#ايه_الفيتامينات_والمعادن_اللي_ضروري_اديها_لطفلي ؟ #وابتدي_من_عمر_كام ؟ 1️⃣ #فيتامين_ك وده اول فيتامين الطفل لازم ياخدوا في حياته #امتى ؟؟ اول ما يتولد .. تتأكدوا من الدكتور اللي ولده ان الطفل اخد الفيتامين ده ولو لا تفكروه ولازم ياخده #طيب_لو_مأخدوش ؟؟ الطفل في الحالة دي بيكون عرضه للنزيف من اي مكان .. اشهرهم و اكثرهم حدوثا هو النزيف من الحبل السري او القي او النزيف مع البراز .. و اخطرهم نزيف المخ .. و للاسف شفت اكتر من حالة بالمنظر ده .. اتأكدوا ان ابنكم اخده من فضلكم #يتاخد_ازاي ؟ جرعة واحدة عضل وقت الولادة ..((في منه بالفم بس انا انصح بالعضل)) 2️⃣ #فيتامين_د #امتى ؟ من اول يوم #طيب_لو_مأخدوش ؟ الطفل يكون عرضه للتأخر في المشي و التسنين و لين العظام و تقوسات القدمين #يتاخد_ازاي ؟ ٤٠٠ وحدة دولية (اربع نقط يوميا من ال v drop) قبل السنة الاولى و ٦ نقط يوميا بعد السنة #ملحوظة_مهمة 👈 الطفل لو بيرضع حليب صناعي والكمية اكثر من ١٠٠٠ مل يوميا فلا داعي للفيتامين د 3️⃣ #الحديد #امتى ؟ الطفل اللي بيرضع طبيعي يبتدي عند الشهر الرابع ويكمل عليه لحد ما الطفل يكون بياكل اكل متنوع يحتوي على الحديد ومش محتاج تحليل قبل اعطاءه #طيب_لو_مأخدوش ؟ الطفل بيكون عرضه للإصابة بفقر الدم ((الانيميا)) و ده بيأثر بشكل كبير على نمو الطفل و مجهوده و شهيته .. طفلك بيبقى همدان .. ضعيف و بيتعب بسرعة من اقل مجهود و نفسه مسدوده 🖊تسهيلا عليكم قطارة الهيدروفيرين أو انريتش ربع قطارة (12.5 مجم) يوميا ويفضل عند السنة عمل تحليل صورة دم وملف حديد بالدم #ملحوظة_مهمة 👈 لو الطفل بيرضع حليب صناعي بشكل كامل .... في الحالة دي لا يحتاج حديد 👈لو الطفل بيرضع طبيعي وصناعي وقتها مش هنقدر نحدد كميه الرضاعه الطبيعية اللي بياخدها وعشان كده يفضل إعطاء الحديد 4️⃣ #فيتامين_أ #امتى ؟ عند سن ال ٩ شهور #طيب_لو_مأخدوش ؟ الطفل ممكن يكون عرضة للاصابة بضعف النظر - تشققات و تصبغات الجلد - ادوار البرد المتكررة #يتاخد_ازاي ؟ - اول جرعة هتكون 100الف وحده دولية و هياخدها عند سن ٩ شهور ((المفروض انها بتتاخد روتين مع التطعيم )) هي هتكون عبارة عن كبسولتين اسمهم (A-viton) موجودة بالصيدليات وبيتاخدوا مره واحده -بعد عمر السنة ٤ كبسولات( 200.000 وحدة دولية ) كل ٦ شهور لحد سن ٦ سنين على الاقل كبسولات الفيتامين أ كبسولة وجوالها مادة زيتية سائله بتفضيها وتعطيها للطفل المصادر في التعليقات Dr.Ashraf kasem د.أشرف قاسم