الحمد لله اولا واخيرا طبعا متل ما بتعرفوا الي اسبوع بجرب اشياء تجيب الطلق ولا شي كان يفيد الجمعة اللي فاتت رحت عالمستشفى وكشفت وكان 2 سم ومن وقتها وانا اشرب حليب مع زنجبيل وقرفة ومغلي الهيل وشربت على مرتين خروع بس بكمية قليلة وما حسيته نفع والاحد نزلت السدادة بالليل والاخوات بشروني انه ولادتي قريبة والحمد لله فعلا كانت قريبة يوم الخميس بالليل كنت خلص تعبانة وبدي اولد شربت علبة خروع كاملة وبعدها شربت يانسون ونمت وصحيت الساعة 7 الصبح على وجع كان يشف شف متأكدة انه وجع طلق لكن ضل نص ساعة منتظم وبعدها راح ونمت وصحيت الضهر ع وجع دورة خفييييييف لا يكاد يذكر ومش منتظم ابدا ولكن الغريب انه بطني كان يحجر كل 5 دقائق بالضبط اخواتي وامي عالواتس كانوا يقنعوني انه طلق بارد واروح عالمستشفى لكن انا ما اقتنعت نهائيا لانه ما في وجع ابدا اختفى ما في ! قلت بروح اليوم اللي بعده بس ارادة ربنا فوق كل شي دخلت الحمام الساعة 4 ولقيت افرازات عالفوطة اليومية مبللة الفوطة كنت بسأل بحالي شو هاد فجأة مية الراس نزلت وانا ارتعبت لانه نزلت وما عندي وجع واكيد رح اعاني مع الطلق الصناعي واعيط وادعي يا رب اجعلها ساعة سهلة رحت المستشفى والمفاجأة انه التوسع 7 سم ومن هون بحكي للكل انه ما تستهينوا بتحجير البطن المنتظم لانه طلق بالمستشفى حطولي الطلق الصناعي بابرة لمدة تلت ساعة وولدت كانت احلا لحظات بحياتي استمتعت بولادتي وبخروج بنتي للحياة واستمتعت لما حملتها حسيت فعلا انه هيك الولادة يا بلا لما يشد الطلق احكي يا رب وربنا ما تركني ابدا لو اضل احكي الحمد لله من هون لبكرا ما لازم اخلص الله يا رب ارزق كل وحدة هون بولادة متل ولادتي يا رب يا كريم