العضوة: 45906 , 9 years ago

بنات شخباركم السونار في مجال يغلط ؟؟؟ يعني مثلا قالولي ولد في احتمال يكون بنت ؟ للعلم انا بنص الرابع والدكتوره اكدت 100% ولد بس مادري ياربي احسها كانت مطيوره ومشتطه وهم كنت مسويه تست انتيلي جندر من الصيدليه اللي يبين جنس البيبي من البول تكرمون طلعت النتيجه بنت عندي بنات الله يحفظهم واللي اييني من الله حياه الله اهم شي تمام الخلقه

العضوة: 35148 , 9 years ago

@user-45906 ان شالله ولد منو دكتورج ولد يشوفونه اسرع من بنت مع ان انا طول مابين عكس خواته

العضوة: 45906 , 9 years ago

@user-35148 بادمسري مستشفى السلام اول مره اجربها اهيا حبوبه ومريحه بس تشتط اذا شافتني مستانسه 😅 والله انا مايفرق معاي بس عشان ريلي بخاطره معن يقولي ولد بنت مايفرق معاي بس يبين عليه مشتفق ع الولد 😀

العضوة: 45906 , 9 years ago

@user-35148 واهيا بعد من الشهر الثاني قالتلي هذا ولد قتلها ان شاء الله مادري شلون 😕 احسها

العضوة: 35148 , 9 years ago

@user-45906 ان شالله ولد يرب وتاكدي سوي سونار ٢ بس اتوقع دام من شهر ٢ قالت يعني هذي شاطره

العضوة: 45906 , 9 years ago

@user-35148 ان شاء الله اي شكلي بروح عند دكتور اشرف بنفس المستشفى بس قسم اشعه مختص بهالسوالف ❤

العضوة: 105274 , 9 years ago

@user-45906 شلون درت من الشهر الثاني!!! انا اذكر بالبجر كنت اتابع مع عمرو عصام بالسلام بعمر ١٢ اسبوع قاللي بنت شنو التست الي استخدمتيه انا طلبت من تاجره gendermaker طلع لي ولد بس من شكل جيس الحمل قالولي تقريبا بنت وعندي احساس انها بنت عاد اول شهر كنت حاسه انه ولد عسى الله يرزقج ويرزقني بالولد الصالح عاجلا غير اجلا بس هم ولد بنت والله نعمه الف حمد وشكر

العضوة: 105274 , 9 years ago

@user-45906 مافي تجربه ماسويتها الجدول الصيني تجربه البول عزج. الله والتست مال جنس البيبي وشكل الجيس 😂😂

العضوة: 45906 , 9 years ago

مادري والله انصدمت عشان جذي خذيت عنها فكره انها مطيوره يمكن عرفت من نبضات القلب !! انا ماصدقتها بصراحه قتلها ان شاء الله واللي اعرفهم يقولون لي صعب يغلطون بالولد ممكن البنت ينغلط فيها بس الولد صعب التست اسمه انتيلي جندر ب 23 دينار طلع بنت 😅 نساتي غير عموما البنات كانو نفس الشي هالمره غير كان اخف الحمدالله

العضوة: 45906 , 9 years ago

@user-105274 شكلي بروح عند الدكتور اشرف يقولون ملك السونار مايغلط 😅

العضوة: 105274 , 9 years ago

@user-45906 اي يقولون وحام الولد خفيف مو نفس البنت لا انا اللوعه والترجيع ذبحوني نفس بنتي بالظبط 😭 من اي صيدليه بس والله بنطر شهر واروح لاشرف نور الدين احسن واضمن

العضوة: 105274 , 9 years ago

@user-45906 اي والله صاجه بس ترى صج يعرفون من نبضات القلب وممكن قياسات الراس والفخذ جذي عرف ذكتوري ببنتي قالي من مقاسات الراس والفخذ

العضوة: 45906 , 9 years ago

@user-105274 اخذي حبه اوندا ماتخفف اللوعه بس توقف الترجيع انا بحمالي بدونها ما امشي والله فريت على كذا صيدليه كلهم عندهم منه خذيته من الجابريه الله ما كثر الصيدليات ما شاء الله كل خطوتين وحده 😂

العضوة: 45906 , 9 years ago

@user-105274 والله مايندرى الغلط وارد عشان جذي مااصدق الا اذا شفت بعيوني 😩وكله باراده ربي الواحد يقول الحمدالله ع الصحه والعافيه والنعمه غيرنا يتمنى يشم ريحه الضنى بنت ولا ولد الله يرزقهم امين يارب

العضوة: 42214 , 9 years ago

قوه امهااات شخباركم 💕💕💕 بنات حفلتي التخرج بعد اسبوعين ومن الحين احاتي وين بخلي بنتي😢 العاده اذا بروح مكان عند ابوها بس هالمره ابوها يبي يروح معاي وما ينفع اخذها الحفله ازعاج ولويه وبنفس الوقت ماقدر اخليها عند احد صايره ماتبي احد غيرنا تقعد تبجي وتستعسر مادري شسوي😭💔