كيفكم يا مامات يارب تكونو بخير 😍.. قبل امس ولدت الحمدلله وكملت ٤٠ اسبوع ويومين. وكانت ولادتي بشرق جدة الكثير متخوف منها وكيف الولادة عندهم حاليا ومع اوضاع الكورونا، فحبيت اشارككم تجربتي فيها. رحت الصبح الساعة ٨ الطواريء وماكان زحمة، قالو لي اسوي قياس ضغط والوزن، وبعدها رحت الانتظار وقعدت ما يقارب ١٠ دقايق لين جا دوري، سوت لي الدكتورة فحص لعنق الرحم ووقتها طلع ٨ سنتي وقالت بنفتح لك ملف بسرعة عشان ما تولدي علينا هنا،٥ دقايق وجات دكتورة واخذتني بالعربية وطلعتني كشك الولادة. كشك الولادة ممنوع فيه دخول اي احد، دخلوني غرفة لوحدي، كل وحدة غرفة ولادة لوحدها بحمامها، واسلوب الدكتورات عسل وما يوترون (على حظك ممكن تجيك وحدة اسلوبها مو تمام بس ادعي ربي ييسرلك الدكتورة الكويسة) ما كملت نص ساعة الا ولدت كان طلقي حار والحمدلله ما طولت، بعدها من كثر زحمة الحوامل خلوني بغرفة الولادة من وقت ولادتي الساعة ١٠ الصبح الى ١٠ اليل😅، غرف التنويم مليانه لدرجة لما نقلوني غرفتي كنت اسمع اصوات من غرف جنبي كان فيها ولادة، للعلم ممنوع الزيارات كمان،لكن قالت الدكتورة الي ولدتني ممكن تسوي اوراق ويسمحو لك زيارة بس تطول الاوراق مره مشددين ، وقعدت بغرفتي من ١١ الليل الى ١٢ الظهر ووقتها سويت اوراق الخروح وطلعت. بالنسبة لوجباتهم على اوقاتها وكله تمام الحمدلله، اما بالنسبة لما تطلبي منهم شي يتأخرو، طلبت موية بعد الولادة وحلقي نشفف وما جابو لي، وكمان لما رحت غرفة التنويم طلبتهم شرشف وما حابو لي الا بعد الفجر وكنت طالبتهم من ١٠ اليل! كل ما اطلب وحدة تقول طيب وتروح. يعني افضل شي تجيبي أغراضك كلهااا معك حتى غيارك والفوط للتغيير ومشروباتك، لانهم حرفيا بيسحبون عليك 😅. وبس ان شاءالله اني افدتكم تمنيت احد يكتب هنا قبل ما اولد لاني كنت متخوفة من شرق جدة بالمرة. الي بتولد هناك اهم شي اغراضك كلها معاك من فوط ومشروبات وملابس تدفيك، وبس. الله يكتب الخير للجميع ✨❤️...