العضوة: 104910 , 9 years ago

الف الحمد الله ع سلامتك وسلامة البيبي

العضوة: 41690 , 9 years ago

الله يسلمكم جميعاً حبيباتي اول شي انا من ثلاث ايام معي طلق بارد وانا بكر ماعرف كيف الطلق ويجيني طلق قوي ويروح واحسبه مغص عادي وساكته ماعلمت امي ولا زوجي ولما راحو ينامون رحت انام عند امي حسيت اني مش كويسه وطول النومه كان كل عشر دقايق يجيني مغص قوي زي الدوره بس اقوى ويروح واتألم منه بس يروح اسكت ، المهم قمت سويت لي مويا دافيه وجلست فيها وحسيت اني احسن ولما طلعت منها زاد الطلق قومت امي الفجر قلت لها معي مغص رحنا المستشفى قالو معك طلق بس لسى ٢ سم رحمك ارجعي لنا الساعه ١٠ الصباح لانك بكريه والرحم مارح يفتح بسرعه رجعت البيت وانا مكسورة الخاطر كنت اتوقع يمسكوني على الألم اللي احسه تنبهت الساعه ١٠ الصباح على طلق اقوى ورحنا المستشفى قالو يعد لسى الحين ٣ سم ارجعي لنا الساعه ٣ العصر وروحي اشربي اشيا دافيه رحت البيت وقلت بحاول انام اخاف اولد وانا مانمت ولااقدر ادفع البيبي سبحان الله طول النومه الطلق مستمر والوقت صار بين الطلقه والثانيه اقل من عشر دقايق بعدين قمت الحمام وانتم بكرامه بس رجعت للفراش انكبت علي مويا دافيه بين رجولي وبالارض وبالفراش مويا كثيره رحت لإمي وكنت ارجف دريت انه خلاص ولاده يتبع ..

العضوة: 41690 , 9 years ago

ويصب كثير مو طبيعي ورحنا المستشفى حتى رحت بدون جزمات من الخوف لانه فيني طلق والماء مستمر يكب وكثير خفت انه ياثر عالبيبي دخلنا المستشفى دخلوني غرفة الولاده على طول ولبسوني لبس الولاده قالو الحين لازم تترقدين ونعطيك طلق صناعي ونراقب نبض الجنين دخلت عليهم الساعه ٣ العصر واعطوني طلق صناعي وكل شوي يزيدون الجرعه وكنت اتألم الم مو طبيعي لما زادو الجرعه طلبت ابرة ظهر حسيت اني مقدر اتحمل اكثر من الألم هذا حطو لي ابرة ظهر وقاسو لي اخر شي كان فاتح ٤ سم اعطوني امل اني اولد طبيعي وكل شوي تدخل علي دكتوره وتقيس وتلقى الرحم زي ماهو ٤ سم والموياء والدم انكبت مني والرحم ماقاعد يفتح جت الساعه ٢ الفجر قالو المويا قربت تخلص وراح تاثر عالجنين مانقدر نصبر اكثر عالطبيعي واذا تبغين طبيعي وقعي على مسؤوليتك احنا مو مسؤولين او نحولك الان الان قيصريه يعني من الساعه ٣ العصر لين الساعه ٢ الفجر والمويا والدم يكبون مني والراس سبحان الله بعيد عن العنق الرحم وقعت اني ادخل قيصريه 😢 والحمدلله قالو مانقدر نعطيك مخدر لان معك ابرة ظهر رح ندخلك ونسويها على طول والابره كنت ماخذتها المغرب يعني عالساعه ٢ الفجر كان مفعولها بدأ يروح وكنت احس بحركتهم ببطني والحمدلله على كل حال رزقت بطفلتي ويارب ترزق كل حامل ولادة يسيره وسهله والله وانا اطلق ادعي لكل حامل بالفرج ولا تخافون من قصتي هذا شي طبيعي وكتبة ربي مكتوب انه يصير لي كل هذا وربي اعلم بالخير مننا ❤️

العضوة: 98570 , 9 years ago

الحمدلله على سلامتك وماشاءالله عليك الله يقومك بالسلامه

العضوة: 73502 , 9 years ago

حمدلله لعله خيرا اهم شي صحتك وصحة البيبي بخير الان وألف مبرووووووك الله يرزقك بره

العضوة: 2780 , 9 years ago

@user-41690 ي حبيبتي خيره لك صدقيني الواحد مايدري ايش بيصير له الحمدلله ع سلامتك وسلامة طفلتك وعقبالي وعقبال كل الحوامل يارب انا خلصت شهري وانتظر الفرج 🙈💙

العضوة: 74516 , 9 years ago

@user-41690 الحمد لله على سلامتك العمليه حل ونعمه من ربي اختي تعسرت ولادتها وكانوا مصرين على الطبيعي ولدت طبيعي لكن الولد جاه نقص في الاكسجين من تعسر الولاده واللحين تعبان الله يرزقنا الولاده الهينه ويخرجنا منها احنا واطفالنا معافين

العضوة: 41690 , 9 years ago

@user-2780 كل تاخيره فيها خيره ان شاء الله نهاية انتظارك فرج وولاده سهله يسيره ياكريم

العضوة: 41690 , 9 years ago

@user-74516 الحمدلله على سلامة اختك ويجعله في ميزان حسناتها

العضوة: 41690 , 9 years ago

@user-98570 الله يسلمك جزاك الله خير

العضوة: 41690 , 9 years ago

@user-73502 اي والله صحيح اهم شي صحة البيبي الله يسلمك ويهون عليك وعلى كل حامل

العضوة: 81792 , 9 years ago

يالله الحمدلله ع سلامتكم وايد عورتي قلبي تلعوزتي وايد.. مبروك ما ياكم ويتربي بعزكم ودلالكم..

العضوة: 41690 , 9 years ago

@user-81792 ياعمري الحمدلله الله يسلمك هذا الحمل كله وهن على وهن الله يكتب اجرنا

العضوة: 3057 , 9 years ago

@user-41690 الحمدالله ع سلامتك وسلامة الببي والف مبرووووك

العضوة: 103979 , 9 years ago

حمدلله على سلامتك وسلامة المولود ومبرووووك ماجاكي انا كمان بكرية وخايفة من الولادة بس موكلتها لله ربي يخفف عنك ان شالله حاولي تمشي كثير قد ماتقدري وأتغدي كويس عشن تتحرك ألامعاء ويخف الوجع