انا ف ولدي البجر دخلوني المستشفى ونوموني عشان يسولي عمليه قيصريه لانه بطني كان ضيق كثير عالبيبي ومش راضي يكبر ، لكن رفضت ! كنت رافضه فكرت العمليه نهائيا وواثقه ف ربي اني راح اولد طبيعي قالولي دام ما تبين عمليه عيل بنحطلج طلق صناعي قلتلهم حطولي اللي بتحطولي اياه اما العمليه مستحيل اسويها .. قعدت فالمستشفى وفي غرفة الولاده خمس ايام وانا اتريا الرحم يفتح طبيعي ، ابدا ما فتح معاي ولا نص سانتي بعد خمس ايام يتني حاله نفسيه من كثر ما كنت اسمع صراخ الحريم اللي يولدون خمس ايام وانا على هذي الحاله كليوم 3 او 4 حريم يولدون .. فقدت الامل وزرقت الدكتوره وقتلها خلاص انا راح اتوكل بكرا واسوي العمليه هذا كان الساعه 10 فليل ، ف قالتلي الدكتورة خلاص عمليه ووقعوني وزوجي الاوراق وعلى اساس اني انام واصحى الساعه 6 صباح عمليتي .. نمت الساعه 11 الساعه 12 صحيت حسيت ب مغص شديييد رحت الحمام وانتو ب كرامه نزلت السداده مني والوجع يزييد ورا بعض اجت الممرضه تشيكلي كم سانتي وهيا تجيك تقول 3 4 5 6 ورا ورا بعض لين ما وصلت 9 وتمت تصارخ عالممرضات والدكاترة يلا يلا يلا ولاده وسبحان الله العظيم الساعه 4 الفجر انا والده يعني انا شفت الم الولاده ف اربع ساعات والوجع كان ما يوقف ورا بعض ... بس الحمدالله يارب والله حسيت اني انا ساعه ماكملت وانا يالسه اولد ف الصراحه الحمدالله على ولادتي وان شاءالله ولادتي الثانيه تكون سهله وخفيفه نفس ولادتي الاولى ... وخلال هالخمس الايام اللي كنت فيهم فالمشفى كنت كل يوم اقرا سورة مريم ❤️