السلام عليكم
ابغا اسال الامهات
انا وحدة ما تحب الاطفال و عمري ما استلطفتهم
ماني شريرة، لكن طبيعتي كذا، ما احبهم بس ما اكرههم و ما آذيهم ابدا و بحياتي ما ضربت او اذيت طفل.
ربي اكرمني بطفل و الحمد لله، لكني للاسف واجهت نفس المشكله مع ولدي الي من بطني.
ما احبه.
و بالرغم من ذلك،. الا اني اخدمه بعيوني و ما ابغا اقصر في حقه، لانه ما له ذنب.
عمر طفلي ٤ شهور، زاد التعب علي في العناية فيه و السهر معاه، لقيتني للاسف بديت ادعي عليه و اسبه، بيني و بين نفسي
و يمر اليوم كله و انا اصبر نفسي، و اخر الليل لما انومه اقعد ابكي.
ما احبه و ما احب حياتي الحالية. كلها عذاب
و ما اعرف كيف اقدر انجب طفل ثاني.
هل مريتو باحساسي. ؟
كل يوم افكر بالطفل الثاتي و اقول لااا ما رح اخلف ثاني.. هذي الحياة عذاب ما اقدر اعيش هالتجربة المؤلمة مرة ثانية.
انا امرأة واعية ،و اعرف حكم تحديد النسل،. لكن الله لا يكلف نفسا إلا وسعها. و انا ماني قادرة اكمل اكثر.
ما ابغا أظلم ولدي و ما ابغا اظلم زوجي معي.
زوجي موافق ع فكرة الطفل الواحد.
اختي تقول كل الحريم كذا يمرون بهالفترة و يحرمون انهم يحملون.
هل فعلا هذا طبيعي؟
و هل فكرتو تبطلون حمل و انجاب بعد الطفل الاول؟ ثم رجعتو في كلامكم؟
شاركوني تجاربكم عشان ما احس اني وحيدة
خففو عني و ارفقو بي و لا تقسون علي بكلامكم.. نفسيتي جدا متعبة و احتاج مواساة او تشجيع مو تحبيط و استهزاء 💔
انا اشعر بالذنب وكل يوم ابكي من شعوري بالذنب معاه، ابغا احبه و اصير زي كل ام تحب طفلها
انا اقدم له افضل رعاية و اهتمام لكن قلبي ما يميل له ابدا
و اخاف ربي يزعل عليا، لاني ما حبيت طفلي و هو نعمة يتمناها كثيييير غيري
انا اعاني و هذا الشي يحصل معي بدون ارادتي
لا تقسون علي
الله يحفظ لكم اهلكم و احبابكم
العضوة: 791087 , 4 years ago
@user-707519 -2- انا شخصيا جتني فترة انضغطت فيها مرة مرة وجاني اكتئاب وراجعت طبيب نفسي وكنت بالبداية خايفة من الدواء (على الرغم من اني دارسة وفاهمة وقارية بس كان عندي مجرد خوف بسيييط)، ومع ذلك الحمد لله قلت ليش اعيش وانا تعبانة لفترة اطول، ليش اعيش بالشكل هذا واتعذب والحل موجود قدامي وبين يديني وهو الدواء. والحمد لله اخذته واحمد الله الف مرة اني اخذته لان فعلا رجعت لطبيعتي، والحمد لله ماجاني منه اي اثار جانبية ووقفته حسب تعليمات الطبيب ووقفته لما انتهى الضغط النفسي المؤقت والظرف اللي كنت أمر فيه واللي سبب لي هالاكتئاب. الاكتئاب علاجه أسهل بكثير اذا كان صار بسبب ظرف مؤقت لان العلاج بيساعدك تعدين هالمرحلة وبمجرد ماينتهي هالظرف راح تنتهي حاجتك للدواء (في حالتك ممكن يكون لين يكبر طفلك شوي وتتأقلمين عالوضع). اللي المفروض تسوينه الحين انك تراجعين طبيبتك النسائية وتشوفين وش تقدر تسوي، طبعا هي مالها صلاحية انها تصرف اي علاجات للاكتئاب، لكن ممكن تحولك على طبيب او توصيك على طبيب معين وبرضو تقدر تسوي لك تحاليل وتكتب لك فيتامينات (بعض الدراسات أثبتت ان فيه علاقة بين النقص في فيتامين د والاكتئاب). ممكن يكون فيتامين د ناقص مرة ولمّا تاخذينه يخّف الاكتئاب عندك شوي. ثاني شي تسوينه في حال دكتورتك ماحولتك على طبيب نفسي او في حال حسيتيها ماعطت اهتمام كافي لحالتك وقالت لك عادي اللي تمرين فيه شي عادي وماسوت لك شي، وقتها انتي بنفسك راجعي طبيب نفسي وهو اللي راح يحدد من خلال اختبارات واسئلة معينة يسويها يعرف اذا تحتاجين دواء او لا وكم الجرعة والخ...العضوة: 791087 , 4 years ago
@user-707519 -3- بعض الناس بيقولون لك اصبري وتحملي اللي تمرين فيه هي مرحلة وتعدي ومرت على كثير حريم مو انتي لحالك ومن هالكلام. صحيح يمكن تقدرين تتحملين بس ايش الفايدة؟!! ايش الفايدة اعيش هالفترة الجميلة من حياتي وانا نفسيتي ازفت من الزفت، ايش الفايدة اني اصير بعدين كل ماتذكرت هالفترة من حياتي اكرهها واكره اني اتذكرها، ايش الفايدة اني اصير مااتذكر هالفترة زين ومااستمتع فيها ومااعيشها بشكل طبيعي مثل باقي الناس لان نفسيتي وقتها شينة؟!! ليش اعاني واتحمّل وانا عندي العلم والطب موفر لي الحل الحمد لله؟! هذي نظرتي وهذا اللي استوعبته وفهمته بعد اللي جربته بالفترة البسيطة اللي مريت فيها باكتئابي، ويعد ماتعدل حالي لما بديت بالعلاج (السلوكي والدوائي) وصرت من بعدها انصح اي احد واقنعه يلجأ للطبيب المناسب للمشكلة وهو الطبيب النفسي. مثل ما اذا تعب جهازي الهضمي اروح لطبيب باطنية، واذا عورتني عظامي اروح طبيب عظام، نفس الشي اذا نفسيتي تعبت اروح للمختص وهو الطبيب النفسي. بعضهم ممكن يقولك اللي انتي فيه بسبب البعد من الله وتقصيرك الديني ومن الشيطان ومن هالكلام لكن لايضيق صدرك من كلامهم، صحيح الاكتئاب البسيط اللي يجي على شكل ضيقة صدر فقط التقرب من الله اكثر يفيد فيه ويخففه لانه اكتئاب بسيط وممكن برضو القيام بانشطة اجتماعية خفيفة والمشي وانك تدورين لك هواية تشغلين وقتك فيها تفيد فيه، بس اذا زاد مستوى الاكتئاب فهو خلل كبير في كيمياء الدماغ علاجه دوائي من بعد أمر الله وارادته. التقرب من الله مأمور فيه و حلو ومرغوب ويساعد اكيد ان الشخص يحس انه مو لحاله وان ربي بيعينه ويساعده لكن مو هو العلاج الوحيد اللي يلجأ له الشخص ومايعمل بالأسباب الثانية وخاصة ان ربي سبحانه أمرنا بالأخذ بالأسباب، هو وسيلة تعين الشخص وتقوي صلته بربه وتقوي ايمانه وتخفف من الافكار الخطأ مثل الانتحار. اتمنى لك الصحة والسعادة وراحة البال والذكريات الجميلة السعيدة مع طفلك والله يجعله قرة عين لكم ويرزقكم بره وصلاحه يارب♥️العضوة: 787183 , 4 years ago
اكيد ماره بأيام طفولتك بتجربه قاسيه وسببتلج هذا الشعور ثقي باالله انج تحبين طفلج بس اكيد بسبب. اضطراب هذا الشعور يجيج اني انصحج انه تبقين معتنيه بطفلج ولاتظربينه ابددددااااا ولاتقصري بواجباته وهذا الشعور السلبي الي بداخلج راح يتلاشى عبر الأيام بأذن اللهالعضوة: 808951 , 4 years ago
حبيبتي عاذ عادي جدا عند ش يسمونه إكتئاب بعد الولادة ضروري تروحي ادكتور تحكيلو و هو يعطيك دواء يصير من كثرة التعب و سهر علي لبيبي لكن عاديلا تلومين نفسك مافي ام ما بتحب ابنها مستحيل لكن نفس ش لصاير معاك صار مع صديقتي بسبب المشاكل بينه هي و زوجها و لبيبي كمان تعبه و صار تحكيلي انو.زوجه كرهانتو و حت انه كرهت ابنه بسبب و لكن اخذت دواءمن عندالدكتور مدة شهرين و الحمد اللهالعضوة: 713045 , 4 years ago
صارت حادثه عدنا بالعراق انو ام صار عدها طفلين توأم بنت وولد بس مااتحملتهم بحيث زوجها وكل اهل البيت مامقصرين معاها بشي ومدللله وعايشه احلى عيشه وصبرت عبر كم سنه ورزقها الله بتؤم بحيث ورى اشهر قامت برمي الطفلين برميل الماء وخنقهما ودخلت للسجن وهاي قصه عبره لكل ام تحس بحاله اكتئاب وتكره طفلهالازم تراجع دكتور لان اكو حالات تتطور اذا ماتعالجت وتخصر اطفالهاالعضوة: 741711 , 4 years ago
جبر الخواطر عبادهالعضوة: 741711 , 4 years ago
امين يارب ام اياد الله يجزاك خيرالعضوة: 693338 , 4 years ago
بصي حبيبتي تقربي لربنا دي وساوس و هواجس عندك مش اكتر لو انتي حابة فكرة انه يكون عندك طفل واحد مفيش مشكلة انا كنت بأقول كدا في اول طفل و قلت خلاص مش هأفكر في بيبي تاني الطفل التاني بتاعي كنت هأموت عليه و رلنا كرمني به في الاخر هو بس شعور الاحساس بالمسئولية و الخوف و التعب اللي بنشوفه الاول في رعاية البيبي و السهر معاهم اما بقي موضوع انك مش بتحبيه اقري قرأن كتير و شيلي الافكار دي من دماعك ممكن تروحي لدكتور نفسي ممكن يكون في اكتئاب و دا وارد جدا المهم بلاش استسلام للحالة اللي انتي فيها ديالعضوة: 699369 , 4 years ago
حبيبتي انتي بتحبي ابنك اكيدوعاد اكتئاب انا صارا معي بولادتي الاولى بس الحمدلله مع قراءة القران تحسنت النفاس كتير صعب الله يعينك ولا يهمك مدة وبتفوت ان شاء اللهالعضوة: 728795 , 4 years ago
تعوذي من ابليس وتذكري انهم نعمه وكثير محرومين ثانياً انتي ماتكرهين طفلك انتي تكرهين المسؤوليه الي جات معه اولا طولي باالك جداً يعني طفل بهالعمر بيقومك بالليل عشرين مره وهكذا ثانياً ضميه حبيه تاملي وجهه يدينه الصغار حاجته لك وانه ينظر لك انك الكون كله وبكرا يكبر وتصيرين تسوين عيونه حتى اغلى من ابوهالعضوة: 728795 , 4 years ago
وروحي افحصي اكتئاب مابعد الولاده او يمكن انتي تاكلين حبوب مانع حمل وتراها تلعب بالهرمونات وتخليك عصبيه وتكرهين كل شي اذا تاكلين حبوب غيريها وحطي لولب احسن لك ولطفلكالعضوة: 731440 , 4 years ago
شو ماكان التعب الوعذاب مافي ام تكره ضناها او ماتتقبلو انصحك تشوفي دكتور 👀العضوة: 798687 , 4 years ago
😯😯😯😯 ماتحبي ابنك الي حملتي في من بطنك البارحه طلعنه اني وزوجي وتركت بنتي بس ساعه وحده وشتاقيتلهه وماتحملت غيابهه معقوله تكرهين ابنجالعضوة: 798687 , 4 years ago
اي صح تعمل عصبيهالعضوة: 750569 , 4 years ago
روحي للطبيب ضروري اشك عندك اكتئاب لا تسكتي عن نفسك