🍃السلام عليكم ورحمة الله وبركاتة🍃
يارب يهون علينا جميعا ويرزقنا الذرية الصالحه امين يارب العالمين
هذا موضوع فتحته اللي لها تجارب سابقه في برنامجها للنفاس تجي تفيدنا😘
يعني مثلا المده طويله 40 يوم اكيد البعض يحب يستخدم خلطات واعشاب واشياء تخص المرحله هذي
ياليت اللي تدخل تفيدنا وربي يسعدكم❤️
العضوة: 6593 , 9 years ago
مافيه تجارب؟😫💔العضوة: 6593 , 9 years ago
وينكم بنات💔😫العضوة: 26902 , 9 years ago
والله احسنتي على هذا الموضوع👍👍👍👍 انصحونا بليز...😱😱العضوة: 26902 , 9 years ago
انا جربت الدواء الاحمر للجرح الرحم يعني والله يخفف الم وينزع الخيط من الرحم.العضوة: 41122 , 9 years ago
انا استخدم منقوع المره للجراحه ممتازه مره تعقمها وتيبسها ف يطيح الخيط وبعد احب اسوي التمارين البسيطه بداية النفاس عشان ارجع اشد جسمي وتروح الكرشه غالبًا استغل الفتره اللي اكون فيها ببيت اهلي اني ازيت شعري واستخدم ماسكات بس انا م اجلس ٤٠ يوم بيت اهلي من احس صحتي صارت تمام ارجع بيتي وجربت مشروب الحلبه ب اول ولاده لي وقتها كنت فاقده وزن كثير ولاحظت صفاء رهيب ببشرتي كامله ولمعان بشعري بس طعمه مره مو حلو 😣 وحبوب الحلبه اللي اسوي منها الشراب ابردها واحطها ماسك ع وجهي مره ممتازه تقريبًا هذا اللي اذكر اني جربته طبعًا م احب اجرب حبوب وادويه او مراهم الا للضرورهالعضوة: 26419 , 9 years ago
السلام عليكم و رحمة الله و بركاته انا ولادتي قيصري كنت خايفه استخدم اي شي ف بس كنت اشرب حلبه و ينسون و مر منقوع ثلاث مرات و رشاد مع تمر معجون و سمن هذي العشرين اليوم الأولى الرشاد مع التمر مافي منو مشكله يتبع....العضوة: 26419 , 9 years ago
العشرين الاخيره استخدمت خلطة الخمس فناجيل و مقدارها ب فنجان القهوه حبة بركه محلب كمون قرنفل تطحن جميعها و نضيف لها رشاد بدون طحن انا أضفت لها فلفل اسود او فلفل ابيض إلا موجود بس بدل مو فنجان قرنفل خليتوا نص فنجان قرنفل و نص فنجان فلفل و تأخذي منها في الصباح على الريق ملعقه و تبلعيها ب حليب دافي إلا تشرب الحليب على طول تحط معاه ملعقة ماش مرا كويس ل الظهر يجبره اتمنى افدتكم و فهمتوا عليياالعضوة: 26419 , 9 years ago
اي نسيت الرشاد كمان نحط بمقدار فنجان القهوهالعضوة: 6593 , 9 years ago
الله يسعدكم ع ذكر تجاربكم❤😍👍🏻 يلا بنات تفااااااااااااااعلوا الموضوع مهم واكيد اغلبكم لها تجارب سابقه 😻العضوة: 16353 , 9 years ago
التمر مع الرشاد والسمن هذا ضروري يكون في طنجره كبيره عند راسك علشان تأكلي منها مع قشر القهوه او وقت تكوني جوعانه تأكلي منها .. كمان فيه شي ناويه اجربه بنفاسي هذا ان شاء الله اللي هو سفوف النفاس تلاقيه عند العطار تحطيه مع حليب او شوربه مرره شفت ع فيه مدح .. الكمون اواليانسون مرره كويسين لطرد الغازات اشربي منها في فترات يومك ..حليب بالحلبه اعتمديه مشروب لك مع وجباتك واعتمدي ع الطحين البر في اكلك مع حبه سودا وماش وحلبه مثل العصيده او القرص او المرقوق .. وقللي من الرز او قاطعيه ..العضوة: 16353 , 9 years ago
بالنسبه للمنطقه الحميمه والخياطه حطي في قاروره كبيره منقوع مره وقاروره ثانيه منقوع قشر رمان .. وكل مادخلتي تتوضي غسلي من المنقوعين ونشفي المنطقه كويس وبأخر عشر ايام من النفاس صرت اتبخر بكمون وقشر البصل ومره كل بعد يومين لاحظت تفتيح وشد وتضييق للمنطقه هذا نظامي بنفاسي الاول اتمنى اكون افدتكم ..العضوة: 43725 , 9 years ago
انا كنت بداوم على القرفه لانها تنزل الاوساخ اللي في بيت الرحم وعلى قد ما اقدر اريح جسمي وارجع اهتم بوجهي وجسمي ونصيحه بنات لا حدا يرفع اشياء ثقيله خلال هالفترة لانه حكى الدكتور بتعمل هبوط ببيت الرحم والله يقومنا نحنا والبيبي جميعا بخير وسلامه ياربالعضوة: 6593 , 9 years ago
الله يسعدكم على ذكر تجاربكم❤😍👍🏻العضوة: 6593 , 9 years ago
بنات احتسبوا الاجر بذكر تجاربكم❤العضوة: 21817 , 9 years ago
استفدت من تجاربكم الله يسعدكم لاني بكون لحالي .بذكر تجربتي مع حليب بالحلبه مررره حلوه ومنجد تصفي البشره وان شاءالله اعتمدها كمان المره هذي