العضوة: 876927 , 4 years ago

ااالف مبرووك شو جبتي بنت ولا صبي كيف كاان الطلق والوجع

العضوة: 205430 , 4 years ago

حمد الله علي سلامتك انتي والنونو يتربي بعزك يارب 😍

العضوة: 747819 , 4 years ago

الحمدلله على سلامتك اندمجت وانا اقرا 😂 كملي ياقلبي كيف كان يوم الولاده ..؟؟ وخلصتي شهرك كامل ولا ولدتي قبل ؟ انا بكريه مثلك وعندي نفس الهواجس ان الولاده تكون صعبه 🥴

العضوة: 667699 , 4 years ago

المهم جا يوم واقعد على آلام دوره خفيفه جدا جداً اخف حتى من الم الدوره العادي.. قلت شكلي اتخيل الم الدوره (لان الالم عندي يضرب في الركبه اول شي). طنشت ورجعت نمت. قعدت مره ثانيه وعايشه حياتي طبيعي الا وألم دوره يجي شويه بس و يروح يجي ويروح بشكل غير منتظم جربت احسب له في برنامج يحسب الطلقات ويقول لي متى اروح المستشفى قال طلق كاذب.. قلت شكله ما بعد.. ويظل كذا الوضع.. وبديت اطبّق طريقة التنفس الصحيحه وقت الطلق من وهو خفيف وحتى لما صار وسط بحيث آخذ نفس عميق من اول الطلقه الى نصها ثم ازفر بهدوء واكرر واطالع الساعه(الطلقه تاخذ بالضبط ٣٠ ثانيه واقل) والله يابنات من ججججد تخفف الالم بشكككل.. جربت اسحب في كم طلقه وتجي مؤلمممه.. فصرت بانتظام اسويها وبس تخلص الطلقه اشرب رشفة مويه (بحسب توصيات رولا القطامي) وانتظر الطلقه اللي بعدها.. مرت صلاتين وانا اطلق وصليتهم الحمدلله لكن كانت الحركه شوي صعبه.. حاولت امشي كلما قدرت امشي حتى في الطلق واذا ما قدرت او اشتد الطلق اوقف طبعا سبحت بمويه ساخنه وخففت الالم وشربت يانسون واكلت عشان استعد للولاده لاني مابي ادخلها بدون طاقه.. وكنت مقرره ما اروح المستشفى الا لما ما اقدر اتحمل خلاص.. مرت حوالي ٧ ساعات والالم محتمل.. لما صار غير محتمل خلاص قلت بروح للمستشفى.. رحت وعلى ما وصلت احتجت حوالي ٤٥ دقيقه كان فيها الجلوس بالسياره مؤلم شوي.. لما رحت لاستقبال الطوارئ اقول له ولاده يقول ولاده؟؟ يشوفني هادئه بلا صراخ ورايحه برجولي ومستغرب ويسألني مافي الم ولا شي؟ اقول له ايوه في الم.. حولوني على التخطيط(مادري ليه ما صدقو ان فيني ولاده يمكن لاني ما صرخت😂)

العضوة: 667699 , 4 years ago

التخطيط كان أسوأ فقره.. لاني اضطريت انسدح على ظهري واحيانا على جنبي وهالشي كان جدا مؤلمم كأن ظهري بيتفكك من الالم(للمعلومه بالبيت كنت اوقف مثل ما ابي واذا جلست اجلس بشكل مستقيم عشان ظهري ما يألمني) والدكتوره مو راضيه تكشف الى ان يخلص التخطيط.. المهم (انا مقرره اصبر قدر الامكان الى ان اوصل ٤ او ٥ ثم آخذ ابرة الظهر وارتاح) خوافه واخاف من الالم وماخذه احتياطي بعد 😂 بعد التخطيط الطويل جات الدكتوره تكشف.. اول ما كشفت قالت ٧ ولاده انا ناظرتها كذا 😳🤯😭💔 كيييف ولاده انا ابي ابرة ظهر اصلا شلون كيف متى وين اللي يقولون بكريه تطول😂 ودوني غرفة الولاده وجطلوني هناك وبدا الالم يشتد وانا اطبق التنفس واحاول اتحمل واتقبل الواقع ان خلاص مافي ابرة ظهر وربي بيساعدني دام تحملت الى ٧ وانا مو داريه عن نفسي بس طيب ابي مويه لانها تساعدني كثير ما رضو اشرب مويه مادري ليه المهم والله باقي الارقام من ٨ بديت ادفع وقت الطلقات وذا الشي يخفف الالم لما صار ١٠ جات الدكتوره وادفع ادفع واحاول وولدت الحمدلله طبيعي لكن بقص العجان💔 للاسف الشي الوحيد اللي ندمت عليه هو اني ما سويت مساج المنطقه وهو الشي اللي كان بيخليني اولد بدون قص حتى..

العضوة: 667699 , 4 years ago

من ملخص تجربتي يا حلوات مييين قال الطلق يخوف؟ انا الم دورتي اقوى من الطلق🤣 على الاقل الطلق يجي ٣٠ ثانيه ويروح انا الم دورتي يظل ساعات على ما تنزل بشكل مستمر🤣💔 طبعاً الطلق بيظل اكثر من نص يوم بس عادي يعني دامه يعطينا بريك نلقط نفسنا فيه🌚 جد المره الجايه بدخل الولاده بثقه اكثر حتى من هالمره واعتبر تجربتي جداً سعيده وسهله والله توقعت اني باخذ يومين وبتتعسر وبتستوي قصص وماعرف ايش بس الحمدلله كان كل شي تسهيل من رب العالمين لا خفت من الولاده ولا شي بالعكس واجهتها بهدوء لان الخوف يسكر الرحم وانصدمت والله اني تحملت بعدين استوعبت ان اصلا الطلق من رب العالمين واكيد احنا بنقدر نتحمله لان ربي ما يعطي احد فوق طاقته.. ولا استهلكت طاقتي بالصراخ ولا اي شي.. كان تركيزي ينصب على الساعه عشان اعرف متى بتنتهي الطلقه وعلى التنفس متى اسوي الشهيق ومتى الزفير وكيف الطريقه وبس والله عسى تستفيدو 😂 طلعت من الولاده مُحبطه لان لا شفت ملك الموت ولا ودعت اهلي ولا شفت شريط حياتي وكان اكبر الم في الولاده قص العجان وماحد مصدقني من اهلي ان قص العجان والخياطه المها اكثر من الطلق حتى 😂💔

العضوة: 786764 , 4 years ago

الله😍 جبتيلي التفائل كلامك حلو يشجع والله حمستيني اروح اولد الان😂

العضوة: 667699 , 4 years ago

صدقيني سهالات بس تعلمي التنفس وقت الولاده ودامك ما ولدتي للان سوي كيجل كثير كثير وسوي مساج المنطقه عشان حتى القص تتجنبيه طبعا بنات أهم شي أهم شي نسيت ما قلته انا صحيح ولادتي كانت مريحه بس كله بقضاء رب العالمين ان الطلق جاني بوقته وما انفجر عندي الماي قبل يجي الطلق ولا كان احتجت صناعي وقالت لي الدكتوره ان بنتي تبرزت في بطني وقت الدفع.. يمكن عشان تخليني ادفع لكن الحمدلله عدّت سليمه.. + من الاشياء اللي كنت ابي اسويها الرضاعه الطبيعيه لكن لاني ما رطّبت الحلمات بما فيه الكفايه قبل الولاده صارت تشققات وغيره وما قدرت والحمدلله على كل حال.. فيا بكريات اشترو كريم الترطيب وابدأو من الآن نصيحه🙏

العضوة: 751275 , 4 years ago

ماشاءالله عنك الف حمدلله ع سلامتك هوا كمان الولادة تختلف من جسم لجسم انا ولادتي الاولى متت لحتى ولدت بس الثانية زيك رحت المستشفى وانا ماعندي طلق ابدا والرحم مفتوح ٥سانتي خلال ساعتين ولدت الحمدلله كانت سهلة وميسرة اما الثالثة رحت المستشفى وانا عندي طلق بسيط والرحم كمان فاتح ٥س بس لما وصل ١٠ ماعاد قدرت اتحمل وتعبني وزن الجنين حسيت حالي متت ورجعت للحياة ومثل ماذكرتي اليانسون افضل شي طبعا من خلال تجربتي بالولادة الثالثة ماكان الرحم فاتح عندي ولا الم ولا شي نصحتني صديقتي اشربه يلين الرحم ويفتحون وفعلا شربته الصباح واجا الالم الفجر كان فاتح ٥ والم بسيط والمستشفى ماأحب اتسطح عالتخت لانه بزيد الآلم

العضوة: 667699 , 4 years ago

يمكن ما طبقتي التنفس الاغلب اذا جا ألم الطلق تحبس تنفسها وهالشي غلللط غلللط يتعّب اكثر بكثير انا جربت في طلقاتي كل شي وفعلا شفت ان الشهيق والزفير اكثر شي ريّحني وخفف الالم

العضوة: 667699 , 4 years ago

جبت بنوته الحمدلله💕

العضوة: 667699 , 4 years ago

الله يسلمك من كل شر💜💕

العضوة: 768866 , 4 years ago

بولد قيصري احسن 😂😂😂😂

العضوة: 667699 , 4 years ago

لما طلعت من الولاده حطوني بغرفه وجنبي والدات ونين اللي ولدت قيصري خلاني احمد ربي الف مره اني ولدت طبيعي

العضوة: 861903 , 4 years ago

م شاء الله تبارك الله الحمدلله ع سلامتك ومبروك م جاك تتربى بعزك ودلالك يارب ..♥️