العضوة: 674132 , 6 years ago

حبيبتي الحالة هي بتصير مع اغلب البنات عادي فترة وتعدي انا حسيت بالجو والحياة كئيبة لدرجة اقري ع النت عن الموضوع هذا بسيطة ان شاءالله

العضوة: 454513 , 6 years ago

حمد الله على سلامتك انا جاني اكتئاب بسبب ليش ولدت عمليه مت منها😭

العضوة: 542112 , 6 years ago

تعرفون رقم طبيب نفسي ادق عليه استشيره ؟؟؟

العضوة: 283807 , 6 years ago

عادي اختي هالحاله ثلاث ارباع الوالدات مرو فيها و انا من ظمنهم بس مالك الا تعالجين نفسك بنفسك هذا هو الحل شوفي النعم حولك و شوفي ربي أكرمك بأجمل هديه غير تتحسر سنين و مستعده تذوق اسوء السوء بس عشان تعيش هالتجربه وبالنسبه لولادتك حطي ف بالك ان كل الحريم نفسكو بالعكس بعضهم اعسرر من ولادتك و جهزي نفسك للاربعين و اشتري ملابس و سوي خلطات و ماسكات لشعر و للوجه و اطلعي مع زوجك تمشو او كوفي اهم شي غيري جوك وقبل كل هذا كملي اخذ مكملاتك من حديد و كالسيوم و اهم شي الفيتامين دال

العضوة: 684285 , 6 years ago

ياقلبي هذي اكتئاب النفاس يجينا اغلبنا وخاصه اننا مانكون ع طهارة جاني ٣ ايام وراح الحمدلله اَل شي استغفر كثير واتحصن واذقرا اذكاري صبح ومساء واقرا سورة القبرة والله يارب لك الحمد نفاس حلووو جربوها

العضوة: 542112 , 6 years ago

يارب يااااارب والله اني ادور بالبيت مدري وش اسوي احس روحي بتطلع 💔 يارب ياااااااارب صبرني و اجرني

العضوة: 110962 , 6 years ago

ياعمري انت حاسه فيك مريت فيه في بنتي كنت اكرهها واحس نفسي مكتومه لكن بعد الله القران ريحني والاذكار وكمان ما اجلس بدون احد لازم احد معاي واسهر واتفرج افلام واحاول اشغل نفسي واستشور شعري والبس لبس حلو وريحه حلوه واكل شوكلاته وقد ما اقدر ما افكر في شي وماما الله يسعدها اخذت بنتي عني مره ما اسوي لها شي لازم احد يساعدك واذا محتاجه لعلاج نفسي عادي ومن حقك اتصلي على ارقام الاستشارات النفسيه ابحثي فالنت وتلاقين وممكن تاخذين دواء بسيط بس يريحك هذه الفتره وبعدها ترتاحين ان شاء الله ولا تحتاجينه ابدا اسال الله العظيم ان يشرح صدرك ويفرج كربك وينزل على قلبك السكينه والراحه

العضوة: 676651 , 6 years ago

انا نفس شعورك وكنت اكره بنتي و٢٤ساعه ابكي ومعصبه ومو طايقه احد الحين مافيني الا العافيه وكل مرا زوجي يذكرني باللي كنت أسويه اضحك على نفسي والحين متعلقه فبنتي مرااا وقبل كنت ما اطيقها وبس كانت عند امي ما أشوفها الا وقت ما ارضعها

العضوة: 462728 , 6 years ago

اشربي عصفر يمكن فيك روعه

العضوة: 560252 , 6 years ago

حبيبتي هدي نفسك ونفسيتك وتأكدي ان حريم الدنيا كلهم ولاداتهم صعبه ومتعبه و عاشو مواقف اصعب منك يمكن لانها اول ولاده لك تحسين بهذا الشعور ولاني بأول ولاده جاني اكتئاب بعد الولاده وعشت سنه كامله اعاني منه كرهت فيها كل شي في حياتي وعشت حياه اشبه بالموت لدرجة عزلت نفسي عن الناس ومااروح الا لاهلي بس وتحت عيوني هالات سودا وقلة تركيز وبكى وحزن ملازمني ليل ونهار لكن ربي اراد لي اعالج نفسي بنفسي كنت اقرأ سورة البقره يومياً ( بعد كل صلاه ٥ صفحات ) الاستغفار الاستغفار الاستغفار ( كنت كل ماافتكر موقف صعب استغفر على طول وبصوت عالي لان الافكار هذي من الشيطان و الشيطان يكره ذكر الله ومع الوقت هديت الافكار ) كنت اشجع نفسي قبل النوم بالكلام الايجابي ( انا قويه , انا ايجابيه , انا متفائله , انا احب الحياه , انا احب نفسي ) كمان البحر ( كنت اروح البحر اعالج نفسي بالمشي حافيه واجلس قدام البحر واتأمل المويه والسماء بحيث افصل نفسي عن العالم اللي حولي واعيش حالة تأمل تريحني نفسياً ) يشهد الله عليا هذي تجربتي وخلال سنه عالجت نفسي بدون دكتور نفسي او علاج شغلي القرآن كل الوقت وحاولي ماتجلسي لوحدك اذا انتي عند اهلك اجلسي معاهم او ناديهم يجلسو معاك ارجوك لاتستلمي للاكتئاب وسوي المستحيل عشان تطلعين منه