو متأكده شرب اولا لأنه دائم يكذب ع طول رحت المستشفى بولدي وانا من زعلي وخوفي يجيه شي زاد الألم عندي وجاني استفراغ ونمل جزء من يدي وكتفي اليسار وصلت المستشفى

العضوة: 39420 , 9 years ago

كلمت الدكتور قالى خدى مسكن .سبحان الله مرضيتش اخد وقولت استحمل ..لحد ما دخلت الحمام ادان العشاء وﻻقيت كيس حمل نزل منى .بقيت عماله اعيط .وطلعت اصوت واصرخ كل البيت اتقلب وامى واخويا خدونى لدكتورة عملتى سونار قالت بطنك مليانه دم وقالتلى انتى بتموتى .انا اول مرة اشوف واحده حصلها ده كله ومستحمله الرحم فاضي ومفيش حمل وبطنى مليانه دم نتيجه التحليل وصلتنى وانا فى طريقي اعمل سونار عند دكتور كبير ويطمنى اكتر ويعرف فى ايه بالظبط

العضوة: 28053 , 9 years ago

وفقدت الوعي عند الباب طلع انفجر الأنبوب اللي فيه الطفل وجاني نزيف وسويت عمليه قيصريه وشالو انبوب كامل والحمدالله عدت ع خير لحقوني في اخر لحظه واسفه ع الإطاله ههههه

العضوة: 33203 , 9 years ago

لا حول ولا قوة الا بالله. ..الله يعوضك خير ويتقبل منك. ..

العضوة: 39420 , 9 years ago

المهم الدكتور قالى حمل خارج الرحم وانفجر وحالتى متاخرة اوى وﻻزم تدخلى العمليات حاﻻ وﻻ هتموتى بتسمم . فضلت انا وامى واخويا مستنيه جوزى يجي بالعربيه من الشغل يودينا المستشفي تبع الدكتور بتاعى حوالى ساعتين وكمان الطريق لحد المستشفي بياخد تﻻت ساعات ..ده كله وانا بخاطر بحياتى والوقت اللى بيمر بطنى بتملى دم اكتر لحد ما بقتش حاسه بجسمى وكنت خﻻص بستعد انى هموت وربنا يصبر اهلى وجوزى اللى لسه مفرحتش معاه وصلت المستشفي الساعه اتنين ونص الفجر بالظبط الساعه تﻻته كنت فى العمليه وفضلت ف العمليه ساعه ونص

العضوة: 39420 , 9 years ago

معلش طولت عليكم بس الحمد لله اللى مريت بيه يخليني كل ساعه أحمد ربنا انه نجانى ..

العضوة: 32227 , 9 years ago

@user-39420 الله يعوضك خير يارب والحمدلله ع سلامتك

العضوة: 28053 , 9 years ago

والله انا حاسه فيك ياعمري الحمدالله ع السلامه وربي يعوضك ان شاءالله

العضوة: 39420 , 9 years ago

يااارب ويتمم حملنا على خير..الحمد لله ربنا عوضنى وانا حامل فى السابع اهو ربي يكمل الباقي على خير

العضوة: 39420 , 9 years ago

@user-32227 تسلمى حبيبه قلبي

العضوة: 32530 , 9 years ago

@user-39420 تجربتك كانت صعبة جدا .. والحمدلله ربنا عوضك ويااارب يتمملك حملك على خير .. فعلا اول حمل بيبقى اول تجربه وبتكوني متعشمه فيه اوي وفرحانه ولما بتفقديه بتحسي انك فقدتي حياتك معاه .. انا كنت كده في حملي الاول بس اجهضت بسبب انخفاض السكر الشديد ودخلت في غيبوبه ومافقتش الا وانا في المستشفى ولما حصلي الإغماء كنت لوحدي في شقتي الساعه ٣ بليل محدش معايا وجوزي مسافر ولولا عناية ربنا ثم اتصال اختي بيا قبل مادخل الغيبوبه وانا بقلها الحقيني كنت ضعت فيها

العضوة: 39420 , 9 years ago

@user-32530 الف سﻻمه عليكي .وربنا يعوضك ان شاء الله .انا كمان لو يوم ماتعبت كنت فى شقتى ومحدش معايا كنت صبخت تانى يوم ميته فى سريري .الحمد لله كنت عند اهلى يومها وجريو بيا للدكتورة الحمد لله الف مرة

العضوة: 32530 , 9 years ago

@user-39420 هي عناية ربنا بينا ولطفه اللي حمتنا والحمدلله اننا عايشين وسبحان الله ربنا عوضنا عن اللي راح مننا بالاحسن لاننا صبرنا ورضينا بقدره .. والحمدلله والشكر لله على كل حال يادودو