العضوة: 42214 , 9 years ago

@user-27707 حبيبتي جان رحتي الطبيب ليش خليتيه يروح وقاعده جذي انا يوم اللي ولدت نزل علي دم خفيف مع الماي وعوار دوره ديربالج

العضوة: 27707 , 9 years ago

@user-42214 نزل خفيف حيل ووقف صارلي فوق الساعه مانزل شي ولا حتى ماي بس عوار دوره ولوعه قويه وتكرمين ماسكني اسهال موطبيعي 😫🙊 مشيت بالشقه وشربت اشياء دافيه وللحين مانزل شي غير هالمره الوحده

العضوة: 42214 , 9 years ago

@user-27707 اي حبي عادي مو لازم ينزل ما يوقف انا نزل مره وحده قطرة دم تكرمين حتى بالحمام مو على ملابسي وكنت نفسج سهاال وعوار دوره شوفي نفسج لي بعد شوي اذا ما تحملتي روحي الطبيب لا تقعدين جذي والله يهون عليج يارب طمنينا لا تقطعين

العضوة: 27707 , 9 years ago

@user-42214 هلا حبيبتي رحت المستشفى سوولي تخطيط بين فيه طلق ويت الدكتوره تفحصني والمفاجأه مو فاتح ولا سانتي😭😭😭 مت مت من عوار الفحص وفي سستر مصريه تقولي انتي بتدلعي وجنه كفختني عالخفيف على راسي بس انا من العوار موصوبهم و بعدها درت اني بجر وحنت علي قالت انتي بكريه وهذي علامه قرب الولاده وشدي حيلج 😒 رديت البيت بس ابجي تعبت زياده ونفسيتي انتكست زياده انا عندي فوبيا من انه الرحم مايفتح من حملي الاول اجهضت بدون لا يفتح الرحم سبحان الله خذيت ادويه فتت الجنين والمشيمه ونزلو خايفه اطلق واتعور معنه الياهل نازل الحمدالله وكل شي بوضع استعداد بس الخوف من الرحم مايفتح ويحولوني عقب هالتعب قيصريه وانتوا تدرون كلكم اني امشي كل يوم نص ساعه واشرب اشياء والصدمه مو مفتوحه ولا حتى نص سانتي 😢😭😭😭😭 بنات ادعولي والله ضايق صدري حيل استغفرالله واتوب اليه

العضوة: 56920 , 9 years ago

@user-27707حبيبتي دربالج لاتصيرين نفس غلطتي كنت اشرب اشياء مثل زعفران وانا موفاتحه ولا سانتي وطروو يولدوني قيصريه لان الياهل تعب لاتسوين ولا شي الا اذا فتحتي ع الاقل ٢ سانتي وربي يسهل عليج

العضوة: 27707 , 9 years ago

@user-56920 عاد الكل يقولي شربي حتى المستشفى توه قالولي شربي اشياء وامشي وايد 😢😭 انتي كان اييلج طلق ونزل دم؟

العضوة: 35148 , 9 years ago

@user-27707 عليكم السلام اشوه مافيج شي خفت 😓 يلا هانت ان شالله الله يسهل عليج اشربي ماي علك اللبان حق بلغم ع طاري بلغم من جا رمضان انا صدري بلغم وهم شربي قفشه زيت زيتون دافي تريح وان شالله سهالات دام نزل دم هاليومين والد باذن الله ادعي يمكن معاج طلق ادعي الله بتسهيل الولاده

العضوة: 56920 , 9 years ago

@user-35148 والله موجوده بس برنامج كله مايطلع تعليقاتي

العضوة: 31561 , 9 years ago

@user-27707 يا حياتي 💔😢 ماتشوفين شر .. سوي اللي تقدرين عليه لي يفتح صلي لج ركعتين طلبي ربج يساعدج ويهون عليج والله عبالنا ولدتي. 😭

العضوة: 77246 , 9 years ago

ليش العذاب هذا كلة ليش مايخلونك تسوين قصرية حرام عليهم

العضوة: 35148 , 9 years ago

@user-27707 تو يبين الكلام تري الرحم مرات يكون فاتح من ٨ ويعدي التاسع ماتولد و بعضهم لا بتاسع مصكر بيوم ولاده يتوسع حاولي هالايام ماتشمين عطور واجد وبجي ماله داعي ذكري الله وتوكلي عليه وانتي الحين حامل دعوتج ان شالله مقبوله اقعدي ادعي الله يسهل ولادتج و بيبي الي اجهضتيه كم كان عمره ويوم مافتح رحم شنو سبب وتري كل حمل غير

العضوة: 27707 , 9 years ago

ام لولو الشيخه حبايبي بنات ماتقصرون يالغالين والله اني اكلمكم ودمعتي على خدي ضايقه فيني الدنيا معاي طلق وعوار وبين بجهاز التخطيط بس الرحم مسكر كنت وقتها بس ادعي لنفسي ولحبايبي ولكل حامل ولكل محروم من الذريه والسموحه قطعتكم موقصدي بس كنت تعبانه حيل الايام اللي طافت ومزاجي متعكر واليوم بعد الفحص نفسيتي بالحضيض😔

العضوة: 77246 , 9 years ago

حماتي يصير فية كذا مايفتح الرحم معة وعلي طول قصرية عشان مايصير فية شي وعشان سلامة الطفل بعد

العضوة: 57843 , 9 years ago

@user-27707 الله يعينج يا رب و تخلصين على خير بس انا سامعه اذا الوحده مافتحت ولا سانتي .. مو زين تشرب اشياء تحمي الطلق واهو مسكر بيتعبج بس ومادري عن صحة المعلومه و ان شاءالله يا رب اليوم نسمع اخبار حلوه عنج 💕

العضوة: 31561 , 9 years ago

صح كلام ام لولوه كل بيبي غير ويمكن البيبي الاول مافتح لان مجهضته متوفي شلون يفتح ويجي الطلق واهو مافيه حياه لاتقعدين توسوسين كل شي بيد رب العالمين ادعي الله ان يسهل ويهون عليج 💓