سلام ي امهات التاسع ✋🏻 كيفكم وكيف الحمل وخاصه ( النوم معاكم ) 😓 . . اليوم كتبت هالموضوع من خلفية تصفحي للمواقع وتجميع بعض الامور التي تسهل علينا الولاده باذن الله طبعا قبل كل شي لابد اولا ان : - اتوكل على ربنا ولا اقلق واخاف قال تعالي : ( ومن يتوكل على الله فهو حسبه ) - لا تنسي ان دعوات الحامل اثناء الولاده مستجابه فلا تضيعها في الصريخ بالعكس اطلب ربي يديك الصبر ويرحم حالك ويفرج كربتك والاهم من هذا كله لاتنسسوا الناس المحرومين من الاطفال بدعوه ‏​​حلـوه منك ( اللهم ارزق كل محروم ومحرومه بالذريه الصالحه ) - من يوم ماتدخلي التاسع ابدي تاكلي رطب قال تعالي لمريم عليها السلام : ( وهزي اليك بجذع النخله تساقط عليك رطب جنيا ) - لاتنسي قراءه سوره الزلزله وايه الكرسي والمعوذات وسوره مريم والخمس ايات الاولي من سوره البقره . بنية ان ربنا يسهل عليك الولاده باذن الله .. - ان حسيت بالالم الطلق اغلي تمر مع يانسون واشربيهم - كلي اناناس طارج وكتري منه من يوم ماتدخلي التاسع 👌🏻 - امشي نص ساعه في اليوم لاتجهدي نفسك عشان رجلك لا تورم - القرفه ما تشربيها الا اذا كان الرحم مفتوح ( اغلي حليب مع ملعقه عسل صغيره وملعقه قرفه صغيره ) - كلي تين طازج وكتري منه👌🏻 - الاهم والاكتر معروف في تسهيل الولاده ( العلاقه الزوجيه ) كتري منها في التاسع 👌🏻 بس على طول بعدها قومي استحمي وغسلي لان الماده اللي في زوجك تحمي الطلق سبحان الله 👏🏻 ملاحظه : ابعدي عن الاشياء الله تضرك وتضر جنينك متل انك تشربي زيت خروع ترا مرا مو كويس يعني اللي خلاك تصبري ٨ شهور وكم اسبوع مايخليك تصبري اسبوعين زيادهه كمان العشبه الحتيته اتوقع كدا اسمها انتبهو منها يا بنات في ناس اعرفهم احطوها وهما في التاسع وشموها وكان راح ينفجر الرحم حقهم مو اي شي وحده تسوي اروح اسوي متلها يمكن ربي سلمها ساعتها ________ بالاخير احد جرب هذي الاشياء ويقول لنا كيف تجربته معاها غير الاشياء الخزعبليه وبالنهايه : اللهم اكتب لنا ساعه السلامه وسهل علينا ماتبقي من حملنا واخرج اجنتنا وهما بكامل صحتهم وعافيتهم ياكريم يا ودود ،،