العضوة: 57804 , 9 years ago

بنات وناسه لقيت قروب فيه كويتيات بنات عفيه انا توني من اسبوعين و نص والده حاولت جميع الطرق عشان ارضعها طبيعي ماكو فايده و الحين قاعده اشربها فورميلا بنات احس اب تانيب الضمير مو صجي و احس اني ام مو. زينه بنات الاكثريه بالكويت يشربون طبيعي ولا فورميولا؟ ودي احس ان في احد يشوب فورميولا بالاربعين عشان ما احس اني بروحي 😭😭

العضوة: 42215 , 9 years ago

شلونكم حبايبي ولهت عليكم وايد مع اني قاطه ولدي علا امي طول الوقت بس مادري احس بالي مشغول و احاتي و افكر و متوتره و عايشه الدور اني أم ... 😒

العضوة: 42215 , 9 years ago

@user-57804 آنا حاولت ارضعه و حسيت بألم فضيع بالحلمه مادري من شنو ومايطلع وايد يكسر خاطري ما يشبع بعدين كملت ع السيميلاك خلاص عشان يتغذا عدل مسكين

العضوة: 42214 , 9 years ago

@user-57843 مبلشه رجيم💔 انا مابي انزل وايد مابين الخمس لي عشر كيلوات لان مابي ارد عصله نفس قبل كلش مو حلووو علي الضعف الحين الكل يقولي ويهج صاير شحلوه بس بنزل شوي

العضوة: 42214 , 9 years ago

@user-42215 بخيير الحمدلله انتي شلونج مع النفاس حمدي ربج امج قاعده تمسكه😏😂

العضوة: 42215 , 9 years ago

@user-42214 اي والله الحمدلله مسكينه لا تنام و لا تاكل ميننّها جنها اهيا النفاس😅

العضوة: 57804 , 9 years ago

@user-42215 انا قاعده اعطيها ابتاميل بس انا ودي افيدها بالطبيعي ماكو فايده 😣 احس ما استفادت منه كلش ولا ختى اسبوع كامل

العضوة: 42214 , 9 years ago

@user-57804 حبيبتي دام صدرج فيه عطيها عالاقل بالاربعين واذا تقدرين كملي ميخالف الرضاعه بالبدايه صعبه وعطيها بعد صناعي الاثنين المهم تاخذ منج شي دام ما عندج شي اذا تقدرين لي ٦ شهور انا رضعتها شهرين يمكن وكان ودي اكمل بس لان ماعندي خدامه كل الشغل علي وعندي مشروع تخرج اجابله ماقدرت واهيا اسمالله عليها كل ربع ساعه تبي دام من الصدر باذن الله البيبي الثاني راح ارضعه طبيعي

العضوة: 27707 , 9 years ago

هاي بنات كيفكوون شو اخباركوون😜 فاتن بالعكس نزلي وصعدي درج والله تسرع الولاده انا يوم اللي ولدت نزلت وصعدت درج بيت اهلي ومشيت بالبيت قاعده افر بالصاله وعيال خواتي صغار يلفون وراي مسوين قطار عبالهم قاعده العبهم🤣🤣 بعدها بساعتين يتني الولاده 😅🙈 حليمه انتي بالضبط جنج تتكلمين عني 🙂 امبي نفس وضعي بالضبط انا قبل كنت عصله وزني بالاربعينات والحين وزني ثابت بالخمسينات ومن امس قررت اسوي ريجيم تعشيت سلطه تكفي فريج🤣🙈 وماشبعت جان اقوم اسويلي بطاط ونقتس واكل كاكاو استغفرالله وصج ولا عمري تخيلت اني اسوي ريجيم وحسيت بمعاناة اللي كله متأزمين من الريجيم😭😭💔💔

العضوة: 27707 , 9 years ago

@user-42215 ولدج حشاشة يوفج طول ماداخلج احستس الامومه ماراح ترتاحين حتى لو كان عند امج انا ولدي ماقدر اهده وطول الاربعين ماخليته ولا مره لا عند ولا خواتي معني اكون ميته من التعب انهار وابجي يقولون بياخذونه عشان ارتاح بعدها اهون بسرعه واخذه🤣 ولي يومج جذي قبل يومين اظطريت اهده مع خدامته فبيت اهلي وامي وخواتي والكل موجود معاه بس قلبي عورني وكل شوي ادق على امي اقولها ديري بالج على ولدي وتعصب علي تقولي تعلميني ادير بالي عليه ههههههه واعليا عليها اميمتي تزفني وتقولي انا اللي اقولج ديري بالج على ولدج 🤣🤣🤣🤣

العضوة: 27707 , 9 years ago

@user-57804 شنو المشكله اللي منعتج ترضعين طبيعي؟

العضوة: 42214 , 9 years ago

@user-27707 بالخميسنات حمدي ربج ام خلووود انا وصلت الستينات🤦🏻‍♀️💔😂 بس مادري جم طولج اهو على الطول انا فيني طول فا ما يبيلي وايد مو حلو علي يعني ابي انزل لي الخمسينات الحين وزني ٦٣ نازله كيلوين🙈 واحنا لأن تعودنا على عيالنا ٢٤ ساعه نجابلهم من الاربعين ما قطيناهم على ام ولا خدامه عشان جذي مانقدر نخليهم😣 انا جذي وييين ما اروح معاي جنها ميداليتي😂 ذاك اليوم رحت الصالون يما رديت لها جني سنه مو شايفتها😢 والحين بس احاتي الجامعه شلون بداوم واخليها💔 امس ريلي راح يسأل عن الخدامه قالو بتوصل قبل اول بعد العيد على طول ان شاء الله تيي قبل لا اداوم

العضوة: 35148 , 9 years ago

@user-57804 انا مارضعت هالولاده حاسه بشعور غريب ف اكلت حبوب تقطع حليب لان كان صدر يتحجر بالحليب واتضايق اذا تبين ترضعين اكلي حبوب تدر حليب وفيتامينات وكثري سوايل ومبروك البيبي

العضوة: 35148 , 9 years ago

@user-27707 ام خلود تبدلين وياي انا حايشني شعور ابي اركب بالون بس يقولون فاشله مدري ومابي تكميم اخاف انا امتنكم طولي ١٦٠ و وزني بال٨٠ 😏

العضوة: 35148 , 9 years ago

@user-42215 شخبار وليدج متي بطهرينه شخبار العمليه ان شالله زينه