9 years ago
  • المرحلة الثالثة (الأشهر 9,8,7)
قصه ولادتي بكل تفاصيلها عيشو الجو معاي👍🏻👌🏻 (في ٣ اجزاء للقصه تابعوهم) السلام عليكم ورحمه الله وبركاته بعد التحيه والسلام حبيت اكتب لكم قصه ولادتي الي انتظرتوها بكل تفاصيلها😍 (( انه اخر دوره ٢٨/٢/٢٠١٦ موعد الولاده ٤/٣/٢٠١٧ ولكن لله الحمد تمت الولاده في الاسبوع ٣٧ اسبوع و٥ ايام من الاسبوع ٣٨ تاريخ ١٦/٢/٢٠١٧ يوم الخميس الساعه 2:08 ظهراً أنجبت بنت ما شاء الله ولله الحمد من بعد ولدين )) طبعاً انه كنت احس بطلوق من الشهر الثامن ومن خبرتي و ‏‏القراءة المكثفه حول الحمل والولاده اعرف انه هذه الطلق الكاذب ولا يستدعي الامر لذهاب الى المستشفى استمرت هذي الاعراض تجي وتروح لي حد تاريخ ١٣/٢/٢٠١٧ حسيت بتحجر مع الم الدوره والظهر وايضاً اذا أتحرك وامشي احس بدفعات قويه مؤلمه عرفت انه الرحم توسع ولكن الطلق ليس منتظم عشان كذه اعرف انها مو ولاده لكن حبيت أتأكد من شكوكي ف التوسع رحت على المشفى وقالو لي الطلق مو باين ف التخطيط مع اني كنت احس فيه ولكن من ناحيه التوسع ١ ونص الى ٢ التوسع وقالت عندك الرحم سوفت يعني لين متهيأ للولاده قلت لها خلاص برجع البيت وقالو لي اذا زاد الالم ارجعي قلت لهم تمام رجعت البيت واتصلت للبنت الي اتفقت معاها تسوي لي توزيعات النونو وقلت لها استعجلي فيهم أقصى حد خليهم جاهزين تاريخ ١٥ اله تقول لي بكره بكونون جاهزين قلت لها احسن واحسن عشان يمديني اخلص لستاند وأحطهم فيه لانه حبيت اخلي لمستي في كل شي ولمه سكرت الخط من عندها مع انه الالم فيني قمت واشتغلت على لستاند وزينته وسويت الاشيه المفترض اني اخلصها والحمدالله خلصتها كلها وكلمت صديقتي وفهمتها عن الاشيه الي ابغاها توصلني المستشفى والاشيه المفترض تكون ف البيت لانه ما عندي خوات وصديقتي بمكان اختي واكثر وخذت التعليمات مني بالكامل لانه ما اعتمد على زوجي تعرفون لرجال مخهم مو ف رأسهم 🤣 وبعدها خذيت شور دافي وسويت بخور بن القهوة وتبخرت فيه من تحت يقولون يحمي الطلق والاهم انه اذا ما فادني ما يضرني وشربت شربت زعفران وتمشيت في غرفتي لانه الجو بارد بره فما خليت الجو حجه لانه المشي يا حوامل فائدته كبيره والي ما يعرف شنو الفائده بكتب لكم الحين بينزل رأس الطفل ف الحوض وبهيأه للولاده جاذبيه الارض وقت المشي هي الي بتعمل هذي المهمه وهذه كلام الدكتوره انه من النوع الي يحمل فضول وما خلي سؤال برأسي ماله جواب هذه كان سؤالي وجواب الدكتوره كان كالسابق ملاحظه ❌المشي ما يصلح للي طفلها ماخذ وضعيه القعود او رأسه للأعلى لانه بتخليه ينزل في الحوض على وضعيه خاطئه وتتعسر الولاده المهم نكمل لكم كنت امشي واستريح وارجع امشي واستريح لين حسيت بتعب وقفت قلت خلني أطل على شناطي وشنطه البيبي واشوف النواقص ضبط كل شي على الاخر دخلنه تاريخ ١٤/٢ اختفى كل شي بس ما يأست استغليت الوقت ف الترتيب الامور وعشت جو مع زوجي بما انه عيد الحب ولكن ما فهمت زوجي اني احتفل معاه ب هذه. اليوم وفهمته الحب ماله تاريخ ولا له يوم الحب نعيشه بمشاعرنا حبيت اخذ جو رومانسي قبل الولاده لانه إحساسي يقول قربت الولاده واعتذر عن هذه الكلام صار بينا معاشره بعد المعاشره حسيت بتعب والتحجر زاد ساعات واختفى قلت ان شاء الله خير دخلنا تاريخ ١٥ قلت لزوجي بروح بيت اهلي وبنام هناك انت بتكون دوام اخر ليل وعندي موعد تاريخ ١٦/٢/٢٠١٧ للكشف العادي ومحتاجه احد يكون معاي لا سمح الله لو بغيت شي قال خير وبهاذي الطريقه راح اطمأن اكثر رحت بيت هلي صادني الم تقريباً الساعه ٣ الفجر مثل التحجر والالم الدوره والظهر ما عرفت انام وله اعرف حتى أتحرك ابداً صادني ثقل مبالغ فيه سبب لي صعوبه في الحركه بشكل مبالغ وقَعَدت احسب الساعات قلت ما بخبر امي مع اني عندها بالبيت قلت انتظر موعدي وأروح عادي وانه ساكته والموعد كان ١١ الظهر لكن الله وكيلكم ما قدرت انام من التحجر والالم الدوره والظهر كان محتمل لكن ما جت الساعه ٨ ونص الصباح اله قلت خلني اجهز وأروح المستشفى خاصتاً اني بسوق لحالي ف فكرت ف البارك تبع السياره حتى لمى كنت ناويه اطلع من البيت اله تقول امي مسبقه على الموعد اقول لها اي عشان البارك ما قلت لها الي احس فيه وله عن الالم وله شي عشان لا تحاتي ووصيتها على أولادي وطلعت وطول ما انا في الدرب ادعي ربي ييسرها وما يعسرها يسهلها وما يصعبها ووصلت بوابه المستشفى العسكري الي في البحرين لانه زوجي في الداخليه ف ولادتي لازم تكون هناك المهم اول ما دخلت البوابه قلت لهم طوارىء اله يقول لي انتي تقدري تمشين قلت له اي بحاول جزاه الله خير ساعدني وفتح لي بارك قريب من المشفى وتطمن اني دخلت وراح عني رحت لهم العياده مال الحوامل اقول لهم انه في التاسع واحس بألم يصير تدخلوني على الدكتوره قبل الوقت قالو لا انتي في التاسع وتحسس بالم روحي قسم الولاده وسحبت نفسي واتجهت على قسم الولاده ودخلت مباشره سو لي تخطيط بان عندهم في طلق قالت لي يالله بسوي لك فحص قلت لها تمام سوت الفحص وقالت لي ٢ ونص قالت تبين ترجعين البيت تجهيزه اغراضج وتجين العصر او أساعدك وحرض الرحم قلت لها أغراضي جاهزه حرضي الرحم حرضت الرحم وقالت وصل ٣ يالله قومي لبسي عباتج عشان تروحي غرفه الولاده رحت غرفه الولاده خليت أغراضي قالت القابله الي بتولدني اذا فيج حيل تمشين أمشي عشان تسهل الولاده قلت لها اي فيني وكانت الساعه ١٠ ونص وتميت امشي وامشي يقولون ماتعبتي قلت لهم اتعب الحين وله اتعب في الولاده بعدين اشتد الطلق وانه امشي قررت ارتاح قالت ها تعبتي قلت لها وانه مبتسمه اشتد الطلق بس عشان جذي برتاح قالت اوكي قالت افحصج قلت له لا مو الحين اصبري اشوي مرت نص ساعه قلت لها الحين فحصي فحصت قالت ٤ سانتي قلت الحمدالله المشي فادني ومنها حسيت بحصره مستمره أبغى كل شوي مكرمين اتبول قالت لي بخبر الدكتوره تجي تفك الماي عشان. يحمى الطلق قلت لها مو المفترض انه لمه أوصل ٦ قالت لا الرحم عندك سوفت وكل شي تمام ماله داعي الانتظار جت الدكتوره بعد ساعه تقريباً وتبغى تفك الماي توقعت بزيد عن ال ٤ لكن مازدت وفكت الماي وقالت لي بجيب لك الكمام عشان تشفطي لمه يجيك الدفع او يشتد الالم قلت له تمام وانه للحين الولاده السابقه في راسي لانه ما مر عليها اله سنه ونص وعارفه وضع الكمام المهم طلبت من الممرضه تحط لي القصطره الي حقت البول مكرمين استغربت الممرضه من طلبي قالت اول وحده تطلب هذه الشي قلت لها لاني استحي اتبول قدام احد يصدني احصار وما اعرف لكن القصطره بطلع البول من غير ما انه اتبول وهذه الشي بساعدني في الولاده ملاحظه لمه تستفرغ المثانه كل الي فيها بتساعد على نزول وانزلاغ رأس الطفل اسرع في الحوض وفعلاً لمه حطت ليه إياها القصطره الفحص الي بعده قالت وصلتي خمسه والرأس نزل اكثر لانه المثانه استفرغت الي فيها ومن وصلت خمسه (٥)وصار الطلق حار وتميت ادعي لكم يا حوامل إنكم تولدو بسلامه ودعيت لزوجي واولادي وانه في عز الطلق اشفط ف الكمام والالم ما زال ملازمني ومره وانه اشفط حسيت بدفع صرخت اقول لهم اخذ نفس من الكمام وأكون مخدره واحس بدفع اشلووووووون تقول لي طبيعي يخف الالم بس ما يمنع من الإحساس فيه قلت لها ابغا ادفع اتقول لي تحسين بدفع قلت لها اي قالت الممرضه بساعدك في كل وقت احساس بدفع بتكون يدي داخل بعمل تحريض لتوسعه لكن ساعديني قلت له موافقه وسويت الي قالت لي عليه لمه ابغا ادفع اقول لها الحين واهي تطالع في جهاز التخطيط وتحرض الرحم لين ما ولدت يمكن خذالي ساعتين في هذه الحال وولدت وكان الساعه ٢:٠٨ ظهراً وطلعت بنتي وقالو لي بنت فرحت فرحه ما تنوصف وحطوها على صدري ١٠ دقايق كانت تبكي وسكتت وهدأت لمه خلوها على صدري وانه بكيت من الفرحه وتقول لي الممرضه شفتيها صاحت اشوي وسكتت قلت لها اي تعبتها اله اتقول لي اهيه الي تعبتج فعلاً لمه كنت ادفع وطلع الراس المفترض الجسم ينزلق لحاله لكن لا انه الي تميت ادفع فيه لين طلع بلكامل تعبت تعب مو طبيعي وحسيت بحراره وحرقه قلت لهم ليش احس بحراره وحرقه في الرحم لا اكون التهاب صادني قالو لي عادي لا تحاتين ورجلي صادها شد وبعد الولاده ما قدرت أتحرك اله بعد ساعتين والله يهديهم بعد الولاده ماخيطوني بسرعه خذالهم ساعه الا ربع على ماتجي الدكتوره عشان لخياط واعتقد دخل في الرحم هوى وكان الجو بارد بشكل مو طبيعي وتميت ارتجف من البرد وجات الدكتوره وسوت لي لخياط وكان لخياط غريب صاير الشق قريب من مكان مجرى البول قالو لي إخياطي صعب ومتعب ولكن يبرى الجرح بسرعه وبعد هذه كله صار لي ساعتين كانو بودوني الجناح لكن ما اقدر أتحرك من رجلي حسيت بشد وثقل فيها بعدها حاولت اكثر من مره لين قدرت اقوم وقمت ووقفت حسيت بهذا لحساس الي بطني فضى وصار خالي وخفيف وسحبت نفسي للحمام عشان آلبس ملابسي و أول سؤال طرحته عليهم أصير خذ شور(استحم ) قالو اذا تقدرين وما تحسي بدوره في الراس اوكي تقدرين قلت الحمدالله بعدها رحت الجناح واتصلت لأمي وبشرتها وانصدمت رايحه موعد وولدت واتصلت لصديقتي وقلت لها طيري البيت وجيبي الأغراض والمستشفى اتصلو لزوجي وصادته الصاعقه وفرح كثير كثير وبعدها جوني المشفى وزوجي حامل لي باقه ورد بألوان حلوه وزاهيه وراقيه وكبيره فرحت لمه شفتها وجا باسني على خدي وبارك لي الممرضات يقولون عني البطله الي جات تولدت لحالها 🤣 والكل ينتظر البنوته ما جات عندي اله الساعه ٨ بليل وااايد تأخرو على ما يجيبوها وبدلت ملابسها ولبستها وصارت عروس ما شاء الله والكل فرحان فيها اله يقولون لي تدرين يوم الي انتي تولدين كان المطر مغرق الشارع ولبيوت والسيارات كان حلبه مطر ما شاء الله يقولون بنتج جت في خير المطر خير وتم المطر ٣ ايام متاليه وكان مطر شديد المهم بعدها الكل راح البيت وتميت مع بنوتي اناظر فيها بفرح وحاولت ارضعها لكن ما كان ينزل شي عورت قلبي ف طلبت رضاعه عشان ارضعها كانت تبكي من شده الجوع رضعتها ونامت وبعدها كتبت لكم اني ولدت حبيت أبشركم و رحت اخذيت دوش مع اني تعبانه واتألم بس ابغى انظف مو حابه وصخ الولاده مكرمين ورجعت وتميت س

39 تعليقات

العضوة: 24502 , 9 years ago

التكمله في البوست رقم ٢

العضوة: 49427 , 9 years ago

الحمد لله على سلامتج وسﻻمت البنوته الحلوة ربي يحفظه الكم وتتربى بعزكم ودﻻلكم

العضوة: 39278 , 9 years ago

ماشالله مبين عليكي من كلامك انك شاطرة وبطلة الحمدلله عسلامتك وسلامة الامورة

العضوة: 14956 , 9 years ago

ماشاله الله يتمم لج ع خير دعواتج لي بولد اخر شهر سته وانا بكر

العضوة: 42344 , 9 years ago

ماشاءالله عليك الف مبروك حمد الله ع سلامتك

العضوة: 36233 , 9 years ago

تبارك الرحمن الف الف مبروك تتربى بعزكم

العضوة: 24502 , 9 years ago

@user-14956الله يتمم لك على خير تابعي باقي القصه

العضوة: 24502 , 9 years ago

@user-42344 يسلمو تابعي باقي القصه

العضوة: 24502 , 9 years ago

@user-36233 الله يبارك لك في حياتك تابعي باقي القصه

العضوة: 8795 , 9 years ago

الف الحمدلله ع سلامتك ،،ومبروك عليك العروسه وتتربى بعزكم ودلالكم 🌸 والفآل لي اولد بهون وسلامه

العضوة: 24502 , 9 years ago

@user-8795 اللهم امين يسلمو قلبي💋