العضوة: 27707 , 9 years ago

هلو بنات وييع انا مهدود حيلي رحت الافينيوز بعد صلاة العصر كان الوضع مقبول من الزحمه دشيت السوق بس ابي محل ال في بشتريلي جنطه ولا انصدم عند باب المحل الحريم طابور ويدخلون بالدور😱 المهم انا راسي يابس الا اخذ اللي ابيه ونطرت شويه دخلت ولا خالصة الجنطه🤔 وطلعت على طول من الافينيوز ماراح تصدقون خذينا ساعتين بس عشان نطلع للشارع الرئيسي حسيت بولد🤣🤣 وتخيلت تجيني ولاده وانا بهالزحمه ماراح يطلعني الا هليكوبتر لانه حتى الدوريات متهوقين😅 وبس سلامتكم رديت البيت ولا كنت بمر الصالحيه بس لا والف لا شدعوه مشواري خذا مني ٤ ساعات بس عدت على خير😫 حاليا باخذ شاور اتفرك واتسنفر واتجهز لباجر زوارة بيت اهلي الفطور 😁 وباجر لي قعدت من النوم بفكر بطبق اسويه اخذه معاي

العضوة: 55025 , 9 years ago

بسم ﷲ

العضوة: 35148 , 9 years ago

@user-27707 انا باجر بعد بيت هلي ممممم زحمه قاتله بره اي جنطه تبين؟؟ وريني يمكن شايفتها في حريم يبيعون يجيبون اصلي

العضوة: 27707 , 9 years ago

@user-35148 اي اول يوم حلاته جمعه فبيت الاهل ما اثق بالتاجرات انا دايما جناطي اشتريهم من باريس من موطن الصناعه اضمن وارخص بس مرات اخذ من الكويت من البوتيك وهم يصير عندي شك😂 اقعد اتفحص الشي من قلب

العضوة: 35148 , 9 years ago

@user-27707 ايي لا فرق سعر يقتل بعد المانيا ارخص من باريس

العضوة: 35148 , 9 years ago

جوتشي عجبتني الجديده بالكويت حدود ال٦٠٠ بلندن ٤٠٠ وشي🚫

العضوة: 74893 , 9 years ago

@user-70479 والله مغصوبة العصور وديت امي السوق تخلص تقضى بعد اهي ماتطلع برمضان هذي الغاليه مانقدر نردها اخر دوره ١٧/٣ وبجريه وبرمضان وكل شي 😅 والحمدالله عالصحه والعافيه

العضوة: 35148 , 9 years ago

كبسه لحم بس انا اكلت عيش وروب معاي حارج من يومين مع ان ماكل دهن

العضوة: 70479 , 9 years ago

عواافي ام لولوه انا بعد كبسة دجاج مع سومطره ههههههه وفيني حاارج بس مطنشه

العضوة: 35148 , 9 years ago

@user-70479 شالحل مت هههههه فجاه يصعد قهرني كلت علج مافاد هههه

العضوة: 35148 , 9 years ago

@user-70479 ودي بثلج اليوم شاربه بارد مع ثلج بس انا يومين مسخنه هههه وخفت تالي 😁 ياربي قبل اسبوع طيحت ماي بارد و ثلج مع بيبسي 😍😍😍😍😍

العضوة: 27707 , 9 years ago

ههههه حلوه مالت علينا وعليكم😂😂😂 بالعافيه عليكم ام لولو ومنال انا تعشيت دجاج مشوي حق العطش😅😂 وتبوله بس توني كليت روب خفت باجر يطلع لساني😜👅 الكل معارض صيامي ومعصبين علي امي وريلي ودكتوري وانا معاندتهم 😫 ياربي شلون ما اصوم وتهاوشت قبل شوي مع ريلي هوشه يمكن جيرانا سمعوا صوتنا قهرني قلتله لا تخرب فرحتي بأجواء رمضان وتنكد علي مالك شغل فيني بصوم غصبن عليكم كلكم🙈 بس تدرون بنات من داخلي صار فيني خوف يصير فيني شي خاصه انه معاي طلوق وباجر من الظهر اجباري بطلع عندي مشاوير وايد لي قبل الفطور وانا اعرف حظي الخايس يتسلط علي شي والكل يقعد يلومني ويحملني ذنب😭😭

العضوة: 27707 , 9 years ago

ام لولو حيلج بحليب بارد للحارج وانا نفعني حليب كي دي دي نصف دسم ويكون باااااارد والله حيل يخفف وخلي الثلج عنج اهوا اللي طيحج هالطيحه لانه الثلج يشق البلاعيم انا جربته وطحت مريضه

العضوة: 35148 , 9 years ago

ام خالد فطري معذوره انا صارلي فتره ضيق تنفس غير احتقان غير قلبي يجيله رقعات قلت لو بتعب بفطر اخاف ع جنين وانتي معذوره حمل متاخر ودشيتي شهرج فطري الدين يسر انا ببنتي صمت مع ان كان وضعي صعب و مثبتتات هالمره خايفه مدري ليه خاصه مع رقعه قلب

العضوة: 27707 , 9 years ago

@user-35148 ادري ياقلبي الدين يسر مو عسر وكلمن قالي بس انا من داخلي ابي اصوم مع الناس الله كريم وربي يقدرني الحمل عزيز لو شنو كان بس ربج حافظج انتي والجنين