السلام عليكم ورحمة الله وبركاته بنات موضوعي اليوم للبكريات عشان ما تنصدمون بكل شي مثلي بقول لكم كل الاغلاط اللي واجهتها وكنت جاااااهله فيها وبكتب لكم اشياء تحتاجونها للبيبي بس اما الام ما عرف لاني انا كنت ملخبطه اساسا اول شي اذا دخلتي الشهر التاسع خذي من الصيدليه ادويه للمغص فيه اثنين اللي استخدمتهم انا وكلهم حلوين انفاكول ===> هذا وصفه لي دكتور دينتوتكس ===> قريت عنه وكلهم جربتهم وكلهم حلوين لطرد الغازات كمان خذي قطره ملحيه هذي لان انف البيبي يتقفل ويصير يتنفس مع فمه ويتعبى بطنه غازات اذا حسيتي انفه مقفل قطري فيه كمان مايقدر يرضع لان انفه مقفل مقياس حراره مهم ادول خافض حراره خليه عندك بالثلاجه اسالي الدكتور يصرف له فيتامين دال او لا بنت اختي هزئ اختي الدكتور لانها ماكانت تعطيها فيتامين دال بس لازم وصفه من الدكتووور بعد الولاده يجيك ارق ماتقدرين تنامين جنب البيبي مايجيك النوم احيان تحسين انك مقصره معاه تحسين انك مهمومه تخافين من كل شي تحسين ماعاد تطلعين تغيرين جو مثل قبل بس انا اطمنك ان هذي كلها احاسيس لها فترررره وتروح يعني لاتفكرين حياتك تصير سيئه هو احساس يجي بعد الولاده نصيحه لكم اولدي عند امك عمتك اختك اي احد يساعدك عشان بس تقدرين تنامين لو مانمتي مزاجك يصير سيء كمان عشان تتفادين المغص ترعي الرضيع بعد الرضاعه يعني ارفعيه واقف ع كتفك مع التربيت ع ظهره اغلاطي ماكنت اعقم السره بالمسحه الطبيه مفروض اعصر المسحه الطبيه ع السره مع كل تغيير لكن ماكنت اعرف وبنتي كملت شهرين ونص وسرها ماطاب ثاني غلط ما اشتريت ادوية المغص من قبل الولاده ماكنت اعرف شي لما انمغصت وبكت وكل شي رحت اجيبه والله يقومكم بسلامه وادعولي بالوظيفه وراحة البال اي سؤال حاضره