حابه احكي تجربتي مع الولاده القيصريه اول شي كان التخدير نصفي بالنسبه لابره التخدير النصفي ابدا ما حسيت فيها ولا بأي اوجاع و انا عم اخدها بدقايق حسيت بتنميل برجلي و بعد مم دقيقه ما حسيت برجلي و عملنا العمليه و طلعولي بنتي طبعا ما بتحسي بأي شي غير في حدا عم يضغط ع بطنك بس ابدا ما في وجع خلصنا العمليه و نقلوني ع غرفه المراقبه ضليت قريب الساعتين طبعا بعد العمليه حسيت بحكه خفيفه بايدي و بجسمي و هاد بسبب التخدير بعدين طلعوني ع غرقتي طبعا هون التخدير ببلش يخف بتبلشي تقدري تحسي برجليكي و بتقدري تحركيهن كمان خلال 3 ساعات من عمليتي بس ما حسيت بأي اوجاع بتخص العمليه لانو بضلو يعطوكي مسكنات و هاد الشي انا بعتبرو منيح يعني الحمدالله ما حسيت بوجع و بنفس يوم العمليه قمت مشيت و من غير اوجاع بس كنت احس بضغط متل الشد العضلي اخر بطني و الحمدالله طول فتره اقامتي بالمشفى ما كان في اي اوجاع كنت اقوم و اتحرك من غير اوجاع طبعا اسوأ شي صابني بعد العمليه هو الغازات فعلا مؤلمه بس بيعطوكي تحاميل لحتى تشيل الغازات و تبلش امعائك تتحرك نظامك الغذائي بهاي الفتره رح يكون سوائل شفافه و شوربات خفيفه لحتى تفوتي ع الحمام هاي اهم خطوه بعد القيصري و بس طلعت من المشفى برضو ضليت مستمره ع المسكنات و الحمدالله برضو ما حسيت بأي اوجاع قويه اهم شي تستمري ع المسكنااات بعد العمليه و تريحي حالك اقل شي اول اسبوع ما تعبي حالك و ييكون في حدا يساعدك بالبيبي او يهتم بالبيبي عنك لحتى تاخدي وقتك بالرياحه طبعا صابني صداع قوي و رهيييب كتير بسبب التخدير النصفي بس كمان مع المسكنات بروح و بيستمر لاول كم يوم و بعدين بروح و الحمدالله مع الوقت بتقدري تحسي حالك احسن و حركتك احسن بالاخير هاي عمليه ولازم تكوني حذره و تاخدي وقتك لتتعافي و تصيري منيحه و بس هاي هي تجربتي المتواضعه اهم نقط حسيتها مهمه لحتى تكون تجربتك بالقيصري مو سيئه انو تختاري المشفى يلي عنجد يهتم فيكي و الطاقم الطبي يكون ممتاز لانو صراحه العنايه رح تفرق معك كتير انا الممرضات ما قصرو معي ابدا هنن يلي يهتمو فيني و يساعدوني بكل شي بالمشفى و بالنسبه بس ترجعي للبيت اهم نقطه يكون في حدا معك ع طول و حدا يهتم بالبيبي اول فتره لحتى تاخدي وقتك و ترتاحي و اهم شي المسكنااااااااات اول فتره و بعدين خلص ما بتحتاجيهن بس كل هاد يلي الوحده بتمرق فيه بهون وقت بشرف بنتي بين ايدي عم عيش احلى لحظات حياتي معها شعور ما بينوصف الله يطعمو لكل مشتهي يا رب❤️❤️❤️❤️