العضوة: 54155 , 9 years ago

سلام ختي لباس عليك انا ولادة ديالي لولا كانت في مصحة الليمون في الرباط و البعض عائلتي ولدو في مصحة بوسيجور لي حدا مرينا زوين حتى هو الله يفكك على خير انا بنت الرباط حاملة دابا اخر اسبوع في تامن ونتي

العضوة: 81643 , 9 years ago

وعليكم السلام احبيبة انا في سلا وانا في الشهر التاسع دابا مع مكنتش في المغرب يالا جيت ومعرفتش فين نولد سمعت بي بوسيجور زوين بصاح

العضوة: 54155 , 9 years ago

وي اختي زوين ولدو فيه عائلتي غير هو اكتريتهم ولدو بالفتيح اكترية مصاحات كيولدو بالفتيح انا مكانبغيش نفتح نولد عادي حسن داكشي علاش كنفضل ليمون زوين

العضوة: 81643 , 9 years ago

اختي انا راه عندي الفتيح اصلا حيت الحكاك عندي ضيقين

العضوة: 54155 , 9 years ago

ايوا صافي مزيان الله يعاونك اختي ويفكك على خير سيري بوسيجور راه شي 10000 تقريباا

العضوة: 81643 , 9 years ago

بصاح رخيص بصراحة قالو لي مني كتمشي كيبقاو يزيدو بزاف

العضوة: 54155 , 9 years ago

راه دروري تسولي على راسك من لول قوليهم شحال

العضوة: 81643 , 9 years ago

مشيت سولت في مصحة سلا قالو لي 10000 الاف لو بوسيجور نفس التمن من الاحسن هو بوسيجور

العضوة: 54155 , 9 years ago

كيف كيف اختي غير هو منين تبغي تولدي دي معاك جميع اوراق ديالك باش ميعاودو ليك حتى تحليلة كيزيدو عليك