6 years ago
  • ما قبل الحمل
بنات مين تراجع بالعسكري بالرياض وكيف أخذ منهم موعد لان كان عندي مشاكل قبل كورونا وكنت أراجع عندهم ووقفو المواعيد واللحين ابي احجز لمتابعه الحمل وخايفه من كورونا اللي تراجع كيف الأوضاع معاها وكيف الولاده عندهم وهل عندهم ابره الظهر خلونا ندردش ونتشارك التجارب

128 تعليقات

العضوة: 490799 , 6 years ago

@user-733578 انا توني حامل ولا بعد حللت دم ولا شي اكلمهم يعني واقول ابي اسوي تحليل حمل ؟ ولا شلون😢 انا متعوده اروح بدون موعد عيادة كبار ضباط بس خايفه بوضع كورونا مايستقبلون الا بمواعيد

العضوة: 607528 , 6 years ago

تاخذين موعد بالتلفون ويدقون عليك بدون زيارة. انا دقيت عليهم كذا مره ولاعطوني موعد يرفض الالكتروني ويطلع لي فرع الوزارات .. وانا بالمروج فصراحة أيست منهم ومراجعتي الان كلها بخاص.. ان شاء الله اذا ولدت بالسلامة كتبت وش يصير .

العضوة: 714908 , 6 years ago

احسن لك جددي الموعد.ولو ما استفدت خذي موعد جديد

العضوة: 733578 , 6 years ago

@user-490799 ايوه تحجزين موعد عن طريق رقمهم او االموقع او التطبيق حقهم وهم يتصلون عليك ويكلمونك ويقولون لك تعالي في نفس اليوم او اليوم اللي بعده عشان تسوين التحاليل

العضوة: 684612 , 6 years ago

تجدد الموعد ان شاء الله ٢٠/٩ يعني بعد ٢٠ يوم ان شاء الله ويارب تحولني ع عياده الحوامل ع طول بس فيه مشكله ماقدر اجدد موعد السونار الا لما اروح لهم بشوف اقرب فرصه وأحاول اروح والله يسهل

العضوة: 328943 , 6 years ago

حياكم بحسابي عندي تعليقات وتوزيعات استقبال مواليد وبأسعار رمزيه

العضوة: 776571 , 6 years ago

العسكري ولدت فيه ولادتين ولادة ولدي البكر عمره ٤ سنوات وولدت فيه بنتي ولادتي الاولى عطوني ابرة ظهر ويازينننننها 🥺♥️ وقلت على طول من تجيني الطلوق ببنتي باخذ الابرة وطلبتها بس كان الدكتور عنده حالات طارئه وماجاني😭💔 وولدت بدونها يمه الفرق بس اكتشفت بالعسكري الاولويه بابرة الظهر للبكرية عاد الحين حامل ومافكر اولد عندهم ابدا عشان الابرة بس ولا الاهتمام وتعاملهم كان كويس يعتبر سمعت بالحرس يعطون ابرة ظهر وباذن الله ربي يكتب لي ولادة بابرة ظهر وسهله🥺

العضوة: 767759 , 6 years ago

نفسك ونفس العذر وتراها تصريفه عشان م يعطون😂💔💔💔

العضوة: 607528 , 6 years ago

ولدت الحمدلله بالسلامه اللهم لك الحمد على التيسير.. عقبال الجميع يارب 💞 وصادقين ابرة الظهر مافي الا للبكرية او الثاني اذا جاية قبل لاتفتح ٧ سم .. وأنا عندهم صورت كم صوره بنزلها ان شاء الله لأني صراحة قبل لا أولد نفسي أعرف كيف الوضع وادعي للي كاتبه تجربتها ... لأن أول مع المراجعات بالمستشفى تقابلين بنات وتسولفين وتاخذين معلومات الحين مع كورونا لا .. وانا ارتاح اذا سامعه تجارب وهي كلها تيسير من الله اسأل الله أن ينفع به ويطمن قلوبكم ويهون عليكم🤲🏻..

العضوة: 607528 , 6 years ago

هنا غرفة الكشف أول ماتوصلين.. افضل من الي كانت بالمبنى القديم لانها غرفة بسريرين ومعها حمام تكرمون تبدلين فيه ملابسك.. الممرضات بالكشف أغلبهم من جنوب افريقيا . انا رحت ومامعي الم ابدا بس الموية انفتحت وانتو بكرامة فكشفت علي بعدين قالت انتظر بالاستراحة الى الكشفية الثانية .. الاستراحة عبارة عن غرفة فيها كراسي مريحة ويقدمون وجبات و قهوة وشاي .. أما الواصل على طول يحولونها ولادة.. فالأفضل لا تبكرين مره بالروحه ترتاحين من الكشفيات..

العضوة: 607528 , 6 years ago

اما الولادة غرف مستقلة طبعاً وواسعه وتقول وحده بغير كورونا مسموح تدخلين امك او اختك او زوجك !! توني ادري صراحة يدخلون الزوج بالولادة. وانا هنا عطوني صناعي لأن ماكان فيه بوادر أبدا لكن فاتح والي لاحظته أن المسكنات مايعطون نهائي خاصة اذا انتي الثالث أو الرابع .. فالي همها هالأمر ولا تتحمل صدق لا تجازف. بس عطوني اكسجين صراحة وانا طلبته لكن ماشفت اي اثر وتركته اتعبني وبس. قد جربته بمستشفى ثاني فرق او انا ماعرفت لهذا. وشي ثاني الممرضات بالولادة أغلبهم ماليزيات وحليلات.

العضوة: 607528 , 6 years ago

هذي غرف بعد الولادة .. الجلسة بعد الولادة ست ساعات او نص يوم ويطلعونك طبعا زي ماقالوا قبل مافي زوار او مرافقين الشنطة لاتاخذين شي كبير ترى ماتحتاجين لأنه شوي ويطلعونك .. اذا راعية قهوة خوذي قهوة احسن 🥰 والله صدق لأنه بعد الولاده لا زيارات مسموحه ولا تطلعين ولا تتحركين .. صح اذا جيتي ومنتي واصله بيسون لك مسحة كورونا اذا ماقد سويتيها.

العضوة: 684612 , 6 years ago

مشاء الله حمدلله ع السلامه ❤️ شكرا لانك كتبتي كل شي بالتفصيل لاني مثلك انا بعد ارتاح اذا شفت وقريت تجارب الغير شكلي بعمل مثلك لو ماحولوني ع قسم الحوامل بتركهم لموعد الولاده ان شاء الله والله يسهل علينا يارب ويكتب الخيره

العضوة: 684612 , 6 years ago

بالنسبة لروحه للمستشفى بدري ضروري اللي تنزل عليها الماي تروح بدري لأنو فيه خطر ع البيبي انا مثلك تنزل علي الماي اول شي بولاداتي الاثنين واتوقع كمان الولاده ذي ان شاء الله بيكون مثلهم