العضوة: 41537 , 8 years ago

@user-27707 السلام عليكم ورحمة الله وبركاته شلونج أم خلودي شلون خلودي شخبارج فترة طويلة ما دشيت طمنينا عليج لكم وحشة شلونكم بنات أخباركم

العضوة: 27707 , 8 years ago

@user-41537 وعليكم السلام حبيبتي احنا بخير عساج بخير انتي شلونج وشلون عيالج ؟؟ اي والله كل البنات اختفو محد قام يسولف بس انا وام مريومه

العضوة: 41537 , 8 years ago

@user-27707 الحمدلله طمنيني على ولدج سويتي له سونار إن شاء الله اموره بخير ما شاء الله كم عمره الحين ولدتيه في رمضان ؟؟ العمر كله يا رب الله يحفظه لج 😊😊

العضوة: 27707 , 8 years ago

@user-41537 عسى دوم حبيبتي والله الحمدالله بخير ذكرتيني ربي يذكرج بالشهاده عنده موعد اخر الشهر حق فحص القلب وان شاءالله خير اذا تذكرين قالو فيه فتحه صغيره حيل وعطوه موعد بعد ٩ شهور واسمله عليه مرت الاشهر ماحسيت فيها ويارب هالمره يبشروني انه تسكرت انتي بشري عنج ؟؟ وذكريني شنو يبتي والله انا صايره زهايمر ومن كثر بعد ما البنات يطلعون ويختفون والله قمت اخربط😰🙈 متى ولادتج كانت جنه بعدي صح اي انا ولدت برمضان اللي طاف ربي يبلغنا ياه هالسنه لافاقدين ولا مفقودين❤️

العضوة: 41537 , 8 years ago

@user-27707 الله يحفظه يا رب آمين يا رب العالمين اللهم بلغنا رمضان و إن شاء الله يبشرونج انه بخير و تسكر الفتحه و تيجين تبشرينا إن شاء الله اي اذكر الحمدلله بخير انا ولدت قبلج نيوفى أميري فديته🤗😍 نايف اسم الله عليه ١١ شهر الحين كم عمره ولدج الحين و بسألج تعطينه للحين فيتامين d

العضوة: 27707 , 8 years ago

@user-41537 اللهم امين حبيبتي وربي يحفظلج وليدج اسمله عليه العمر كله والله اني زهايمر 😂 اي خلودي توه ماكمل ١٠ شهور

العضوة: 27707 , 8 years ago

@user-41537 لا والله الفيتامين وقفته على عمر ٦ شهور وقبل شهر وديته لدكتور فهد المخيزيم اسويله جك اب وسألته اذا ارجع اعطيه فيتامين دال بما انه للحين ماسنن ولا شي فقالي لا مو ضروري كافي ٦ شهور وبعد هالعمر الياهل ياكل وياخذ الفيتامين من اكله وحليبه وهالشي كافي

العضوة: 41537 , 8 years ago

@user-27707 آمين يا رب العالمين جزاج الله خير🌺 ما شاء الله العمر كله الله يحفظه يا رب ما ادري والله دكتور في رويال حياة قال عادي فيتامين دال لانهم ما يتعرضون لأشعة الشمس فيحتاجونه و اعرف وايد صديقاتي يقولون يعطوهم حتى عمر السنتين

العضوة: 27707 , 8 years ago

@user-41537 عادي احسه مايضر بس الافضل تسوين له تحليل وتشوفين اذا محتاج ولالا لانه اذا زاد بالجسم مضر وانا عطيته لي ٦ شهور لانه كانت دكتورته استشاريه دكتورة آسيا برويال حياة اهيا اللي قالتلي كافي لي ٦ شهور والشهر اللي طاف لما صار ٩ شهور وديته جك اب بعيادة دكتور فهد هم قالي كافي عطيتيه لي ٦ شهور

العضوة: 41537 , 8 years ago

@user-27707 إن شاء الله نشوف شنو يقول دكتور و طمنينا على خلودي بس تسوين له سونار الله يطمن قلبج يا رب و تكون اموره زينه و إن شاء الله المرة تكون سكرت الفتحه

العضوة: 27707 , 8 years ago

@user-41537 الله امين حبيبتي ربي يسمع منج ومشكوره يالغاليه عالسؤال ماقصرتي وربي حفظلج نيوفي💕💕

العضوة: 41537 , 8 years ago

@user-27707 آمين يا رب العالمين جزاج الله خير🌷🌷 العفو حبيبتي الله يفرحج فيه مشافى معافى إن شاء الله ما على قلبه شر

العضوة: 41537 , 8 years ago

@user-27707 شلونج شخبارج شلون خلودي الله يحفظه بشري عنه حبى اطلعوا اسنانه شلون استعداتكم حق رمضان إن شاء الله إن شاء الله صمتي ايامج اللهم بلغنا رمضان وين مختفين حبايبي الله يسعدكم كل شوي افوت ادوركم☺

العضوة: 35148 , 8 years ago

🌷🌷🌷💕💕💕💕🌷🌷🌷