انا حامل في الأسبوع الخامس كان بينزل عليا نقط بني روحت للدكتور قالتلي دي بدايه نزول دم و عطتني حقن برونتوجيست اخدتها ٤ ايام ورا بعض بعدها ب ٩ ايام نزل نقطه اول امبارح و روحت للدكتور اللي هبدأ متابعه معاه قالي ان عندي تجمع دموي ووراني مكانه جنب الكيس و كان لسه النبض مظهرش و بعدها قالي ان دا إنذار بالاجهاض و كتبلي حقن برونتوجيست هي و حقنه تانيه مضاده للنزيف لمده ٥ ايام و لبوس برونتوجيست مرتين في اليوم و فوليك اسيد ال ٠.٥ مره في اليوم و قالي افضل نايمه علي ضهري لمده اسبوعين متحركش غير لدخول الحمام الكلام دا كان امبارح من ساعتها و انا معدتي وجعاني من اول ما اخدت الحقن و متوتره و عماله اعيط و خايفه اوي مش عارفه اعمل ايه حد كان زيي و حمله كمل ولا انا كدا خلاص و ادعولي بالله عليكوا ربنا يثبته و يفرحني برؤيته سليم معافي