واجا تاني يوم وريهام ما كذبت خبر حملت حالها وراحت على ماريا وخبرتها بكل شي بس ماريا ما علقت الموضوع ضيفت ريهام وما حكت ولا كلمة المسا سمعنا صوت ماريا وبشار طالع وواصلة بينهم للشيطان الرجيم وحماتي متدخلة لحتى تحل هالقصة وبعد الضغط على ماريا قالتلهم انه ريهام هي الي حكتلي عن الموضوع حماتي راحت على محمود وقالتله مرتك ريهام لسانها طويل وبده قص بنفس الليلة صوت ريهام ومحمود كان معبي العمارة والي عرفناه بعدين انه مطلقها ومتصلة على ابوها يجي ياخدها بنص الليل بس الله يكسر خاطره ابوها ما قبل ياخد بناتها معاها والله قطعو قلبي البنات وهم يبكو على امهم لما طلعت بالسيارة ويصرخو ويقولولها ماما لا تروحي لا تتركينا
يعني انا حسيت بشوية تأنيب ضمير اتجاه ريهام بس هي هبلة ما بتعرف تدبر راسها
بعد هاي الحادثة بتقدرو تحكو انه علاقتنا احنا السلفات توترت وصرنا ممنوع نجتمع الا بوجود زوج كل وحدة والمسافة تكون بين كل وحدة ووحدة فينا لا تقل عن عشر امتار
بالنسبة لبنات ريهام انا الي انطبلت فيهم غسليلهم يا عليا طعميهم يا عليا نيميهم يا عليا هو انا ولادي دوبني اقوم فيهم ولما شكيت لحسام حكالي هاد الموجود مش عاجبك بتلحقي ريهام وانا والله نار حسام واهله ولا جنة اهلي
كان اكتر شي بنفسي اشوفه حماتي وماريا شو جهزو للبيبي وشو حضرو اشياء وعند اي دكتورة بتراجع وبأي مستشفى بدها تولد بس كل هاي الاشياء كنت مو مسترجية اسأل عنها لانه ممنوع اقترب مجرد اقتراب من ماريا
واجا الوقت الي راحت فيه ماريا عالمستشفى لتولد وانا طبعا لازم اقوم بالواجب حكيت لحسام خليني اروح وقد ما ترجيته وافق ياخدني نص ساعة زمن عندها اما شو هالمستشفى الخاص بشرح القلب بينفع تروحي عليه رحلة مو وانتي مريضة ولا الزينة الي حاطينها عباب الغرفة ولا الضيافة
اخ بس انا بولادي التاني ولدوني بمستشفى حكومي تقولي رايحة اموت مو اولد وجابو علبة سيلفانا ام الليرتين قدمو منها للضيوف لقينا هناك عندها امها عاملتلها شوربات وجايبتلها عصاير طبيعية حكينا احنا واهلها شوي ودردشنا وطلبت اشوف الولد ما شاء الله حتى الولد بفتح النفس ابيض ابيض وحلو قلتلهم بس ما يتغير ترا بعرف البيبي الي بيجي ابيض بقلب اطلعت فيي حماتي وقالتلي انتي اركي باردوتك وما عليكي
روحنا عالبيت وما حكيت ولا كلمة حتى حسام لاحظ علي اني صافنة وسرحانة حكالي عليا خير فيكي شي قلتله لا والله بس بحكي لحالي يا ترا قديش بدك تنقط ابن اخوك حكالي لسا ما بعرف اليوم بسأل امي وبحكيلك
المسا نزل عند حماتي وتشاور هو واياها ولما طلع عندي حكالي بدي انقط ابن اخوي ١٠٠٠ دينار هيك امي امرت هالمرة ما قدرت اسكت قلتله ول عشو ١٠٠ ابني سليم لما جبته كل اخوانك نقطوني عشرات حكالي هاد اخوي الصغير وصرف كتير ولازم نساعده بعدين هاد شي ما بخصك ولا اشتقتي لريهام ضبيت لساني بحلقي وسكتت
طلعت ماريا من المستشفى وسمو الولد بهجت عاسم حماي كانت مطهرة ابنها وابوها عامللها عقيقة لابنها عحسابه وعزمنا كلنا عاكلة مشاوي عندهم بالمزرعة
لبست انا والاولاد ولبست بنات ريهام وجهزنا حالنا لنروح عالمزرعة وصلنا هناك واكلنا وشربنا وما خلينا ايشي بخاطرنا بس كل هالعز الي عايشة فيه سلفتي حرقلي قلبي حرق وشعل مية نار بقلبي وبصدري وصرت انام واقوم وانا افكر كيف بدي ازخلق ماريا واخليها هي الي تلحق ريهام
العضوة: 50470 , 9 years ago
يا الله على هل حسد و ديقه العين و الحقاره هاي عنجد وحده ما بتستحي ربت بيت رهام و لسا شغالهالعضوة: 31527 , 9 years ago
رروعه هالقصهالعضوة: 28604 , 9 years ago
@user-28308 اقسم بلله لفكرتني بسلفتي هيك تعمل معنا ولله .وانا كان راح يصرلي مثل ريهام لولا الحمل 😂😂😂😂😂😂اقسم بللهالعضوة: 28604 , 9 years ago
@user-18364 تعالي نزلت رابعهالعضوة: 20214 , 9 years ago
يسلموووو حلووة القصه منتظرين الحلقه الخامسه😘العضوة: 25023 , 9 years ago
اعوذ بالله في ناس حقودة وما بتحب الخير لحدا كملي القصة نفسي اعرف شو صار فيهمالعضوة: 49032 , 9 years ago
بس كأنه حسودة زيادة يالطيف مارح تشم ريحة الجنة مسكينةالعضوة: 44617 , 9 years ago
@user-28308 ههههههههههههه هل عليا مراح تتوب الا يصير لها شيالعضوة: 28308 , 9 years ago
@user-50470 حقيره كتير وفي منه كتير كمانالعضوة: 28308 , 9 years ago
@user-31527 تسلميلي 😍العضوة: 28308 , 9 years ago
@user-28604 اوف لهي الدرجه سلفتك حقوده😥العضوة: 28308 , 9 years ago
@user-20214 الله يسلمك حبيبه قلبي نزلت الحلقة الخامسهالعضوة: 28308 , 9 years ago
@user-25023 كاملته روحي شوفيالعضوة: 28308 , 9 years ago
@user-49032 اي والله كتير وفيه منه اكترالعضوة: 28308 , 9 years ago
@user-44617 هههههه انشالله كل وحده بتتمنه الشر يرجع اله