طبعا لي اسبوعين والده كنت من حوامل ١٢ مارس وانا بكريه 👏🏻💞 كتبت لي الدكتورة تنويم لاني خلصت شهري🌚💔 فرحت للمستشفى وانا مبسوطه وخايفه 😂😂 الرحم مفتوح اقل من نص سانتي 🙁💔 فققرت تعطيني تحميله طلق صناعي اخذتها وبعدها بدا الطلق 😭😭 كان بالبداية مؤلم بس يوقف شوي واول ما اغفى يرجع مره ثانيه وكل ما وقف غفيت دقيقه ورجع كان زوجي نايم جنبي وحس اني اتحرك كثير وقام من النوم🌚💔💔 قلت له شوف اي شيء يسكن علي تعبت ما اقدر اتحمل راح سأل الممرضة قالت ما فيه شيء نسويه جاني قال ما فيه مسكن المهم هنا بديت اصيح يعني ب استمر كذا😂💔💔 بعدين جت الدكتورة وقاست قالت لسه واحد سانتي وارجع اكمل صياح ( صياحي كله بدون صراخ بس اقول يااارررب ودموع ) وتجيني الممرضة وهي نفسها شينه مره😩💔💔 وتقول لي انتي ليه جالسه بالسرير قومي تحركي امشي وسوي القرفصاء وحركي فخوذك يمين يسار قلت ما اقدر بموت من الالم قامت تضحك قالت لو ان معاك الم ولادة صدق كان ما جلستي بالسرير 🙂💔💔💔 وارتاع من كلامها واتحطم يعني كل ذا ولا شفت شيء انا مع ان الالم كل دقيقه يجي او اقل وتطلع من هنا ويجي زوجي يقول يلا نمشي بالممرات قلت لا استحي يشوفوني الناس وانا اتألم قال يا بنت الحلال كل الحريم يمشون برا وبعذ محاولات اقتنعت واطلع امشي وكل ما جتني طلقه تمسكت في زوجي واتعصر من الالم واذا وقفت قمت اركض مو امشي على اساس الركض يسرع الولادة😂💔💔 واشوف وحده ما شاء الله عليها تمشي ومعاها سبحه ولا تتألم مثلي ولا توقف واقول بنفسي شكلي ب اولد قبلها لاني ميته من الالم وارجع غرفتي وانسدح على السرير وادعي يارب يسسر لي يارب فرج علي واتنفس شمي ورده وطفي شمعه💔🙄 ولا نفعت معاي راح نفسي ع الفاضي🤦🏻‍♀️💔 وتجيني ممرضة غير ذيك النفسية وقالت لي مع الطلق خلي زوجك يسوي لك مساج لظهرك المهم وتجي الطلقة واستلم زوجي تعاااااال سو لي مساج لاسفل ظهري والمسكين وده يسوي اي شيء ولا اتألم الضعيف ويسوي لي مساج وانا يلي ارتاح شوي 😩💜💜💜💜 وصار الضعيف مع كل طلقه اناديه تعااال واشغلته لا تروح ولا تجي خلك جنبي عشان كل شوي يسوي لي مساج 😂🌚 وتجي دكتورة ثانية وتقيس الا ٢ ونص قالت بسوي تحريض قلت طيب ودخلت يدها قلت دقيقه علميني اول وشو التحريض قالت بس احرك الراس وما كملت كلامها الا تسوي لي تحريض وانا يلي انهبل واصارخ واول ما طلعت يدها الا انا استفرغ وانتم بكرامه قالت يلا الحين تروحين فوق بغرفة ثانية وتكتب بالورقة ان الرحم ثلاثة سانتي 🚶🏻‍♀️ ونروح فوق انا وزوجي وممرضة تدفني وندخل غرفة قبل غرفة الولادة وتجي دكتورة تقيس قالت لي لا انتي مو ثلاثة سانتي انتي ٢ ونص ويضيق صدري شلون كذا 😩😩 وانا قبل كنت طالبة ابرة الظهر عاد انتظر يفتح ثلاثة عشان اخذها مع ان الدكتورة قالت عادي ٢ ونص تاخذينها المهم ما زال الم الطلق يجي وكل ما جاء ناديت زوجي يسوي مساج 😂😂💔 وبعدين جتني ممرضتي وانا الالم لاعب فيني لعب لدرجة ما احس ب احد حولي لاهيه في عمري ووجها يتقلب وهي تناظر التخطيط وتركض تنادي الدكتورة وتجي ومعاها كم ممرضة وتوقف تراقب التخطيط وانا مو حولهم بس اشوفها تطالعني وتطالع التخطيط واقول لها تكفين ساعديني شوفي لي حل مع الالم وهي ما ترد وانا ازعل واقول وش فيها ذي ما ترد علي (واكتشفت بعد ما اخذت ابرة الظهر وخف الالم ان نبض البيبي وقف ورجع 😶💔💔) عاد بعدين ربي فرج لي وجت حقت ابرة الظهر وقالت لي اجلسي ولا تتحركين😟😟 قلت لها شلون غصب عني مع الطلق اتحرك قالت مو مشكلتي حاولي ولا اذا جاك شيء انا مو مسؤولية قلت الشكوى لله اتحمل دقيقه ما اتحرك ولا اتحمل الم طلق بدون ابرة وتوها بتبدأ الا وتجي الطلقه واقول لها وقفي معاي طلق الحين وتوقف واتألم واتعصر ويوم خفت قلت لها يلا ابدي وتركبها لي والحمدلله اول ما خلصت جتني الطلقه يلي بعدها قالت لي خمس دقايق وارجع لك وتروح الدكتورة والالم ما راح 😩💔 وتوجع لي قالت هاه فيه الم قلت لها اي ما خف ابد وانا دموعي تنزل 🌚💔 قالت ب ازود لك الجرعة يلا نامي على جنبك ولا تتحركين 🙂💔💔 ياربيه شلون ما اتحرك والطلق يخليني اتحرك من غير رايي😭😭 وترجع تفك وتركب ثانيه وانا متحمله ما اتحرك وقالت لي بروح خمس دقايق وبرجع لك والحمدلله هالمره ما حسيت بألم الطلق واختفى تماما بس رجليني ما احس فيها ولا اقدر احركها وكل ما جت دكتورة تكشف ما احس بالكشف لان المنطقة متخدره بس كان فيني النوم لاني كنت مواصله واقول للممرضة فيني النوم تقول لا تنامين لان لما تنامين ينام البيبي معاك😟💔💔 وانا اقول وش دخل بس سلكت لها واحاول ما اغفى مع ان عيوني تتسكر بدون ما احس واقول لزوجي سولف معاي لا تخليني انام بعدها بدا الرحم ينفتح لما فجاة حسيت بالدفع بس خفيف لاني ماخذه ابرة الظهر واقول لزوجي قال لا مستحيل الحين قلت الا وشوي احس بدفعه ثانيه ضغطت الزر وجت ممرضتي قلت لها احس بالدفع الا هي تطير عيونها وتركض تنادي الدكتورة وتجي تقيس وتقول عشرة سانتي يلا غرفة الولادة😦😦 وانا يلي اخاف وارتجف قامت فخوذي ترتجف وتتصافق من الخوف والكلام ما يطلع مني من كثر ما ارجف قالت لي الدكتورة انتي تحسين ب الم قلت لا قالت اجل وراك خايفه قلت مدري 😩💔💔 وندخل غرفة الولادة ووقفوا ابرة الظهر عشان احس بالدفع وللاسف ما كنت احس فيه وتقول لي القابلة ويلي معاها ادفعي وانا ما عرفت ادفع يعني احاول بس ما احس وزوجي يشجعني يلاااا الحين بيطلع الراس والممرضات يلااا بووش بووش وانا احس اني بملعب كورة قدم على ذا التشجيع واحاول واحاول ولا فيه فايدة لان زوجي كل شوي ناقز جنب الدكتورة وانا ما ابيه يشوف المنظر فشلت هم كل شوي اسحبه واساسا ابرة الظهر ما تحسسني وقت الدفع قالت القابلة راح اسحب البيبي قلت لها بيضر قالت ما ادري يمكن ويمكن لا ف الاخير سحبتها وطلعتها وحطتها على بطني وكانت نتفه وزنها اثنين ونص بس ما كانت تتحرك ولا تصيح وخذوها بسرعة وانا هنا خفت انتظر اسمع صياحها 😶💔 وبديت اصيح واسأل الدكتورة بنتي ليه ما تصيح قالت فيه اشياء اهم من انك تسمعين صياح البيبي الصياح مو دليل ان البيبي كويس وانا انهار واشوفهم يرفعونها ويخبطون فيها ويسحبون من فمها بس انتظر اسمع صراخها بعدها بكم دقيقة سمعت صراخها وهنا ارتحت 😩😩💖💖 وطلعت الدكتورة المشيمه وخيطتني وجلست نص ساعة وطلعوني غرفتي 👏🏻💖💖 وطلعت من المستشفى بعدها بيومين وبعدين تعبت بنتي ثالث يوم وانا بالبيت ووديتها الطوارىء ومن كثر ما كنت خايفه عليها صرت امشي بسرعه وكنت ابكي ونسيت اني مخيطه وبعد ما كتبوا لبنتي تنويم حسيت ب الم تحت مو طبيعي 😩💔💔 لدرجة ما اقدر اجلس ولا اسوي شيء بس ابي انسدح طول الوقت اتصلت على امي تجي تجلس مع بنتي ونزلت انا وزوجي للطوارىء لاني خفت الخياطة انفتحت وكشفت علي الدكتورة قالت كل شيء تمام بس باخذ عينه من البول ومسحة من عنق الرحم وخذتها وطلعت النتيجه ان معاي صديد بالبول قوي مره وكتبت لي تنويم ثلاث ايام يعني بنتي متنومه وانا متنومه 😩💔💔 قال زوجي ما يحتاج تكتبون لها تنويم خلقه هي متنومه مع بنتها فوق😂💔 بس الحمدلله اخذت مضاد مدة اسبوع وخف الالم وبنتي طيبة الحين وكلنا طلعنا الحمدلله 🙌🏻💛💛 قالوا احتمال الصديد جاني من القسطرة وقت الولادة 💔 وبس هذي ولادتي وادري طولت عليكم 😂💔💔