اتزوجت قبل سنة وخمس شهور،حملت ثلاث مرات؛وحدة بعد الزواج مباشرة واجهضت بعد 35وبعد اسبوع علطول قل الدورة وحملت من بداية محرم السنة الفات وبعد شهرين جاني نزيف شديد والالم وعطتني الدكتور ابرة مثبت ودفاستون وحمض الفوليك واستمريت عليهم والحمدلله طبت ووقف النزيف بعد شهر تقريبا وخلصت الثالث دخلت الرابع فحصت سونار قالتي الدكتورة بنوتة مرااااا فرحت جيت ابشر زوجي هو مافرح كتير ؛لانه كان يريد ولد ذكر؛ و لزوجي 2اخ فقط وكلهم للحين بنات، سلفتي الكبيرة عندها خمس بنات وسلفتي الصغير واللي اتزوجت قبلي بسنه جابت بنت وماتت في الولادة وحملت مرا تاني وجابت كمان بنوته الحين عمرها سبعة اشهر -الله يحفظها-....المهم فرحت كتيييير مرا ودخلت الخامس صار عندي بعض المشاكل العائلية مع زوجي واثرت فيني كثير تقريبا يوم كامل مااكلت كويس(طبعي بالحمل اجوع كتير ولازم كل شوية اكل) وبس كنت ابكي وصدعت راسي ...المهم عدت بخير بعد اسبوع رحنا سافرنا 1000كيلو متر تقريبا بالسيارة ذهاب واياب جدة ومدينه وبالطريق كان في مطبات وزوجي الله يهديه كان مسرع شوية وحسيت انو ظهري فيها الم بس مرا بسيط وادور اكل كويس بالمحطات ماالاقي الا سندوتش بالبيض اخدتها زي التصبيرة لبين ما وصلنا واتغدينا كويس ورجعت للمدينة المنورة بنفس اليوم ،زوجي ماتطمن قالي روحي اكشفي ،مع اني كشفت قبل السفر وسالت الدكتورة قالتلي عادي روحي سافري ..فرحت اكشف عندها بعد يومين من رجعت من السفر قالتلي انو جنينك مات قبل يومين :-( ..المهم قلت قدر الله وماشاء فعل اجهضت ! سميتها سارة.
وحملت بعدها بشهرين في رمضان ومثل الحمل الاول صار نزيف بعد شهرين ووقف بعد شهر ودخلت الرابع فحصت بالسونار قالتلي مو واضح يمكن بنوتة وفرحت من قلبي ووهالمرا زوجي كمان فرح وحمد الله ،ولما كشفت بالشهر الخامس الدكتورة قالتلي يمكن عندك حاجز رحمي يمنع نمو الطفل فيموت لان عندك اجهاضين قبل واذا اجهضت هالمرا كمان نسويلك منظار ونشيلو اما الحين منقدر نتاكد لان راح يتأذى الجنين من الاشعة و اتأكدتلي انو ولد فرحت اي بس ماني مصدقه لسه لان سلفتي الصغيرة الدكتورة قالتلها بحملها التاني انو ولد وجابت بنت..اعتقد انو زوجي واخوانو عندهم وراثه يجيبو بس بنات لان زي ماتعرفون ان يتحدد الجنس من الرجل وليس من المرأة لقوله تعالى بسورة القيامة (الم يك نطفة من مني يمنى(37)ثم كان علقة فخلق فسوى (38)فجعل منه الزوجين الذكر والانثى)اي تحدد الجنس من مني الرجل وليس من ماء المرأة ،...
انا خبيت السالفة من زوجي للحين اخاف اقولو ويروح يقول للكل فيحسدو او يعطو عين او لا سمح الله يصير بطفلي شي او اخاف اقول ولد وبالنهاية تطلع بنت زي سلفتي مدري والله المهم سويت زي ماقال الرسول صلى الله عليه وسلم :اقضو حوائجكم بالكتمان.لان لو جبت ولد راح يكون اول ولد بعائلتهم من طرف الأبناء ؛اما اخوات زوجي كلهم عندهم اولاد وبنات.. والله يبشرني باللي فيه الخير لي ولزوجي...وان شاء الله اذا منجد ولد اسميه على اسم حبيبي وقدوتي وقرة عيني♡ محمد صلى الله عليه وسلم ♡...دعواتكم الله يتمم لي حملي بالسلامه ويحفظلي ابني وألا يريني فيه مكروه لان عندي حساد وشمات كثيرين ابعدهم الله عنكم
العضوة: 41547 , 9 years ago
@user-10504 اللهم اميييين جعل ربي لا يريك في فلذات كبدك اي مكره وان يهديهم الله ويصلحهم ويعينهم على برك وطاعتك ...جزاك الله خيراالعضوة: 41547 , 9 years ago
@user-28103 اللهم امين ام حمودي يالا ان شاء الله ثنينه نكوم بالسلامة عيوني جعل ربي يحفظك ويحفظ جنينك ويبعد عنكم كل مكروه ...تسلمي ع المرور الطيب يا ام حمودي♡♡♡العضوة: 32746 , 9 years ago
الله يحفظلك حملك ياا ربالعضوة: 41547 , 9 years ago
@user-18164 اللهم امين عيوني تسلمي على النصيحة الغاليه يا كل الغلا...ان شاء الله اسويه جزاك الله عني كل خيرالعضوة: 41547 , 9 years ago
@user-12765 امممممم ان شاء الله راح احكي لو ربي اراد والله ميردلي غير كل خير ...تسلمي عيووووني وجزاك الله خيراالعضوة: 41547 , 9 years ago
@user-31564 ههههههههه اللهم امين يالام المستقبلي ...اممم انا عاد باقيلي باذن الله شهرين واصير ام لاول مرا وعقبالك يا حلوة ...جزاك الله خيرالعضوة: 41961 , 9 years ago
الله يرزقك الذرية الصالحة و الصورة كاملة ويتمم حملك على ١٠٠٠ خير يارب ويرزقك بلي في بالك 😘العضوة: 41547 , 9 years ago
@user-10960 اللهم امين ... امممم والله للحين ما تاكدولي يعني مجرد افتراضية ولسه ماكشفو انه في حاجز ولالا اي انا بحثت في النت وشفت ام القرنين والقلب وكلها بس الدكتورة لسه مااكدتلي وقالت يمكن الحاجز تسبب في الاعاقه وضيق المكان ومانمت الجنين كويس ....اممم انتي لا تخافي شوفي امي تقولي لو ربي اراد الحاجز بنفسو ينفقع ويروح لان الطفل راح يتحرك ويركل ..استعيني بالصبر والصلاة والله غالب على امره وابد لا تخافين الا من رب البريةالعضوة: 41547 , 9 years ago
@user-41122 اللهم امين ام جودي تسلمي وجزاك الله الف خيرالعضوة: 41547 , 9 years ago
@user-34966 اللهم امين ويكون بعون كل محتاج اومهموم او مكروب تسلمي ع المرور وجزاك الله خيراالعضوة: 41547 , 9 years ago
@user-11413 هلا داليا معليش تاخرت عليك ليش مسحت باقي الرساله ...امممم صغاحه معغف حدا بس لي انسان عزيز على قلبي بالموصل الحدباء اتمنى ربي ييسر لكم كل الخير والعافيه ....فدوة بس طميني شون الاوضاع يمكم ان شاء الله اتأمن الموصل من الحرب ؟! وانتي منوين من الموصل جاوبيني و عندي لج سؤال كمان بلا زحمة♡♡♡♡♡♡♡♡♡♡♡♡♡♡♡♡♡♡♡♡♡♡♡♡العضوة: 36463 , 9 years ago
يارب يكون ولد لي ولك😊 اسأل الله القادر على كل شي انه لايحرم احد من الذريه الصالحهالعضوة: 41547 , 9 years ago
@user-32746 اللهم امين وجزاك الله الف خير على دعوتك الصادقة ليالعضوة: 38580 , 9 years ago
الله يتمم حملك ويرزقك بلولد الصالح اللي يفرح قلبك وقلب ابوه وان شاءلله تولدين بخير وسلامه ولاده سهله وميسره ياااربالعضوة: 41547 , 9 years ago
@user-41961 اللهم امين ♡♡♡♡♡♡اللهم امين ربي لا يحرمك من شي تمناه قلبك وتوصليلوه وجعلك من سكان الفردوس ياااااررب