العضوة: 105274 , 9 years ago

@user-84969 صدمتيني 😢

العضوة: 27707 , 9 years ago

بنات انا ماباقي شي واباشر دوامي وانا للحين نومي متخربط الفتره اللي طافت صار ولدي اسمله عليه يشرب حليبته وينام عادي ٦ او ٧ ساعات وقمت اريح انام الحين رجع مثل ايام الاربعين كل ساعتين او ٣ يقوم يبي حليب وصاير حناااااااااان بس يبجي امينني مستهلك طاقتي كلها لدرجة صايره عصبيه بس اصرخ عالناس ومابي اطلع ولا اشوف احد وزوجي واهلي اللي حوالي وخدمنا مساكين كله معصبه عليهم بختصار ما اتحاجى ومى بيدي اقعد احس ابي ابجي وكل شي هالولد سويتله اعشاب واشربه وادويه للغازات وللمغص اعطيه وانومه على بطنه وخشمه ابخ فيه اقول لو مسكر وكل شوي اغيرله بامبرز وبس يبجييييي يبجي مادري شنو يبي وشنو اسويله ووديته طبيب مافيه شي اسمله عليه بس خشمه مسكر وبلغم وماله الا بخاخ ماي وملح امي تقول يمكن بيسنن بس ماشوف لثته فيها بوادر تسنين والله محتاره وكارهه نفسي لا شعوريا صرخت عليه مرتين😔💔💔 وزوجي عصب علي واقوم اصرخ عليه اهوا اقلب عليه 😰🤦🏻‍♀️ وضعي مو طبيعي صح 😭😭😭

العضوة: 105274 , 9 years ago

@user-27707 طبيعي جدا ام خالد ماعليه تعوذي من ابليس واقري قران عل راسه والله يهديه لج ويشفيه انا ببنتي الاولى كنت اقعد بالليل ابجي معاها عادي 😁 المهم ضيقتي خلقي ذكرتيني بمعاناه النفاس وتعب اول اشهر الولاده

العضوة: 27707 , 9 years ago

@user-105274 حبيبتي هونتي علي ههههه يبوووي انا اول شهرين كنت اكره نفسي وبس ابجي ومعاناة صج بعد ٣ شهور نوعا ما ارتحت الله يكون بالعون التربيه صعبه بكل مراحلها

العضوة: 84969 , 9 years ago

@user-27707 يمكن ممصوع ترا الأطبه مايعرفون بس ادهني جسمه بزيت زيتون سويله مساج دلكيه ولفيه بمهاد بعد الزيت زيتون راح يرتاح انت قبل ولدي جذي بس يبجي ويصيح مادري شفيه قمت ابجي معاه جت حماتي الله يجزاها خير وسوتله جذي ونام نومه حلوه بعدها الحمدلله

العضوة: 27707 , 9 years ago

@user-84969 والله ادهنه بين فتره وفتره بس اخر مره قبل اسبوعين تقريبا مشكلة ولدي اطفي التكيف وادفي المكان حييل مافيه هوا عشان ادهنه واسبحه ثاني يوم بس مع هذا لاااازم بعدها يقعد يرجع ٣ ايام او اكثر لاحظت هالشي كل ما ادهنه مادري شسالفته يدشه هوا

العضوة: 35148 , 9 years ago

@user-27707 مايشوف شر شوفي عطيه ادول قطاره اذا ارتاح معناته شي يعوره شغله ثانيه دهن دهنيه نص ساعه بلكثير سبحيه غطي راسه حرام ليله اكيد يدشه هوا اذا حاسه ممصوع اعطيج رقم اندونيسيه تدلكه بس شوي يخرع تدليكها جبتها قبل شهرحق ولديي الاسنان .. لثه حمرا او منتفخه او يسعبل او يحك حلجه هم ممكن بعد خشمه يصب جيسي راسه من فوق اذا نازل فيه شي متعبه

العضوة: 27707 , 9 years ago

@user-35148 الشر ماييج حبيبتي على طاري اغطي راسه اليوم بزوارتنا خواتي يضغطوني وبنات خالي انه خلود للحين الكبابيس على راسه ههههه ماعرف ما البسه واهوا ولدي مبرااد يحب الخيسه ومن يبته متعود عالكبوس وما يضايقه ف٢٤ ساعه مغطيته عدل 🤣 دايما من وراي الاقي امي وخواتي يفصخونه وانا البسه ودايما ملفلفته بكنابل اخاف عليه من الهوا 🤣🙈 اختي تقول ياويلي ياخلود امك شبتسوي فيك بالشتا بتكمكمك 😂😂😂😂😂 وعالتسنين امي قالت يمكن بيسنن لانه صح كلامج وايد وااايد يسعبل بشكل موطبيعي عادي كل نص ساعه احطله صدريه تصير ترجخ سعابيل بسالج متى ابدي اوكل ولدي خواتي كلهم قالو من قبل شهر مفروض موكلته بس انا خايفه ومادري ابدي بشنو اليوم امي عطته تفاحه قام يمصمصها ويبيها استانس عليهاا فحسيت اني ام شريره😂🙈

العضوة: 105274 , 9 years ago

@user-27707 ديري بالج الكبوسً يمرض

العضوة: 35148 , 9 years ago

@user-27707 اي جني انا بجري طولت شوفي عطيه ادول + جيبي مره و محلب طحنيهم او بالعطار قولي ابي فروك للتسنين يريحه والاكل مفروض باديه من ٤ اشهر تذوقينه شوي اكتب لج

العضوة: 27707 , 9 years ago

@user-105274 صج شلون يمرضه ؟ انا لانه بيتي وبيت اهلي تكيف بااارد حييل وهوا فعشان جذي اخاف يستبرد ويدشه هوا

العضوة: 27707 , 9 years ago

@user-35148 لا اخاف مره شفت خواتي يذوقونه فضحتهم فضيحة رب العالمين ههههه 🤣 خلاص شكلي مم باجر ببتدي اسويله

العضوة: 84969 , 9 years ago

@user-27707 نصيحه ولدج عوديه ع البراد لاتغطينه حيل يمكن حران انا قبل ولدي ماغطيه حيل وحماتي ولدها تغطيه وتلفه بكنبل لاطلعت وتلبسه كبوس وتقولي ياخبله ولدج راح يمرض .. مرض ولدها وجتله كحه قويه وصدره تعب

العضوة: 27707 , 9 years ago

@user-84969 صاجه عاد كلمة امي دايما تقول البرد صحة وعافيه للياهل 🙈😩 خلاص باخذ بنصايحكم 😘

العضوة: 57843 , 9 years ago

بنات هل انا ام ظالمه 🙄 لما طلعت من النفاس ب ٣ ايام خليت سعود عند امي وسافرت 🌝💔 بعيداً عن اني مشتاقه له حيل .. ضايق صدري ان حليبي قاعد يقل مع اني قاعده اشفطه 😭 انتو جم تقعدون ترضعون عيالكم !