9 years ago
  • المرحلة الثالثة (الأشهر 9,8,7)
قصه ولادتي.. قصه ميلادي شوي طويله..ما بعرف اذا الصبايا الهن طولت روح يقرانها بس مغامره الصراحه.. لانو صار فيها آشياء كثير.. انا ولدت يوم خميس ب 26/1.. خلصت شهري ودخلت اسبوع زياده وما كان في بوادر ميلاد بلمرا..حكولي تعالي يوم الخميس ع المستشفى لانك بتدخلي ال 41 اسبوع ولازم نعمل اشي لتولدي..كنت مجهزه كل شي ع اساس رايحه الخميس الصبح ع المستشفى..قبلها بليله معرفتش انام وكنت اضلي رايحه جايه ع الحمام اتحمم واسلط الميه السخنه ع قاع ظهري من ورا واعملت هلشغله 4 مرات بنفس اليله..مره وحده نزلت عليه مية الراس وانا بالدار الساعه 5:10 ع اذان الصبح..رحت ع المستشفى فحصوني كانت الفتحه 2 ونص..فوتوني ع غرفه الميلاد اخدت ابره الظهر رغم انها بتوجع بس اتحملت عشان اقيم وجع الساعات الي وراهن..وفعلا خففت وجعي وقل وجع الطلق..حطولي زيروز (طلق صناعي) عشان تكبر الفتحه..مع مرور الساعات اجو بيحكولي نبض الجنين خف😫 ولازم نفوتلها ميه ع ذيالها لانووالميه نشفت عندها..لانها ضلت تنزل عليه ميه الراس لحد ما ولدت..وفوتولها ميه من تحت لعندها وبعد ما اجا الطلق القوي وصارت الفتحه 10 والمفروض اولد وبلشت خلص اعطي بدي اولد ماشفت ايلا الدكتوره بتقلي بصوت واطي وقفي تعطيش وانا ميته وجع بدي اخلص بسرعه..وهي بتقلي اوعك تطلقي..ونادو كل الدكاتره وصارو بسرعه بسرعه يحلو بلبرابيش الي عليه وبنادو ع بعض جهزو غرفه العمليات😰..نقلهم شو في..بقولو نزل نبض الجنين وبسرعه لازم نولدها😢انا متحملتش قعدت اعيط وزوجي فوق راسي يواسي فيه..وامي وحماتي يعيطن..بس الحمد لله الحمد لله بفضل رب العالمين..بلشت ادعي ربي يحميلي اياها واعيط..بعدها باكم دقيقه نادو دكتور كبير يشوف النبض لهو بقول وقفو تودوهاش عمليه..خلو كل اشي جاهز بس اول استنو 5 دقايق وفعلا انتظرنا 5 دقايق وحطولي اكسجين وبلش يرتفع نبض الجنين شوي شوي بس الي اتعبني انو عندي طلق ووجع قوي وعندي فتحه وبيقولولي متعطيش عشان نبض الجنين..ضليت ع هلحاله اتوجع لساعتين تمنو نزل راسها لحالو تحت تحت..وبلشن يبينن شعراتها..صرت اعطي كل نص ساعه يطلع شوي من الراس.. وفلاخيررر ع الساعه 7:03 بالزبط..اجت بنتي الحنونه استبرق🌸💥.. واخيرا اجت ع الدنيا..الحمد لله اتعبت فيها بحملي وبميلادي..الحمد لله رب العالمين.. هاي كانت قصتي ان شاء الله اني متولطش عليكن فالحكي❤ الله يتمم للجميع ع خير يا رب🌷 اهم اشي يا صبايا الي ان شاء الله رح تستفدنو مني .. انا وصلت 41 اسبوع لتمني ولدت مخليتش اشي ايلا واخدتو واعملتو واشربتو ع الفاضي ما فاد شي..اخر شي الي فادني هي الميه السخنه وتصليت ع قاع الظهر..

96 تعليقات

العضوة: 24953 , 9 years ago

@user-19854 ربنا رحمنا والحمد لله ع كل حال.. اه صحيح مزبوط نفس القصه.. بس انا الحمد لله ما دخلوني ولدت طبيعي.. كنت خايفه عليها لتروح مني.. الحمد لله رب العالمين قدرت قادر❤ تسلمي الله يسعدك🌸

العضوة: 24953 , 9 years ago

@user-46568 ان شاء الله خير.. الله يتمملك ع خير يا رب ويقيمك سالمه ويسهل ولادتك ان شاء الله

العضوة: 24953 , 9 years ago

@user-40319 الله يهونها عليكي.. اه خذيها بتهون والله انها خفتت الاام كثير عني..

العضوة: 24953 , 9 years ago

@user-22519 الله يسلمك ويسعدك يا رب🌷 اه والله مؤلمه هه..الحمد لله ع كل حال❤

العضوة: 19964 , 9 years ago

الحمدلله على السلامة تتربى في خير وعافية

العضوة: 32093 , 9 years ago

@user-24953 الحمد لله على سلامتك والف مبروك وتتربي في عزك...

العضوة: 24953 , 9 years ago

@user-19964 @user-32093 الله يسلمكن يا رب🌷 ربي يسعدكن❤

العضوة: 19854 , 9 years ago

@user-24953 صح الحمدالله على كل حال انا ولدت مرتين طبيعي وها المرة قدرة اللّٰه ماشاء فعل المهم انو شفنا اطفالنا بسلام

العضوة: 24953 , 9 years ago

@user-19854 اه والله مزبوط..الحمد لله

العضوة: 22519 , 9 years ago

@user-24953 حبيبتي ❤ كيف بنوتك وكيف والامومه معك 🙊

العضوة: 14404 , 9 years ago

@user-24953 اختي الف الف مبروك وتتربه ابعزكم والله ادخل للبرنامج ادور عليج واكول بلكت اتنزل وتكول ولدت وبلعافيه وبلخير عليج وحمدلله عله سلامتج

العضوة: 24953 , 9 years ago

@user-22519 الحمد لله منيحه..بتجنن الامومه فش احلى منها..بس صعبه شوي وبرها مسؤوليه لانها لسا مو متعوده ع الجو بس الحمد لله شوي شوي..كل اشي بخير وتلاكي؟!

العضوة: 24953 , 9 years ago

@user-14404 الله يسلمك ويسعدك يسلمو لاهتمامك..بقدرو وبحترومو🌸 الحمد لله رب العالميت اخيرا ولدت

العضوة: 42438 , 9 years ago

الف الف مبروووك تتربى بعزك

العضوة: 32675 , 9 years ago

الحمد لله على سلامتك وسلامة البيبي