9 years ago
  • المرحلة الثالثة (الأشهر 9,8,7)
سامحوني لان موضوعي خارج عن الحمل بس حاسة بالوحدة ما عندي لمين احكي انا عايشة بالغربة مع زوجي في الاول كنا مستقرين مع اهل لمدة ٩شهور وبعدين قال رح نروح عفرنسا منشات اشتغل منيح يعني قبل شغل ما كان منيح وهيك سافرنا بس ما كنا ملاقين بيت يعني ضلينا ٣ شهور من بيت لبيت نستاجر وهلء عايشين فبيت اخوه مو متزوج مو عايش معنا عايشين لحالنا ودفعنا الاوراق منشان يعطون بيت بس لسه عم ننتظر وعندي بنت صغيره عمرها ٣ شهور بس مرات مابحس بالاستقرار وببكي كتير بقول ليش ماني مثل كل البنات اللي بيتزوج وبلاقو كل شي موجود ومستقرين في حياتهم وانا من هون لهون ومرة بحمد ربي وبتفاءل أن رح نكون مناح مع أن زوجي ما بقصر معي وعارف انو مو راضية بقلي اصبري معي أن شاء الله رح نشد حالنا ونكون مناح. الله اخليكم قلولي اذا انا مكبرة الموضوع عالفاضي سامحوني طولت

34 تعليقات

العضوة: 42558 , 9 years ago

الله يعينك حبيبتي اصبري منشان تعيشوا انتي وجوزك وبنتك ف احسن عيشه .. لو ما كان ما يحبكم ما كان اتغرب عشان لقمة العيش بس فكري يعمل هيك عشان ما يقصر عليكم اي شي .. يالله ادعي ربك وفترة وبتعدي بدها صبر وطولة بال

العضوة: 26790 , 9 years ago

طولي بالك بالحياة دايما في صعوبات المهم انو زوجك منيح ومحترم ما تحسسي انك زعلانة لحتى يضل عندو تفاؤل ويشتغل ليتحسن وضعكون

العضوة: 28079 , 9 years ago

@user-43289 اي مبكره موضوع علفاضي خلي الاخره همك وتركي اموار دنيا كل شي رايح اشكري ربك على صحه وعندك مأوى تقعد فيه فى ناس ماتت ولادها من برد فى الخيام

العضوة: 43289 , 9 years ago

سامحوني على موضوعي بس والله نفسيتي تعبانة على طول لحالي ما بطلع ولا بفوت ما بعرف حدا هون والله حتى الاكل ما باكل كنت برضع بنت بس فطمتها لاني ما باكل وعلى طول زعلانة وببكي انقطع حليبي صرت بعطيها صناعي الله اعينا ويفرج هم كل مهموم

العضوة: 43289 , 9 years ago

@user-28079 شكرا اختي ايه والله لما بفكر بقول هيك الحمد لله على كل حال الله افرج همنا ويرزق كل محتاج أن شاء الله

العضوة: 28429 , 9 years ago

@user-43289 مادام زوجك منيح كل شي بهوون باذن الله لساتكم باول الطريق وانتي بضلي احسن من غيرك واحمدي ربك انك لاقيتي انسان يحبك ويقدرك

العضوة: 28079 , 9 years ago

@user-43289 انا عايشه قريب لاهلي وما بطلع ولا بفوت ايام بيمرق شهر بحكم مسوؤليات وعمل زوجي حتى اخواتي نادر ما بشوفهن وما بروح لعند جيران ولعند اي حدا عم اقرا قران وعم اتسلى باكلات حلوو واشغال يدويه

العضوة: 43289 , 9 years ago

@user-28429 شكرا والله كلامك ريحني الله يحفظك اختي

العضوة: 28429 , 9 years ago

@user-28079 اختي شو صار معاك بالنسبة للحجاب لسه ما اخذتي قرار ولا شووو

العضوة: 42438 , 9 years ago

الصراحه اختي وتزعليش مني انتي مكبره الموضوع زياده صح الوحده بتحب اتكون مستقره بس مشكلتك بتخلص ان شاء الله بشوية صبر ووقت اتكلي على الله اختي فتره صغيره ومشكلتك بتنتهي وزوجك بعمل كل هاذ لمصلحتك ومصلحة بنتك قولي الحمدلله بكفي زوجك منيح معك .. والله يا اختي في صبايا عايشين بقصور ومال وزوجهن بضربهن ومش عارفات طعم السعاده وهداة البال احمدي ربك

العضوة: 28079 , 9 years ago

@user-28429 بصراحه ناطره لاولد لان بولد عند دكتور ولان هوي عاملي ربط بخاف غيرو قلت بولد وبتحجب وبصير روح لعند دكتوره بس هلق عم حط لحفه قلت بتعود عفكره بلشت اتعود

العضوة: 43289 , 9 years ago

أن شاء الله رح عود حالي على الوضع وبحاول اغير تفكيري والله كلامكن ريحني الله يخليلكن احبابكن يارب

العضوة: 28429 , 9 years ago

@user-28079 ربي يقومك بالسلامة وتعملي اللي حابيته وذوقي لذة ارتداء الحجاب ويثبتك يارب فعلا انك إنسانة مميزة جدا وكتير انا معجبة بيكي

العضوة: 42438 , 9 years ago

اسفه اني طولت عليكي بس اقولك هالقصه بنت خالي الها 4 سنين بالغربه بلندن مع زوجها واهل زوجها بعملولها كثير مشاكل يس زوجها منيح معها وكثير وقت عاشت بالاجار وهلأ اشتروا بيت واستقروا بس الله سبحانه وتعالى بعده مش معطيها اولاد .. قولي الحمدلله في بنت تتسلي معها بالغربه مش مثل بنت خالي كل الوقت لحالها ومبسوطه لانه زوجها منيح معها الحمدلله ... نصيحه مني اختي لا تحسسي زوجك انك مش رضيانه ومش مبسوطه لا تضايقيه بزياده وتحمليه فوق طاقته واسفه اني طولت عليكي

العضوة: 32093 , 9 years ago

@user-43289 الله يفرج همك وهمنا....واحمدي ربك انو ينام احداك بالليل... انا يسافر ويقعد بالاسبوع ويروح بروحه وانا عند اهلي والله تشرد ومضايقه كثير وبعد يروح نتخانق من شان هالقصه وهوا مو راضئ ياخدني معاه 😢