العضوة: 42214 , 8 years ago

@user-45906 يهبل رويال ودي احمل عشان اولد عندهم مره ثانيه ههههههه بالعكس والله اسعارهم مو وايد غاليه نفس السيف اهو التوب الحين بالكويت وبعد كنت ماخذه الغرفه اللي اكبر من العاديه ما صك ٢٠٠٠ وعاليه وايد يمدحونها بس خياطها مادري انا الخياط مدحولي الدكاتره الكبار القدم عندج دلال السالم امل الراشد نداء بوخضور كلهم بعياده كنت اراجع عندهم اهما يشدون بخياطهم بدون لا توصينهم بس ما اتوقع يولدون بالسيف بعيد عنهم اهما بالجابريه ولدتني دلال برويال

العضوة: 84969 , 8 years ago

@user-45906 رفيجتي تمدح الدكتوره معصومه مخصيد وهي تجي رويال حياة حزة الولاده اذا تبينها ترا اهم شي الخيااااااط

العضوة: 84969 , 8 years ago

@user-42214 حاولي تيبين بيبي سستر لبنتج اذا تقدرين وحطي كاميرات بشقتج او جيبي خدامه مؤقته .. انا عندي خدامه مؤقته ومعناته مو موظفه وولدي طول الوقت عندي لأن ولدي الثاني يكون عند الخدامه الصبح بس قبل امس حيل تعبت منه بليل خشمه مسكر وغازات يصيح ماخلاني انام قاومت لي الظهر وعطيته الخدامه قلت بنام ساعه ماوعيت الا ع اذان المغرب 🤦‍♀️😭

العضوة: 27707 , 8 years ago

@user-42214 ام مريومه مثلي انا بعد خذيت كاميليا وايد مريحه وانا ماخذه ابرة ظهر وولادتي بشفاط يعني شي مساعد وغير الطلق الصناعي وركبت درب مضاد وقت الولاده كل هذا طلعت الفين وشوي بس الغرفه راهيه مريحه وانا شخصيا راح اكرر ولادتي عندهم الستاف كله اينن من دكاتره وممرضات ورووم سيرفز واهم شي الاكل صراحه ماكليت شي من طباخ امي ههههه احب اكل رويال معنه وايد ناس مايعجبها بس انا يعجبني لذيذ ونظيف

العضوة: 45906 , 8 years ago

حبايبي مشكورين عالنصايح .. بشوف الموعد وان شاء الله خير خبري بالمستشفيات قبل 4 سنين يمكن تغيرت سياستهم 😂 رويال طلبت منهم مره تصوير ملفي قالولي بفلوس والسيف حيل قريب ع بيتي بس ميزانيتي مو عليه كانت عشان جذي توهقت وقتلكم مابي استقبال عشان جذي مابي خبه وايد الدكتوره للحين محد ذمها عشان جذي تشجعت وثانيا انا بالسابع صعب يستقبلوني اغلبهم يبون من اول الحمل

العضوة: 27707 , 8 years ago

@user-45906 اممم غريبه والله انا دايما اودي تحاليل او اوراق من الحكومه او مسويتهم برا واحطهم بملفي عندهم بعدين اتذكر ابي نسخه واطلب من دكتوري ايبون ملفي يعطوني الاصل وياخذون اهما صوره لهم

العضوة: 27707 , 8 years ago

@user-45906 استخيري وربي يكتبلج اللي فيه الخير يارب وتولدين بالسلامه

العضوة: 102494 , 8 years ago

تعالوا فيدوني بموضوعي

العضوة: 45906 , 8 years ago

@user-27707 اي صح كلامج اسويهم بالحكومه واوديهم الخاص ويحطونه بالملف بس لما طلبت نسخه من التحاليل بالملف قالولي بفلوس يمكن غيرو سياستهم عادي الله يتمم لنا ع خير والحمدالله ع كل حال

العضوة: 42214 , 8 years ago

@user-27707 اتوقع عشان خلوي حبيبي حطوه بالحضانه عشان جذي صار اكثر لان حتى انا طلق صناعي وابرة ظهر بس بدون شفط ام خلووووي نفسي نفسي للحين اذكر اكلهم لذيذ❤️😭😭 اموت واعرف مع اي شركه متعاقدين يالله ان شاء الله هالحمله تكونين عندهم ان شاء الله❤️ انا بعد مفكره الحمله اليايه باذن الله عندهم بعد والله صاجه الستاف كله عجيب👌😍 بس الدكتوره اللي كانت ماسكه الشفت بالليل نفسيتها خايسه مادري شنو جنسيتها سمره

العضوة: 35148 , 8 years ago

@user-27707 رفيجتي بعد جنه طلبت نسخه من تقرير قديم طلبو فلوس بس عادي السلام بعد زوجي طلب صوره تقرير قديم دفعوه٢٥ دينار😑🤣 ورويال يكتبون كل شي حتي الابره رفيجتي تقول كتبو سعرها تفصيلي قلت عادي بس هي مضايقه ان حتي شي ب ١٠٠ فلس كتبوه🤣😂 قلت اهم شي عطوج تفصيل مو بس اخذو منصور يوم جبته نوموه السلام يومين عندهم وممنوع ادش عليه تالي يوم جيت اشوفه لبسوني قلفز وكمام و واقي للقدم واقولهم شنو سبب يخربطون علي دقاته سريعه اتوقع يا غرفه ولاده مافي تعقيم او نهب ليش لان رفيجاتي الثنين ولدو عقبي واثنينهم وحده قعدو ولدها كم يوم ناسيه ودفعت شي بال٧٠٠ و ثانيه قعدت بنتها يوم تالي قالت اذا تعبانه عطوني تقرير بحولها حكومي جان يقولون بنتج تحسنت طلعوها

العضوة: 27707 , 8 years ago

@user-42214 لا حبي هذا حسابي بدون خلود مع خلود ٢٨٠٠ طلعت منهم الحمدالله يارب الله يسهل هالمره خايفه اذا ماراحت الالتهابات بيصير نفس الشي 😭💔 الله يسهل عليج يارب وتخلصين دراستج وتحملين وتولدين بالسلامه وربي يطرح بذريتج البركة

العضوة: 27707 , 8 years ago

@user-35148 تصدقين هالسالفه منتشره انه لازم يطلعون عله بالياهل ويقعدونه كل اللي ولدو قبلي وبعدي جذي بدون استثناء رفيجتي ولدت اول التاسع وقالولها بنتج مخرجه وشاربه ماي لازم تقعد ١٠ ايام بالحضانه وانا استغربت شلون اول التاسع تخرج هذي ماتصير الا اللي خلصت شهرها وماولدت والبيبي كبير المهم خلتها يومين وطلعتها ودتها الصباح يوم واحد وطلعوها مافيها شي انا خلودي صج كان تعبان بسبة الالتهاب حاشه من عنق الرحم وقت الولادة بس اهما هولو الموضوع قالو تسمم بالدم ومادري شنو بالصفايح والكريات البيضا طلعو لي تحليل سويته اول ماحملت كانت عندي الكريات مرتفعه ودكتوري قالي طبيعي ترتفع من الحمل وصح كلامه ولدت مافيني شي وقالو راسه فيه تجمع دم من الشفط ولازم سونار عالراس وخرابيط الى ماله نهايه دمرو نفسيتي ونهبو مني مبالغ والله كنت بعازتها شي فوق المتوقع فهالمره قلت لزوجي اذا قالولك الياهل فيه شي طلعه وده الصباح لاتخليه عندهم ولا تتردد وعالتقرير وهالسوالف يمكن اللي يبي شي بفلوس والله مادري عن سياستهم لو ماكنتي داخله على الدكتور انا دايما اكون عند الدكتور واطلب منه اوراق من الملف والنيرس مالته تصورهم وتعطيني ياهم ببلاش

العضوة: 27707 , 8 years ago

شلونكم مع البرد

العضوة: 45906 , 8 years ago

@user-27707 صقعه انا بالبيت وعظامي تتراقع ديروبالكم ع الصغار لا تدفونهم وايد ولا تكشفونهم وايد خلو لبسهم معتدل بالبيت