قصة ولادتي بالتفصيل كان ولادة ميسرة بس ما في دكاترة اولاد حلال يوقفوا مع المريض قصة ولادتي بدأت يوم الأربعاء بالليل كنت احس بوجع قوي كل عشر دقائق بس صحيت يوم الخميس الصبح ما كان في شي والظهر بدأ معي وجع بظهري بدون بطني ورحت اتحممت بمية دافية نزل علي دم وقتها عرفت اني ولادة بس بدي شي يقوي الطلق فكرت بزيت الخروع كتير واستخرت كتير وبالنهاية قررت اشرب بس كمية كتير قليلة وانا اخدتو وانا خايفة لكن لما اخدتو كنت قبلها باسبوعين عارفة اني موسعة 2 سانتي وكان معي بداية طلق يعني ما اخدتو والرحم مسكر المهم شربت شوي وما أثرت في حتى اسهال ما صار معي رجعت اتحممت كمان مرة حسيت في شي غريب بين رجلي حطيت ايدي حسيت كيس المية من المهبل بالاول قلت مستحيل اقدر احسو هيك بس ركزت لقيت في شي يابس مدور وانا بحس في لهو طلع لفوق ووقتها الجنين اتحرك عرفت انو هاي الرأس بس خفت لاني ضغطت عليها وطلعت لفوق صرت اعمل قرفصاء عشان ترجع تنزل وبعدها صارت الساعة 6 المغرب ونزلت مية الراس وبسرعة رحت ع المشفى كنت موسعة 4 سانتي وددخلوني وما كان معي طلق و ع 11 بالليل تقريبا بدأ معي وجع كل 10 أو ربع ساعة طلقة ما كانت كتير قوية و على 4 الفجر قوي شوي بس كنت متحملتو لكن لآخر مرحلة و ع 6 الصبح صرت بطلت اقدر اتحمل فحصتني الدكتورة قالت ع الكشك موسعة 6 سانتي وبالكشك قعدت ربع ساعة وصرت 10 بس كانت الساعة 6 ونص تقريبا والدكاترة نايمين اجو ممرضتين وطالعو روحي رغم اني كنت حاسة شعر الجنين بايدي لما تحطها تحت يعني ما كان ضايل شي بس كتير عذبوني وما بيعرفو شي وصارو يضغطو ع بطني سواء في طلق أو فش طلق وانا أقلهم بس اعطوني استراحة ما تضغطو بين الطلقة والتانية تعبت حاسة حالي رح يغمى عليي وهم يصرخو عليي ويقولو ما بيصرلك شي ويضغطو ع الرحم ومع الوجع ضغطت ع ايد وحدة منهم لهي خبطت ايدي وصارت تزعق وتقول اتركيني وما كانو يسمعو نبض الجنين وبالاخر بس طلع الجنين صار عندي مثل نافورة الدم صارو الممرضتين يخبطو ببعض ويقولو يييي الجنين كبير ومن هاد الكلام وفهمت انهم عرفو انهم ضغطو عليي زيادة ووحدة راحت تجري تنادي الدكتور ووحدة صارت تقص الحبل السري وشفت ابني يعيط ويشرب مية واقلها الولد اتشردق وهي ما اهتمت بس خافت من الدم واخدت الولد وحطتو ع صدري واجا الدكتور يجري وصار يقول خدو ابنها وصار يمسك بايدو كبشة شاش جروح ويدخلها بالرحم ويفرك ويرجع كمان مرة وانا احس روحي بتطلع ومع الخوف الممرضة اخدت ابني وتركتو ونادت ع امي قلتلها لبسيه واحنا ممنوع عنا هالشي الممرضة هي الي تلبس ممنوع المرافقة تدخل بس الممرضة كانت خائفة بس الحمد لله ربنا سهلها يعني أنا ولادتي لو كان في دكتور كويس كان طلعت اسهل من هيك بكتير