خلطه للتسهيل الولاده
بدون مقدمات
بنات قبل فتره كنت احوس بالقسم اهني ولا اقول لروحي ليش ما اروح للصفحات القديمه الي ورا افرفر فيها
والله بالصدفه ظغطت على رقم صفحه ما اذكر جم بس انه ورا حيل ولا ادش الصفحه اول موضوع كان مكتوب
وصفه لتسهيل الولاده بإذن الله نسختها وحفظتها عندي لان كل شي فيها طبيعي ينسون وحلبه ووو هالشغلات العاديه
المهم
عندي وحده من رفيجاتي قبل لاتدخل التاسع باسبوع عطيتها خلطه لتسهيل الولاده قلت موادها طبيعيه جربي منتي خسران قالت طيب
المسكينه دخلت التاسع وخذت اسبوعين سوت سونار قالولها راس البيبي تحت انطري لين يجيج عوار
ردت البيت تقول سويت خلطتج اربع ايام خذيتها تقول بعدها حاسه بممل وثقل بس ابي اولد راحت الطبيب تقول فحصتني الدكتوره قالت ماتحسين بعوار قلت نغزات خفيفه قالت حبيبتي انتي مفتوحه 5 ونص تقول حاشني عقر بقر تقول اسال الدكتوره اقولها يعني شنو !!! ولاده ؟؟؟ تقول اي تقول راقيه حزتها مادري ادعيلج ولا ادعي عليج هههههههههه من الخوف مسكينه
تقول الحمدلله لين انفتحت 9 ماكو الطلق المعتاد والعوار الي جاني بولادتي قبل واكيد كل شي بيد الله
وداقه علي اليوم تدعيلي وتشكرني انا تشققت شكيت ان الخلطه من انتاجي هههههههه
فـ حبيت احطها لك وعفيه بنات الي تجربها تدعيلي وتحط لنا تجربتها بعد الولاده ان شاءالله
وهذي الخلطه بلسان صاحبت الموضوع
بالله اسمعوني والله ما أكذب ياجماعه انا مجربه هذه الوصفه وعائلتي مجربتها كلنا نمدح فيها ومجربين فرق الولاده باستخدامها ومن غيرها...
عمل هذه الوصفه:
تفتح الرحم شويه شويه في مدة اسبوعين وانت ماتشعرى بحاجه
(ولله سلفتي راحت تراجع عند الدكتوره إلا الدكتوره استغربت قالت لها:الرحم عندك مفتوح اربعه سم انتى منتي حاسه بشي؟؟
وانا رحت للدكتوره وكنت بكر يعني حامل باول طفل ليا جاتني اوجاع زي الآم الدوره الشهريه ورحت وكنت امزح مع زوجي اقوله أتخيل تكون ولاده؟؟لأن الالام كانت مش جامده كثير
إلا الدكتوره تقولي الرحم مفتوح عندك سبعه سم؟؟)
الوصفه وطريقة عملها:
الوصفه عباره عن:
كمون + ينسون + نينخه + شمر + حلبه + محلب + حبه سوداء(حبة البركه)
طبعا كل الحتويات هاذى حبوب مش مطحونه
اما طريقة تناولها فهي كالتالى:
ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب
تشرب هذه الوصفه بعد مرور اسبوعين من الشهر التاسع كل يوم مره واحده
العضوة: 6968 , 9 years ago
@user-14405 هذي وصفه تسهيل الولادهالعضوة: 34497 , 9 years ago
@user-4691 انتى عملتيهاالعضوة: 4691 , 9 years ago
بنات اقرو الموضوع كويس انا ماعملتها والموضوع منقوول عشان اشوف اذا احد عملها وجابت معه نتيجه اسويها انا كمان 🌹العضوة: 4691 , 9 years ago
@user-17339 امين ي ربالعضوة: 37809 , 9 years ago
شنو نينخه والشمر.. والكمون كمون شنو 😔 حد يفسرلي بالله ارجوكم 😯العضوة: 32990 , 9 years ago
رفعالعضوة: 39684 , 9 years ago
ما انصحك تاخدي اعشاب وانت حامل حتى لو طبيعية نهائيا والله الرطب لحاله يسهل مرااا وعن تجربة ورغم إني بكريه ولسى نفاس ماشاءالله كنت اكل 7 رطبات وقت اقدر واشرب معاهم حليب السعوديه الصغير دخلت غرفة الولادة تقريبا 3 وشويا الساعه 5 الدكتورة تخيطلي الحمدلله ..العضوة: 39545 , 9 years ago
@user-4691 هذي الخلطه جربتها 3 من صديقاتي ماشاء الله تبارك الله 3 ساعات طلق محتمل وولدو وانا بديت استخدمها لي اسبوع ويارب اتسهل تقول صديقتي رحت المستشفى وحصلته فاتح 6 وهي عندها الم محتمل شجعتني كثير وبديت استخدمها ويارب اتسهل مثلهمالعضوة: 39545 , 9 years ago
تسرع عملية فتح الرحم النينخه او النانخه والشمر تحصلوهم عند العطارالعضوة: 4691 , 9 years ago
@user-39545 يعني استخدم النينخه تفتح الرحم؟؟ لان مامعي الم ولا شي.العضوة: 37251 , 9 years ago
شو يعني نينخه وشمرهالعضوة: 37251 , 9 years ago
ماسمعت بهيك اسمالعضوة: 42014 , 9 years ago
نصيحه مني لكم جربتها ببنتي قسم بالله عسرت لي الولاده ونشفت لي ماء الجنين وبنتي طلعت مخنوقه وانا تعذبت لان المخرج ضيق تدرون وش السبب فيها المحلب وهذا المصيبه تنشف المنطقه وتضيق عنق الرحم والله تبت مااخط اي خلطهالعضوة: 42014 , 9 years ago
انتبهوا يابنات الولاده تجي تيسير من ربي العالمين مومن الخلطات سببت مشكله لي ولبنتي بسبت خلطات كاذبه من النتالعضوة: 43811 , 9 years ago
انا عليها ه الخلطه حاليا الله يسهل