العضوة: 84969 , 9 years ago

@user-57843 ماتوقع انه ماي البيبي بس سوي سونار تطمني انا ماني مرتاحه بنومتي ظهري يعورني 😭 واحاتي النفاس وولدي بيدش اولى ابتدائي اكره فترة النفاس بس اريح من العوار اللي احسه الحين 😭 الحمدلله على كل حال

العضوة: 35148 , 9 years ago

@user-42214 عادي حتي مرات بسوق تطيحين بملقوفه القرايب بعضهم يعني انا فاهمه هي لو لبست ولدها حفاضه تلبسه مقلوب

العضوة: 42214 , 9 years ago

@user-57843 اتوقع افرازات هاذي ماي البيبي تحسين فيه غير لما ينزل انا لما نزل على طول عرفت ان ماي البيبي لان حسيت بفرق

العضوة: 93038 , 9 years ago

بنات الله تخليكم أدعو معي نولد اليوم عملو لي طلق إصطناعي ولس مافيني وجع أدعو معي بقولو 40 دعوة مستجابة الله يخليكم

العضوة: 84969 , 9 years ago

@user-93038 ان شاءالله تولدين بسلامه يارب

العضوة: 42215 , 9 years ago

@user-27707 يبارك بعمرج ياعمري انتي يبت ولد الحمدلله

العضوة: 27707 , 9 years ago

@user-42215 يتربى بعزج يارب احنا مفروض نسمي قروب حوامل الصبيان ماشاءالله اغلبنا يبنا صبيان 😎

العضوة: 27707 , 9 years ago

@user-57843 مثل ماقالت لج حليمه ماي البيبي غيييير انا نزل علي كنت بالمستشفى قاعده امشي بغرفة الولاده بعد ماعطوني الابره الشرجيه وخلصت من الحمام تكرمين وكانت الطلقه رايحه وامي واختي قاعدين بالغرفه فطلعت لهم قلتلهم مابي انسدح عالسرير خلوني اتمشى بالغرفة دقيقتين دام راح الطلق وانا امشي قاعده اسولف معاهم وأحش بوحده غاثتني ههههههه وقاعده اضحك واسولف وحسيت الطلقه بترد جان اركض عالسرير توني يايه انسدح ولا احس بشي غريب نزل علي لا شعوريا حطيت ايدي تحت وكنت لابسه لبس العمليات ولا كله ماي ودم😩😭 جان اخترع واصرخ يمممه ماي ماي 🤣🤣

العضوة: 57843 , 9 years ago

@user-27707 هههههههههه اهم شي وراج ولاده وقاعده تحشين 😂😂 بايعتها انا شايفه كمية الماي اللي تنزل بس فيه وحده خوفتني قريت موضوعها تقول طلع فيه ثقب وقاعده ينزل من عندها خفيف و قاعد يقل الماي عن البيبي .. خلتني اشيل هم 😅 عاد انا ويا هالبيبي حدي موسوسه

العضوة: 27707 , 9 years ago

@user-42214 حلوم اي اعاني نفسج وزووود من اللقافه والتحكم خاصه من اهل زوجي استغفرالله😐 حتى اذا لبسته لبس ماركه تنطلي بنت خالة زوجي تقولي عشتووو ملبسته ماركة🙂 وبقلبي اقول انتي شحارج بس رديت عليها قلتلها اي ولدي ابو الكشخه ماتت حره🤣🤣 وطبعا خالتي لاني ما امهده اذا طلعته البسه بدلات تقولي موزين لعظامه وبرد عليه ولما مهدته تقول عشتوو امهدته اليوم شعقبه خلاص كبر الحين مايتمهد وحر عليه وتقوم تبطل مهاده😩😭 ولدي بعده شهرين وين كبر اشوف اليهال لي عمر سنه يتمهدون🙈😂 وليش حليب صنااعي الله عطاج خير عطيه من صدرج واللي تقول جذي اهيا مارضعت عيالها وصدرها يخر حليب يرضع فريج كامل😩😭 وياااا مالج

العضوة: 27707 , 9 years ago

@user-57843 ههههههه من صجج الحره وماتسوي مقهوره واذا راحت الطلقه تردين طبيعيه جذابه مافيج شي واذا ردت تقعدين تتشهدين وتتلوين جنج حيه🤣🤣 حريم ما منا فايده اذا موسوسه روحي الطبيب فحصي تطمني

العضوة: 27707 , 9 years ago

@user-35148 شلون عيالج بعد الحرارة عسى خفت

العضوة: 57843 , 9 years ago

@user-27707 ههههههههههههههههه 😂😂😂 واااي قاعده اتخيل هاليوم .. عاد انا بكون غالباً بروحي او ام ريلي معاي يعني مايمدي اخذ راحتي لو فيه حش 😩 ان شاءالله اهلي يتسخرون واييون قبل اولد 🙆🏻 و على طاري المهاد وين كبر شهرين توه نقطه .. انا قريت افضل وقت تمهدينه وقت النوم بس مايكون شاد عليه حيل نفس اول امهاتنا تحسينه كفن مو مهاد

العضوة: 42215 , 9 years ago

@user-27707 حياتي الله يصلحهم يارب

العضوة: 27707 , 9 years ago

@user-57843 هههههه ان شاءالله يكونون اهلج معاج حبيبتي وتتسهل ولادتج شوفي انا ماعندي خبره بالمهاد وما اسمع حق احد واسوي اللي يريحني ولدي ما امهده الا بالليل بس لانه اخاف تغط عيني وانام والكمبل يرتفع على ويهه ويختنق والياهل اذا تحرك يخاف من ايده اذا يت على ويهه بس باقي اليوم اذا نام انا قاعده اطالعه وجدام عيني ما احاتيه فأخليه مرتاح بدون مهاد ومهاد الليل ما اشده يعني صادف اكثر من مره اقعد الاقيه مطلع ايد وحده وقاعد يمصها من الجوع🤣🤣