السلام عليكم ورحمة الله
يااخواتي انا زودت على التاسع وولدت قبل اربع ايام الحمدلله
بس حصلوا النونو متبرز في بطني وولدت بطلق صناعي
انا حاسة اني تعبانة يجيني آلام في ظهري وبطني زي السكاكين او النغزات من تحت وصداع فضيع
وشد في جسمي جهة اليمين
واعطوني مسكن باندريكس
بس احيانا ماينفع
اروح مستشفى او الوضع طبيعي ؟؟
مدري هو من وزن الجنين ماشاء الله تعبت او من الطلق الصناعي
العضوة: 50397 , 4 years ago
@user-724140 روحي المستشفى افضل الوضع مو طبيعيالعضوة: 50397 , 4 years ago
@user-724140 بعد الولادة يصير التهابات في المسالك وألمها مثل ألم الطلق تحتاجين مضاد والم الظهر فيتامينات مقويه اما الم الراس له عدة اسباب اولها فقر الدم روحي تأكدي افضل .العضوة: 724140 , 4 years ago
جزاك الله خير يااختيالعضوة: 720557 , 4 years ago
حبيبتي الف سلامه عليك وماتشوفين شر والف مبروك المولود ، انا ولدت قبل شهر الحمدلله .. وبعد الولاده بأربع ايام وبعد ماطلعت للبيت .. تعبت جدا وجلست أقاوم واستخدم مسكنات وتروح الآلام مع المسكن وترجع اذا تركته وبعد عشر ايام من التعب والآلام والنفسية اللي انهارت من كثر التعب حتى مولودي تعبت ماعاد اقدر أرضعه طبيعي ولا اهتم فيه وآخر شي ارتفعت حرارتي .. وبعد هذا كله وبعد ١٢ يوم من الولاده .. قررت اروح للطوارئ للمستشفى العسكري .. وفعلاً رحت وسووا لي كشف شامل لكل شي .. لأني شرحت لهم كل اللي احس فيه وكان بطني يعورني وظهري و حرارتي ترتفع وترجع من كيفها .. وبعد كل هالفحوصات .. قالوا لي اللي عندك " التهاب شديد بالبول والمسالك البوليه" وهذا ممكن يكون بسبب القسطره وقت الولادة لأنها عادةً بتعمل التهابات .. والالتهاب مع الإهمال بيأثر على الكلى .. ومرره خوفوني .. وعلى طول كتبوا لي تنويم عندهم .. وفعلاً تنومت ٤ ايام واعطوني نوعين مضاد حيوي للالتهاب .. ركبوا لي ابرة بالوريد وعطوني المضادات منها .. لمدة اربع ايام متواصلة .. والحمدلله والشكر لله من قبل ومن بعد .. راح الالتهاب ورجعت لي صحتي وحسيت توني صحيت من بعد الولاده .. والحمدلله على الصحة والعافيه .. وقبل اطلع كتبوا لي فيتامينات .. حبوب حديد و كالسيوم واميجا ٣ .. قالوا استمري عليها ٣ شهور من بعد الولاده .. لاني عظامك وجسمك لسى يحتاج فيتامينات .. وفعلاً استخدمتها ولازالت استخدمها والحمدلله مره فرق معي الآلام .. حتى الظهر افضل بكثير ... الخلاصه: لا تهملين نفسك ولا تصبرين على التعب على اساس يمكن يروح من كيفه .. ولا تنتظرين مثلي ١٢ يوم على ماتقررين تروحين المستشفى .. لا تعيدين تجربتي واستفيدي منهاالعضوة: 720557 , 4 years ago
اليووم روحي للمستشفى وافضل شي حكومي مو خاص .. علشان يشخصونك صح ولو قالوا لك تحتاجين تنويم لا ترفضين .. لازززم تروحين تشوفين وش عندك .. ويعطونك دواء عليه .. يمكن شي مو عارفته انتي مثل ماحصل معي .. اهم شي صحتك لا تهملينها .. محد بيهتم في صحتك الا انتي فقط .. ولا يهمك الحين مولودك ولا عيالك ولا بيتك ولاشي .. لا تفكرين الا بصحتك ونفسك بالوقت الحالي .. لأنك لو تحسنتي وصرتي بقوتك وصحتك ، اكيد بتقدرين تقومين بكل شي وعلى افضل مايكون ... انا قلت للدكتور، لما طلب مني توقيع الاوراق للتنويم .. ترددت وكنت ابيه يعطيني حبوب مضاد واطلع للبيت بدون تنويم وإبرة بالوريد .. وقلت له بس بالبيت فيه مولودي وبنتي و شايله همهم، تدرين وش قالي .. عصّب علي .. قال الحين لا يهمك الا نفسك وصحتك بس .. لا تخافين عليهم مو صاير لهم شي .. انتي اللي بيصير لك وانني اللي بتتعبين وانتي اللي بتنهارين .. في المرحله الحاليه صحتك اهم وأولى منهم .. اذا طلعتي بالسلامه بكامل عافيتك .. اكيد بيكون لك طاقه وعندك قوة على انك تهتمين فيهم وتؤدين دورك كأم.. أما الآن فكري بنفسك فقط مافي احد بيهمه حالتك وصحته كثرك انتي .. والحمدلله مشيت على كلامه . كتبت تجربتي علشان تستفيدين منها قدامك العافيهالعضوة: 724140 , 4 years ago
الله يسعدك ماقصرتي ويعطيك الصحة والعافية يارب 🌺العضوة: 724140 , 4 years ago
الحمدلله على كل حال