گ نعمهہ من نعم آلفرح ، گ تلگ آلتي تشگلت على هيئهہ ( طفلهہ ) لگ آلحمد يآ آللهہ على مآ رزقتني !!
( قصة ولادتي ) . .
انا من حوامل 13 مايو . . طبعا تاريخ 14 دخلت المستشفى الساعه 10 الصباح على اساس يسون لي طلق صناعي ، المهم جات الدكتوره تكشف علي قبل ما تحط لي الطلق الصناعي وطلع الرحم فاتح عندي 5 سم طبعا من الخوف جاني الطلق من نفسه 🤣 سوت لي تحريض وقالت لي ما يحتاج طلق بس حاولي تمشين واشربي سوائل . . مشيت قد ما اقدر وشربت سوائل !!
الساعه 4 الفجر بدا الطلق يزيد والوجع يزيد ظهري وبطني وتحجر وكنت احاول انام بس من الالم ما قدرت ، دقيت الجرس على النيرس وقلت لها الوجع خلاص ما اقدر اتحمله وخذوني على طول غرفة الولاده 😰
بدلو ملابسي وشافت الدكتوره ان الرحم فاتح عندي 8 وقالت لي خلاص ولاده ما باقي شي ، حطوا لي التخطيط وجهزو اغراضهم وانا ارتجف من الخوف ما ادري ليش مع ان هذا ثاني ولاده 😁 المهم الدكتوره خلتني انام على جنب وقالت لي اول ما تحسين انج تبغي تدفعي خبريني ، جلست ربع ساعه وحسيت اني بدفع وخبرتها ، وشافت من تحت قالت خلاص راس البيبي قريب بس سوي بوش مرتين ، سويت اول بوش وثاني بوش وثالث بوش 😖 وبعدها الحمدلله ربي يسرها وطلعت بنوتي حبيبتي بالسلامه 👧🏻 الساعه 5 الفجر بتاريخ 15/2/2017
كنت فرحانه انها ما قصت العجان بس للاسف وقت ما طلع الراس الخياطه في الولاده الاولى تمزقت واظطرت الدكتوره تخيط من اول وجديد 😭
خيطوني وخلوني عندهم في غرفة الولاده ، جابو لي ريوق وبعدها رضعت بنتي وجلسو يراقبون السكري عندي وعند البنت وبعدها رجعوني على القسم ☺️
والحين انا وبنوتي ف البيت بس تعبانه من صدري ملتهب والحلمه متشققه وما اقدر ارضع بنتي 😪
العضوة: 38200 , 9 years ago
@user-17406 ياحياتي حمدلله ع سلامتج وسلامة البنوته 😍💕🌸 بالنسبه لتشقق الحلمه خذيها مني نصيحه مرهم بالمرز للحلمات حل سحري وسريع عن تجربة ولاداتي كلهم👌❤العضوة: 18164 , 9 years ago
ياعمري الحمدللهه على سلامتك وسلامة البنوته تتربى بعزكم وتشوفيها عروسه ، وللحلمات ادهني بزيت زيتون وفي زبده بالصيدليه للتشققات وقدامك العافيه 💕العضوة: 49310 , 9 years ago
الحمدلله ع سلامتك والف مبرؤؤؤؤكالعضوة: 50937 , 9 years ago
مبااااااااارك عليك حبيبتي ربي يحفظلك بنتكالعضوة: 37270 , 9 years ago
الحمدلله على سلامتك وعقبالنا😍العضوة: 20198 , 9 years ago
الحمدلله ع سلامتكم 😍العضوة: 17406 , 9 years ago
@user-38200: ربي يسلمج حبيبتي ، ان شاء الله بجربها 😘العضوة: 17406 , 9 years ago
@user-18164: ربي يسلمج يا قلبي ، زيت الزيتون احسه حااار 😪العضوة: 17406 , 9 years ago
@user-49310: ربي يبارك فيج ويسلمج حبيبتي 😘العضوة: 17406 , 9 years ago
@user-50937: ربي يبارك فيج ويسلمج حبيبتيالعضوة: 17406 , 9 years ago
@user-37270: ربي يبارك فيج ويسلمج حبيبتيالعضوة: 17406 , 9 years ago
@user-20198: ربي يبارك فيج ويسلمج حبيبتي