1- يفضل في أول أيام الولادة الاطمئنان بالهاتف عن صحة الأم والمولود. ٢- لا تحملي الطفل الرضيع ما لم يسمح لك. غالبا ما تكون مشاعر الأبوة والأمومة في ذروتها خصوصا بعد ولادة الطفل الرضيع، لذا توخي الحذر ولا تطيلي النظر إلى المولود أو تقومي بحمله أو نقله من غرفة الأم كأنه لعبة جديدة....ما في داعي للفضول الزائد.. ٣- لا تبوسي الطفل فالجراثيم قد تسبب له الامراض او حتى الوفاة اذا ما كانت مناعته قوية... ٤- لا تروحي اذا كنتِي مريضة؛ والله ما حدا بيعتب عليكي اذا اتصلتي و اعتذرتي.... ٥- لا تصوري الطفل الرضيع الا بعد الاستئذان من أمه، و لا تنشري صوره على مواقع التواصل الاجتماعي الا بعد موافقتها....هنالك خصوصيه يجب مراعاتها.. ٦- كوني خفيفة الظل و لا تعمليها زيارة بعمارة وتجيبي معك شله اولاد وتفتحي مدرسة بحجة جاية تباركي لان البيبي بكون حساس والام اكيد بحاجة للنوم اثناء غفوات صغيرها. ٧- لا تسالي الأم اذا كانت ناوية تجيب بيبي ثاني. اتركيها بحالها؛ و لا تستهوني وجعها... ٨- اذا كانت المولودة بنت لا تواسيها للأم و تقوليلها "الله يبعثلك صبي و معلش لا تزعلي اللي جابت البنت بتجيب الصبي..." البنت مثل الصبي و ما حدا زعلان من جية البنت ريحي حالك انتي... ٩_ لا تنتقدي الإسم اللي اختاروا... اذا ما عجبك احتفظي برأيك لحالك، الناس أذواق و بعدين اكيد هم ما اختاروا اسماء اولادك. ١٠- اذا عندك نصيحة حلوة قوليها بدون ما تهزئي الام ووتتفهمني عليها... و لا تقضي الزيارة انتقادات على هيك بصير و هيك ما بصير... #احترمي_خيارات_الام و قوانينها و الاسلوب اللي متبعته مع طفلها، بلا النصائح الذهبية تبع شيلي من ايدك هلا بيتعود عالحمل و لا تعطيه صناعي و لا تعطيه لهاية و إلخ.... اعملوا تاغ وشييير لنوعي غيرنا 🤗 حماكم الله واطفالكم 😊🌹