بقولكم اليوم قصة ولادتي طبعا كانت غير متوقعه واهي بدت معاي يوم الخميس بالليل تاريخ ٢/١٦ كان عندي إسهال وترجيع كرمكم الله ورحت للطوارئ المستشفى على أساس هالشي ودخلت على الدكتور وشرحت له حالتي مع الالم اذا كان هذا طلق ولا الم من الترجيع وعالطول قالي الدكتور سوي تخطيط علشان نعرف شنو هذا وبعد التخطيط لقه في طلق خفيف وقال لازم فحص داخلي ولما فحص لقا الرحم مفتوح ١ سانتي وبعدين قال انتي حمل ثاني عشان جذي مااقدر اسوي لج شي روحي البيت ارتاحي واذا زاد عليج الطلق تعالي وعطاني مغذي عشان الإسهال والترجيع يخف طبعا هالحوسه كانت الجمعه الفجر وبعدين رديت البيت الساعه ٦ الصبح ونمت شويه لي الساعه ٨ وربع وزاد علي الطلق وبعدين رحت المستشفى الخاص قلت لهم معاي طلق ولما فحصوني لقو الرحم مفتوح ٤ سانتي وعلى طول دخلوني غرفة الولاده وقعد بغرفة الولاده من الساعه ٨ ونص لي الساعه ١١ والرحم عيا يفتح الا ٦ سانتي بعدين ساعتين وفجأ صار معاي نزيف وانقطاع بالمشيمه ونبض الجاهل صار سريع يعني انعفست الدنيا وحولوني قيصري بعد ماكان طبيعي الحمدالله على كل حال وقَعَدت بالطبيب ٣ ايام والبيبي حجمه صغير قعد يومين بالشيشه وطلع للحضانه الحمدالله وبس والله يسهل عليكم كل الحوامل 😘😘
العضوة: 9816 , 9 years ago
رفعالعضوة: 10504 , 9 years ago
حمد الله على سلامتك وان شاء الله تقومي بالسلامة وتفرحي بحضن ابنكالعضوة: 42755 , 9 years ago
@user-9816 الحمد لله على سلامتج لله يحفضج انتي والبيبي آخر دورة كانت ايمتىالعضوة: 9816 , 9 years ago
@user-10504 الله يسلمجالعضوة: 9816 , 9 years ago
@user-42755 الله يسلمج امين اخر دوره ٦/٧العضوة: 51276 , 9 years ago
@user-9816كم يعني هجريالعضوة: 40426 , 9 years ago
الحمدلله ع سلامتك يلغلا والله يحفظلك جنينك ويطلع معاك بخير وعافيه بس وش سبب ولادتك شربتي شي وجاك منه تسمم ولا وش لان غريب الترجيع واسهال يقولو من التسمم تصير الحامل ترحع واسهالالعضوة: 51502 , 9 years ago
@user-9816 الحمدلله على سلامتك هذا حملك الثاني ؟العضوة: 53208 , 9 years ago
ماشالله الحمدلله على سلامتك نفس تاريخ دورتي اللله يهون علي ويسهل وعلى الحوامل الباقين 😍❤️العضوة: 24490 , 9 years ago
الحمدلله على السلامة ياحبيبتي وسلامة البيبي ويارب تفرحي بشوفت وجههالعضوة: 33950 , 9 years ago
حمدلله على سلامتك وسلامة البيبي