9 years ago
  • المرحلة الثالثة (الأشهر 9,8,7)
يا بنات أنا من من كم يوم نزلت موضوع عن التشنج المهبلي وما حدا رد علي مع اني بحاجة للرد . فكرت كتير قبل ما أكتب هالموضوع لأنو محرج بس قلت بنفسي لعل وعسى تفيدوني بحل يساعدني أو تدعولي بظهر الغيب لأني تعبت ومليت . أنا تزوجت من سنة تقريبا ومن وقتها بلشت مأساتي مع التشنج لما يقرب علي زوجي أموت من الخوف وأصير أحاول أبعدو عني وخلال أول شهرين ما صار جماع غير كم مرة وكنت أموت من الوجع وأصرخ من كل قلبي وكل مرة كان ينزل مني دم ورحت عالدكتورة وكشفت علي بصعوبة وقالت كل شي طبيعي ولازم تتحملي بس ربي شاهد علي انو ألم لا يطاق وبعدها قريت عالنت انو هذا اسمو تشنج مهبلي المهم بعد هالشهرين حبلت والكل قالولي وقفي جماع قلت بقلبي ليش مين قال انو ما وقفنا المهم وقفنا جماع طول فترة الحمل وولدت الحمدلله من شهرين فقلت لازم أتشجع لأنو أكيد صار توسع وراح تزبط الأمور فحاولنا من كم يوم وصار نفس الوجع والخوف وما خليت زوجي يكمل كالعادة . وبعدها قريت عالنت انو في وحدة متل حالتي وانحلت مشكلتها بمخدر موضعي فاشتريت مخدر وجربتو وفعلا بالبداية ما حسيت بوجع لانو المنطقة مخدرة وصارت ممارسة طبيعية لأول مرة لاني ولا مرة خليت زوجي يكمل من شدة الألم المهم شوي وحسيت بوجع حسيت روحي طلعت وصرخت ولما بعد زوجي لقيت نفسي انزف ولليوم في دم . والله تعبت نفسيا من هالحالة وكل يوم أبكي بس بدي حل أسمع من كل المتزوجات انو أمورهم تمام الا أنا حتى هالشغلة ما جربتها متل المتزوجات ساعدوني أكرمكم الله الي عندها خلفية بالموضوع تساعدني.

100 تعليقات

العضوة: 25581 , 9 years ago

@user-21452 اي والله يمكن عن جد هاي اكثر شغلة أخاف منها بالحياة 😓

العضوة: 1678 , 9 years ago

@user-25581 بس حاولي ماتفكري بالخوف ابد بس فكري كيف تسستمعي وتسسعدي زوجك..لانو حاسسه فيك

العضوة: 25581 , 9 years ago

@user-1678 ان شاء الله راح أحاول وكمان راح أروح لعند دكتورة بلكي تساعدني

العضوة: 1678 , 9 years ago

@user-25581 الله يسسهل امرك يارب وتنحل مششكلتك باسرع وقت

العضوة: 25581 , 9 years ago

@user-1678 آمين يارب الله يسمع منك والله يجزيكي الخير على هالدعوة

العضوة: 42777 , 9 years ago

اختي ارقي نفسك وبيتك وما تخافي هياتك ولدتي يعني صار عندك توسع اضعاف الايلاج يعني فكري كيف ولدتي وتحملتي ما بدك تتحملي الجماع الي هو بكتيرررر اسهل من الولاده وغير هيك اتمتعتي قبل الجماع بالمداعبه مشان انتي تحبي هاد الشي وما تعودي تتشنجي من الخوف وغير هيك اذا عملتي كل هاد وما فاد روحي لدكتوره نفسيه بتساعدك كتير

العضوة: 17857 , 9 years ago

انا قد سمعت نفس حالتك انو هما حاطيين في بالهم انو الجماع يوجع ويحسوو نفسهم بيموتو من الوجع. وهاذا شي نفسي قالو حتا لها مصطلح طبي والله بس ناسيه

العضوة: 44174 , 9 years ago

ليش الخوف ،، وكلي امرك لله ووقت العلاقه حطي في بالك انك تحملتي الولاده الي هي اشد من الجماع،، وحطي في بالك ان كل الحريم يسوو هالشي وعادي تعدي ع خير معهم،، استخدمي مزلق،، حاولي ماتشدي ع نفسك،، ادري ان الخوف ماهو شي سهل وانا جربته وقت تخافي من شي فهو غصب عنك بس حاولي تقوي نفسك وماتستسلمي لهذا الشعور،، وتصدقي دايماً بنية تسهيل هذا الامر،،

العضوة: 25581 , 9 years ago

@user-42777 والله يا أختي عملت كل هالشي وما فاد 😔 الله يكون بالعون

العضوة: 25581 , 9 years ago

@user-17857 اي والله هيك يصير معي اسمو تشنج مهبلي لا ارادي

العضوة: 25581 , 9 years ago

@user-44174 ان شاء الله أختي وربنا ييسرها وتنحل أموري

العضوة: 28612 , 9 years ago

كل ما كنتي خايفه كل ما زاد الالم خليك وقتها ريلاكس خليك هاديه حاولي لا تخافين ولا تشدين وبعدين صرتي تمونين اعتقد عليه خليه اول شي يدخلك جو بعدين يبدى الموضوع جدي عشان تكونين مرتاحه وكمان ترا مو كويس نفسيًا لزوجك هالشي انك تبعدينه ولا كويس لك فعشان كذا لا تخافين وحاولي تهدين وترا كل شي سهل بس من خوفك يتهيا لك كل شي صعب ومن كثر ما تشدين تتتألمين بس كل ما كني هاديه وريلاكس كل ما كان اسهل . وعذرًا على الشفافيه

العضوة: 28612 , 9 years ago

وعشان لا يصير فيه اي الم استخدمو مزلقات حتسهل لك

العضوة: 25581 , 9 years ago

@user-28612 مشكورة أختي على هالنصايح وان شاء الله تجيب نتيجة

العضوة: 37924 , 9 years ago

@user-25581 نصايحها صحيحة عانيت متلك واستعملت المخدر بس بعدين جوزي اتعلم انو يداعبني منيح ويصبر علي حتى انا اطلب منو انو يكمل