9 years ago
  • المرحلة الثالثة (الأشهر 9,8,7)
 هذه قصه ولاده انا استفدت منها كثير بصراحه لاتفوتكم يابنات وخصوصا البكريات السلام عليكم ورحمة الله .. كيفكم يا حلوااات ان شاء الله تمام  حاولت افضي حالي عشان انزل قصة ولادتي  عشان الحلوات اللي بالتاسع وانا الحين لي اسبوع والده ... يا بنات بقول لكم بكل شي على اني فتره ولادتي كانت قصيره جدا جدا بس نزلتها بالتفاصيل الممله عشان البكريات والكل يستفيدو طبعا الكل يعرف اني طوفت وانا بكرية ورحت لدكتورتي اللي اراجع عندها قلت لها سوي لي تحريض رفضت طبعا ونفسيتي تعبت جدا لاني طولت وكنت حاطه ببالي اني اولد بداية التاسع ونصحيه لكل حامل لما تكوني بالتاسع لاتفكري بالولاده لانها ما رح تيجي انسي ورح تيجي لحالها  طيب يوم السبت اللي فاتت رحت عند امي ونفسيتي تعبانه وقلت خلاص بغامر واشرب زيت الخروع وصليت صلاة الاستخاره اربع مرات مع صلاة الفجر والظهر والعصر والمغرب لان زيت الخروع كثير يمدحونه وكثير يذمونه بس اللي اكتشفته في بحثي بجوجل ان كل اللي يشربون الخروع تجيهم الولادة ويولدون بنفس اليوم او بعد يوم بالكثير من شربه المهم مشيت العصر مع امي وباليل جاء زوجي وخليته يمشيني ورحنا الصيدلية واشترى لي زيت الخروع بنكهة الفواكه المهم رجعنا البيت وانا كنت مخططه لاشياء كثيره وزوجي ما يدري ههه وخليته يجامعني لاني سمعت الجماع يسهل الولادة وووالخ المهم بعدها زوجي نام وشربت زيت الخروع كله وكان طعمه حلو زي العلاج ما حسيت فيه وبعدها اخذت شور دافي وشغلت مويه الساخنه حق الدش وكنت اخلي المويه تيجي على ظهري وبطني المهم بعد الشور حسيت بطني تغيرت كثير حسيت كانا الطفل غير وضعيته بطني تحجرت المهم بعدها بنص ساعه جاني الله يكرمكم اسهال شديد جدا جلست تقريبا ربع ساعه بالحمام وحسيت بالالم شديد بس ما اعرف وين هالالم بعدها جلست امشي بالبيت واخذ نفس عميق وبعدين رح الالم ما طول وبعدها رحت ابغى انام وانا منبطحه بالسرير والساعه تقريبا 3 ونص وحسيت بالالم يجي اسفل بطني وظهري ويروح ويرجع بعد 5 دقايق كان الالم محتمل ونمت عادي صحيت صليت الفجر وعادي نفس الالم وبعدها نمت لساعه 12 الظهر صحيت واول ما صحيت ما حسيت بشي قلت شكلي اتخيل والا احس بنفس الالم والفتره جدا قصيره  يمكن 4 دقايق وعلى طول دقيت على زوجي ورحت اسخن مويه وجبت زيت زيتون مع حبة بركه وسخنتها وجلست امسح على بطني وظهري بالزيت الزيتون وبعدها على طول حطيت رجولي على المويه الساخنه والله حسيت ان المويه الساخنه تسحب الالم  ومره ارتحت جلست 7 دقايق بالمويه وبعدها رجع الالم قوي بس الم محتمل  وعلى طول جاء زوجي رحت معه وكان الالم بين 3 دقايق  ورحت المستشفى العسكري بتبوك على قسم الطوارى وقلت معي طلق والفتره بينها 3 دقايق وكشفت قالت 3 سانتي فاتح رحمك وكان الساعه 1ظهرا ولما كنت بالسياره كنت اسمع اذان الظهر المهم حولتني على طول قسم الولادة وعلى طول قالت لي الممرضه اللي معي وكانت باكسانيه غيري ملابسك وغيرت وقلت ابغى اصلي قالت ماما انت تعبان قلت لها رح اصلي وانا جالسه وكنت اتوضا وجاء الالم وارتحت وبعدها صليت وتقريبا كانت الساعه 1:22 وبعدها جلست بالسرير واعطوني مغذي المهم الالم  يجي ويروح وتقريبا صار دقيقه او حتى نص دقيقه وكان الالم قوي جدا ولكن نتحمل وكنت بالفتره ادعي كثير واستفغر  بس لما يجي الطلق احس ما اقدر اكمل قراتي من الالم وكنت اكتم الالم المهم كشفت عليا الدكتوره كذا تقريبا الساعه 1 ونص قالت  فاتح 5 سانتي وبعدها طلعت من شنطتي عسل السدر الاصلي واخذت ملعقتين وشويه بفتره مش طويله يمكن 5 دقائق او 10  جاني الالم قوي قوي جدا جدا جلست اصرخ ما اقدر اتحمل وكان مافي فتره بينها كان قوي احس روحي بتطلع وحاولت اقوم من السرير كنت اقول ابغى اروح الحمام ابغى اقوم ابغى افرك مافيني اجلس وكان يمسكوني الممرضات  المهم كشفت قالت 8 سانتي ولادة وبعدها تيجي دكتوره اجنبيه ما عرفت جنسيتها والباكستانيه وحده ثانيه وقالوا ولادة يالله وكنت اقول لهم انتم كذابين والا بدا يرفعو رجلي واشياء الولادة المهم الدكتوره كانت جنبي وجالسه تهديني وجالسه تعلمني كيف ادفع وكيف اتنفس وكانت تقول لما يجي الالم ادفعي وكانك معك امساك وتبي تنزليه وارفعي راسك واجلسي ادفعي  وقفلي فمك وحاولي لا تصرخي ولا تطلعي صوت عشان ما تتعبي لما يروح الالم ارتاحي ولا تدفعي المهم كانو يقولو الراس باين المهم جاء الالم وبديت ادفع  ما كنت اصرخ كنت اكتم الصراخ وكانت تقول لا لا تطلعي اي صوت وفعلا سويت كل اللي قالته ليا وبعد دفعتين جابت ابره وقلت لها ايش هذا قالت عشان قطع من تحت مافي الم المهم حطته وبعدها ما كنت احس باي شي لما قطعت من تحت وجلست ادفع مرتين والحمد لله نزل النونو بفضل الله وعلى طول حطوها على صدري وكانو يقولوا ليا امسك نونو احضن نونو عشان ينسوني بكل شي وكنت ماني رايقه وبعدها حطيت يدي عليها وجالسه افكر بحالي يالله وين الالم وين راح وين وجع الظهر اللي بيطلع روحي كله راااح كله اختفى مافي اي الم الحمد لله يااارب كانو لما يشيلو البنت من صدري تجلس تبكي  وبعدها يرجعوها لانهم شالوها بيشوفو جنسها المهم بدت الباكسانيه تنظف من تحت المشيمه وتخرج اشياء طبعا هذي الاشياء كلها هينه مافي اي الم يقارن بالطلق وما كنت احس بشي وبدت تخيطني وكانت البنت طول الفتره على صدري المهم اتصل زوجي وكان الساعه 2 واربع دقايق وقلت لها اني جبت بنت ما كان مصدق جالس يقول انتي كذابه كيف ولدتي وكنت احس صوته نعسان لانه كان جالس ينتظرني وهو عباله انه مهو ولاده هو مهو مستوعب اني بس بساعه ولدت لانه حطني بالمستشفى والساعه 1 ظهرا والساعه 2 ظهرا قلت له اني ولدت وهو اللي يعرفه ان الوحده تجلس 12 ساعه 9 ساعات فتره الولادة بس الحمد لله لك ياااارب كانت ولادتي مسهله بشكل كبير هذا بفضل ربي وكنت دايم فتره حملي بعد الفجر والمغرب اصلي على النبي محمد صلى الله عليه وسلم 100 مره واستغفر قبل النوم 1000 مره وكلها بنية ان الله يسهل ولادتي والله ياااا بنات الله فرجها علي اللهم لك االحمد ياااارب  حتى لما كان معي الطلق في الليل نمت الين الظهر وعادي ما كنت احسه الم يمنعني من النوم  وبعدها بنات حولوني على غرفة االترقيد وجاء زوجي واهله واهلي وكان الظهر كذا 3 وكنت الحمد لله تمام ومافيني شي  وجلست اكل واشرب واحس اني ميته جوع بجد ما احلا الاكل بعد التعب .. انا كتبت قصت ولادتي بالتفاصيل الممله  عشان البنات البكريات على انها كانت بس ساعه بس كتبت كل شي .. طبعا بنتي سميتها .. سما .. وتركت كل شي بااارد بعدت عن الملوخيه والموز والغازات و لان يا بنات هذي افضل فتره تهتمي بحالك  اشرب قشر القهوه واكيد الكل يعرفها يشيل الكرشه وينزل الوزن من غير فوائدها الصحيه كل اخواتي وحمواتي يستخدمن قشر القهوه والله بعد الاربعين ما تشوفي لهن بطن نهائي ..وهذي قصة ولادتي ... دعواتكم ان الله يصلح بنتي يااارب .. والله ياااارب يقوم كل وحده بالسلاااامه ياااارب ويرزقكم الذرية الصالحه  وطبعا يا بنات اذا ما حسيتي بالالم الولاده ما تحسي انك أم فعلاً وبعد الولادة كل شي يروح وترتاحي  انا استخدم مطهر بوفيدين وكريم ميبو للمنطقه اللي تحت والحمد لله الحين لي اسبوع ما احس باي الالم حتى اجلس عادي ما كاني مخيطه من تحت .... والله يوفقكم حبيباتي ويسهلها يا كريم عليكم يااااارب  وصدقوني لحظه الولادة فيها دعوة مستجابه لا ترد فاستغليها بالدعاء باللي تبيه وكمان هي لحظات وربي رح يفرجها لك بس لا تنسي تحتسبي الاجر لله ... ♡منقووووووول♡

62 تعليقات

العضوة: 48490 , 9 years ago

ماشاء الله تبارك الله مبرروك ي عمري وجعلها الله من عباده الصالحين البارين يارب قصتكك جدا جميله ومرره اتحمس للي يكتبوا قصص ولادتهم والاحسن انكم تسهلونها علينا عشان مً نشيل هم وانا وربي م شلت همها ابدا دعواتك لي ي قلبي ولادتي بشهر شوال ان شاء الله

العضوة: 50397 , 9 years ago

@user-48490 ربي يسهل عليك وعلي وعلى جميع الحوامل هذي قصه شفتها بمنتدى وحبيت انقلها لكم لأن لاحظت قلق وتوتر من الولاده وهي كلها تساهيل من ربي.

العضوة: 45426 , 9 years ago

ما شاء الله جميلة قصة ولادتها الحمد لله عل سلامتها والله يكتبلك الاجر 🌷

العضوة: 10267 , 9 years ago

ماشاء الله ربي يسهل علينا جميع

العضوة: 20873 , 9 years ago

ماشاءالله التسهيل من ربي يارب سهل ولادتي

العضوة: 31564 , 9 years ago

@user-50397 ما شاء الله الف مبروك والحمد الله عالسلامة اني بكرية بالتاسع راح اسوي كل الي سويتي ويا ريت تدعيلي راح اخلص الاسبوع الثالث يا رب يكتبلي ولادة ميسرة مثل ولادتج وتجي بنوتي بسلامة الله يحفضلج بنوتج و اتشوفيهة عروس 👰

العضوة: 56605 , 9 years ago

ماشاء الله .. الحمدلله على سلامتك وسلامة البيبي وربنا ان شاء الله ييسرلي ولادتي متل مايسر ولادتك

العضوة: 54355 , 9 years ago

حبيبتي الخياطه و لما يقطعوا من تحت تحسين فيها...

العضوة: 48986 , 9 years ago

ماشالله تبارك الله تتربي ف عزك ..كنتي تتمشين

العضوة: 36233 , 9 years ago

@user-50397 ماشاءالله تبارك الله الف الحمدلله على سلامتك وسلامة العروسه قصتك جدا جميله استمتعت فيها❤

العضوة: 55964 , 9 years ago

ما شاء الله الحمد لله رب العالمين والصلاة والسلام على رسول الله

العضوة: 50397 , 9 years ago

@user-31564 هذي قصة وحده بالمنتدى مو قصتي انا لسه باقي ماولدت ربي يسهل على الجميع ويقومنا بالسلامه

العضوة: 50397 , 9 years ago

@user-54355 تحسين بس بوخز لأنهم يحطون لك بنج انا لما يخيطون احط الكمام واروح بعالم ثاني بس احس بوخز تحسين انهم يصلحون حاجه بس مو ذاك الوجع المؤلم لان المنطقه مخدره

العضوة: 31564 , 9 years ago

@user-50397 الله يسهلج يا رب

العضوة: 45709 , 9 years ago

ماشاء الله ربنا يسعدكو بسما ويفرح قلبك بس.ايه هو قشر القهوة.ده