العضوة: 42214 , 8 years ago

@user-105274 ما شاء الله عادي لا تحاتين😂❤️ بالعكس شي زين بس ديربالج في وضعيات تضايق البيبي تخليه يرفس او يتحرك مثلا حاولي تنامين كله على جنب مو على ظهرج

العضوة: 105274 , 8 years ago

@user-84969 سبحان الله واستغفر الله صرت اوسوس

العضوة: 105274 , 8 years ago

@user-42214 ااي تصدقييين خصوصا بمكتبي لان كله ضاغطه عل بطني يقوم يرافس مسكين 😑

العضوة: 27707 , 8 years ago

واي بنات انا قصتي قصة مع اللوعه وسوء الهضم والترجيع وهاليومين زايد معاي معني بآخر الخامس وانا نوع بطني مرفوع حيييل طاق لي حنجي ماينزل كلش لي التاسع ماينزل والكل كان يشوفني يقولون بطنج مانزل ريضه عالولاده ومع هذا ولدت بنص شهري بس الحين ابي حل بطني وايد فوق وضاغط حيل على معدتي حتى ستيان ماتحمل البس😭💔 وتحس عظام قفصي الصدري بتتكسر

العضوة: 42214 , 8 years ago

@user-27707 الله يعينج اي في بنات تاخذهم اللوعه لين يولدون بس ان شاء الله انتي مو منهم صج اكره مرحله بالحمال💔 سبحان الله انا عكسج بطني نازل تحت بمريومه من اول شي لين دخلت التاسع

العضوة: 105274 , 8 years ago

@user-27707 الله يعينج والله حتى انا تعبت من الحارج وعسر الهضم واحيانا تلوع جبدي لي شميت عطر او ريحه قويه مااتحمل عل طاري البطن انا نفس الشي بطني ناط فوق ومااتحمل يضيق نفسي والستيان صج ماساااه بس تصدقين ببنتي بطني كله تحت نفس ام مريومه

العضوة: 105274 , 8 years ago

@user-42214 تدرين لاحظت ان الي حامل ببنت بطنها يكون نازل وولد فوق وايد شفت بنات جذي

العضوة: 27707 , 8 years ago

الله يهونها يارب 😩💔 والله توني بجيت من التعب ودي اشنق روحي ههههه استغفرالله تصدقون انه لي يومكم ارجع عصارة المعدة الصفرة تذبح تموووت مع الحارج انا صح بولدي بطني مرتفع حييل ومانزل لي الولاده واهوا جذي وهالمره نفس الشي 🙈🤣 تهقون فيني ولد بعد بس الثقل ياويلي من الثقل بولدي حسيت فيه عالثامن اخره هالمره من بداية الرابع وانا ثقيله

العضوة: 27707 , 8 years ago

@user-105274 متى اخر موعد لج للولاده ؟ ووين ناويه تولدين ؟ ماعليه يمكن انتي قايله بس انا حايشني اقوى زهايمر بالعالم😂 كل اللي اذكره عنج فيج ولد الله يجيبه بالسلامه يارب وتقر عينج

العضوة: 105274 , 8 years ago

@user-27707 ههههههه مو منج من الحمال واللويه الله يقومنا بالسلامه الله يسلمج انا توني دشيت السابع اخر و ٥ ابريل ادش التاسع ناويه اولد بالسلام ان شاءالله لان مجربتهم من قبل وارتحت هناك

العضوة: 84969 , 8 years ago

الله يقومكم بسلامه انا ولدي عمره ثلاث شهور وزوجي يقولي قطي حبوب المانع يبيني احمل 🙆 بس انا مستحيل مافكر اقطهم الحين ابي ولدي يكبر لأن تعبت بحملي حيل والتربيه اصعب واصعب وغير هذا عندي ولدي اولى ابتدائي وتدريس الله يعين اللي عندها عيال بالمدارس والله تعب الحمدلله ع كل حال وفوق هذا اشتقت لأيام الحمل وخاطري لاحملت اجيب بنوته لأن عندي صبيان ومشتاقه اجيب بنت واسمهيها الزين ادعولي اذا ربي كتب وحملت يرزقني ببنت بصحه وعافيه 😭

العضوة: 42214 , 8 years ago

@user-84969 الله يخليهم لج يارب💕 شوفي بالنسبه حق الفرق بين اليهال اهو على حسب قدرتج انتي اللي تقررين انا بالنسبه لي ماقدر اييب ورا بعض عالاقل تكبر بنتي شوي تمشي تاكل بروحها بس بهالعمر صعبه وايد تعبت معاها ربي يحفظها عسره حيل من بجي وحنّه وانا من النوع ماحب اييب واقط عالخدامه تذبحيني ولا خدامه تمسكها اصلا ماحب اخليها عند احد غير ابوها وامي مرات لانها تداوم وعندها اخواني صغار مدارس تجابلهم مو على طول اوديهم فا تعب علي قاعده اشوف نفسي بسرعه اعصب وكله متنرفزه ونفسيه صفر حتى ريلي شافني جذي يقولي نأجلها واللي الله كاتبه فيه الخير❤️

العضوة: 84969 , 8 years ago

@user-42214 صاجه البيبي يبيله مقابل ولازم ياخذ وقته من الدلع واحلى شي بينهم سنه ونص او سنتين بنسبه لج لأنه عندج بس بنت وتبيلها اخت او اخو

العضوة: 84969 , 8 years ago

@user-42214 انا ولدي الحين عمره ثلاث شهور وولدي اللي اصغر منه عمره سنتين وثلاث شهور من ولدت وهو يصارخ ويبجي يغار من اخوه اذا شلته لدرجة مره كنت حاطته ع الغنفه وجا بيسحبه يبي يطيحه لو ماركضت ومسكته جان طاح 😭

العضوة: 84969 , 8 years ago

اقصد ولدي اللي اكبر منه 🤣