اول شي الموضوع مقتبس بس حبيت افيد اللي مثل حالتي
الطفل المقعدي: يعني اللي يكون راْسه جهة صدر الام ومقعده جهة حوض الأم( الطبيعي تكون الرأس هي اللي عند حوض الأم) نسبته: ثلاثة في المية فقط يكون طفلهم مقعدي وهما في الشهر التاسع. اما الباقيين فيكون وضعه طبيعي. الأسباب او بلأصح مين يكون عرضة اكثر للطفل المقعدي: اللي يولدوا قبل ما يدخلوا التاسع(يعني في الثامن والسابع والسادس)، اللي ولدت قبل كدا طفل مقعدي(حظها وحش 😔)، صاحبة الرحم ذو القرنين، اللي المشيمة عندها نازلة، اللي الموية عندها يا كتيييييير مرة او قليل مررررررة، التوائم، البكريات، وأسباب اخرى كتير انا ذكرت أهمها. كيف يتشخص: الالترا ساوند في العيادة وفحص الطبيب البطن متى نهتم : قبل التاسع مش مشكلة لان ممكن يقلب لوحده بس لازم نهتم اذا فضل مقعدي واحنا في التاسع الحل: من عندك ومن عندنا(لا تخلي الضغط ع الطبيب بس، اعملي حاجة 😂، بأمزح): انتي ما تقدري تعملي شي الا الدعاء . اما حكاية (الحبي والسجود) دقيقتين او اكتر بعد الصلاة، ممكن تساعد بس ما في اي دراسة علمية تأكد دا الموضوع او تنفيه. معنى الكلام مو غلط انك تحبي او تسجدي عشان تساعديني وتساعدي نفسك والبيبي. اما احنا راح نعطيكي خيار من خيارين: اما ان تجي ما بين الاسبوع ال خامس والثلاثين والسابع والثلاثين ونحاول نقلب البيبي الى وضع رأسي او نعملك قيصري في اخر اسبوع في التاسع عشان نعطي فرصة للبيبي يقلب الى الوضع الصحيح خلال دي الفترة والى يوم العملية. لا تفكري ابدا تولدي طفل مقعدي ولادة طبيعية لان ليها أضرار جسيمة زي ان الجسم يخرج والراس تعلق. تكسر العظام، نقص اوكسجين، وفاة . وحتى لو سمعتي ان احد ولد طفل مقعدي ولادة طبيعية (تفتكري: مو كل مرة تسلم الجرة) لا احد يسألني عن كيف احنا نقلب البيبي، لاني راح أتكلم عن قلب البيبي في اليومين الجاية. 😘😘😘😘😘😘الله يكتبلكم السلامة ويطمني عليكم دائماً
لف الجنين المقعدي: متى نعملها: لما يكون راس البيبي فوق ورجوله تحت الوقت: الاسبوع ٣٧ فين: غرفة مخصصة لمحاولة اللف تحتاج بنج او مسكّن: لاااااااااااا نسبة النجاح: ستين في المية مؤلمة: تضايق بس ما تألم مين يعملها: دكتورك او دكتورك كم مرة تنعمل: مرة وحدة. بس اذا اتحمستي لا تعمليها اكتر من مرتين. ايش المتطلبات قبل عملها: عمل التراساوند للتأكد من وضعية الجنين والموية حولينه، والتاكد من مكان المشيمة مضاعفاتها: نزول الموية، ضعف نبض الجنين، انفصال المشيمة، عدم النجاح والاضطرار لعمل قيصرية في نفس الوقت، اذا نجحت ايش نعمل: خلاص نعطيكي الفرصة تجي في ولادة طبيعية 😘😘😘 متى ماينفع تعمليها: اذا في نزول او انفصال في المشيمة، نقص شديد في السائل الأمنيوسي حول الجنين، نزول الموية، عيوب خلقية معينة في الجنين، وجود عيب خلقي في رحم الام زي الجدار الرحمي،
واللي عندها تجارب ياريت تفيدنا
العضوة: 76480 , 9 years ago
قالتلي الدكتورة انو الاستدارة تفجر الرحم لا سمح الله عشان كدا مش مستحبه وكثير دكاتره يرفضو يعملوهاالعضوة: 69677 , 9 years ago
رفع